Ɛ́séɖɔ̀ 6
6
1Hwɛ̀ ké Bounɓoɔ̀ cɛ̃ɛ ma Mózè gbo, ké ɔ ɖá, “Nì muá ɖɛ ní mu Féwòɖò bũ̌ nyuùn wɛ̃ɛ dyéìn. Ní mu ɔ ganaún kpɔ̃̀ìn, ké ɔ mu wa dyi táàùn, ɓɛ́ wa ké mu, ké ɔ mu wa ɔ ɓóɖóɔ̀ kɔ̃ dyi kúmúùn.”
Gèɖèpɔ́ɔ̀ ɖá Mózè
2Ké Gèɖèpɔ́ɔ̀ cɛ̃ɛ ma Mózè gbo ɖe, ké ɔ ɖá, “Mɔ̄ mɔ̀ Bounɓoɔ̀. 3Ḿ wóɖóìn ma Ééɓòɖòhɛ̃́ɛ̀ kè Áázè ɔ kè Jékɔ̀ dyí, ké ní nyɛ́nɛ́ wa dyuò ma kɛɛ mɔ̀ kpé-séín-ɓéɖé-Gèɖèpɔ́ɔ̀. Kɛɛ ḿ seɛ ma nyu ɓɛ́ wa ké ní Bounɓo-nyɛ̀nɛ̀ɔ̀ dyuò. 4Ké ḿ kè wa dè ma wuɖu kà ɓɛ́ ní mu wa Kénà-ɓòɖòɔ̀ nyíìn nyɛ. Ɔ mɔ̀ ɓóɖó kɔ̃̀ kɔ̃ ɓɛ́ wa mɔ̀ ma kà ɖéèɛ. 5Ɓó kàǔn wɛ̃ɛ, ḿ ɖǎ Éézùɖùɛ̀-dyù ɓě ɓɛ́ Íjè-nyɔ̀ ɓěɔ̀ nyuà gǐì múɛɛ kpé-po-wùɖùɔ̀ wɔ̃́, ké ní dèè-wùɖùɔ̀ jè ɖǎ ḿ hwìɖǐi dyi. 6Ɔ jèɛɛ, cɛ̃ɛ Éézùɖùɛ̀-dyù ɓěɔ̀ gbo kà ḿ ɖá, ‘Mɔ̄ mɔ̀ Bounɓoɔ̀, ké ní mu ɓě gɛ̀ɛ̀ ɓɛ́ Íjè-nyɔ̀ ɓěɔ̀ poà ɓě ɖɔɛɛ ɖɔ zàùn wɛ̃. Ní mu ɓě buɛ̀ìn, ɓɛ́ ɓě ké se wa gǐì jǔ ɖe. Ní mu ní gana-sɔ̃̀ɔ̀ kũ̀à mú nyùìn, ɓɛ́ ḿ ké wa gǎ ku wɔ̃ ɓě kɔ̃ tò, ɓɛ́ ḿ ké ɓě póìn. 7Ké ní mu ɓě dyí ɖúùn, ɓɛ́ ɓě ké ḿ mìɔùn nììn nyɔ ɓě jǔ. Ní mu ɓěɛ̀ Gèɖèpɔ́ɔ̀ jǔùn. Ti ní mu ɓě Íjè-nyɔ̀ ɓěɔ̀ gɛ̀ɛ̀ɔ̀ ɖɔ zàùn wɛ̃ɛ, nìí, ɓě muɛ dyuòùn kà mɔ̄ Bounɓoɔ̀ mɔ̀ ɓěɛ̀ Gèɖèpɔ́ɔ̀ kɛ. 8Ké ní mu ɓě ɓóɖó ɓɛ́ ḿ ɖáìn zɔ̃̌ɔ̀ kà Ééɓòɖòhɛ̃́ɛ̀ kè Áázè ɔ kè Jékɔ̀ nyɛ́nɛ́ín nyɛɛ nyíìn. Ní muɛ ɓě nyíìn, ɓɛ́ ɔ ké ɓěɛ̀ kɔ̃̀ɔ̀-ɖɛ̀ jǔ. Mɔ̄ mɔ̀ Bounɓoɔ̀.’ ” 9Ké Mózè mu, ké ɔ cɛ̃ ma ɖɛ ɓěa Éézùɖùɛ̀-nyɔ̀ ɓěɔ̀ gbo, kɛɛ wa se ma ɔ ɖùǔ gbo tò, sepóɛɖé waà hwòɖǒ ɖǎ ma ɖé ɖei kpá mìɔ ɓó gǐì-kũ̀à ɓɛ́ wa nì ma kà múɛɛ jè.
