Hàbákù 2
2
Bounɓoɔ̀ jǔ Hàbákù gɔ̃̌ ɖe
1Ní mu ɖé hwɔɖɔ-dyí-gmɔ̀ìn-gbòɔ̀ dya dyáùn, ɓɛ́ ḿ ké fò, ɓɛ́ ḿ kéɛ dyé kà Bounɓoɔ̀ mu ní ka-wùɖùɔ̀ gɔ̃̌ jǔùn wɛ̃.
2Hwɛ̀ ké Bounɓoɔ̀ jǔ ma ḿ gɔ̃̌, ké ɔ ɖá, “Céè ɖɛ ḿ nìà m̀ gbo cɛ̃iń dyììn ɖé dyí-tɛ̀mɛ̀ìn-ɖɛ̀ múɛɛ ɓíɖíi nɔ̀mɔ̀ dyíin ɓó sɔ́ɔ́-pĩ̀à ɓě kɔ̃, ɓɛ́ nyɔ muɛ kɔ̃ gmɔ̀ùn wɛ̃ɛ kéɛ wuɖuún zàà ɓɛ́ìn wàɖà.#2:2 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 3Céè wuɖu ɓěɔ̀ ɓíɖíi, sepóɛɖé ɖɛ ḿ nìà cɛ̃iń nyɛɛ séè kpáa mu ke. Kɛɛ ɔ se ná sèɛ̌ mu, ké ɔ mu kpáùn wàɖà. Kɛbì ɔ kpá-kpáɔ̀ mɛ mɛɛ̀ ɖé m̀ dyéɖéín nyɛɛ, m̀ mɛ fòèɛ̀n, sepóɛɖé ɔ mu kpáùn wɛ̃́ɛ́ ɓó ti ḿ ɖǎ dyí sɔ́ɛɛ xwíníín. 4Ɖɛ m̀ kéà céèɛɛ kɛà kɛ̀: ‘Nyɔ ɓě nyìnììn kà hwòɖǒ kɔ̃in nyɛɛ se cĩ́ɛ mu. Kɛɛ nyɔ ɓě sɛ́ɖɛ́ìn dyíɛɛ mu cĩ́ìn dyììn ɖé ḿ hwìɖǐǐ-taɓa-taɓa mú.’ ”
Se-dyí-sɛ́ɖɛ́ìn-nyɔ̀ ɓěɔ̀ mú-gbɔɔ̀-gbɔɔ̀
5Wã́ìn mɔ̀ nyɔ-cá-nyɔ̀. Kà dyúáɖòɔ̀ kàǎ Báɓèɖɔ́ùn-nyɔ̀ ɓěɔ̀, wa mìɔùn dyí-ɓúáìn-ɓúáìnɔ̀ cá wa. Wa mɔ́ ɖɛ séín, ké wa se fɔ̀-fɔ̀ ɖò ɓéɖé. Wa kè gĩɔ mìɔ-kpo hwɔìn ní, sepóɛɖé waà hwòɖǒ ní dè dyi. Ɔ kɔ̃̀ jè wa dyià ɓóɖó-dù ɖò toún ɖu ní, wa mɔ́à ɖò toún ɖuɛ dyi ɖeɛ̀.#2:5 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 6Nyɔ ɓě ɓɛ́ Báɓèɖɔ́ùn-nyɔ̀ ɓěɔ̀ ɖuà toún wɛ̃ɛ mu wa dyɔ́ ɓaɖaùn, ɓɛ́ wa ké níiń, “Ɓě ɖú ɖɛ ɓě ɓɛ́ ɓě se kɔ̃̀ kɛɛ dyí. Ɔ jèɛɛ, gǎ mu ɓě kɔ̃ dyiìn. Ti jĩ̀ xwɛ̌ ɓě mu bãa-ɖɛ̀ dyí poìn dyììn ɖé nyɔ ɓě ɓɛ́ wa ɓéɖé ɓěɛ̀ kpaa kpáná se dyí sɛ́ɖɛ́ìn nyɛɛ kɔ̃ún po-po múɛ́?”
