2 Kɔ̀ɖéíntĩ̀ɔ̀ 13
13
Náún-po-po hwɛ̀ìn-gbɔ
1Ɓě gbo-dyi-dyiɔ̀ tã nììn ɓɛ́ ḿ nìà nyuɛń dyiɛń nyɛɛ, ɔ kɛà kɛ̀. Ɖɛ séín nyɔǔn dyi cɛ̃ìn nyɛɛ, ɔ mɛ ɓéɖé zàse sɔ̃́ mɔɔ zàse tã. 2Ɓě mɔ̀ nyɔ ɓɛ́ ɓě ɖǎ ma nàmàǔn nyu kĩ́ín nyɛ ɔ kè nyɔ tɔ̀ɔ̀ séín ɓě mɔ̀ùn, ní mɔ́ ɓɛ́ ḿ ké ɓě ɖɛ ɖò gbo cɛ̃. Tiɔ̀ sɔ̃́ nììn ɓɛ́ ḿ dyi ma kà ɖé ɓě gboɛɛ, ḿ cɛ̃ɛ ma ɓě gbo. Kɛɛ kà ɓɛ́ m̀ seà ɖé ɓě gbo nìɛɛ, ní muɛ cɛ̃ìn ɖe. Ti ɓɛ́ ní mu ɖé dyiìn ɖeɛɛ, ḿ se nyɔ ɖò wìǐn dyéɛ mu. 3Nìí, ɓě mu ɖɛ ɓě mɔ́ ma kà dyéɛ dyiɛɛ dyéìn. Ɔ mɔ̀ ɖɛ kéɛ nyɔǔn dyí tɛ̀mɛ̀ìn kà ɓɛ́ Kɛ́ɖɛ́ì nì ɖé ḿ mú wùɖùɛ̌n nyɛ. Ɔ dyi ɓě jè gbo dyéín, kpé ní hwɛ̀ ɔ dyí. Ɔ tɛ̀mɛ̀ìn ɔ kpéɔ̀ ɓě dyí ɖé ɓě hwìɛ̀. 4Wa kɔ̀ìn ma ɔ kɔ́ɖɔ́sìɔ̀ kɔ̃in dyììn ɖé ɔ kpéí-hwɛ̀-hwɛ̀ mú dyɛo, kɛɛ ɔ cĩ́ dyììn ɖé Gèɖèpɔ́ɔ̀ kpéɔ̀ mú. À kèɔ̀ kè peɖeìn ɔ kpéɛ̀-dyí-hwɛ̀-hwɛ̀ɔ̀ mú, kɛɛ à dyi ɓě jè gbo dyéín, à kèɔ̀ kè mu cĩ́ìn dyììn ɖé Gèɖèpɔ́ɔ̀ kpéɔ̀ mú.
5Ɓě gmɔìn ɓě mìɔùn múin, ɓɛ́ ɓě kéɛ dyé kɛbì ɓě nì cĩ́ɛń ɖé hwìɖǐǐ-taɓa-taɓa múín. Ɓě dɔ̃̌ ɓě mìɔùn mú. Ɓě seɛ dyí dyuò kà ɓɛ́ Jízɛ̀ Kɛ́ɖɛ́ì nì ɖé ɓě múɛɛ̀? Ɓě se dyɛ mú-dɔ̃̌-dɔ̃̌ɔ̀ dyí ɓɛ́ìn hwɛ̀. 6Ḿ dèɛ̀ hwòɖǒ kɔ̃ kà ɓě muɛ dyí dyuòùn kà ɓɛ́ à mɔ̀ùn ɓɛ́ìn mú-dɔ̃̌-dɔ̃̌ɔ̀ dyíɛ. 7À ɓaà Gèɖèpɔ́ɔ̀, ɓɛ́ ɓě ní kɔ̃̀ ɖà ɖɛ gbà ɖò nyu. Ɔ se ɖɛ ɓɛ́ à kéɛ nyɔ kà kò ɖò ɓě mɔ̀ùn dyí tɛ̀mɛ̀ìn kà ɓɛ́ à mɔ̀ùn nyu ɖɛ nɔ̀mɔ̀ dyíin nyɛ. Kɛɛ ɔ mɔ̀ ɓɛ́ ɓě ké ɖɛ mɔ̀ ɖɛ nɔ̀mɔ̀ dyíin nyɛɛ nyu, kɛbì ɔ mɛ nì kà à mɔ̀ùn ɖǎ ɖɛ xwa bĩɛ. 8Sepóɛɖé à se kpé ɓéɖé ɓɛ́ à ké jǎàɔ̀ gbo vɔ̃. À ɓɛ́ìn jǎàɔ̀ bìì ɖɛ ɓě nyuɛ pū. 9Sepóɛɖé à mɔ̀ùn kpá múàǔn, ɔ jǔ ké kpé dyi à mɔ̀ùn dyí hwɛ̀, ké kpé dyi ɓě mɔ̀ùn dyí nìǐn. Ɔ jèɛɛ, à nì ɓaàǔn, ɓɛ́ ɖɛ séín ɓá ɓě dyíɛɛ ké dyí sɛ́ɖɛ́ìn. 10Ɔ jèɛɛ, ḿ séèà ɖé ɓě gbo nì, ké ḿ nìà ɓě gbo céèɛ̌n nyɛ̀. Ɔ nì ná, ɓɛ́ ɔ jǔ ké ḿ dyi ɖé ɓě gbo dyiín, ɓɛ́ ḿ ké se ɓě kpɔ̃ kóɖó-kóɖó ɖé kpé ɓɛ́ Bounɓoɔ̀ nyíà ḿ wɛ̃ɛ mú. Bounɓoɔ̀ nyí ma ḿ kpé nìà kɛ, ɓɛ́ ḿ ké nyɔǔn dyi kùìn, kɛɛ ɔ se ɓɛ́ ḿ ké wa dyíin nyìnììn.