10Sɔ̀ìn ɓóɛ gboɛɛ, Bounɓoɔ̀ cɛ̃ɛ ma Mózè gbo, ké ɔ ɖá, 11“Mu, ɓɛ́ m̀ kéɛ Féwòɖò mɔ̀à Íjè-kã̀ǎɔ̀ kɛɛ gbo cɛ̃, ɓɛ́ ɔ ké Éézùɖùɛ̀-dyù ɓěɔ̀ dyi táà, ɓɛ́ wa ké ɔ ɓóɖóɔ̀ kɔ̃ sɔ̀.”
12Kɛɛ Mózè cɛ̃ɛ ma ɔ gbo, ké ɔ ɖá, “Kà ɓɛ́ ḿ mìɔùn nììn nyɔ ɓě mɔ̀à Éézùɖùɛ̀-nyɔ̀ ɓěɔ̀ kɛɛ seà ní wuɖuɔ̀ ɖùǔ gbo tòɛɛ, nìí, xwɛ̌ Féwòɖò ɓɛ́ìn ní wuɖuɔ̀ ɖùǔ gbo tòɛ̀ kɛ́? Sepóɛɖé ḿ se wùɖùɛ̀ dyuò.”
13Ké Bounɓoɔ̀ wùɖù ma Mózè kè Eɖóún gbo ɓá Éézùɖùɛ̀-nyɔ̀ ɓěɔ̀ kè Féwòɖò jè dyí. Ɔ cɛ̃ɛ ma wa gbo, ɓɛ́ wa ké Éézùɖùɛ̀-nyɔ̀ ɓěɔ̀ ɖé Íjè-ɓòɖòɔ̀ kɔ̃ zà.
Mózè kè Eɖóún gbǒ-xwíníínɔ̀
14Éézùɖùɛ̀-nyɔ̀ ɓěɔ̀ gbǒ-xwíníín deìn dúún ɓěɔ̀ nàìn-nyɔ̀ ɓě kɛà kɛ̀. Gbǒ-xwíníín-nàìn-nyɔ̀ ɓě sɔ̀ ɖé Wuɖuɓíín mɔ̀à Éézùɖùɛ̀ɛ̀ nyíɔ́-dyùɔ̀ kɛ múɛɛ kɛà kɛ̀. Wa mɔ̀ Hánɔ̀ kè Páɖù kè Hɛ́wɔ̀ɖɔ̀ùn ɔ kè Kámì. 15Ké gbǒ-xwíníín-nàìn-nyɔ̀ ɓě sɔ̀ ɖé Símìɔ̀ múɛɛ kɛà kɛ̀. Wa mɔ̀ Jɛ̀múè kè Jámì kè Óhà kè Jákììn kè Zóhà ɔ kè Sádyù. Sádyù mɔ̀ ma Kénà-màà ɖòɛ̀ dyú. 16Ké gbǒ-xwíníín-nàìn-nyɔ̀ ɓě sɔ̀ ɖé Ɖíìváà múɛɛ kɛà kɛ̀. Wa mɔ̀ Gésɔ̀ùn kè Kóhà ɔ kè Mɛ̀wáɖáwìɖì. Ɖíìváà nyu ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́, hwɛ̀ ké ɔ mɛ́ ma. 17Gésɔ̀ùn nììn dyú ɓěɔ̀ mɔ̀ Ɖínì kè Símì. Gàa ɓě nìà kɛ ɓéɖé nyúà-dyú deìn dúún ɓáún-ɓáún. 18Ké Kóhà nììn dyú ɓěɔ̀ mɔ̀ Ámànàùn kè Ízà kè Hɛ́bɔ̀nɔ̀ ɔ kè Dyùzíè. Kóhà nyu ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè tã, hwɛ̀ ké ɔ mɛ́ ma. 19Ké Mɛ̀wáɖáwìɖì nììn dyú ɓěɔ̀ mɔ̀ Máɖì kè Músì.