7Wàɖà cá ní, nyɔ ɓě ɓɛ́ ɓě zàà wíɖí xwaa mu ɓě ganaún kpɔ̃̀ìn, ké ɓě mu ɓěɛ̀ kpaɔ̀ ɖɛ kɔ̃in poùn. Ɓěɛ̀ kpa-nyɔ̀ ɓěɔ̀ mu ɓě kɔ̃ dyiìn, ké wa muɛ nyuùn ɓɛ́ dyɔɔ̀ ké ɓě gbɔi tɛɖɛ. Ké wa mu ɓě hwuùn. 8Nyɔ ɓě sèà ɓíɖíi, ɓɛ́ wa seà mɛ́ɛ mu ɓě hwuùn, sepóɛɖé ɓě ɖǎ ɓóɖó-dù ɓáún-ɓáún hwu, ké ɓě ɖǎ waà nyɔǔn-dyù pàɖǎ ɖáɓá, ké ɓě ɖǎ waà ɓóɖó ɓěɔ̀ kè waà hwɔɖɔ ɓěɔ̀ ɖɛ gbà bũ̌ nyu jè.
9Gǎ mu ɓě kɔ̃ dyiìn, sepóɛɖé ɓě ɖǎ ɓěɛ̀ ɓíɖí-gbǒ-xwíníín-nyɔ̀ ɓě bã̀ìn dyììn ɖé ɖɛ ɓě ɓɛ́ ɓě zàà nyɔǔn ɓě xwai gana-kà kɛɛ mú, ké ɓě ɖǎ gbǒ nɔ̀mɔ̀ kɔ̃in ɓě po, ɓɛ́ wa ké ɓěɛ̀ ɓíɖí-taún-nyɔ̀ ɓěɔ̀ dyí gmɔ̀, ɓɛ́ ɖɛ gbà ɖò ké se wa gbo kpá. 10Kɛɛ ɓě mɛ dyuòɛ̀ kà ɓěɛ̀ nyuu-ɖɛ̀ ɓěɔ̀ ɖǎ ɓěɛ̀ ɓíɖí-gbǒ-xwíníín-nyɔ̀ ɓěɔ̀ dɛ̃ kɔ̃ dyàa. Dyììn ɖé ɓóɖó-dù ɓáún-ɓáún mú-gbɔɔ̀-gbɔɔ̀ múɛɛ, ɓě ɖǎ ɓě mìɔùn mú-gbɔɔ̀-gbɔɔ̀ kɔ̃ dyà. 11Ké sɔ́ɔ́ ɓě nìà ɓěɛ̀ gbǒ ɓěɔ̀ bũ̌in nyɛɛ mu zàse nyuùn ɓá ɖɛ gbà ɓě ɖǎà nyuɛɛ jè dyí, ké ɓěɛ̀ gbǒ-cù ɓěɔ̀ muɛ gbo wɔ̃́ìn.
12Gǎ mu ɓě kɔ̃ dyiìn, sepóɛɖé ɓě dè hwɔɖɔ dyììn ɖé kú-ɖáɓá-ɖáɓá kè ɖɛ-gbà-nyu-nyu mú. 13Gmɔ̀ nɔ̄, ɓóɖó ɓě kɔ̃̀ nyɔ ɓě ɓɛ́ ɓě ɖuà toún wɛ̃ɛ nyu kũ̀à pídyi, ké gbǒ ɓě ɓɛ́ wa poà kɛɛ séín sĩ nyɛ̀nɛ̀ɛ̀. Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖǎà nyu. 14Ɓó tia ɓaɖaa, nyɔǔn ɓě mu Bounɓoɔ̀ dĩ́ín-dĩ̀ìnɔ̀ dyí dyuòùn ɖé ɓóɖó-kpàà dà séín kà ní jĩ̀à ɖé dyóóɔ̀ kɔ̃ɛ.
