Ɖìvéɖékɔ̀ 21
21
Gma ɓě ɓá sáa-zà-nyɔ̀ ɓěɔ̀ jè dyíɛ
1Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, “Cɛ̃ɛ Eɖóún dyú-gàà ɓě mɔ̀à sáa-zà-nyɔ̀ ɓěɔ̀ kɛɛ gbo kà ḿ ɖá sáa-zà-nyɔ̀ ɖò ní ɖá ɓɛ́ ɔ ké ɔ gbǒ-xwíníín-nyɔ̀ ɖò ɓɛ́ ɔ mɛ́ kɛɛ xwɛ́ɔ̀ bũ̌in xwɛ̃́ìn, ɔ ní kɔ̃̀ ɖà ɔ mìɔùn se-mú-hwɛ̀-nyɔ̀ mú nyu. 2-3Ɔ mɛ ɓɔ́ɔ náa nyuɛ, ɔ sèìn ɔ gbǒ-xwíníín-nyɔ̀ xwɛ̃́ìn ɔ bũ̌in mìɔ kɛ. Ɔ hwɔìn kà ɔ xwíníín-zà-ɖè mɔɔ ɔ xwíníín-zà-ɓǎ mɔɔ ɔ dyú-gàà mɔɔ ɔ dyú-màà mɔɔ ɔ ɖíí-gàà wóɖó-ɖɛ̌ǐn wóɖó-ɓǎǔn mɔɔ ɔ ɖíí-màà wóɖó-ɖɛ̌ǐn wóɖó-ɓǎǔn ɓɛ́ ɔ séè gàa jè dyuò, ké ɔ ɖíí-gààɔ̀ mɔ̀ ɔ gbo-gmɔ̀-nyɔ̀, sepóɛɖé ɔ séè dyú-ɓǎ ɓéɖé jè kɛ. 4Kɛɛ ɔ mɛ ɓɔ́ ɔ mìɔùn se-mú-hwɛ̀-nyɔ̀ mú nyuɛ ɓó ɔ bùǐ-nyɔ̀ ɖòɛ̀ xwɛ́ jè.
5“Ti ɓɛ́ sáa-zà-nyɔ̀ ɖò mu vĩ̌ɛń nììn ɓó xwɛ́ kpá ɔ gboɛ jèɛɛ, ɔ ní ɖá ɓɛ́ ɔ ké ɔ míɔ̀ múin cɛ̃, mɔɔ ɓɛ́ ɔ ké ɔ vɛ̃̌ɔ̀ kɔ̃in cɛ̃, mɔɔ ɓɛ́ ɔ ké ɔ mìɔùn ɖɛ ɖò dyi ɖaɓaìn. 6Kɛɛ ɔ ɓéɖé ɓɛ́ ɔ ké mú hwɛ̀ ɓó ḿ bìì kánáá pū, ké ɔ ní ɖá ɓɛ́ ɔ ké ní nyɛ́nɛ́ɔ̀ dyíin nyìnììn. Ɔ mɔ̀ ɖii-ɖɛ̀-nyìǐ-ɖɛ̀ ɓě ɓɛ́ nyɔ ɓěɔ̀ dyà ḿ gboɛɛ sáa-zàìn-nyɔ̀ jèɛɛ, ɔ ɓéɖé ɓɛ́ ɔ ké mú hwɛ̀.