11Kɛɛ ɖíí ɓě, ɓě hwuɖu ɖǎ hwɔo. Ɓě sɛ́ɖɛ́ìn ɓě ɖɛ ɓěɔ̀ dyí. Ɓě wɔ̃́ ɖɛ ɓě ḿ ɖǎà ɓě gbo cɛ̃ɛ. Ɓě mɛ ɓéɖé hwòɖǒ-dyùà dyúáɖò. Ɓě mɛ cĩ́ ɖé gìɖìǐ mú. Ké Gèɖèpɔ́ɔ̀ kɔ̃̀ mú ɖɛ̀ɓɛ̀ǐn-ɖɛ̀ɓɛ̀ǐn kè gìɖìǐ sɔ̀ìn kà kɛɛ mu ɓě gbo nììn.
12Ɓě zaìn zàìn nyíɔún ɖé wɔ̃-nyá-nyá mú ɓó dyí-sɛ́ɖɛ́ìn-kà.
13Gèɖèpɔ́ɔ̀-nyɔ̀ séín ɓěɔ̀ zà ɓě nyíɔún.
14Bounɓo Jízɛ̀ Kɛ́ɖɛ́ìɛ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ kè Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐnɔ̀ ɔ kè gbo-kpɔ̃ìn-kpɔ̃ìn nìà ɖé Zùù Hwɛ̀ǐn-hwɛ̀ǐnɔ̀ múɛɛ mɛ nì ɓě séín gbo.
Currently Selected:
2 Kɔ̀ɖéíntĩ̀ɔ̀ 13: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
2 Kɔ̀ɖéíntĩ̀ɔ̀ 13
13
Náún-po-po hwɛ̀ìn-gbɔ
1Ɓě gbo-dyi-dyiɔ̀ tã nììn ɓɛ́ ḿ nìà nyuɛń dyiɛń nyɛɛ, ɔ kɛà kɛ̀. Ɖɛ séín nyɔǔn dyi cɛ̃ìn nyɛɛ, ɔ mɛ ɓéɖé zàse sɔ̃́ mɔɔ zàse tã. 2Ɓě mɔ̀ nyɔ ɓɛ́ ɓě ɖǎ ma nàmàǔn nyu kĩ́ín nyɛ ɔ kè nyɔ tɔ̀ɔ̀ séín ɓě mɔ̀ùn, ní mɔ́ ɓɛ́ ḿ ké ɓě ɖɛ ɖò gbo cɛ̃. Tiɔ̀ sɔ̃́ nììn ɓɛ́ ḿ dyi ma kà ɖé ɓě gboɛɛ, ḿ cɛ̃ɛ ma ɓě gbo. Kɛɛ kà ɓɛ́ m̀ seà ɖé ɓě gbo nìɛɛ, ní muɛ cɛ̃ìn ɖe. Ti ɓɛ́ ní mu ɖé dyiìn ɖeɛɛ, ḿ se nyɔ ɖò wìǐn dyéɛ mu. 3Nìí, ɓě mu ɖɛ ɓě mɔ́ ma kà dyéɛ dyiɛɛ dyéìn. Ɔ mɔ̀ ɖɛ kéɛ nyɔǔn dyí tɛ̀mɛ̀ìn kà ɓɛ́ Kɛ́ɖɛ́ì nì ɖé ḿ mú wùɖùɛ̌n nyɛ. Ɔ dyi ɓě jè gbo dyéín, kpé ní hwɛ̀ ɔ dyí. Ɔ tɛ̀mɛ̀ìn ɔ kpéɔ̀ ɓě dyí ɖé ɓě hwìɛ̀. 4Wa kɔ̀ìn ma ɔ kɔ́ɖɔ́sìɔ̀ kɔ̃in dyììn ɖé ɔ kpéí-hwɛ̀-hwɛ̀ mú dyɛo, kɛɛ ɔ cĩ́ dyììn ɖé Gèɖèpɔ́ɔ̀ kpéɔ̀ mú. À kèɔ̀ kè peɖeìn ɔ kpéɛ̀-dyí-hwɛ̀-hwɛ̀ɔ̀ mú, kɛɛ à dyi ɓě jè gbo dyéín, à kèɔ̀ kè mu cĩ́ìn dyììn ɖé Gèɖèpɔ́ɔ̀ kpéɔ̀ mú.
