2 Kɔ̀ɖéíntĩ̀ɔ̀ 4
4
Zùǔn-dyi-dè-ɖɛ̀ kpa ɖɛɔ̀ nì ɖé mɛ-dyàà ɓě mú
1Gèɖèpɔ́ɔ̀ dyé à wìǐn, ké ɔ nyí à kũ̀à nìà kɛ. Ɔ jèɛɛ, à hwòɖǒ se ɖé ɖei kpá. 2À ɖǎ dɛ̃-ɖɛ̀ ɓě ɓɛ́ nyɔǔn nyuà vǐè-kà kɛɛ gbo sɔ̀. À ní nyu gbá-gbá, ké à ní zĩàìn Gèɖèpɔ́ɔ̀ wuɖuɔ̀ ɖò gbo. Kɛɛ à cɛ̃ kà jǎàɔ̀ wáɖáá, ké à nì vɔ̃uń ɖé hwìè nìà kɛ mú, ɓɛ́ nyɔǔn séínɛ̀ hwòɖǒ-xwíníín-hwòɖò-dyùàɔ̀ ké se hwìɖǐi poìn ɓá à dyí ɖé Gèɖèpɔ́ɔ̀ dyúa. 3Ké bɔ̃̌ nɔ̀mɔ̀ dyíin ɓɛ́ à cɛ̃à kɛɛ dyi vǐè jǎà ní, nìí, ɔ vǐè nyɔ ɓě nìà mú gbɔɔ̀ǔn wɛ̃ɛ ɖòùn dyí. 4Ɓóɖó-kpà nìà kɛ nììn gèɖèpɔ́ɔ̀ ɖǎ nyɔ ɓě ɓɛ́ wa seà Gèɖèpɔ́ɔ̀ hwìɖǐǐ taɓaa hwòɖǒɔ̀ kɔ̃in kpèìn. Ɔ nyuɛ náa, ɓɛ́ wa ní kɔ̃̀ ɖà ceɔ̀ dyé. Ceɔ̀ mɔ̀ bɔ̃̌ nɔ̀mɔ̀ dyíin ɓá Kɛ́ɖɛ́ì kè Gèɖèpɔ́ɔ̀ hwɔìn kà jɛ́ɛ́ kɛɛ dĩ́ín-dĩ̀ìnɔ̀ dyíɛ. 5Sepóɛɖé zio à poà kɛɛ, à seɛ à mìɔùn jè po. À po Jízɛ̀ Kɛ́ɖɛ́ì jè zio kà ɓɛ́ ɔ mɔ̀ Bounɓoɔ̀ kɛ, ké à mɔ̀ ɓěɛ̀ gbo-nì-nyɔ̀ ɓó Jízɛ̀ jè. 6Gèɖèpɔ́ɔ̀ cɛ̃ɛ zɔ̃̌ɔ̀, ké ɔ ɖá, “Ceɔ̀ mɛ fã̀ìn ɖé tíe-kpòɔ̀ mú.” Ké Gèɖèpɔ́ɔ̀ dyúáɖòɔ̀ mɔ̀ nyɔ nyuà ké ɔ ceɔ̀ fã ma kà ɖé à hwòɖǒ-dyùà ɓěɔ̀ múɛ̀. Ké ɔ nyí à ce mɔ̀à hwòɖǒ-fɔ̀nɔ̀-fɔ̀nɔ̀ ɓá Gèɖèpɔ́ɔ̀ dĩ́ín-dĩ̀ìnɔ̀ dyíɛ, ké ɔ fã̀ìn ɖé Kɛ́ɖɛ́ì dyúa, ké à dyéɛ.