15Gǎ mu ɓě kɔ̃ dyiìn, sepóɛɖé ɓě nyuɛ ké nyɔ ɓě nìà ɓó ɓě ɖeiɛɛ ná wã́ìn-kòpò mɔ̀à ɓěɛ̀ dyoɖoɔ̀ kɛ. Ɓě nyuɛ ké wa ná, ké náá-ɖɛ̀ɔ̀ nyu wa, ké ɓě dyà wa dɛ̃ dyúa dyììn ɖé waà gbɔ-fɔ̀nɔ̀-fɔ̀nɔ̀ dyi dyé-dyé mú. 16Ké ɓě mɔ̀ nyɔ nyuà náa kɛɛ, wa mu ɓě zùǔn zàìn, ké wa se ɓě dya dèɛ̌ mu. Ɓě mɔ̀ùn mu náùn, ké ɓě mu gbɔ fɔ̀nɔ̀ùn ɖekè. Bounɓoɔ̀ mu ɔ kópò nìà ɔ ɖiaùn-xwàɔ̀ mú, ɓɛ́ ɔ mɔ̀à gǎ-dyé-dyéɛɛ ɓě nyíìn, ɓɛ́ ɓě kéɛ mú náìn, ké ɓěɛ̀ dya-dè-dèɔ̀ mu dɛ̃ mú zɛ̃̀ìn. 17Ɓě ɖǎ ma Ɖɛ́ɓèɖɔ́ùn-ɓòɖòɔ̀ xwáɖá-kpòò ɓěɔ̀ ɖaɓa jèɛɛ, wa mu ɓě mɔ̀ùn ɖaɓaùn ɖekè. Ɓě ɖǎ ma ɓóɖóɔ̀ nimii ɓěɔ̀ ɖáɓá jèɛɛ, nimii ɓě mu ɓě fã̀àǔn poùn. Ɖɛ ɓěɛ̀ mu ɓě gbo kpáùn, sepóɛɖé ɓě ɖǎ ɓóɖó-dù ɓáún-ɓáún hwu, ké ɓě ɖǎ waà nyɔǔn-dyù pàɖǎ ɖáɓá, ké ɓě ɖǎ waà ɓóɖó ɓěɔ̀ kè waà hwɔɖɔ ɓěɔ̀ ɖɛ gbà bũ̌ nyu jè.
18Kpánáɔ̀ nyɛ́ kũùn-kpò ɓéɖé kɛ́? Ɔ mɔ̀ ɖɛ ɓɛ́ nyɔǔn-dyù ɖǎ nyuɛ, ké ɖɛ séín ɔ cɛ̃ nyɔ gboɛɛ mɔ̀ se. Kpáná ɖò seɛ mú nì, ɓɛ́ nyɔ ɖò ké kũùn-kpò ɓɛ́ ɔ mìɔùn mɛ, ké ɔ se wùɖùɛ̀ ɓɛ́ìn nyɛɛ hwìɖǐǐ taɓa. 19Gǎ mu nyɔ ɓě cɛ̃à cu-kpóɖó gbo, ɓɛ́ wa dyià níiń, “Sɔ̀ nyíɔún,” mɔɔ ɓɛ́ wa cɛ̃à sɔ́ɔ́-kpò se wùɖùɛ̀ ɓɛ́ìn nyɛɛ gbo, ɓɛ́ wa dyià níiń, “Sɔ̀ dyí,” kɛɛ kɔ̃ dyiìn. Kũùn-kpò se ɖɛ ɖò cɛ̃ɛ ɓɛ́ìn. Ǹdye, kɛbì nyɔǔn-dyù mɛ sàmàìn ɔ séɓàɖà kè góò bũ̌in nyɛɛ, ɔ se fɛ̀ɛ̀ ɖò ɓéɖé.
20Kɛɛ Bounɓoɔ̀ nì ɖé ɔ gbǒ hwɛ̀ǐn-hwɛ̀ǐnɔ̀ mú. Ɓóɖó-kpàà nyɔǔn séín mɛ nì gìɖìǐ ɓó ɔ dyúa.
