Ɛ́séɖɔ̀ 27
27
Sáa-kɔ̃-zàìn-gbààɔ̀
(Ɛ́séɖɔ̀ 38:1-7)
1“Ɔ ɖǎ ná nìǐn, wa mɛ po sáa-kɔ̃-zàìn-gbàà ɖò. Wa mɛ pòɛ̀n àkésìà-cù. Gbààɔ̀ wáká hĩinyɛɔ̀ mɛ ɓɛ́ìn wɔ̃. Wáká ɖò-ɖòɛ̀ tɔ̀mɔ̀-tɔ̀mɔ̀ mɛ mɔ̀ ɓáɖáa dyúáɖò kè jìì-ɓàɖàǎ sɔ̃́, ké ɔ dya-tɔ̀mɔ̀-tɔ̀mɔ̀ mɛ mɔ̀ jìì-ɓàɖàǎ mɛ̀nɛ̌ìn-ɖò. 2Wa mɛ nyuɛ ɓɛ́ ɖɛ hwɔìn nimii-gmɛ̌ ɓě kéɛ gã hĩinyɛɔ̀ kɔ̃ nì. Gmɛ̌ ɓěɔ̀ kè gbààɔ̀ mɛ mɔ̀ ɖɛ dyúáɖò. Ké wa mɛ po gbàà gànáɔ̀ bàɖàsǐ bũ̌in. 3Ɔ ɖǎ ná nìǐn, wa mɛ nyu kũ̀à-mú-nyùìn-ɖɛ̀ ɓá gbààɔ̀ dyíɛ. Wa mɛ mɔ̀ páni ɓě ɓɛ́ ɓě ké tĩ́ɔ mú kùɖùìn nyɛ kè síɔ́ɓò ɓě kè gbòɖòò ɓě kè tó-tàɓàìn-ɖɛ̀ ɓě ɔ kè nyɛ-kɛ̀nɛ̀-mú-ɓéɖéìn-jìà ɓě. Ɖɛ séín ɓěa mɛ mɔ̀ bàɖàsǐ. 4Ɔ ɖǎ ná nìǐn, wa mɛ nyu tɔ̀ɔ̌ ɖò ɓó gbààɔ̀ jè. Ɔ mɛ mɔ̀ bàɖàsǐ, ké wa mɛ nyu bàɖàsǐ-gbɛ̌ɛ̀ ɓě ɖé tɔ̀ɔ̌ɔ̀ gã hĩinyɛ ɓěɔ̀ kɔ̃. 5Ké wa mɛ po tɔ̀ɔ̌ɔ̀ ɖé gbààɔ̀ xwíníín, ɓɛ́ ɔ ké ɓó gbààɔ̀ hwìɛ̀ dyi sèìn. 6Ɔ ɖǎ ná nìǐn, wa mɛ nyu àkésìà-cù-kpóɖó ɓě, ɓɛ́ wa ké wa bàɖàsǐ bũ̌in po, ɓɛ́ wa ké gbààɔ̀ ɓéɖéìn-ɖɛ̀ jǔ. 7Ti ɓɛ́ wa mu gbààɔ̀ daí zàìn mɔ́ùn wɛ̃ɛ ní, wa mɛ sṹ cu-kpóɖó ɓěɔ̀ ɖé gbɛ̌ɛ̀ ɓěɔ̀ mú, ɓɛ́ cu-kpóɖó ɓěɔ̀ ké gbààɔ̀ wáká sɔ̃́ɔ̀ kɔ̃ nì, ɓɛ́ wa kéɛ ɓéɖéìn. 8Wa mɛ kɔ̀ìn gbààɔ̀ cu-pĩ̀à ɓě, ké gbààɔ̀ mɛ nì ɓí hwòɖǒǔn. Wa mɛ nyuɛ kà ḿ nyuà m̀ gbo cɛ̃ɛ nɔ̄ toɖoɛ̀ dya kɛ.
