Gàɖézìà Gàɖézìà-cèè-ɖɛ̀ɔ̀ jè kɔ̃in-zaìn-zaìn
Gàɖézìà-cèè-ɖɛ̀ɔ̀ jè kɔ̃in-zaìn-zaìn
Ti Pɔ́ɔ̀ cɛ̃ ma Gèɖèpɔ́ɔ̀-wùɖù ɖé ɓóɖó-dù kà kò ɖò ɓěɛ̀ nyɔ ɓě gboɛɛ, ɔ seɛ ma wa gbo cɛ̃, ɓɛ́ wa ké ma sàà mɛ́, ɔ kè ɓɛ́ wa ké Júù-nyɔ̀ ɓěɔ̀ nììn gma tɔ̀ɔ̀ ɓěɔ̀ dyi kpɔ̃. Fũ̀à-fṹá nyu ma Júù-nyɔ̀ ɖíɛ́ ɓě ɓɛ́ wa mɔ̀ ma Kɛ́ɖɛ́ì ɖeín-sí-nyɔ̀ kɛɛ ɓó ɖɛ nìà kɛ jè. Wa ɖá Pɔ́ɔ̀ se ma àpɔ́sò jɛ́ɛ́, ké bɔ̃̌ nɔ̀mɔ̀ dyíin ɓɛ́ ɔ cɛ̃ ma kà kɛɛ se ma jǎà-bɔ̃̀ɔ̀.
Ɓó ɖɛ nìà kɛ jèɛɛ, Pɔ́ɔ̀ céè ma céè-ɖɛ̀ nìà kɛ. Ɔ zaìn ɔ àpɔ́sò-kũ̀à kè bɔ̃̌ ɓɛ́ ɔ cɛ̃ ma kà kɛɛ jè kɔ̃in nɔ̄ céè-ɖɛ̀ɛ̀ mú.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Pɔ́ɔ̀ wuɖu kĩ́ín-kĩ́ín ɓěɔ̀. 1:1-10
2. Kpé Pɔ́ɔ̀ ɓéɖé ɓó àpɔ́sò-kũ̀àɔ̀ jèɛ. 1:11–2:21
3. Bɔ̃̌ nɔ̀mɔ̀ dyíin ɓá Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ jè dyíɛ. 3:1–4:31
4. Kɛ́ɖɛ́ì ɖeín-sí-nyɔ̀ ɓěɔ̀ gbǎà-gbǎà kè ɖɛ wa ké nyu kɛ. 5:1–6:10
5. Wuɖu hwɛ̀ìn-gbɔ ɓěɔ̀. 6:11-18
Currently Selected:
Gàɖézìà Gàɖézìà-cèè-ɖɛ̀ɔ̀ jè kɔ̃in-zaìn-zaìn: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.