Hàbákù Hàbákù-cèè-ɖɛ̀ɔ̀ jè kɔ̃in-zaìn-zaìn
Hàbákù-cèè-ɖɛ̀ɔ̀ jè kɔ̃in-zaìn-zaìn
Wuɖu ɓě nìà Hàbákù-cèè-ɖɛ̀ɛ̀ múɛɛ mɔ̀ ɖɛ ɓě Hàbákù mɔ̀à kpáá-ɖɛ̀-cɛ̃-nyɔ̀ɔ̀ kɛɛ cɛ̃ ma, ké zɔ̃ hɔ̃dɛ̀ɖɛ̀ mɛ̀nɛ̌ìn-ɖò kè zi kɔ̃ zi ma hwɛ̀ ɓɛ́ Jízɛ̀ dyi ma wóɖóɛ. Ɓó tia ɓaɖaa, Báɓèɖɔ́ùn-nyɔ̀ ɓěɔ̀ mɔ̀ nyɔ kɔ̃̀ ma ɓóɖó ɓěɔ̀ wuɖuí. Báɓèɖɔ́ùn-nyɔ̀ ɓěɔ̀ mɔ̀ ma nyɔ-ɖɛ-gana-xwa-zàìn-nyɔ̀ ɓě kè hwòɖǒ-kɔ̃in-nyìnììn-nyɔ̀ ɓě. Waà kpeɖe ɓěɔ̀ nyùìn ma Hàbákù fũ̀à-fṹá mìɔ jèɛɛ, ɔ diè ma Bounɓoɔ̀ dyi, ké ɔ ɖá, “Ɖɛ́ kɔ̃̀ jè m̀ nìà gìɖìǐ, ɓɛ́ hwòɖǒ-kɔ̃in-nyìnììn-nyɔ̀ ɓěɛ̀ dyià nyɔ ɓě sɛ́ɖɛ́ìn dyí ké ɔ zi wa mɔ̀ùn dyíɛɛ kpã mànàìn nyɛ́?” (Hàbákù 1:13). Bounɓoɔ̀ gɔ̃̌-jǔ-wùɖùɔ̀ mɔ̀ kà ɔ mu ɖɛ ɖò nyuùn ɓá ɖɛ ɓěa jè dyí ɖé ti ɔ ɖǎ gbɔ poɛɛ múɛ. Ɔ ɖá, “Nyɔ ɓě nyìnììn kà hwòɖǒ kɔ̃in nyɛɛ se cĩ́ɛ mu. Kɛɛ nyɔ ɓě sɛ́ɖɛ́ìn dyíɛɛ mu cĩ́ìn, sepóɛɖé wa taɓa Gèɖèpɔ́ɔ̀ hwìɖǐǐ” (2:4).
Ɖé Hàbákùɛ̀ céè-ɖɛ̀ɔ̀ mánáín nyɛɛ, ɔ cɛ̃ɛ kà ɓɛ́ nyɔ ɓě se dyí sɛ́ɖɛ́ìn nyɛɛ mu mú gbɔɔ̀ùn wɛ̃. Ɔ cɛ̃ Gèɖèpɔ́ɔ̀ dĩ́ín-dĩ̀ìnɔ̀ kè kà ɔ nyu Gèɖèpɔ́ɔ̀ hwìɖǐǐ taɓaa kɛɛ jè ɖé wɛ́ɖɛ́ kè fɔ̀nɔ̀-hwòɖǒ-wùɖù ɓě mú.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Hàbákùɛ̀ ka-ka kè Bounɓoɔ̀ gɔ̃̌-jǔ-wùɖù. 1:1–2:4
2. Nyɔ ɓě se dyí sɛ́ɖɛ́ìn nyɛɛ mú-gbɔɔ̀-gbɔɔ̀. 2:5-20
3. Hàbákùɛ̀ ɓaà-wùɖùɔ̀. 3:1-19
Currently Selected:
Hàbákù Hàbákù-cèè-ɖɛ̀ɔ̀ jè kɔ̃in-zaìn-zaìn: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.