7Kɛɛ à mɔ̀ nyɔ ɓɛ́ à ɓéɖéà dyi-dè-ɖɛ̀ kpa ɖɛɔ̀ kɛɛ, à nì kà mɛ-dyàà nìà kɛ. Ɔ nì ná, ɓɛ́ ɔ kéɛ nyɔǔn dyí tɛ̀mɛ̀ìn kà ɓɛ́ kpé zi dyí ɓúáuń mìɔ nìà à múɛɛ mɔ̀ Gèɖèpɔ́ɔ̀ kɔ̃̀ɔ̀-ɖɛ̀ kɛ. Ɔ se à kɔ̃̀ɔ̀-ɖɛ̀. 8Wa pĩ́à à dyi ɖé ɖɛ kò-kò ɓě mú, kɛɛ ɔ ní nyu ké à ní wɛ̀ìn dyi. Hwòɖǒ kpèìn à kɔ̃in, kɛɛ ɔ seɛ nyuɛ ɓɛ́ìn, ɓɛ́ à ké se ɖɛ ɖò nyuɛ ɓɛ́ìn ɖe. 9Wa nì à kíɖíí, ɓɛ́ wa ké à gǎ dyéìn, kɛɛ Gèɖèpɔ́ɔ̀ ní táà à dyi. Wa po à ɓíɖíi dyi, kɛɛ à ní wɛ̀ìn dyi. 10Ɔ nì pū kà à ɓéɖéà Jízɛ̀ mɛ́-mɛ́ɔ̀ jè ɖé à kpóɖó-dyùà mú ti séín nyɛ, ɓɛ́ nyɔǔn ké Jízɛ̀ fɛ̀ɛ̀ɔ̀ ɖé à kpóɖó-dyùàɔ̀ mú dyé ɖekè. 11Ɖé à fɛ̀ɛ̀-wè séín múɛɛ, ɔ nì pū kà wa nìà à xwáɖáún zàǔn ti séín, ɓɛ́ à ké mɛ́ ɓó Jízɛ̀ jèɛ. Ɔ nì ná ɓɛ́ nyɔǔn ké Jízɛ̀ɛ̀ fɛ̀ɛ̀ɔ̀ ɖé à kpóɖó-dyùà muà mɛ́ìn nyɛɛ mú dyé. 12Ɔ xwíníín mɔ̀, ɔ nì kà mɛ́-mɛ́ nì kũ̀à nyuɛń ɖé à mú, ké fɛ̀ɛ̀ nì ɖé ɓě mɔ̀ùn múɛ.
13Gèɖèpɔ́ɔ̀-cèè-ɖɛ̀ɔ̀ ɖá, “Ḿ ɓéɖé hwìɖǐǐ-taɓa-taɓa. Ɔ jèɛɛ, ḿ wùɖùà kà kɛ̀.” Ɖé hwìɖǐǐ-taɓa-hwòɖò-dyùà dyúáɖòɔ̀ mú, ɖé à nyu ɖɛ dyúáɖòɔ̀. À mɔ̀ùn ɓéɖé hwìɖǐǐ-taɓa-taɓa. Ɔ jèɛɛ, à wùɖùà kà kɛ̀. 14Sepóɛɖé à dyuòɛ̀ kà Gèɖèpɔ́ɔ̀ zà ma kà Bounɓo Jízɛ̀ gĩɔ kɛɛ, kǎà ɔ mu à mɔ̀ùn gĩɔ zàùn ɖé Jízɛ̀ mú ɖekè, ké ɔ mu à kè ɓě ɖé ɔ dyúa dyàùn. 15Ɖɛ séín ɓě nìà kɛ, ɔ mɔ̀ ɓó ɓě jè. Ké kà Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ nyinià ɖé nyɔ ɓáún-ɓáún gboɛɛ, wa mu Gèɖèpɔ́ɔ̀ zùo poùn mìɔ, ɓɛ́ ɔ ké ɓàìn-ɓàìnɔ̀ ɓéɖé.
Cĩ́-cĩ́ nì ɖé hwìɖǐǐ-taɓa-taɓa múɛ
16Ɔ jèɛɛ, à hwòɖǒ ní kpá ɖé ɖei. Kpé nì à kpóɖó-dyùàɔ̀ dyí hwɛ̀ǐn dyɛo, kɛɛ ɔ nì kà Gèɖèpɔ́ɔ̀ nìà à hwòɖǒɔ̀ nyuɛń ɖe ɖie ɓó wé séín xwíníín nyɛ. 17Gǎ à nìà dyéɛń nyɛɛ fɛ̃́ìn xwa, ké ɔ se ɖɛ ɓɛ́ ɔ ké hwèɖèìn nyɛ. Kɛɛ ɔ mu à sè-ná-sèɛ̀ dĩ́ín-dĩ̀ìn dyàùn. Ké dĩ́ín-dĩ̀ìnɔ̀ ɓúá dyí ké ɔ zi gǎ-dyé-dyéɔ̀ dyí vɛ̃in. 18Sepóɛɖé à ní dè ɖɛ ɓě ɓɛ́ à po dyéɖé kɔ̃ɛɛ dyé jè hwìɖǐi, kɛɛ à dè ɖɛ ɓě ɓɛ́ à se dyéɖé kɔ̃ poɛɛ dyé jè hwìɖǐi. Ɖɛ ɓě ɓɛ́ à poà dyéɖé kɔ̃ɛɛ nì dyi ziɛń, kɛɛ ɖɛ ɓě ɓɛ́ à seà dyéɖé kɔ̃ poɛń nìɛɛ mɔ̀ sè-ná-sèɛ̀ ɖɛ.