20Ámànàùn kpɔ̃ ma ɔ ɓǎ ɖíí-màà kɔ̃̀ nyɛ́nɛ́ mɔ̀ Jòkɛ́ɓɛ̀ kɛɛ dyi, ké wa wóɖóìn ma Eɖóún kè Mózè. Ámànàùn nyu ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́, hwɛ̀ ké ɔ mɛ́ ma. 21Ké Ízà nììn dyú ɓěɔ̀ mɔ̀ Kówàɖà kè Nɛ́fɛ̀ ɔ kè Zíkìɖì. 22Ké Dyùzíè nììn dyú ɓěɔ̀ mɔ̀ Mìsáè kè Ɛ̀záfàùn ɔ kè Sítìɖì.
23Eɖóún kpɔ̃ ma Ɛ̀ɖìsíɓà ɓɛ́ ɔ mɔ̀ Ámìnáɖàà dyú-màà kɛɛ dyi. Ɛ̀ɖìsíɓà mɔ̀ ma Násɔ̀ùn ɖíí-màà. Ɔ kè Eɖóún wóɖóìn ma Náɖà kè Àbíhùɛ̀ kè Ɛ̀ɖɛ̀ázà ɔ kè Ìfámà. 24Ké Kówàɖà nììn dyú ɓěɔ̀ mɔ̀ Ásì kè Ɛ̀kínà ɔ kè Áɓìásàfì. Kǎà Kówàɖà nììn gbǒ-xwíníínɔ̀ nàìn-nyɔ̀ ɓě nyu jĩ̀ɛ̀. 25Ɛ̀ɖɛ̀ázà mɔ̀à Eɖóún dyú-gààɔ̀ kɛɛ kpɔ̃ ma Pùtíèɛ̀ dyú-màà ɖò dyi, ké wa wóɖóìn ma Fíníhà. Kǎà Ɖíìváà nììn gbǒ-xwíníínɔ̀ nàìn-nyɔ̀ ɓě nyu jĩ̀ɛ̀.
26Eɖóún kè Mózè mɔ̀ nyɔ ɓě ɖéɛ̀ Bounɓoɔ̀ ɖoɓo ma kà, ké ɔ ɖá, “Ɓě mu, ɓɛ́ ɓě ké Éézùɖùɛ̀-dyù ɓěɔ̀ xwéɖé-dù ɖò-ɖò séín ɓěɔ̀ ɖé Íjè-ɓòɖòɔ̀ kɔ̃ zà” kɛ̀. 27Wa mɔ̀ gàa ɓě cɛ̃ɛ ma kà Íjè-kã̀ǎɔ̀ gbo, ɓɛ́ ɔ ké ma kà Éézùɖùɛ̀-nyɔ̀ ɓěɔ̀ dyi táà, ɓɛ́ wa ké ma kà muɛ̀.
Bounɓoɔ̀ cɛ̃ ɖɛ Mózè kè Eɖóún ké nyuɛ
28Ti ɓɛ́ Bounɓoɔ̀ wùɖù ma Mózè gbo ɖé Íjè-ɓòɖòɔ̀ kɔ̃ɛɛ, 29ɔ cɛ̃ɛ ma ɔ gbo, ké ɔ ɖá, “Mɔ̄ mɔ̀ Bounɓoɔ̀. Cɛ̃ ɖɛ séín ɓɛ́ ḿ cɛ̃à m̀ gboɛɛ Féwòɖò mɔ̀à Íjè-kã̀ǎɔ̀ kɛɛ gbo.”
30Kɛɛ Mózè cɛ̃ɛ ma Bounɓoɔ̀ gbo, ké ɔ ɖá, “Kà ɓɛ́ ḿ seà wùɖùɛ̀ dyuòɛɛ, nìí, xwɛ̌ Féwòɖò mu ní wuɖuɔ̀ ɖùǔ gbo tòùn wɛ̃́?”