Kà Bounɓoɔ̀ jàɖàìn-gbòɔ̀ ɖei ké nìɛ̀ nyuɛ
(Ɛ́séɖɔ̀ 38:9-20)
9“Ɔ ɖǎ ná nìǐn, wa mɛ cɛ̃ gba-gba ɖò ní jàɖàìn-gbòɔ̀ ɖei. Gba-gbaɔ̀ mɛ mɔ̀ faà-ɖɔ̀ ɓɛ́ ɔ mɔ̀ ɖénì-ɖɔ̀ nɔ̀mɔ̀ dyíin nyɛ. Gba-gbaɔ̀ zɔ̃̌in-wàkáɔ̀ tɔ̀mɔ̀-tɔ̀mɔ̀ mɛ mɔ̀ ɓáɖáa kpáɖá-nyɔ sè hm̀m̌. 10Ké wa mɛ nyu cúè-ɓò kpáɖá-nyɔ ɖò ɓó faà-ɖɔ̀ ɓě hwɔà ɖé zɔ̃̌in-wàkáɔ̀ kɔ̃ dyíɛɛ jè. Cúè-ɓò ɓěɔ̀ mɛ ɓéɖé kɔ̃-dè-ɖɛ̀ kpáɖá-nyɔ ɖò ɓɛ́ wa mɔ̀ bàɖàsǐ kɛ kè waà kɔ̃-cɛ̃̀ìn-ɖɛ̀ ɓě ɓɛ́ wa mɔ̀ séɓàɖà kɛ ɔ kè séɓàɖà-gbǎ ɓě. 11Gba-gbaɔ̀ xwía-wàkáɔ̀ tɔ̀mɔ̀-tɔ̀mɔ̀ mɛ mɔ̀ ɓáɖáa kpáɖá-nyɔ sè hm̀m̌ ɖekè. Ké ɔ mɛ ɓéɖé cúè-ɓò kpáɖá-nyɔ ɖò kè wa kɔ̃-dè-ɖɛ̀ kpáɖá-nyɔ ɖò ɓɛ́ wa mɔ̀ bàɖàsǐ kɛ kè waà kɔ̃-cɛ̃̀ìn-ɖɛ̀ ɓě ɓɛ́ wa mɔ̀ séɓàɖà kɛ ɔ kè waà séɓàɖà-gbǎ ɓě. 12Gba-gbaɔ̀ wáká hwɔà ɖé dyóɖó-dyi-kpáìn-naínɔ̀ dyíɛɛ tɔ̀mɔ̀-tɔ̀mɔ̀ mɛ mɔ̀ ɓáɖáa ɓaɖa-bùè sè sɔ̃́ kè fá-kɛ́ín, ké ɔ mɛ ɓéɖé cúè-ɓò ɓaɖa-bùè kè wa kɔ̃-dè-ɖɛ̀ ɓaɖa-bùè. 13Gba-gbaɔ̀ wáká hwɔà ɖé dyóɖó-xwáɖáún-wóɖóìn-naínɔ̀ dyíɛɛ nììn tɔ̀mɔ̀-tɔ̀mɔ̀ mɛ mɔ̀ ɓáɖáa ɓaɖa-bùè sè sɔ̃́ kè fá-kɛ́ín. Ké ɔ mɛ ɓéɖé mú-dyáìn-naín. 14Gba-gbaɔ̀ wáká ɓɛ́ ɔ nì ɖé ɔ mú-dyáìn-naínɔ̀ wáká ɖò kɔ̃ɛɛ tɔ̀mɔ̀-tɔ̀mɔ̀ mɛ mɔ̀ ɓáɖáa tã kè jìì-ɓàɖàǎ mɛ̀nɛ̌ìn-ɖò. Ké ɔ mɛ ɓéɖé cúè-ɓò tã kè wa kɔ̃-dè-ɖɛ̀ tã. 15Gba-gbaɔ̀ wáká ɓɛ́ ɔ nì ɖé ɔ mú-dyáìn-naínɔ̀ wáká tɔ̀ɔ̀ kɔ̃ɛɛ nììn tɔ̀mɔ̀-tɔ̀mɔ̀ mɛ mɔ̀ ɓáɖáa tã kè jìì-ɓàɖàǎ mɛ̀nɛ̌ìn-ɖò ɖekè. Ké ɔ mɛ ɓéɖé cúè-ɓò tã kè wa kɔ̃-dè-ɖɛ̀ tã ɖekè. 16Ɔ ɖǎ ná nìǐn, wa mɛ nyu faà-ɖɔ̀ ɖò ɓó gba-gba-wɔ̃̀ɔ̀ jè. Ɔ tɔ̀mɔ̀-tɔ̀mɔ̀ mɛ mɔ̀ ɓáɖáa hm̀m̌, ké ɔ mɛ mɔ̀ ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ɖɛ nɔ̀mɔ̀ kɔ̃in ɓěɛ. Wa mɛ ɖàɓàìn ɖɛ nɔ̀mɔ̀ kɔ̃in ɓěɔ̀ dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. Faà-ɖɔ̀ɔ̀ mɛ ɓéɖé cúè-ɓò hĩinyɛ kè wa kɔ̃-dè-ɖɛ̀ hĩinyɛ. 17Gba-gbaɔ̀ cúè-ɓò séín mɛ ɓéɖé kɔ̃-dè-ɖɛ̀ ɓě ɓɛ́ wa mɔ̀ bàɖàsǐ kɛ kè waà kɔ̃-cɛ̃̀ìn-ɖɛ̀ ɓě ɓɛ́ wa mɔ̀ séɓàɖà kɛ ɔ kè waà séɓàɖà-gbǎ ɓě. 18Kà gba-gba gànáɔ̀ xwíníín dyi mɛ nyu ɓɛ́ɛ kɛɛ kɛà kɛ̀. Ɔ tɔ̀mɔ̀-tɔ̀mɔ̀ɔ̀ mɛ mɔ̀ ɓáɖáa kpáɖá-nyɔ sè hm̀m̌, ké ɔ xwíɖí-kùɔ̀ mɛ mɔ̀ ɓáɖáa ɓaɖa-bùè sè sɔ̃́ kè fá-kɛ́ín, ké ɔ dya-tɔ̀mɔ̀-tɔ̀mɔ̀ɔ̀ mɛ mɔ̀ ɓáɖáa dyúáɖò kè jìì-ɓàɖàǎ sɔ̃́. Gba-gbaɔ̀ faà-ɖɔ̀ɔ̀ mɛ mɔ̀ ɖénì-ɖɔ̀ nɔ̀mɔ̀ dyíin nyɛ, ké ɔ cúè-ɓò ɓěɔ̀ kɔ̃-dè-ɖɛ̀ ɓěɔ̀ mɛ mɔ̀ bàɖàsǐ. 19Kũ̀à-mú-nyùìn-ɖɛ̀ séín ɓá jàɖàìn-gbòɔ̀ dyíɛ kè ɓóɖóún-kɔ-cù ɓě kéà jàɖàìn-gbòɔ̀ kè gba-gbaɔ̀ ɓóɖóún dyi kpɔ̃ɛɛ séín mɛ mɔ̀ bàɖàsǐ.”
Ɖáùnpò ɓěɔ̀ jè gbo-gmɔ̀-gmɔ̀
(Ɖìvéɖékɔ̀ 24:1-4)
20-21Ké Bounɓoɔ̀ cɛ̃ɛ ma Mózè gbo ɖe, ké ɔ ɖá, “Cɛ̃ gma ɓě nìà kɛ jè Éézùɖùɛ̀-dyù ɓěɔ̀ gbo. Gma ɓěɔ̀ mɔ̀, Éézùɖùɛ̀-dyù ɓěɔ̀ mɛ dyà cáná nɔ̀mɔ̀ dyíin ɓɛ́ wa zà ɔ́ɖè-ɓò mú ɖieɛɛ ɓó ɖáùnpò ɓě ɓɛ́ wa nìà jàɖàìn-gbòɔ̀ múɛɛ bìì, ɓɛ́ ɖáùnpò ɓěɔ̀ ké wãuń nì kánáá pū ɓó máaún. Ɖáùnpò ɓěɔ̀ nì ɓó Pá Hwɛ̀ǐn-hwɛ̀ǐnɔ̀ mú, ké faà-ɖɔ̀ɔ̀ ɓá ɓó wa kè gma-gbɔ̀ɖɔ̀ɔ̀ pṹa dyií. Eɖóún kè ɔ dyú-gàà ɓěɔ̀ mɛ gmɔ̀ ɖáùnpò ɓěɔ̀ jè gbo, ɓɛ́ ɖáùnpò ɓěɔ̀ ké wãuń nì kánáá pū ɓó ḿ dyúa, sɔ̀ìn hwìo gbo dyɛ̀ìn gànà-kṹún wɛ̃. Ɖɛ nìà kɛ mɛ mɔ̀ gma kánáá pū ɓó Éézùɖùɛ̀-dyù ɓěɔ̀ kè waà xwíníín-dyù ɓě bìì.”
