Ìfísĩ̀ɔ̀ 5
5
Ɓěà mɛ cĩ́ ɖé ceɔ̀ mú
1Kà ɓɛ́ ɓě mɔ̀à Gèɖèpɔ́ɔ̀ ɖɛ̀ɓɛ̀-dyù ɓěɛɛ, ɓě mɛ dyéìn ɔ nyuu-ɖɛ̀ ɓěɔ̀, ɓɛ́ ɓě ké ɖò nyu. 2Ɓě mɛ cĩ́ ɖé ɖɛ̀ɓɛ̀ǐn-ɖɛ̀ɓɛ̀ǐn mú, kà ɓɛ́ Kɛ́ɖɛ́ì ɖɛ̀ɓɛ̀à à mú, ké ɔ tòà ɔ mìɔùn ɓó à bììɛ. Ké ɔ fɛ̀ɛ̀ ɓɛ́ ɔ tò ma kà kɛɛ mɔ̀ ma sáa-zàìn-ɖɛ̀ nɔ̀mɔ̀ nyɔ́ún, ké ɔ dè Gèɖèpɔ́ɔ̀ hwìɖǐi.
3Kà ɓɛ́ ɓě mɔ̀à Gèɖèpɔ́ɔ̀-nyɔ̀ ɓěɛɛ, ɔ se dyíin nɔ̀mɔ̀ ɓɛ́ wa ké gbàɖàùn-po-po kè kpeɖe gbà séín ɔ kè ɖɛ séín mɔ́ jè cɛ̃ fóɖóún ɖé ɓě hwìɛ̀. 4Ké ɔ se dyíin nɔ̀mɔ̀ ɓɛ́ ɓě ké dɔ́ɔ́ gbà dè, ɔ kè ɓɛ́ ɓě ké ɖɛ cá-cá cɛ̃, ɔ kè ɓɛ́ ɓě ké ɖɛ gbà cɛ̃, ɓɛ́ ɔ kéɛ nyu ɓɛ́ nyɔǔn ké kéɛ̀. Ɓě mɛ ɓɔ́ɔ náa nyuɛ, kɛɛ ɓě mɛ po Gèɖèpɔ́ɔ̀ zùo. 5Ɓě mɛ dyuò ɖɛ nìà kɛ dyí. Ɔ mɔ̀, gbàɖàùn-po-nyɔ̀ kè kpeɖe-gbà-nyu-nyɔ̀ ɔ kè ɖɛ-séín-mɔ́-nyɔ̀ kɔ̃̀ xwíníín mɔ̀à kũùn-kpò-ɓiè-nyɔ̀ kɛɛ se pá ɖò kɔ̃̀ɔ̌ mu ɖé Kɛ́ɖɛ́ì kè Gèɖèpɔ́ɔ̀ kã́á-ɓòɖòɔ̀ mú.
6Nyɔ ɖò ní ɖá ɓɛ́ ɔ ké ɓě cá ɖé wuɖu fóɖóún mú, sepóɛɖé ɖɛ ɓě nìà kɛ muɛ nyuùn ɓɛ́ Gèɖèpɔ́ɔ̀ dyoɖo ké nyɔ ɓě se ɔ wuɖu nyuɛɛ kɔ̃ dyi. 7Ɔ jèɛɛ, ɓě mɛ peɖe nyɔ nì kà ɓěa kɛɛ dyi. 8Ɓě mɔ̀ùn nì ma tíe-kpò mú kĩ́ín, kɛɛ kà ɓɛ́ ɓě nìà Bounɓoɔ̀ mú kàǔn wɛ̃ɛ, ɓě nì ɖé ceɔ̀ mú. Ɔ jèɛɛ, ɓě mɛ cĩ́ kà nyɔ ɓě ɓéɖéà ceɔ̀ kɛɛ cĩ́à kɛ, 9sepóɛɖé dɛ̀ ɓɛ́ ce nì kɛɛ, ɖéɛ̀ ɖɛ nɔ̀mɔ̀ dyíin séín kè dyí-sɛ́ɖɛ́ìn-ɖɛ̀ séín ɔ kè ɖɛ ɓě mɔ̀ jǎà kɛɛ bã. 10Ɓě mɛ vɔ̃ ɓɛ́ ɓě ké ɖɛ ɓě dè Bounɓoɔ̀ hwòɖǒ dyiɛɛ cɛ̃́. 11Ɓěǐn ɖá ɓɛ́ ɓě ké tíe-kpòǔn-ɖɛ̀ se ɖɛ kpa ɓěɔ̀ ɖò nyu. Kɛɛ ɓě mɛ dyà wa ceɔ̀ dyí. 12Ɔ nì dɛ̃ ɓɛ́ nyɔǔn ké ɖɛ ɓě ɓɛ́ nyɔǔn nyùìn gã gbo kɛɛ jè cɛ̃ dyɛ mɔ̀ùn. 13Ké ti ɖɛ séín ɓě muà ceɔ̀ dyí dyiìn nyɛɛ, nyɔ ɓěɔ̀ mu kà wa nyu nìɛ̀ kɛɛ dyéìn nɔ̀mɔ̀ dyíin. 14Ké ɖɛ ɓɛ́ nyɔǔn ɓě dyéà nɔ̀mɔ̀ dyíin nyɛɛ, ɔ mu ce jǔùn. Ɖɛa kɔ̃̀ jè, wa ɖá,
“Mɔ̀ mɔ̀ nyɔ nìà mɔ́uń wɛ̃ɛ, wóɖó nyíɔún.