Currently Selected:
Ɛ́séɖɔ̀ 6: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɛ́séɖɔ̀ 6
6
1Hwɛ̀ ké Bounɓoɔ̀ cɛ̃ɛ ma Mózè gbo, ké ɔ ɖá, “Nì muá ɖɛ ní mu Féwòɖò bũ̌ nyuùn wɛ̃ɛ dyéìn. Ní mu ɔ ganaún kpɔ̃̀ìn, ké ɔ mu wa dyi táàùn, ɓɛ́ wa ké mu, ké ɔ mu wa ɔ ɓóɖóɔ̀ kɔ̃ dyi kúmúùn.”
Gèɖèpɔ́ɔ̀ ɖá Mózè
2Ké Gèɖèpɔ́ɔ̀ cɛ̃ɛ ma Mózè gbo ɖe, ké ɔ ɖá, “Mɔ̄ mɔ̀ Bounɓoɔ̀. 3Ḿ wóɖóìn ma Ééɓòɖòhɛ̃́ɛ̀ kè Áázè ɔ kè Jékɔ̀ dyí, ké ní nyɛ́nɛ́ wa dyuò ma kɛɛ mɔ̀ kpé-séín-ɓéɖé-Gèɖèpɔ́ɔ̀. Kɛɛ ḿ seɛ ma nyu ɓɛ́ wa ké ní Bounɓo-nyɛ̀nɛ̀ɔ̀ dyuò. 4Ké ḿ kè wa dè ma wuɖu kà ɓɛ́ ní mu wa Kénà-ɓòɖòɔ̀ nyíìn nyɛ. Ɔ mɔ̀ ɓóɖó kɔ̃̀ kɔ̃ ɓɛ́ wa mɔ̀ ma kà ɖéèɛ. 5Ɓó kàǔn wɛ̃ɛ, ḿ ɖǎ Éézùɖùɛ̀-dyù ɓě ɓɛ́ Íjè-nyɔ̀ ɓěɔ̀ nyuà gǐì múɛɛ kpé-po-wùɖùɔ̀ wɔ̃́, ké ní dèè-wùɖùɔ̀ jè ɖǎ ḿ hwìɖǐi dyi. 6Ɔ jèɛɛ, cɛ̃ɛ Éézùɖùɛ̀-dyù ɓěɔ̀ gbo kà ḿ ɖá, ‘Mɔ̄ mɔ̀ Bounɓoɔ̀, ké ní mu ɓě gɛ̀ɛ̀ ɓɛ́ Íjè-nyɔ̀ ɓěɔ̀ poà ɓě ɖɔɛɛ ɖɔ zàùn wɛ̃. Ní mu ɓě buɛ̀ìn, ɓɛ́ ɓě ké se wa gǐì jǔ ɖe. Ní mu ní gana-sɔ̃̀ɔ̀ kũ̀à mú nyùìn, ɓɛ́ ḿ ké wa gǎ ku wɔ̃ ɓě kɔ̃ tò, ɓɛ́ ḿ ké ɓě póìn. 7Ké ní mu ɓě dyí ɖúùn, ɓɛ́ ɓě ké ḿ mìɔùn nììn nyɔ ɓě jǔ. Ní mu ɓěɛ̀ Gèɖèpɔ́ɔ̀ jǔùn. Ti ní mu ɓě Íjè-nyɔ̀ ɓěɔ̀ gɛ̀ɛ̀ɔ̀ ɖɔ zàùn wɛ̃ɛ, nìí, ɓě muɛ dyuòùn kà mɔ̄ Bounɓoɔ̀ mɔ̀ ɓěɛ̀ Gèɖèpɔ́ɔ̀ kɛ. 8Ké ní mu ɓě ɓóɖó ɓɛ́ ḿ ɖáìn zɔ̃̌ɔ̀ kà Ééɓòɖòhɛ̃́ɛ̀ kè Áázè ɔ kè Jékɔ̀ nyɛ́nɛ́ín nyɛɛ nyíìn. Ní muɛ ɓě nyíìn, ɓɛ́ ɔ ké ɓěɛ̀ kɔ̃̀ɔ̀-ɖɛ̀ jǔ. Mɔ̄ mɔ̀ Bounɓoɔ̀.’ ” 9Ké Mózè mu, ké ɔ cɛ̃ ma ɖɛ ɓěa Éézùɖùɛ̀-nyɔ̀ ɓěɔ̀ gbo, kɛɛ wa se ma ɔ ɖùǔ gbo tò, sepóɛɖé waà hwòɖǒ ɖǎ ma ɖé ɖei kpá mìɔ ɓó gǐì-kũ̀à ɓɛ́ wa nì ma kà múɛɛ jè.