7“Sáa-zà-nyɔ̀ ɖò ní ɖá ɓɛ́ ɔ ké gbàɖàùn-màà mɔɔ gmaɖe-po-màà mɔɔ màa ɓɛ́ ɔ kè ɔ dyú-ɓǎ ɖǎ ɓɔ́ìn nyɛɛ ɖò dyi kpɔ̃, sepóɛɖé ɔ hwɛ̀ mú ɓó ḿ bìì. 8M̀ kè Éézùɖùɛ̀-dyù ɓěɔ̀ mɛ dyéɛ jè gbo, ɓɛ́ sáa-zà-nyɔ̀ɔ̀ ké mú hwɛ̀ kánáá pū, sepóɛɖé ɔ mɔ̀ ɖii-ɖɛ̀-nyìǐ-ɖɛ̀ ɓě ɓɛ́ ɓě dyà ḿ gboɛɛ sáa-zàìn-nyɔ̀. Ɓě mɛ nyuɛ náa, sepóɛɖé mɔ̄ mɔ̀à Bounɓo ɓɛ́ ḿ poà ɓě wákáa, ḿ hwɛ̀ mú. 9Ɔ jǔ ké sáa-zà-nyɔ̀ ɓěɔ̀ ɖòɛ̀ dyú-màà ɖò dyi ɔ mìɔùn se-mú-hwɛ̀-nyɔ̀ mú nyu dyììn ɖé gbàɖàùn-po-po mú ní, ɔ zàìn ɔ ɓǎ zùǔn. Ɔ jèɛɛ, wa ɓéɖé ɓɛ́ wa ké ɔ fɔ̃, ɓɛ́ ɔ ké sĩɛ hwɛ̀.
10“Ɓá sáa-zà-nyɔ̀ vɛ̀nɛ̀ɔ̀ jè dyíɛɛ, ḿ ɖǎ ɔ cáná dúún po, ké ḿ ɖǎ ɔ sáa-zà-nyɔ̀ vɛ̀nɛ̀ nììn mú-po-ɖɔ̀ ɓě nyí, ɓɛ́ ɔ ké wáká kpá. Ɔ jèɛɛ, ti ɓɛ́ ɔ mu vĩ̌ɛń nììn ɓó xwɛ́ kpá ɔ gboɛ jèɛɛ, ɔ mɛ po ɔ míɔ̀ dya, ké ɔ ní ɖá ɓɛ́ ɔ ké ɔ mìɔùn ɖɔún dyi fáìn. 11Ké ɔ ní ɖá ɓɛ́ ɔ ké xwɛ́ ɖò bũ̌in xwɛ̃́ìn, ɔ ní kɔ̃̀ ɖà ɔ mìɔùn se-mú-hwɛ̀-nyɔ̀ mú nyu. Kɛbì ɔ mɛ mɔ̀ ɔ xwíníín-zà-ɖè mɔɔ ɔ xwíníín-zà-ɓǎ xwɛ́ kɛɛ, ɔ mɛ ɓɔ́ ɖɛ ɓěɛ̀ ɖò nyuɛ ɓó wa jè. 12Ké ɔ ní ɖá ɓɛ́ ɔ ké ní jàɖàìn-gbò hwɛ̀ǐn-hwɛ̀ǐnɔ̀ kɔ̃̀pã́ùnɔ̀ zùǔn zàìn dyììn ɖé ɔ kɔ̃̀pã́ùnɔ̀ mú-sɔ̀-sɔ̀ mú. Ɔ mɛ ɓɔ́ ɖɛ ɓěɛ̀ ɖò nyuɛ ɓá nyɔ ɖòɛ̀ xwɛ́ jè wìǐn-kpá-kpá dyí, sepóɛɖé ḿ ɖǎ ɔ wáká po dyììn ɖé ɔ ní cánáɔ̀ ɔ dúún-po-po mú. Ɔ mɛ ɓɔ́ ɖɛ ɓěɛ̀ ɖò nyuɛ, sepóɛɖé mɔ̄ mɔ̀ Bounɓoɔ̀.
13“Sáa-zà-nyɔ̀ vɛ̀nɛ̀ɔ̀ mɛ kpɔ̃ màa ɓɛ́ ɔ séè gàa jè dyuòɛɛ dyi. 14Ɔ mɛ ɓɔ́ jɔ̌ɔ̀-màà mɔɔ màa ɓɛ́ ɔ kè ɔ dyú-ɓǎ ɖǎ ɓɔ́ìn nyɛ mɔɔ gbàɖàùn-màà ɖò dyi kpɔ̃ɔ, kɛɛ ɔ mɛ kpɔ̃ Éézùɖùɛ̀-màà ɖò ɓɛ́ ɔ séè gàa jè dyuòɛɛ ɖòùn dyi, 15ɓɛ́ ɔ xwíníín-dyù ɓě ní kɔ̃̀ ɖà se-mú-hwɛ̀-nyɔ̀ jǔ ɖé Éézùɖùɛ̀-dyù ɓěɔ̀ hwìɛ̀. Ɔ mɛ nyuɛ náa, sepóɛɖé mɔ̄ Bounɓoɔ̀ mɔ̀ nyɔ poà ɔ wáká kɛ̀.”
16Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 17“Cɛ̃ɛ Eɖóún gbo kà ḿ ɖá ɔ jǔ ké ɔ xwíníín-zà-dyù-gàà ɓěɔ̀ ɖòɛ̀ kpóɖó-dyùàɔ̀ dà ɖò dyi kɛɛ ɖò ɓéɖé ní, nìí, ɔ mɛ ɓɔ́ ḿ bũ̌in xwɛ̃́ìn, ɓɛ́ ɔ ké ɖii-ɖɛ̀-nyìǐ-ɖɛ̀ ɖò sáa zàìn ɓó ḿ bìì. 18Sáa-zà-nyɔ̀ ɖò ɓɛ́ ɔ kɔ́ dyíɛɛ mɛ ɓɔ́ sáa-zàìn-ɖɛ̀ ɖò nyuɛ. Wa mɔ̀ nyɔ ɓě hwɔìn kà nyɔ ɓɛ́ ɔ kpè dyéɖéín dyiɛ mɔɔ nyɔ ɓɛ́ ɔ nàìn gbùàǔn wɛ̃ mɔɔ nyɔ ɓɛ́ ɔ dyúa-kpà kɔ́ dyíɛ mɔɔ nyɔ ɓɛ́ ɔ kpóɖó-dyùàɔ̀ dà ɖò kɔ́ dyíɛ 19mɔɔ nyɔ ɓɛ́ ɔ ɓo ɖò mɔɔ ɔ sɔ̃ ɖò kɔ́ɖɔ́ɛ 20mɔɔ nyɔ ɓɛ́ ɔ nì gbu kɔ̃ún wɛ̃ mɔɔ nyɔ ɓɛ́ ɔ mɔ̀ ɓɛ́-ná-ɓòò-ɓíɖí-nyɔ̀ɛ mɔɔ nyɔ ɓɛ́ ɔ ɓéɖé dyéɖé-wɛ̀ ɖòɛ mɔɔ nyɔ ɓɛ́ ɔ ɓéɖé caà-wɛ̀ ɖòɛ mɔɔ nyɔ ɓɛ́ ɔ kɔ̃̀ dě wɛ̀ kɛ. 21Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛɛ xwíníín-zà-dyù-gàà ɓěɔ̀ ɖò ɓɛ́ ɔ kɔ́ dyíɛɛ mɛ ɓɔ́ ḿ bũ̌in xwɛ̃́ìn, ɓɛ́ ɔ ké sáa-zàìn-ɖɛ̀ ɖò nyu ɓó ḿ bìì. Ɔ kɔ́ dyí jèɛɛ, ɔ mɛ ɓɔ́ ḿ bũ̌in xwɛ̃́ìn, ɓɛ́ ɔ ké ḿ bìì ɖii-ɖɛ̀-nyìǐ-ɖɛ̀ ɖò sáa zàìn. 22Sáa-zà-nyɔ̀ ɓɛ́ ɔ kɔ́ dyíɛɛ ɓɛ́ìn ɖii-ɖɛ̀-nyìǐ-ɖɛ̀ hwɛ̀ǐn-hwɛ̀ǐn ɓě kè ɖii-ɖɛ̀-nyìǐ-ɖɛ̀ ɓě hwɛ̀ mú mìɔ ɓɛ́ nyɔ ɓěɔ̀ nyí ḿ wɛ̃ɛ ɖò ɖiɛ ɖòùn pū.