Currently Selected:
Hàbákù 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Hàbákù 2
2
Bounɓoɔ̀ jǔ Hàbákù gɔ̃̌ ɖe
1Ní mu ɖé hwɔɖɔ-dyí-gmɔ̀ìn-gbòɔ̀ dya dyáùn, ɓɛ́ ḿ ké fò, ɓɛ́ ḿ kéɛ dyé kà Bounɓoɔ̀ mu ní ka-wùɖùɔ̀ gɔ̃̌ jǔùn wɛ̃.
2Hwɛ̀ ké Bounɓoɔ̀ jǔ ma ḿ gɔ̃̌, ké ɔ ɖá, “Céè ɖɛ ḿ nìà m̀ gbo cɛ̃iń dyììn ɖé dyí-tɛ̀mɛ̀ìn-ɖɛ̀ múɛɛ ɓíɖíi nɔ̀mɔ̀ dyíin ɓó sɔ́ɔ́-pĩ̀à ɓě kɔ̃, ɓɛ́ nyɔ muɛ kɔ̃ gmɔ̀ùn wɛ̃ɛ kéɛ wuɖuún zàà ɓɛ́ìn wàɖà.#2:2 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 3Céè wuɖu ɓěɔ̀ ɓíɖíi, sepóɛɖé ɖɛ ḿ nìà cɛ̃iń nyɛɛ séè kpáa mu ke. Kɛɛ ɔ se ná sèɛ̌ mu, ké ɔ mu kpáùn wàɖà. Kɛbì ɔ kpá-kpáɔ̀ mɛ mɛɛ̀ ɖé m̀ dyéɖéín nyɛɛ, m̀ mɛ fòèɛ̀n, sepóɛɖé ɔ mu kpáùn wɛ̃́ɛ́ ɓó ti ḿ ɖǎ dyí sɔ́ɛɛ xwíníín. 4Ɖɛ m̀ kéà céèɛɛ kɛà kɛ̀: ‘Nyɔ ɓě nyìnììn kà hwòɖǒ kɔ̃in nyɛɛ se cĩ́ɛ mu. Kɛɛ nyɔ ɓě sɛ́ɖɛ́ìn dyíɛɛ mu cĩ́ìn dyììn ɖé ḿ hwìɖǐǐ-taɓa-taɓa mú.’ ”
Se-dyí-sɛ́ɖɛ́ìn-nyɔ̀ ɓěɔ̀ mú-gbɔɔ̀-gbɔɔ̀
5Wã́ìn mɔ̀ nyɔ-cá-nyɔ̀. Kà dyúáɖòɔ̀ kàǎ Báɓèɖɔ́ùn-nyɔ̀ ɓěɔ̀, wa mìɔùn dyí-ɓúáìn-ɓúáìnɔ̀ cá wa. Wa mɔ́ ɖɛ séín, ké wa se fɔ̀-fɔ̀ ɖò ɓéɖé. Wa kè gĩɔ mìɔ-kpo hwɔìn ní, sepóɛɖé waà hwòɖǒ ní dè dyi. Ɔ kɔ̃̀ jè wa dyià ɓóɖó-dù ɖò toún ɖu ní, wa mɔ́à ɖò toún ɖuɛ dyi ɖeɛ̀.#2:5 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè. 6Nyɔ ɓě ɓɛ́ Báɓèɖɔ́ùn-nyɔ̀ ɓěɔ̀ ɖuà toún wɛ̃ɛ mu wa dyɔ́ ɓaɖaùn, ɓɛ́ wa ké níiń, “Ɓě ɖú ɖɛ ɓě ɓɛ́ ɓě se kɔ̃̀ kɛɛ dyí. Ɔ jèɛɛ, gǎ mu ɓě kɔ̃ dyiìn. Ti jĩ̀ xwɛ̌ ɓě mu bãa-ɖɛ̀ dyí poìn dyììn ɖé nyɔ ɓě ɓɛ́ wa ɓéɖé ɓěɛ̀ kpaa kpáná se dyí sɛ́ɖɛ́ìn nyɛɛ kɔ̃ún po-po múɛ́?”