10Sɔ̀ìn ɓóɛ gboɛɛ, Bounɓoɔ̀ cɛ̃ɛ ma Mózè gbo, ké ɔ ɖá, 11“Mu, ɓɛ́ m̀ kéɛ Féwòɖò mɔ̀à Íjè-kã̀ǎɔ̀ kɛɛ gbo cɛ̃, ɓɛ́ ɔ ké Éézùɖùɛ̀-dyù ɓěɔ̀ dyi táà, ɓɛ́ wa ké ɔ ɓóɖóɔ̀ kɔ̃ sɔ̀.”
12Kɛɛ Mózè cɛ̃ɛ ma ɔ gbo, ké ɔ ɖá, “Kà ɓɛ́ ḿ mìɔùn nììn nyɔ ɓě mɔ̀à Éézùɖùɛ̀-nyɔ̀ ɓěɔ̀ kɛɛ seà ní wuɖuɔ̀ ɖùǔ gbo tòɛɛ, nìí, xwɛ̌ Féwòɖò ɓɛ́ìn ní wuɖuɔ̀ ɖùǔ gbo tòɛ̀ kɛ́? Sepóɛɖé ḿ se wùɖùɛ̀ dyuò.”
13Ké Bounɓoɔ̀ wùɖù ma Mózè kè Eɖóún gbo ɓá Éézùɖùɛ̀-nyɔ̀ ɓěɔ̀ kè Féwòɖò jè dyí. Ɔ cɛ̃ɛ ma wa gbo, ɓɛ́ wa ké Éézùɖùɛ̀-nyɔ̀ ɓěɔ̀ ɖé Íjè-ɓòɖòɔ̀ kɔ̃ zà.
Mózè kè Eɖóún gbǒ-xwíníínɔ̀
14Éézùɖùɛ̀-nyɔ̀ ɓěɔ̀ gbǒ-xwíníín deìn dúún ɓěɔ̀ nàìn-nyɔ̀ ɓě kɛà kɛ̀. Gbǒ-xwíníín-nàìn-nyɔ̀ ɓě sɔ̀ ɖé Wuɖuɓíín mɔ̀à Éézùɖùɛ̀ɛ̀ nyíɔ́-dyùɔ̀ kɛ múɛɛ kɛà kɛ̀. Wa mɔ̀ Hánɔ̀ kè Páɖù kè Hɛ́wɔ̀ɖɔ̀ùn ɔ kè Kámì. 15Ké gbǒ-xwíníín-nàìn-nyɔ̀ ɓě sɔ̀ ɖé Símìɔ̀ múɛɛ kɛà kɛ̀. Wa mɔ̀ Jɛ̀múè kè Jámì kè Óhà kè Jákììn kè Zóhà ɔ kè Sádyù. Sádyù mɔ̀ ma Kénà-màà ɖòɛ̀ dyú. 16Ké gbǒ-xwíníín-nàìn-nyɔ̀ ɓě sɔ̀ ɖé Ɖíìváà múɛɛ kɛà kɛ̀. Wa mɔ̀ Gésɔ̀ùn kè Kóhà ɔ kè Mɛ̀wáɖáwìɖì. Ɖíìváà nyu ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́, hwɛ̀ ké ɔ mɛ́ ma. 17Gésɔ̀ùn nììn dyú ɓěɔ̀ mɔ̀ Ɖínì kè Símì. Gàa ɓě nìà kɛ ɓéɖé nyúà-dyú deìn dúún ɓáún-ɓáún. 18Ké Kóhà nììn dyú ɓěɔ̀ mɔ̀ Ámànàùn kè Ízà kè Hɛ́bɔ̀nɔ̀ ɔ kè Dyùzíè. Kóhà nyu ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè tã, hwɛ̀ ké ɔ mɛ́ ma. 19Ké Mɛ̀wáɖáwìɖì nììn dyú ɓěɔ̀ mɔ̀ Máɖì kè Músì.