Wóɖó gĩɔ, ké Kɛ́ɖɛ́ì mu m̀ ce nyíìn.”
15Ɔ jèɛɛ, ɓě mɛ ma mú ɓó kà ɓě mu cĩ́ìn nyɛ. Ɓě ní ɖá ɓɛ́ ɓě ké cĩ́ kà nyɔ se hwòɖǒ fɔ̀nɔ̀ ɓěɔ̀ cĩ́à kɛ. Kɛɛ ɓě mɛ cĩ́ kà nyɔ fɔ̀nɔ̀ hwòɖǒ ɓěɔ̀ cĩ́à kɛ. 16Ɓě mɛ nyùìn ti ɓě ɓéɖéà kɛɛ kũ̀à mú nɔ̀mɔ̀ dyíin, sepóɛɖé wé ɓě nìà kɛ mɔ̀ wé nyìnììn dyíin ɓě. 17Ɔ jèɛɛ, ɓěǐn ɖá ɓɛ́ ɓě ké zuɖu, kɛɛ ɓě mɛ vɔ̃ ɓɛ́ ɓě ké ɖɛ ɓɛ́ Bounɓoɔ̀ mɔ́ ɓɛ́ ɓě ké nyuɛɛ múin wɔ̃́.
18Ɓěǐn ɖá ɓěɛ̀ dyéɖé ké wã́ìn dya nì, sepóɛɖé ɔ nyuɛ ké nyɔǔn cĩ́ fùɖùù-fùɖùù-kà. Kɛɛ Zùùɔ̀ mɛ dyíìn ɓě múin. 19Ɓě mɛ ɓeɖe wɛ́ɖɛ́ ɓě céèà ɖé dèè-wùɖù sùàɔ̀ múɛ kè ɓàìn-wɛ̀ɖɛ̀ ɓě ɔ kè Gèɖèpɔ́ɔ̀-wɛ̀ɖɛ̀ ɓě. Ɓě mɛ ɓèɖèìn Bounɓoɔ̀ gbo, ɓɛ́ ɓě ké ɔ ɓàìn ɖé ɓě hwòɖǒ bũ̌. 20Ɓě mɛ po Gèɖèpɔ́ɔ̀ mɔ̀à Ɓǎɔ̀ kɛɛ zùo ti séín ɓó ɖɛ séín jè, ɖé à Bounɓo Jízɛ̀ Kɛ́ɖɛ́ì nyɛ́nɛ́ɔ̀ mú.
Nyɔ́nɔ́ ɓě kè waà dyú-ɓǎ ɓě
21Ɓě mɛ niìn nììn xwíɖíi, sepóɛɖé ɓě fɛ̃̀ìn Kɛ́ɖɛ́ì jè. 22Ɓě mɔ̀ màa ɓěɛɛ, ɓě mɛ nì ɓěɛ̀ dyú-ɓǎ ɓě xwíɖíi, kà ɓɛ́ nyɔ ɓě nìà Bounɓoɔ̀ xwíɖíiɛ. 23Sepóɛɖé gàaɔ̀ nì ɔ gmààɔ̀ kɔ̃in kà Kɛ́ɖɛ́ì nìà cɔ́cì-nyɔ̀ ɓěɔ̀ kɔ̃in nyɛ. Ké Kɛ́ɖɛ́ì mìɔùn mɔ̀ cɔ́cì-nyɔ̀ ɓě mɔ̀à ɔ kpóɖó-dyùàɔ̀ kɛɛ póìn-nyɔ̀. 24Ɔ jèɛɛ, kà cɔ́cì-nyɔ̀ ɓěɔ̀ nìà Kɛ́ɖɛ́ì xwíɖíiɛɛ, kǎà màa ɓěɔ̀ mɛ nì waà dyú-ɓǎ ɓěɔ̀ xwíɖíi ɖé ɖɛ séín mú.