#21:22 Ɖii-ɖɛ̀-nyìǐ-ɖɛ̀ hwɛ̀ǐn-hwɛ̀ǐnɔ̀ ɓɛ́ìn gbo-kpɔ̃ìn-sàǎ-zàìn-ɖɛ̀ɔ̀ wáká kpa ɖɛ ɓě ɓɛ́ wa nyí sáa-zà-nyɔ̀ ɓěɔ̀ kɛɛ jǔɛ. Ɖii-ɖɛ̀-nyìǐ-ɖɛ̀ hwɛ̀ mú mìɔɔ̀ mɔ̀ sáa-zàìn-ɖɛ̀ɔ̀ wáká séín ɓɛ́ sáa-zà-nyɔ̀ ɓěɔ̀ kɔ̃̀ kɛ. 23Kɛɛ ɔ kɔ́ dyí jèɛɛ, ɔ mɛ ɓɔ́ faà-ɖɔ̀ ɓáà ɖé jàɖàìn-gbòɔ̀ mú dyiíɛɛ bũ̌in xwɛ̃́ìn, hwɛ̀ ḿ po níiń, sáa-kɔ̃-zàìn-gbààɔ̀, ɔ ní kɔ̃̀ ɖà ní ɖɛ hwɛ̀ǐn-hwɛ̀ǐn ɓěɛ̀ zùǔn zàìn. Sáa-zà-nyɔ̀ ɓě ɓɛ́ wa kɔ́à dyíɛɛ mɛ ɓɔ́ ɖɛ ɓěɛ̀ nyuɛ, sepóɛɖé mɔ̄ mɔ̀à Bounɓo mɔ̀ nyɔ poà wa wáká kɛ̀.”
24Ɔ jèɛɛ, Mózè cɛ̃ ma ɖɛ ɓěɛ̀ Eɖóún kè ɔ dyú-gàà ɓěɔ̀ kè Éézùɖùɛ̀-nyɔ̀ séín ɓěɔ̀ gbo.
Currently Selected:
Ɖìvéɖékɔ̀ 21: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 21
21
Gma ɓě ɓá sáa-zà-nyɔ̀ ɓěɔ̀ jè dyíɛ
1Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, “Cɛ̃ɛ Eɖóún dyú-gàà ɓě mɔ̀à sáa-zà-nyɔ̀ ɓěɔ̀ kɛɛ gbo kà ḿ ɖá sáa-zà-nyɔ̀ ɖò ní ɖá ɓɛ́ ɔ ké ɔ gbǒ-xwíníín-nyɔ̀ ɖò ɓɛ́ ɔ mɛ́ kɛɛ xwɛ́ɔ̀ bũ̌in xwɛ̃́ìn, ɔ ní kɔ̃̀ ɖà ɔ mìɔùn se-mú-hwɛ̀-nyɔ̀ mú nyu. 2-3Ɔ mɛ ɓɔ́ɔ náa nyuɛ, ɔ sèìn ɔ gbǒ-xwíníín-nyɔ̀ xwɛ̃́ìn ɔ bũ̌in mìɔ kɛ. Ɔ hwɔìn kà ɔ xwíníín-zà-ɖè mɔɔ ɔ xwíníín-zà-ɓǎ mɔɔ ɔ dyú-gàà mɔɔ ɔ dyú-màà mɔɔ ɔ ɖíí-gàà wóɖó-ɖɛ̌ǐn wóɖó-ɓǎǔn mɔɔ ɔ ɖíí-màà wóɖó-ɖɛ̌ǐn wóɖó-ɓǎǔn ɓɛ́ ɔ séè gàa jè dyuò, ké ɔ ɖíí-gààɔ̀ mɔ̀ ɔ gbo-gmɔ̀-nyɔ̀, sepóɛɖé ɔ séè dyú-ɓǎ ɓéɖé jè kɛ. 4Kɛɛ ɔ mɛ ɓɔ́ ɔ mìɔùn se-mú-hwɛ̀-nyɔ̀ mú nyuɛ ɓó ɔ bùǐ-nyɔ̀ ɖòɛ̀ xwɛ́ jè.