Currently Selected:
2 Kɔ̀ɖéíntĩ̀ɔ̀ 4: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
2 Kɔ̀ɖéíntĩ̀ɔ̀ 4
4
Zùǔn-dyi-dè-ɖɛ̀ kpa ɖɛɔ̀ nì ɖé mɛ-dyàà ɓě mú
1Gèɖèpɔ́ɔ̀ dyé à wìǐn, ké ɔ nyí à kũ̀à nìà kɛ. Ɔ jèɛɛ, à hwòɖǒ se ɖé ɖei kpá. 2À ɖǎ dɛ̃-ɖɛ̀ ɓě ɓɛ́ nyɔǔn nyuà vǐè-kà kɛɛ gbo sɔ̀. À ní nyu gbá-gbá, ké à ní zĩàìn Gèɖèpɔ́ɔ̀ wuɖuɔ̀ ɖò gbo. Kɛɛ à cɛ̃ kà jǎàɔ̀ wáɖáá, ké à nì vɔ̃uń ɖé hwìè nìà kɛ mú, ɓɛ́ nyɔǔn séínɛ̀ hwòɖǒ-xwíníín-hwòɖò-dyùàɔ̀ ké se hwìɖǐi poìn ɓá à dyí ɖé Gèɖèpɔ́ɔ̀ dyúa. 3Ké bɔ̃̌ nɔ̀mɔ̀ dyíin ɓɛ́ à cɛ̃à kɛɛ dyi vǐè jǎà ní, nìí, ɔ vǐè nyɔ ɓě nìà mú gbɔɔ̀ǔn wɛ̃ɛ ɖòùn dyí. 4Ɓóɖó-kpà nìà kɛ nììn gèɖèpɔ́ɔ̀ ɖǎ nyɔ ɓě ɓɛ́ wa seà Gèɖèpɔ́ɔ̀ hwìɖǐǐ taɓaa hwòɖǒɔ̀ kɔ̃in kpèìn. Ɔ nyuɛ náa, ɓɛ́ wa ní kɔ̃̀ ɖà ceɔ̀ dyé. Ceɔ̀ mɔ̀ bɔ̃̌ nɔ̀mɔ̀ dyíin ɓá Kɛ́ɖɛ́ì kè Gèɖèpɔ́ɔ̀ hwɔìn kà jɛ́ɛ́ kɛɛ dĩ́ín-dĩ̀ìnɔ̀ dyíɛ. 5Sepóɛɖé zio à poà kɛɛ, à seɛ à mìɔùn jè po. À po Jízɛ̀ Kɛ́ɖɛ́ì jè zio kà ɓɛ́ ɔ mɔ̀ Bounɓoɔ̀ kɛ, ké à mɔ̀ ɓěɛ̀ gbo-nì-nyɔ̀ ɓó Jízɛ̀ jè. 6Gèɖèpɔ́ɔ̀ cɛ̃ɛ zɔ̃̌ɔ̀, ké ɔ ɖá, “Ceɔ̀ mɛ fã̀ìn ɖé tíe-kpòɔ̀ mú.” Ké Gèɖèpɔ́ɔ̀ dyúáɖòɔ̀ mɔ̀ nyɔ nyuà ké ɔ ceɔ̀ fã ma kà ɖé à hwòɖǒ-dyùà ɓěɔ̀ múɛ̀. Ké ɔ nyí à ce mɔ̀à hwòɖǒ-fɔ̀nɔ̀-fɔ̀nɔ̀ ɓá Gèɖèpɔ́ɔ̀ dĩ́ín-dĩ̀ìnɔ̀ dyíɛ, ké ɔ fã̀ìn ɖé Kɛ́ɖɛ́ì dyúa, ké à dyéɛ.