25Ɓě mɔ̀ nyɔ́nɔ́-ɓǎ ɓěɛɛ, ɓě mɛ ɖɛ̀ɓɛ̀ ɓěɛ̀ gmàà ɓěɔ̀ mú kà Kɛ́ɖɛ́ì ɖɛ̀ɓɛ̀à cɔ́cì-nyɔ̀ ɓěɔ̀ mú, ké ɔ tòà ɔ mìɔùn ɓó wa bììɛ. 26Ɔ nyu ɖɛa, ɓɛ́ ɔ ké cɔ́cì-nyɔ̀ ɓěɔ̀ Gèɖèpɔ́ɔ̀ xwáɖáún zàìn dyììn ɖé ɔ wuɖuɔ̀ mú, ti ɔ ɖǎ ma wa dèɖè dyììn ɖé níɔ̀ mú, ké ɔ ɖǎ ma wa mú hwɔɛ. 27Ɔ nyuɛ ma náa, ɓɛ́ ɔ dyi cɔ́cì-nyɔ̀ ɓěɔ̀ ɔ mìɔùn xwáɖáún zàǐn nìǐn, wa ké dyíin nɔ̀mɔ̀ mìɔ, ɓɛ́ wa ké dyí sɛ́ɖɛ́ìn, ɓɛ́ wa ké se kɛɛ kè bɛ̃̌ ɖò bũ̌ nì, ɓɛ́ wa ké se kɔ̃in páɖáìn kà ɖɔ nìà kɛ, mɔɔ ɓɛ́ ɖɛ kà kò ɖò ké se wa dyíin nyìnììn. 28Gàa ɓěɔ̀ ɓéɖé ɓɛ́ wa ké waà gmàà ɓěɔ̀ mú ɖɛ̀ɓɛ̀ kà wa ɖɛ̀ɓɛ̀à wa mìɔùn nììn kpóɖó-dyùàɔ̀ múɛ. Nyɔ ɖɛ̀ɓɛ̀ ɔ gmààɔ̀ múɛɛ, ɔ ɖɛ̀ɓɛ̀ ɔ mìɔùn mú. 29Nyɔ ɖò ní nyɛ́ ɔ mìɔùn nììn kpóɖó-dyùàɔ̀ mú, kɛɛ ɔ nyíɛ ɖii-ɖɛ̀, ké ɔ gmɔ̀ɔ̀ dyí kà Kɛ́ɖɛ́ì nyuà cɔ́cì-nyɔ̀ ɓěɔ̀ kɛ. 30Kɛ́ɖɛ́ì gmɔ̀ à dyí, sepóɛɖé à mɔ̀ ɔ kpóɖó-dyùàɔ̀ wáká ɓě. 31Gèɖèpɔ́ɔ̀-cèè-ɖɛ̀ɔ̀ ɖá, “Ɓó ɖɛa jèɛɛ, gàaɔ̀ mu ɔ ɖe kè ɔ ɓǎ dyi táàùn, ɓɛ́ ɔ kè ɔ gmààɔ̀ ké xwaún kpáìn, ɓɛ́ wa sɔ̃́ɔ̀ ké nyɔ dyúáɖò jǔ.” 32Wuɖu jɛ́ɛ́ nì wuɖuɔ̀ múin. Ɖé ní ɖɛ-múin-wɔ̃́-wɔ̃́ múɛɛ, ɔ ɓá Kɛ́ɖɛ́ì kè cɔ́cì-nyɔ̀ ɓěɔ̀ dyí. 33Kɛɛ ɔ ɓá ɓě dyí ɖekè. Gàa ɖò-ɖò séín mɛ ɖɛ̀ɓɛ̀ waà gmàà mú kà wa ɖɛ̀ɓɛ̀à wa mìɔùn múɛ, ké màa ɖò-ɖò séín mɛ dyé waà dyú-ɓǎ kpéín.