20Ámànàùn kpɔ̃ ma ɔ ɓǎ ɖíí-màà kɔ̃̀ nyɛ́nɛ́ mɔ̀ Jòkɛ́ɓɛ̀ kɛɛ dyi, ké wa wóɖóìn ma Eɖóún kè Mózè. Ámànàùn nyu ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́, hwɛ̀ ké ɔ mɛ́ ma. 21Ké Ízà nììn dyú ɓěɔ̀ mɔ̀ Kówàɖà kè Nɛ́fɛ̀ ɔ kè Zíkìɖì. 22Ké Dyùzíè nììn dyú ɓěɔ̀ mɔ̀ Mìsáè kè Ɛ̀záfàùn ɔ kè Sítìɖì.
23Eɖóún kpɔ̃ ma Ɛ̀ɖìsíɓà ɓɛ́ ɔ mɔ̀ Ámìnáɖàà dyú-màà kɛɛ dyi. Ɛ̀ɖìsíɓà mɔ̀ ma Násɔ̀ùn ɖíí-màà. Ɔ kè Eɖóún wóɖóìn ma Náɖà kè Àbíhùɛ̀ kè Ɛ̀ɖɛ̀ázà ɔ kè Ìfámà. 24Ké Kówàɖà nììn dyú ɓěɔ̀ mɔ̀ Ásì kè Ɛ̀kínà ɔ kè Áɓìásàfì. Kǎà Kówàɖà nììn gbǒ-xwíníínɔ̀ nàìn-nyɔ̀ ɓě nyu jĩ̀ɛ̀. 25Ɛ̀ɖɛ̀ázà mɔ̀à Eɖóún dyú-gààɔ̀ kɛɛ kpɔ̃ ma Pùtíèɛ̀ dyú-màà ɖò dyi, ké wa wóɖóìn ma Fíníhà. Kǎà Ɖíìváà nììn gbǒ-xwíníínɔ̀ nàìn-nyɔ̀ ɓě nyu jĩ̀ɛ̀.
26Eɖóún kè Mózè mɔ̀ nyɔ ɓě ɖéɛ̀ Bounɓoɔ̀ ɖoɓo ma kà, ké ɔ ɖá, “Ɓě mu, ɓɛ́ ɓě ké Éézùɖùɛ̀-dyù ɓěɔ̀ xwéɖé-dù ɖò-ɖò séín ɓěɔ̀ ɖé Íjè-ɓòɖòɔ̀ kɔ̃ zà” kɛ̀. 27Wa mɔ̀ gàa ɓě cɛ̃ɛ ma kà Íjè-kã̀ǎɔ̀ gbo, ɓɛ́ ɔ ké ma kà Éézùɖùɛ̀-nyɔ̀ ɓěɔ̀ dyi táà, ɓɛ́ wa ké ma kà muɛ̀.
Bounɓoɔ̀ cɛ̃ ɖɛ Mózè kè Eɖóún ké nyuɛ
28Ti ɓɛ́ Bounɓoɔ̀ wùɖù ma Mózè gbo ɖé Íjè-ɓòɖòɔ̀ kɔ̃ɛɛ, 29ɔ cɛ̃ɛ ma ɔ gbo, ké ɔ ɖá, “Mɔ̄ mɔ̀ Bounɓoɔ̀. Cɛ̃ ɖɛ séín ɓɛ́ ḿ cɛ̃à m̀ gboɛɛ Féwòɖò mɔ̀à Íjè-kã̀ǎɔ̀ kɛɛ gbo.”
30Kɛɛ Mózè cɛ̃ɛ ma Bounɓoɔ̀ gbo, ké ɔ ɖá, “Kà ɓɛ́ ḿ seà wùɖùɛ̀ dyuòɛɛ, nìí, xwɛ̌ Féwòɖò mu ní wuɖuɔ̀ ɖùǔ gbo tòùn wɛ̃́?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.