Currently Selected:
Ɛ́séɖɔ̀ 27: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɛ́séɖɔ̀ 27
27
Sáa-kɔ̃-zàìn-gbààɔ̀
(Ɛ́séɖɔ̀ 38:1-7)
1“Ɔ ɖǎ ná nìǐn, wa mɛ po sáa-kɔ̃-zàìn-gbàà ɖò. Wa mɛ pòɛ̀n àkésìà-cù. Gbààɔ̀ wáká hĩinyɛɔ̀ mɛ ɓɛ́ìn wɔ̃. Wáká ɖò-ɖòɛ̀ tɔ̀mɔ̀-tɔ̀mɔ̀ mɛ mɔ̀ ɓáɖáa dyúáɖò kè jìì-ɓàɖàǎ sɔ̃́, ké ɔ dya-tɔ̀mɔ̀-tɔ̀mɔ̀ mɛ mɔ̀ jìì-ɓàɖàǎ mɛ̀nɛ̌ìn-ɖò. 2Wa mɛ nyuɛ ɓɛ́ ɖɛ hwɔìn nimii-gmɛ̌ ɓě kéɛ gã hĩinyɛɔ̀ kɔ̃ nì. Gmɛ̌ ɓěɔ̀ kè gbààɔ̀ mɛ mɔ̀ ɖɛ dyúáɖò. Ké wa mɛ po gbàà gànáɔ̀ bàɖàsǐ bũ̌in. 3Ɔ ɖǎ ná nìǐn, wa mɛ nyu kũ̀à-mú-nyùìn-ɖɛ̀ ɓá gbààɔ̀ dyíɛ. Wa mɛ mɔ̀ páni ɓě ɓɛ́ ɓě ké tĩ́ɔ mú kùɖùìn nyɛ kè síɔ́ɓò ɓě kè gbòɖòò ɓě kè tó-tàɓàìn-ɖɛ̀ ɓě ɔ kè nyɛ-kɛ̀nɛ̀-mú-ɓéɖéìn-jìà ɓě. Ɖɛ séín ɓěa mɛ mɔ̀ bàɖàsǐ. 4Ɔ ɖǎ ná nìǐn, wa mɛ nyu tɔ̀ɔ̌ ɖò ɓó gbààɔ̀ jè. Ɔ mɛ mɔ̀ bàɖàsǐ, ké wa mɛ nyu bàɖàsǐ-gbɛ̌ɛ̀ ɓě ɖé tɔ̀ɔ̌ɔ̀ gã hĩinyɛ ɓěɔ̀ kɔ̃. 5Ké wa mɛ po tɔ̀ɔ̌ɔ̀ ɖé gbààɔ̀ xwíníín, ɓɛ́ ɔ ké ɓó gbààɔ̀ hwìɛ̀ dyi sèìn. 6Ɔ ɖǎ ná nìǐn, wa mɛ nyu àkésìà-cù-kpóɖó ɓě, ɓɛ́ wa ké wa bàɖàsǐ bũ̌in po, ɓɛ́ wa ké gbààɔ̀ ɓéɖéìn-ɖɛ̀ jǔ. 7Ti ɓɛ́ wa mu gbààɔ̀ daí zàìn mɔ́ùn wɛ̃ɛ ní, wa mɛ sṹ cu-kpóɖó ɓěɔ̀ ɖé gbɛ̌ɛ̀ ɓěɔ̀ mú, ɓɛ́ cu-kpóɖó ɓěɔ̀ ké gbààɔ̀ wáká sɔ̃́ɔ̀ kɔ̃ nì, ɓɛ́ wa kéɛ ɓéɖéìn. 8Wa mɛ kɔ̀ìn gbààɔ̀ cu-pĩ̀à ɓě, ké gbààɔ̀ mɛ nì ɓí hwòɖǒǔn. Wa mɛ nyuɛ kà ḿ nyuà m̀ gbo cɛ̃ɛ nɔ̄ toɖoɛ̀ dya kɛ.