7Kɛɛ à mɔ̀ nyɔ ɓɛ́ à ɓéɖéà dyi-dè-ɖɛ̀ kpa ɖɛɔ̀ kɛɛ, à nì kà mɛ-dyàà nìà kɛ. Ɔ nì ná, ɓɛ́ ɔ kéɛ nyɔǔn dyí tɛ̀mɛ̀ìn kà ɓɛ́ kpé zi dyí ɓúáuń mìɔ nìà à múɛɛ mɔ̀ Gèɖèpɔ́ɔ̀ kɔ̃̀ɔ̀-ɖɛ̀ kɛ. Ɔ se à kɔ̃̀ɔ̀-ɖɛ̀. 8Wa pĩ́à à dyi ɖé ɖɛ kò-kò ɓě mú, kɛɛ ɔ ní nyu ké à ní wɛ̀ìn dyi. Hwòɖǒ kpèìn à kɔ̃in, kɛɛ ɔ seɛ nyuɛ ɓɛ́ìn, ɓɛ́ à ké se ɖɛ ɖò nyuɛ ɓɛ́ìn ɖe. 9Wa nì à kíɖíí, ɓɛ́ wa ké à gǎ dyéìn, kɛɛ Gèɖèpɔ́ɔ̀ ní táà à dyi. Wa po à ɓíɖíi dyi, kɛɛ à ní wɛ̀ìn dyi. 10Ɔ nì pū kà à ɓéɖéà Jízɛ̀ mɛ́-mɛ́ɔ̀ jè ɖé à kpóɖó-dyùà mú ti séín nyɛ, ɓɛ́ nyɔǔn ké Jízɛ̀ fɛ̀ɛ̀ɔ̀ ɖé à kpóɖó-dyùàɔ̀ mú dyé ɖekè. 11Ɖé à fɛ̀ɛ̀-wè séín múɛɛ, ɔ nì pū kà wa nìà à xwáɖáún zàǔn ti séín, ɓɛ́ à ké mɛ́ ɓó Jízɛ̀ jèɛ. Ɔ nì ná ɓɛ́ nyɔǔn ké Jízɛ̀ɛ̀ fɛ̀ɛ̀ɔ̀ ɖé à kpóɖó-dyùà muà mɛ́ìn nyɛɛ mú dyé. 12Ɔ xwíníín mɔ̀, ɔ nì kà mɛ́-mɛ́ nì kũ̀à nyuɛń ɖé à mú, ké fɛ̀ɛ̀ nì ɖé ɓě mɔ̀ùn múɛ.
13Gèɖèpɔ́ɔ̀-cèè-ɖɛ̀ɔ̀ ɖá, “Ḿ ɓéɖé hwìɖǐǐ-taɓa-taɓa. Ɔ jèɛɛ, ḿ wùɖùà kà kɛ̀.” Ɖé hwìɖǐǐ-taɓa-hwòɖò-dyùà dyúáɖòɔ̀ mú, ɖé à nyu ɖɛ dyúáɖòɔ̀. À mɔ̀ùn ɓéɖé hwìɖǐǐ-taɓa-taɓa. Ɔ jèɛɛ, à wùɖùà kà kɛ̀. 14Sepóɛɖé à dyuòɛ̀ kà Gèɖèpɔ́ɔ̀ zà ma kà Bounɓo Jízɛ̀ gĩɔ kɛɛ, kǎà ɔ mu à mɔ̀ùn gĩɔ zàùn ɖé Jízɛ̀ mú ɖekè, ké ɔ mu à kè ɓě ɖé ɔ dyúa dyàùn. 15Ɖɛ séín ɓě nìà kɛ, ɔ mɔ̀ ɓó ɓě jè. Ké kà Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ nyinià ɖé nyɔ ɓáún-ɓáún gboɛɛ, wa mu Gèɖèpɔ́ɔ̀ zùo poùn mìɔ, ɓɛ́ ɔ ké ɓàìn-ɓàìnɔ̀ ɓéɖé.
Cĩ́-cĩ́ nì ɖé hwìɖǐǐ-taɓa-taɓa múɛ
16Ɔ jèɛɛ, à hwòɖǒ ní kpá ɖé ɖei. Kpé nì à kpóɖó-dyùàɔ̀ dyí hwɛ̀ǐn dyɛo, kɛɛ ɔ nì kà Gèɖèpɔ́ɔ̀ nìà à hwòɖǒɔ̀ nyuɛń ɖe ɖie ɓó wé séín xwíníín nyɛ. 17Gǎ à nìà dyéɛń nyɛɛ fɛ̃́ìn xwa, ké ɔ se ɖɛ ɓɛ́ ɔ ké hwèɖèìn nyɛ. Kɛɛ ɔ mu à sè-ná-sèɛ̀ dĩ́ín-dĩ̀ìn dyàùn. Ké dĩ́ín-dĩ̀ìnɔ̀ ɓúá dyí ké ɔ zi gǎ-dyé-dyéɔ̀ dyí vɛ̃in. 18Sepóɛɖé à ní dè ɖɛ ɓě ɓɛ́ à po dyéɖé kɔ̃ɛɛ dyé jè hwìɖǐi, kɛɛ à dè ɖɛ ɓě ɓɛ́ à se dyéɖé kɔ̃ poɛɛ dyé jè hwìɖǐi. Ɖɛ ɓě ɓɛ́ à poà dyéɖé kɔ̃ɛɛ nì dyi ziɛń, kɛɛ ɖɛ ɓě ɓɛ́ à seà dyéɖé kɔ̃ poɛń nìɛɛ mɔ̀ sè-ná-sèɛ̀ ɖɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.