5“Ti ɓɛ́ sáa-zà-nyɔ̀ ɖò mu vĩ̌ɛń nììn ɓó xwɛ́ kpá ɔ gboɛ jèɛɛ, ɔ ní ɖá ɓɛ́ ɔ ké ɔ míɔ̀ múin cɛ̃, mɔɔ ɓɛ́ ɔ ké ɔ vɛ̃̌ɔ̀ kɔ̃in cɛ̃, mɔɔ ɓɛ́ ɔ ké ɔ mìɔùn ɖɛ ɖò dyi ɖaɓaìn. 6Kɛɛ ɔ ɓéɖé ɓɛ́ ɔ ké mú hwɛ̀ ɓó ḿ bìì kánáá pū, ké ɔ ní ɖá ɓɛ́ ɔ ké ní nyɛ́nɛ́ɔ̀ dyíin nyìnììn. Ɔ mɔ̀ ɖii-ɖɛ̀-nyìǐ-ɖɛ̀ ɓě ɓɛ́ nyɔ ɓěɔ̀ dyà ḿ gboɛɛ sáa-zàìn-nyɔ̀ jèɛɛ, ɔ ɓéɖé ɓɛ́ ɔ ké mú hwɛ̀.
7“Sáa-zà-nyɔ̀ ɖò ní ɖá ɓɛ́ ɔ ké gbàɖàùn-màà mɔɔ gmaɖe-po-màà mɔɔ màa ɓɛ́ ɔ kè ɔ dyú-ɓǎ ɖǎ ɓɔ́ìn nyɛɛ ɖò dyi kpɔ̃, sepóɛɖé ɔ hwɛ̀ mú ɓó ḿ bìì. 8M̀ kè Éézùɖùɛ̀-dyù ɓěɔ̀ mɛ dyéɛ jè gbo, ɓɛ́ sáa-zà-nyɔ̀ɔ̀ ké mú hwɛ̀ kánáá pū, sepóɛɖé ɔ mɔ̀ ɖii-ɖɛ̀-nyìǐ-ɖɛ̀ ɓě ɓɛ́ ɓě dyà ḿ gboɛɛ sáa-zàìn-nyɔ̀. Ɓě mɛ nyuɛ náa, sepóɛɖé mɔ̄ mɔ̀à Bounɓo ɓɛ́ ḿ poà ɓě wákáa, ḿ hwɛ̀ mú. 9Ɔ jǔ ké sáa-zà-nyɔ̀ ɓěɔ̀ ɖòɛ̀ dyú-màà ɖò dyi ɔ mìɔùn se-mú-hwɛ̀-nyɔ̀ mú nyu dyììn ɖé gbàɖàùn-po-po mú ní, ɔ zàìn ɔ ɓǎ zùǔn. Ɔ jèɛɛ, wa ɓéɖé ɓɛ́ wa ké ɔ fɔ̃, ɓɛ́ ɔ ké sĩɛ hwɛ̀.