Currently Selected:
Ìfísĩ̀ɔ̀ 5: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ìfísĩ̀ɔ̀ 5
5
Ɓěà mɛ cĩ́ ɖé ceɔ̀ mú
1Kà ɓɛ́ ɓě mɔ̀à Gèɖèpɔ́ɔ̀ ɖɛ̀ɓɛ̀-dyù ɓěɛɛ, ɓě mɛ dyéìn ɔ nyuu-ɖɛ̀ ɓěɔ̀, ɓɛ́ ɓě ké ɖò nyu. 2Ɓě mɛ cĩ́ ɖé ɖɛ̀ɓɛ̀ǐn-ɖɛ̀ɓɛ̀ǐn mú, kà ɓɛ́ Kɛ́ɖɛ́ì ɖɛ̀ɓɛ̀à à mú, ké ɔ tòà ɔ mìɔùn ɓó à bììɛ. Ké ɔ fɛ̀ɛ̀ ɓɛ́ ɔ tò ma kà kɛɛ mɔ̀ ma sáa-zàìn-ɖɛ̀ nɔ̀mɔ̀ nyɔ́ún, ké ɔ dè Gèɖèpɔ́ɔ̀ hwìɖǐi.
3Kà ɓɛ́ ɓě mɔ̀à Gèɖèpɔ́ɔ̀-nyɔ̀ ɓěɛɛ, ɔ se dyíin nɔ̀mɔ̀ ɓɛ́ wa ké gbàɖàùn-po-po kè kpeɖe gbà séín ɔ kè ɖɛ séín mɔ́ jè cɛ̃ fóɖóún ɖé ɓě hwìɛ̀. 4Ké ɔ se dyíin nɔ̀mɔ̀ ɓɛ́ ɓě ké dɔ́ɔ́ gbà dè, ɔ kè ɓɛ́ ɓě ké ɖɛ cá-cá cɛ̃, ɔ kè ɓɛ́ ɓě ké ɖɛ gbà cɛ̃, ɓɛ́ ɔ kéɛ nyu ɓɛ́ nyɔǔn ké kéɛ̀. Ɓě mɛ ɓɔ́ɔ náa nyuɛ, kɛɛ ɓě mɛ po Gèɖèpɔ́ɔ̀ zùo. 5Ɓě mɛ dyuò ɖɛ nìà kɛ dyí. Ɔ mɔ̀, gbàɖàùn-po-nyɔ̀ kè kpeɖe-gbà-nyu-nyɔ̀ ɔ kè ɖɛ-séín-mɔ́-nyɔ̀ kɔ̃̀ xwíníín mɔ̀à kũùn-kpò-ɓiè-nyɔ̀ kɛɛ se pá ɖò kɔ̃̀ɔ̌ mu ɖé Kɛ́ɖɛ́ì kè Gèɖèpɔ́ɔ̀ kã́á-ɓòɖòɔ̀ mú.
6Nyɔ ɖò ní ɖá ɓɛ́ ɔ ké ɓě cá ɖé wuɖu fóɖóún mú, sepóɛɖé ɖɛ ɓě nìà kɛ muɛ nyuùn ɓɛ́ Gèɖèpɔ́ɔ̀ dyoɖo ké nyɔ ɓě se ɔ wuɖu nyuɛɛ kɔ̃ dyi. 7Ɔ jèɛɛ, ɓě mɛ peɖe nyɔ nì kà ɓěa kɛɛ dyi. 8Ɓě mɔ̀ùn nì ma tíe-kpò mú kĩ́ín, kɛɛ kà ɓɛ́ ɓě nìà Bounɓoɔ̀ mú kàǔn wɛ̃ɛ, ɓě nì ɖé ceɔ̀ mú. Ɔ jèɛɛ, ɓě mɛ cĩ́ kà nyɔ ɓě ɓéɖéà ceɔ̀ kɛɛ cĩ́à kɛ, 9sepóɛɖé dɛ̀ ɓɛ́ ce nì kɛɛ, ɖéɛ̀ ɖɛ nɔ̀mɔ̀ dyíin séín kè dyí-sɛ́ɖɛ́ìn-ɖɛ̀ séín ɔ kè ɖɛ ɓě mɔ̀ jǎà kɛɛ bã. 10Ɓě mɛ vɔ̃ ɓɛ́ ɓě ké ɖɛ ɓě dè Bounɓoɔ̀ hwòɖǒ dyiɛɛ cɛ̃́. 11Ɓěǐn ɖá ɓɛ́ ɓě ké tíe-kpòǔn-ɖɛ̀ se ɖɛ kpa ɓěɔ̀ ɖò nyu. Kɛɛ ɓě mɛ dyà wa ceɔ̀ dyí. 12Ɔ nì dɛ̃ ɓɛ́ nyɔǔn ké ɖɛ ɓě ɓɛ́ nyɔǔn nyùìn gã gbo kɛɛ jè cɛ̃ dyɛ mɔ̀ùn. 13Ké ti ɖɛ séín ɓě muà ceɔ̀ dyí dyiìn nyɛɛ, nyɔ ɓěɔ̀ mu kà wa nyu nìɛ̀ kɛɛ dyéìn nɔ̀mɔ̀ dyíin. 14Ké ɖɛ ɓɛ́ nyɔǔn ɓě dyéà nɔ̀mɔ̀ dyíin nyɛɛ, ɔ mu ce jǔùn. Ɖɛa kɔ̃̀ jè, wa ɖá,
“Mɔ̀ mɔ̀ nyɔ nìà mɔ́uń wɛ̃ɛ, wóɖó nyíɔún.