5Ɓě gmɔìn ɓě mìɔùn múin, ɓɛ́ ɓě kéɛ dyé kɛbì ɓě nì cĩ́ɛń ɖé hwìɖǐǐ-taɓa-taɓa múín. Ɓě dɔ̃̌ ɓě mìɔùn mú. Ɓě seɛ dyí dyuò kà ɓɛ́ Jízɛ̀ Kɛ́ɖɛ́ì nì ɖé ɓě múɛɛ̀? Ɓě se dyɛ mú-dɔ̃̌-dɔ̃̌ɔ̀ dyí ɓɛ́ìn hwɛ̀. 6Ḿ dèɛ̀ hwòɖǒ kɔ̃ kà ɓě muɛ dyí dyuòùn kà ɓɛ́ à mɔ̀ùn ɓɛ́ìn mú-dɔ̃̌-dɔ̃̌ɔ̀ dyíɛ. 7À ɓaà Gèɖèpɔ́ɔ̀, ɓɛ́ ɓě ní kɔ̃̀ ɖà ɖɛ gbà ɖò nyu. Ɔ se ɖɛ ɓɛ́ à kéɛ nyɔ kà kò ɖò ɓě mɔ̀ùn dyí tɛ̀mɛ̀ìn kà ɓɛ́ à mɔ̀ùn nyu ɖɛ nɔ̀mɔ̀ dyíin nyɛ. Kɛɛ ɔ mɔ̀ ɓɛ́ ɓě ké ɖɛ mɔ̀ ɖɛ nɔ̀mɔ̀ dyíin nyɛɛ nyu, kɛbì ɔ mɛ nì kà à mɔ̀ùn ɖǎ ɖɛ xwa bĩɛ. 8Sepóɛɖé à se kpé ɓéɖé ɓɛ́ à ké jǎàɔ̀ gbo vɔ̃. À ɓɛ́ìn jǎàɔ̀ bìì ɖɛ ɓě nyuɛ pū. 9Sepóɛɖé à mɔ̀ùn kpá múàǔn, ɔ jǔ ké kpé dyi à mɔ̀ùn dyí hwɛ̀, ké kpé dyi ɓě mɔ̀ùn dyí nìǐn. Ɔ jèɛɛ, à nì ɓaàǔn, ɓɛ́ ɖɛ séín ɓá ɓě dyíɛɛ ké dyí sɛ́ɖɛ́ìn. 10Ɔ jèɛɛ, ḿ séèà ɖé ɓě gbo nì, ké ḿ nìà ɓě gbo céèɛ̌n nyɛ̀. Ɔ nì ná, ɓɛ́ ɔ jǔ ké ḿ dyi ɖé ɓě gbo dyiín, ɓɛ́ ḿ ké se ɓě kpɔ̃ kóɖó-kóɖó ɖé kpé ɓɛ́ Bounɓoɔ̀ nyíà ḿ wɛ̃ɛ mú. Bounɓoɔ̀ nyí ma ḿ kpé nìà kɛ, ɓɛ́ ḿ ké nyɔǔn dyi kùìn, kɛɛ ɔ se ɓɛ́ ḿ ké wa dyíin nyìnììn.
11Kɛɛ ɖíí ɓě, ɓě hwuɖu ɖǎ hwɔo. Ɓě sɛ́ɖɛ́ìn ɓě ɖɛ ɓěɔ̀ dyí. Ɓě wɔ̃́ ɖɛ ɓě ḿ ɖǎà ɓě gbo cɛ̃ɛ. Ɓě mɛ ɓéɖé hwòɖǒ-dyùà dyúáɖò. Ɓě mɛ cĩ́ ɖé gìɖìǐ mú. Ké Gèɖèpɔ́ɔ̀ kɔ̃̀ mú ɖɛ̀ɓɛ̀ǐn-ɖɛ̀ɓɛ̀ǐn kè gìɖìǐ sɔ̀ìn kà kɛɛ mu ɓě gbo nììn.
12Ɓě zaìn zàìn nyíɔún ɖé wɔ̃-nyá-nyá mú ɓó dyí-sɛ́ɖɛ́ìn-kà.
13Gèɖèpɔ́ɔ̀-nyɔ̀ séín ɓěɔ̀ zà ɓě nyíɔún.
14Bounɓo Jízɛ̀ Kɛ́ɖɛ́ìɛ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ kè Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐnɔ̀ ɔ kè gbo-kpɔ̃ìn-kpɔ̃ìn nìà ɖé Zùù Hwɛ̀ǐn-hwɛ̀ǐnɔ̀ múɛɛ mɛ nì ɓě séín gbo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.