Kà Bounɓoɔ̀ jàɖàìn-gbòɔ̀ ɖei ké nìɛ̀ nyuɛ
(Ɛ́séɖɔ̀ 38:9-20)
9“Ɔ ɖǎ ná nìǐn, wa mɛ cɛ̃ gba-gba ɖò ní jàɖàìn-gbòɔ̀ ɖei. Gba-gbaɔ̀ mɛ mɔ̀ faà-ɖɔ̀ ɓɛ́ ɔ mɔ̀ ɖénì-ɖɔ̀ nɔ̀mɔ̀ dyíin nyɛ. Gba-gbaɔ̀ zɔ̃̌in-wàkáɔ̀ tɔ̀mɔ̀-tɔ̀mɔ̀ mɛ mɔ̀ ɓáɖáa kpáɖá-nyɔ sè hm̀m̌. 10Ké wa mɛ nyu cúè-ɓò kpáɖá-nyɔ ɖò ɓó faà-ɖɔ̀ ɓě hwɔà ɖé zɔ̃̌in-wàkáɔ̀ kɔ̃ dyíɛɛ jè. Cúè-ɓò ɓěɔ̀ mɛ ɓéɖé kɔ̃-dè-ɖɛ̀ kpáɖá-nyɔ ɖò ɓɛ́ wa mɔ̀ bàɖàsǐ kɛ kè waà kɔ̃-cɛ̃̀ìn-ɖɛ̀ ɓě ɓɛ́ wa mɔ̀ séɓàɖà kɛ ɔ kè séɓàɖà-gbǎ ɓě. 11Gba-gbaɔ̀ xwía-wàkáɔ̀ tɔ̀mɔ̀-tɔ̀mɔ̀ mɛ mɔ̀ ɓáɖáa kpáɖá-nyɔ sè hm̀m̌ ɖekè. Ké ɔ mɛ ɓéɖé cúè-ɓò kpáɖá-nyɔ ɖò kè wa kɔ̃-dè-ɖɛ̀ kpáɖá-nyɔ ɖò ɓɛ́ wa mɔ̀ bàɖàsǐ kɛ kè waà kɔ̃-cɛ̃̀ìn-ɖɛ̀ ɓě ɓɛ́ wa mɔ̀ séɓàɖà kɛ ɔ kè waà séɓàɖà-gbǎ ɓě. 12Gba-gbaɔ̀ wáká hwɔà ɖé dyóɖó-dyi-kpáìn-naínɔ̀ dyíɛɛ tɔ̀mɔ̀-tɔ̀mɔ̀ mɛ mɔ̀ ɓáɖáa ɓaɖa-bùè sè sɔ̃́ kè fá-kɛ́ín, ké ɔ mɛ ɓéɖé cúè-ɓò ɓaɖa-bùè kè wa kɔ̃-dè-ɖɛ̀ ɓaɖa-bùè. 13Gba-gbaɔ̀ wáká hwɔà ɖé dyóɖó-xwáɖáún-wóɖóìn-naínɔ̀ dyíɛɛ nììn tɔ̀mɔ̀-tɔ̀mɔ̀ mɛ mɔ̀ ɓáɖáa ɓaɖa-bùè sè sɔ̃́ kè fá-kɛ́ín. Ké ɔ mɛ ɓéɖé mú-dyáìn-naín. 14Gba-gbaɔ̀ wáká ɓɛ́ ɔ nì ɖé ɔ mú-dyáìn-naínɔ̀ wáká ɖò kɔ̃ɛɛ tɔ̀mɔ̀-tɔ̀mɔ̀ mɛ mɔ̀ ɓáɖáa tã kè jìì-ɓàɖàǎ mɛ̀nɛ̌ìn-ɖò. Ké ɔ mɛ ɓéɖé cúè-ɓò tã kè wa kɔ̃-dè-ɖɛ̀ tã. 15Gba-gbaɔ̀ wáká ɓɛ́ ɔ nì ɖé ɔ mú-dyáìn-naínɔ̀ wáká tɔ̀ɔ̀ kɔ̃ɛɛ nììn tɔ̀mɔ̀-tɔ̀mɔ̀ mɛ mɔ̀ ɓáɖáa tã kè jìì-ɓàɖàǎ mɛ̀nɛ̌ìn-ɖò ɖekè. Ké ɔ mɛ ɓéɖé cúè-ɓò tã kè wa kɔ̃-dè-ɖɛ̀ tã ɖekè. 16Ɔ ɖǎ ná nìǐn, wa mɛ nyu faà-ɖɔ̀ ɖò ɓó gba-gba-wɔ̃̀ɔ̀ jè. Ɔ tɔ̀mɔ̀-tɔ̀mɔ̀ mɛ mɔ̀ ɓáɖáa hm̀m̌, ké ɔ mɛ mɔ̀ ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ɖɛ nɔ̀mɔ̀ kɔ̃in ɓěɛ. Wa mɛ ɖàɓàìn ɖɛ nɔ̀mɔ̀ kɔ̃in ɓěɔ̀ dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. Faà-ɖɔ̀ɔ̀ mɛ ɓéɖé cúè-ɓò hĩinyɛ kè wa kɔ̃-dè-ɖɛ̀ hĩinyɛ. 