Wóɖó gĩɔ, ké Kɛ́ɖɛ́ì mu m̀ ce nyíìn.”
15Ɔ jèɛɛ, ɓě mɛ ma mú ɓó kà ɓě mu cĩ́ìn nyɛ. Ɓě ní ɖá ɓɛ́ ɓě ké cĩ́ kà nyɔ se hwòɖǒ fɔ̀nɔ̀ ɓěɔ̀ cĩ́à kɛ. Kɛɛ ɓě mɛ cĩ́ kà nyɔ fɔ̀nɔ̀ hwòɖǒ ɓěɔ̀ cĩ́à kɛ. 16Ɓě mɛ nyùìn ti ɓě ɓéɖéà kɛɛ kũ̀à mú nɔ̀mɔ̀ dyíin, sepóɛɖé wé ɓě nìà kɛ mɔ̀ wé nyìnììn dyíin ɓě. 17Ɔ jèɛɛ, ɓěǐn ɖá ɓɛ́ ɓě ké zuɖu, kɛɛ ɓě mɛ vɔ̃ ɓɛ́ ɓě ké ɖɛ ɓɛ́ Bounɓoɔ̀ mɔ́ ɓɛ́ ɓě ké nyuɛɛ múin wɔ̃́.
18Ɓěǐn ɖá ɓěɛ̀ dyéɖé ké wã́ìn dya nì, sepóɛɖé ɔ nyuɛ ké nyɔǔn cĩ́ fùɖùù-fùɖùù-kà. Kɛɛ Zùùɔ̀ mɛ dyíìn ɓě múin. 19Ɓě mɛ ɓeɖe wɛ́ɖɛ́ ɓě céèà ɖé dèè-wùɖù sùàɔ̀ múɛ kè ɓàìn-wɛ̀ɖɛ̀ ɓě ɔ kè Gèɖèpɔ́ɔ̀-wɛ̀ɖɛ̀ ɓě. Ɓě mɛ ɓèɖèìn Bounɓoɔ̀ gbo, ɓɛ́ ɓě ké ɔ ɓàìn ɖé ɓě hwòɖǒ bũ̌. 20Ɓě mɛ po Gèɖèpɔ́ɔ̀ mɔ̀à Ɓǎɔ̀ kɛɛ zùo ti séín ɓó ɖɛ séín jè, ɖé à Bounɓo Jízɛ̀ Kɛ́ɖɛ́ì nyɛ́nɛ́ɔ̀ mú.
Nyɔ́nɔ́ ɓě kè waà dyú-ɓǎ ɓě
21Ɓě mɛ niìn nììn xwíɖíi, sepóɛɖé ɓě fɛ̃̀ìn Kɛ́ɖɛ́ì jè. 22Ɓě mɔ̀ màa ɓěɛɛ, ɓě mɛ nì ɓěɛ̀ dyú-ɓǎ ɓě xwíɖíi, kà ɓɛ́ nyɔ ɓě nìà Bounɓoɔ̀ xwíɖíiɛ. 23Sepóɛɖé gàaɔ̀ nì ɔ gmààɔ̀ kɔ̃in kà Kɛ́ɖɛ́ì nìà cɔ́cì-nyɔ̀ ɓěɔ̀ kɔ̃in nyɛ. Ké Kɛ́ɖɛ́ì mìɔùn mɔ̀ cɔ́cì-nyɔ̀ ɓě mɔ̀à ɔ kpóɖó-dyùàɔ̀ kɛɛ póìn-nyɔ̀. 24Ɔ jèɛɛ, kà cɔ́cì-nyɔ̀ ɓěɔ̀ nìà Kɛ́ɖɛ́ì xwíɖíiɛɛ, kǎà màa ɓěɔ̀ mɛ nì waà dyú-ɓǎ ɓěɔ̀ xwíɖíi ɖé ɖɛ séín mú.