7Wàɖà cá ní, nyɔ ɓě ɓɛ́ ɓě zàà wíɖí xwaa mu ɓě ganaún kpɔ̃̀ìn, ké ɓě mu ɓěɛ̀ kpaɔ̀ ɖɛ kɔ̃in poùn. Ɓěɛ̀ kpa-nyɔ̀ ɓěɔ̀ mu ɓě kɔ̃ dyiìn, ké wa muɛ nyuùn ɓɛ́ dyɔɔ̀ ké ɓě gbɔi tɛɖɛ. Ké wa mu ɓě hwuùn. 8Nyɔ ɓě sèà ɓíɖíi, ɓɛ́ wa seà mɛ́ɛ mu ɓě hwuùn, sepóɛɖé ɓě ɖǎ ɓóɖó-dù ɓáún-ɓáún hwu, ké ɓě ɖǎ waà nyɔǔn-dyù pàɖǎ ɖáɓá, ké ɓě ɖǎ waà ɓóɖó ɓěɔ̀ kè waà hwɔɖɔ ɓěɔ̀ ɖɛ gbà bũ̌ nyu jè.
9Gǎ mu ɓě kɔ̃ dyiìn, sepóɛɖé ɓě ɖǎ ɓěɛ̀ ɓíɖí-gbǒ-xwíníín-nyɔ̀ ɓě bã̀ìn dyììn ɖé ɖɛ ɓě ɓɛ́ ɓě zàà nyɔǔn ɓě xwai gana-kà kɛɛ mú, ké ɓě ɖǎ gbǒ nɔ̀mɔ̀ kɔ̃in ɓě po, ɓɛ́ wa ké ɓěɛ̀ ɓíɖí-taún-nyɔ̀ ɓěɔ̀ dyí gmɔ̀, ɓɛ́ ɖɛ gbà ɖò ké se wa gbo kpá. 10Kɛɛ ɓě mɛ dyuòɛ̀ kà ɓěɛ̀ nyuu-ɖɛ̀ ɓěɔ̀ ɖǎ ɓěɛ̀ ɓíɖí-gbǒ-xwíníín-nyɔ̀ ɓěɔ̀ dɛ̃ kɔ̃ dyàa. Dyììn ɖé ɓóɖó-dù ɓáún-ɓáún mú-gbɔɔ̀-gbɔɔ̀ múɛɛ, ɓě ɖǎ ɓě mìɔùn mú-gbɔɔ̀-gbɔɔ̀ kɔ̃ dyà. 11Ké sɔ́ɔ́ ɓě nìà ɓěɛ̀ gbǒ ɓěɔ̀ bũ̌in nyɛɛ mu zàse nyuùn ɓá ɖɛ gbà ɓě ɖǎà nyuɛɛ jè dyí, ké ɓěɛ̀ gbǒ-cù ɓěɔ̀ muɛ gbo wɔ̃́ìn.
12Gǎ mu ɓě kɔ̃ dyiìn, sepóɛɖé ɓě dè hwɔɖɔ dyììn ɖé kú-ɖáɓá-ɖáɓá kè ɖɛ-gbà-nyu-nyu mú. 13Gmɔ̀ nɔ̄, ɓóɖó ɓě kɔ̃̀ nyɔ ɓě ɓɛ́ ɓě ɖuà toún wɛ̃ɛ nyu kũ̀à pídyi, ké gbǒ ɓě ɓɛ́ wa poà kɛɛ séín sĩ nyɛ̀nɛ̀ɛ̀. Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖǎà nyu. 14Ɓó tia ɓaɖaa, nyɔǔn ɓě mu Bounɓoɔ̀ dĩ́ín-dĩ̀ìnɔ̀ dyí dyuòùn ɖé ɓóɖó-kpàà dà séín kà ní jĩ̀à ɖé dyóóɔ̀ kɔ̃ɛ.