10“Ɓá sáa-zà-nyɔ̀ vɛ̀nɛ̀ɔ̀ jè dyíɛɛ, ḿ ɖǎ ɔ cáná dúún po, ké ḿ ɖǎ ɔ sáa-zà-nyɔ̀ vɛ̀nɛ̀ nììn mú-po-ɖɔ̀ ɓě nyí, ɓɛ́ ɔ ké wáká kpá. Ɔ jèɛɛ, ti ɓɛ́ ɔ mu vĩ̌ɛń nììn ɓó xwɛ́ kpá ɔ gboɛ jèɛɛ, ɔ mɛ po ɔ míɔ̀ dya, ké ɔ ní ɖá ɓɛ́ ɔ ké ɔ mìɔùn ɖɔún dyi fáìn. 11Ké ɔ ní ɖá ɓɛ́ ɔ ké xwɛ́ ɖò bũ̌in xwɛ̃́ìn, ɔ ní kɔ̃̀ ɖà ɔ mìɔùn se-mú-hwɛ̀-nyɔ̀ mú nyu. Kɛbì ɔ mɛ mɔ̀ ɔ xwíníín-zà-ɖè mɔɔ ɔ xwíníín-zà-ɓǎ xwɛ́ kɛɛ, ɔ mɛ ɓɔ́ ɖɛ ɓěɛ̀ ɖò nyuɛ ɓó wa jè. 12Ké ɔ ní ɖá ɓɛ́ ɔ ké ní jàɖàìn-gbò hwɛ̀ǐn-hwɛ̀ǐnɔ̀ kɔ̃̀pã́ùnɔ̀ zùǔn zàìn dyììn ɖé ɔ kɔ̃̀pã́ùnɔ̀ mú-sɔ̀-sɔ̀ mú. Ɔ mɛ ɓɔ́ ɖɛ ɓěɛ̀ ɖò nyuɛ ɓá nyɔ ɖòɛ̀ xwɛ́ jè wìǐn-kpá-kpá dyí, sepóɛɖé ḿ ɖǎ ɔ wáká po dyììn ɖé ɔ ní cánáɔ̀ ɔ dúún-po-po mú. Ɔ mɛ ɓɔ́ ɖɛ ɓěɛ̀ ɖò nyuɛ, sepóɛɖé mɔ̄ mɔ̀ Bounɓoɔ̀.
13“Sáa-zà-nyɔ̀ vɛ̀nɛ̀ɔ̀ mɛ kpɔ̃ màa ɓɛ́ ɔ séè gàa jè dyuòɛɛ dyi. 14Ɔ mɛ ɓɔ́ jɔ̌ɔ̀-màà mɔɔ màa ɓɛ́ ɔ kè ɔ dyú-ɓǎ ɖǎ ɓɔ́ìn nyɛ mɔɔ gbàɖàùn-màà ɖò dyi kpɔ̃ɔ, kɛɛ ɔ mɛ kpɔ̃ Éézùɖùɛ̀-màà ɖò ɓɛ́ ɔ séè gàa jè dyuòɛɛ ɖòùn dyi, 15ɓɛ́ ɔ xwíníín-dyù ɓě ní kɔ̃̀ ɖà se-mú-hwɛ̀-nyɔ̀ jǔ ɖé Éézùɖùɛ̀-dyù ɓěɔ̀ hwìɛ̀. Ɔ mɛ nyuɛ náa, sepóɛɖé mɔ̄ Bounɓoɔ̀ mɔ̀ nyɔ poà ɔ wáká kɛ̀.”
16Hwɛ̀ ké Bounɓoɔ̀ wùɖù ma Mózè gbo ɖe, ké ɔ ɖá, 17“Cɛ̃ɛ Eɖóún gbo kà ḿ ɖá ɔ jǔ ké ɔ xwíníín-zà-dyù-gàà ɓěɔ̀ ɖòɛ̀ kpóɖó-dyùàɔ̀ dà ɖò dyi kɛɛ ɖò ɓéɖé ní, nìí, ɔ mɛ ɓɔ́ ḿ bũ̌in xwɛ̃́ìn, ɓɛ́ ɔ ké ɖii-ɖɛ̀-nyìǐ-ɖɛ̀ ɖò sáa zàìn ɓó ḿ bìì. 18Sáa-zà-nyɔ̀ ɖò ɓɛ́ ɔ kɔ́ dyíɛɛ mɛ ɓɔ́ sáa-zàìn-ɖɛ̀ ɖò nyuɛ. Wa