17Gba-gbaɔ̀ cúè-ɓò séín mɛ ɓéɖé kɔ̃-dè-ɖɛ̀ ɓě ɓɛ́ wa mɔ̀ bàɖàsǐ kɛ kè waà kɔ̃-cɛ̃̀ìn-ɖɛ̀ ɓě ɓɛ́ wa mɔ̀ séɓàɖà kɛ ɔ kè waà séɓàɖà-gbǎ ɓě. 18Kà gba-gba gànáɔ̀ xwíníín dyi mɛ nyu ɓɛ́ɛ kɛɛ kɛà kɛ̀. Ɔ tɔ̀mɔ̀-tɔ̀mɔ̀ɔ̀ mɛ mɔ̀ ɓáɖáa kpáɖá-nyɔ sè hm̀m̌, ké ɔ xwíɖí-kùɔ̀ mɛ mɔ̀ ɓáɖáa ɓaɖa-bùè sè sɔ̃́ kè fá-kɛ́ín, ké ɔ dya-tɔ̀mɔ̀-tɔ̀mɔ̀ɔ̀ mɛ mɔ̀ ɓáɖáa dyúáɖò kè jìì-ɓàɖàǎ sɔ̃́. Gba-gbaɔ̀ faà-ɖɔ̀ɔ̀ mɛ mɔ̀ ɖénì-ɖɔ̀ nɔ̀mɔ̀ dyíin nyɛ, ké ɔ cúè-ɓò ɓěɔ̀ kɔ̃-dè-ɖɛ̀ ɓěɔ̀ mɛ mɔ̀ bàɖàsǐ. 19Kũ̀à-mú-nyùìn-ɖɛ̀ séín ɓá jàɖàìn-gbòɔ̀ dyíɛ kè ɓóɖóún-kɔ-cù ɓě kéà jàɖàìn-gbòɔ̀ kè gba-gbaɔ̀ ɓóɖóún dyi kpɔ̃ɛɛ séín mɛ mɔ̀ bàɖàsǐ.”
Ɖáùnpò ɓěɔ̀ jè gbo-gmɔ̀-gmɔ̀
(Ɖìvéɖékɔ̀ 24:1-4)
20-21Ké Bounɓoɔ̀ cɛ̃ɛ ma Mózè gbo ɖe, ké ɔ ɖá, “Cɛ̃ gma ɓě nìà kɛ jè Éézùɖùɛ̀-dyù ɓěɔ̀ gbo. Gma ɓěɔ̀ mɔ̀, Éézùɖùɛ̀-dyù ɓěɔ̀ mɛ dyà cáná nɔ̀mɔ̀ dyíin ɓɛ́ wa zà ɔ́ɖè-ɓò mú ɖieɛɛ ɓó ɖáùnpò ɓě ɓɛ́ wa nìà jàɖàìn-gbòɔ̀ múɛɛ bìì, ɓɛ́ ɖáùnpò ɓěɔ̀ ké wãuń nì kánáá pū ɓó máaún. Ɖáùnpò ɓěɔ̀ nì ɓó Pá Hwɛ̀ǐn-hwɛ̀ǐnɔ̀ mú, ké faà-ɖɔ̀ɔ̀ ɓá ɓó wa kè gma-gbɔ̀ɖɔ̀ɔ̀ pṹa dyií. Eɖóún kè ɔ dyú-gàà ɓěɔ̀ mɛ gmɔ̀ ɖáùnpò ɓěɔ̀ jè gbo, ɓɛ́ ɖáùnpò ɓěɔ̀ ké wãuń nì kánáá pū ɓó ḿ dyúa, sɔ̀ìn hwìo gbo dyɛ̀ìn gànà-kṹún wɛ̃. Ɖɛ nìà kɛ mɛ mɔ̀ gma kánáá pū ɓó Éézùɖùɛ̀-dyù ɓěɔ̀ kè waà xwíníín-dyù ɓě bìì.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.