15Gǎ mu ɓě kɔ̃ dyiìn, sepóɛɖé ɓě nyuɛ ké nyɔ ɓě nìà ɓó ɓě ɖeiɛɛ ná wã́ìn-kòpò mɔ̀à ɓěɛ̀ dyoɖoɔ̀ kɛ. Ɓě nyuɛ ké wa ná, ké náá-ɖɛ̀ɔ̀ nyu wa, ké ɓě dyà wa dɛ̃ dyúa dyììn ɖé waà gbɔ-fɔ̀nɔ̀-fɔ̀nɔ̀ dyi dyé-dyé mú. 16Ké ɓě mɔ̀ nyɔ nyuà náa kɛɛ, wa mu ɓě zùǔn zàìn, ké wa se ɓě dya dèɛ̌ mu. Ɓě mɔ̀ùn mu náùn, ké ɓě mu gbɔ fɔ̀nɔ̀ùn ɖekè. Bounɓoɔ̀ mu ɔ kópò nìà ɔ ɖiaùn-xwàɔ̀ mú, ɓɛ́ ɔ mɔ̀à gǎ-dyé-dyéɛɛ ɓě nyíìn, ɓɛ́ ɓě kéɛ mú náìn, ké ɓěɛ̀ dya-dè-dèɔ̀ mu dɛ̃ mú zɛ̃̀ìn. 17Ɓě ɖǎ ma Ɖɛ́ɓèɖɔ́ùn-ɓòɖòɔ̀ xwáɖá-kpòò ɓěɔ̀ ɖaɓa jèɛɛ, wa mu ɓě mɔ̀ùn ɖaɓaùn ɖekè. Ɓě ɖǎ ma ɓóɖóɔ̀ nimii ɓěɔ̀ ɖáɓá jèɛɛ, nimii ɓě mu ɓě fã̀àǔn poùn. Ɖɛ ɓěɛ̀ mu ɓě gbo kpáùn, sepóɛɖé ɓě ɖǎ ɓóɖó-dù ɓáún-ɓáún hwu, ké ɓě ɖǎ waà nyɔǔn-dyù pàɖǎ ɖáɓá, ké ɓě ɖǎ waà ɓóɖó ɓěɔ̀ kè waà hwɔɖɔ ɓěɔ̀ ɖɛ gbà bũ̌ nyu jè.
18Kpánáɔ̀ nyɛ́ kũùn-kpò ɓéɖé kɛ́? Ɔ mɔ̀ ɖɛ ɓɛ́ nyɔǔn-dyù ɖǎ nyuɛ, ké ɖɛ séín ɔ cɛ̃ nyɔ gboɛɛ mɔ̀ se. Kpáná ɖò seɛ mú nì, ɓɛ́ nyɔ ɖò ké kũùn-kpò ɓɛ́ ɔ mìɔùn mɛ, ké ɔ se wùɖùɛ̀ ɓɛ́ìn nyɛɛ hwìɖǐǐ taɓa. 19Gǎ mu nyɔ ɓě cɛ̃à cu-kpóɖó gbo, ɓɛ́ wa dyià níiń, “Sɔ̀ nyíɔún,” mɔɔ ɓɛ́ wa cɛ̃à sɔ́ɔ́-kpò se wùɖùɛ̀ ɓɛ́ìn nyɛɛ gbo, ɓɛ́ wa dyià níiń, “Sɔ̀ dyí,” kɛɛ kɔ̃ dyiìn. Kũùn-kpò se ɖɛ ɖò cɛ̃ɛ ɓɛ́ìn. Ǹdye, kɛbì nyɔǔn-dyù mɛ sàmàìn ɔ séɓàɖà kè góò bũ̌in nyɛɛ, ɔ se fɛ̀ɛ̀ ɖò ɓéɖé.
20Kɛɛ Bounɓoɔ̀ nì ɖé ɔ gbǒ hwɛ̀ǐn-hwɛ̀ǐnɔ̀ mú. Ɓóɖó-kpàà nyɔǔn séín mɛ nì gìɖìǐ ɓó ɔ dyúa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.