mɔ̀ nyɔ ɓě hwɔìn kà nyɔ ɓɛ́ ɔ kpè dyéɖéín dyiɛ mɔɔ nyɔ ɓɛ́ ɔ nàìn gbùàǔn wɛ̃ mɔɔ nyɔ ɓɛ́ ɔ dyúa-kpà kɔ́ dyíɛ mɔɔ nyɔ ɓɛ́ ɔ kpóɖó-dyùàɔ̀ dà ɖò kɔ́ dyíɛ 19mɔɔ nyɔ ɓɛ́ ɔ ɓo ɖò mɔɔ ɔ sɔ̃ ɖò kɔ́ɖɔ́ɛ 20mɔɔ nyɔ ɓɛ́ ɔ nì gbu kɔ̃ún wɛ̃ mɔɔ nyɔ ɓɛ́ ɔ mɔ̀ ɓɛ́-ná-ɓòò-ɓíɖí-nyɔ̀ɛ mɔɔ nyɔ ɓɛ́ ɔ ɓéɖé dyéɖé-wɛ̀ ɖòɛ mɔɔ nyɔ ɓɛ́ ɔ ɓéɖé caà-wɛ̀ ɖòɛ mɔɔ nyɔ ɓɛ́ ɔ kɔ̃̀ dě wɛ̀ kɛ. 21Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛɛ xwíníín-zà-dyù-gàà ɓěɔ̀ ɖò ɓɛ́ ɔ kɔ́ dyíɛɛ mɛ ɓɔ́ ḿ bũ̌in xwɛ̃́ìn, ɓɛ́ ɔ ké sáa-zàìn-ɖɛ̀ ɖò nyu ɓó ḿ bìì. Ɔ kɔ́ dyí jèɛɛ, ɔ mɛ ɓɔ́ ḿ bũ̌in xwɛ̃́ìn, ɓɛ́ ɔ ké ḿ bìì ɖii-ɖɛ̀-nyìǐ-ɖɛ̀ ɖò sáa zàìn. 22Sáa-zà-nyɔ̀ ɓɛ́ ɔ kɔ́ dyíɛɛ ɓɛ́ìn ɖii-ɖɛ̀-nyìǐ-ɖɛ̀ hwɛ̀ǐn-hwɛ̀ǐn ɓě kè ɖii-ɖɛ̀-nyìǐ-ɖɛ̀ ɓě hwɛ̀ mú mìɔ ɓɛ́ nyɔ ɓěɔ̀ nyí ḿ wɛ̃ɛ ɖò ɖiɛ ɖòùn pū.#21:22 Ɖii-ɖɛ̀-nyìǐ-ɖɛ̀ hwɛ̀ǐn-hwɛ̀ǐnɔ̀ ɓɛ́ìn gbo-kpɔ̃ìn-sàǎ-zàìn-ɖɛ̀ɔ̀ wáká kpa ɖɛ ɓě ɓɛ́ wa nyí sáa-zà-nyɔ̀ ɓěɔ̀ kɛɛ jǔɛ. Ɖii-ɖɛ̀-nyìǐ-ɖɛ̀ hwɛ̀ mú mìɔɔ̀ mɔ̀ sáa-zàìn-ɖɛ̀ɔ̀ wáká séín ɓɛ́ sáa-zà-nyɔ̀ ɓěɔ̀ kɔ̃̀ kɛ. 23Kɛɛ ɔ kɔ́ dyí jèɛɛ, ɔ mɛ ɓɔ́ faà-ɖɔ̀ ɓáà ɖé jàɖàìn-gbòɔ̀ mú dyiíɛɛ bũ̌in xwɛ̃́ìn, hwɛ̀ ḿ po níiń, sáa-kɔ̃-zàìn-gbààɔ̀, ɔ ní kɔ̃̀ ɖà ní ɖɛ hwɛ̀ǐn-hwɛ̀ǐn ɓěɛ̀ zùǔn zàìn. Sáa-zà-nyɔ̀ ɓě ɓɛ́ wa kɔ́à dyíɛɛ mɛ ɓɔ́ ɖɛ ɓěɛ̀ nyuɛ, sepóɛɖé mɔ̄ mɔ̀à Bounɓo mɔ̀ nyɔ poà wa wáká kɛ̀.”
24Ɔ jèɛɛ, Mózè cɛ̃ ma ɖɛ ɓěɛ̀ Eɖóún kè ɔ dyú-gàà ɓěɔ̀ kè Éézùɖùɛ̀-nyɔ̀ séín ɓěɔ̀ gbo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.