25Ɓě mɔ̀ nyɔ́nɔ́-ɓǎ ɓěɛɛ, ɓě mɛ ɖɛ̀ɓɛ̀ ɓěɛ̀ gmàà ɓěɔ̀ mú kà Kɛ́ɖɛ́ì ɖɛ̀ɓɛ̀à cɔ́cì-nyɔ̀ ɓěɔ̀ mú, ké ɔ tòà ɔ mìɔùn ɓó wa bììɛ. 26Ɔ nyu ɖɛa, ɓɛ́ ɔ ké cɔ́cì-nyɔ̀ ɓěɔ̀ Gèɖèpɔ́ɔ̀ xwáɖáún zàìn dyììn ɖé ɔ wuɖuɔ̀ mú, ti ɔ ɖǎ ma wa dèɖè dyììn ɖé níɔ̀ mú, ké ɔ ɖǎ ma wa mú hwɔɛ. 27Ɔ nyuɛ ma náa, ɓɛ́ ɔ dyi cɔ́cì-nyɔ̀ ɓěɔ̀ ɔ mìɔùn xwáɖáún zàǐn nìǐn, wa ké dyíin nɔ̀mɔ̀ mìɔ, ɓɛ́ wa ké dyí sɛ́ɖɛ́ìn, ɓɛ́ wa ké se kɛɛ kè bɛ̃̌ ɖò bũ̌ nì, ɓɛ́ wa ké se kɔ̃in páɖáìn kà ɖɔ nìà kɛ, mɔɔ ɓɛ́ ɖɛ kà kò ɖò ké se wa dyíin nyìnììn. 28Gàa ɓěɔ̀ ɓéɖé ɓɛ́ wa ké waà gmàà ɓěɔ̀ mú ɖɛ̀ɓɛ̀ kà wa ɖɛ̀ɓɛ̀à wa mìɔùn nììn kpóɖó-dyùàɔ̀ múɛ. Nyɔ ɖɛ̀ɓɛ̀ ɔ gmààɔ̀ múɛɛ, ɔ ɖɛ̀ɓɛ̀ ɔ mìɔùn mú. 29Nyɔ ɖò ní nyɛ́ ɔ mìɔùn nììn kpóɖó-dyùàɔ̀ mú, kɛɛ ɔ nyíɛ ɖii-ɖɛ̀, ké ɔ gmɔ̀ɔ̀ dyí kà Kɛ́ɖɛ́ì nyuà cɔ́cì-nyɔ̀ ɓěɔ̀ kɛ. 30Kɛ́ɖɛ́ì gmɔ̀ à dyí, sepóɛɖé à mɔ̀ ɔ kpóɖó-dyùàɔ̀ wáká ɓě. 31Gèɖèpɔ́ɔ̀-cèè-ɖɛ̀ɔ̀ ɖá, “Ɓó ɖɛa jèɛɛ, gàaɔ̀ mu ɔ ɖe kè ɔ ɓǎ dyi táàùn, ɓɛ́ ɔ kè ɔ gmààɔ̀ ké xwaún kpáìn, ɓɛ́ wa sɔ̃́ɔ̀ ké nyɔ dyúáɖò jǔ.” 32Wuɖu jɛ́ɛ́ nì wuɖuɔ̀ múin. Ɖé ní ɖɛ-múin-wɔ̃́-wɔ̃́ múɛɛ, ɔ ɓá Kɛ́ɖɛ́ì kè cɔ́cì-nyɔ̀ ɓěɔ̀ dyí. 33Kɛɛ ɔ ɓá ɓě dyí ɖekè. Gàa ɖò-ɖò séín mɛ ɖɛ̀ɓɛ̀ waà gmàà mú kà wa ɖɛ̀ɓɛ̀à wa mìɔùn múɛ, ké màa ɖò-ɖò séín mɛ dyé waà dyú-ɓǎ kpéín.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.