Sálmos 147
147
1¡Acotáyo Pangarádejnai!
Omitigai tu ujetiga yoquijñiecade gajnesṍri u Yocangureni Dupa uje yicotágo uté ome yoquiradedie. ¡Pisocai uté ueradéjna, ga uté jé tiógara dajnéone yoquicotaqué quicho ome yocachachagúgode!
2Pangarádejnai pésapo Jerusalén aja gaté rĩ. Ga uté chimátapo israélgosode ore aja ñane rĩ uje ore jocãraque ore iji ore achamini nanique.
3Uté chiqueta udore ore uje cuchade na ore áyipie aja jnumi, ga chigaru udore ore gajnéone chupícho gai.
4Uté u uje chiraja damánenie guédo uásei udire eruei ga ipesudápo guédodie udire ore íode jnese rĩ.
5Cuchadaté Yocangarádejnai Dupade, ga jiei etotiguei; ga érãtique pejnaque uté irajatígajnai gotique.
6Pangarádejnai chiringare udore ore aja gaté uje ore ujode ayoré chuchíe ore iji jnumi, ga que pajirique udore ore yui. Jé basa ga Pangarádejnai chosi ayoré sijnángone udore iji jnumi.
7Ajñiecacho ome Pangarádejnai, ga acãcho uté gai ome uacachachagúgode udore; ajéyo uaquetígo cucha jocarãtácho jeta ajñiecacho ome Pangarádejnai.
8Uté chaco gaté yui gai ome gue abujadie; uté pésapo guei ome jnumi jeta chuta rĩ, ga pésu jnacarai jeta suéji cucarãte orónenie gai.
9Chisíome cuchisode ore posode ome ore, jé aja dorite quedéjnane ore abode uje ore chisa dabade.
10Pangarádejnai que chicha daninaquei aja buricárique etotiguejnai; jé aja uje que irasique re ome jnanione ore otadode, jeta ibisoque ore.
11Mu Pangarádejnai irasitigade gajnesórone u udore ore uje ore dosóñime uté, uje udore ore changureta uté cutejmai ijnoraqué yui ome re.
12¡Jerusalén á, acota Pangarádejnai! ¡Acota bangureni Dupa, Sión á!
13U gu uje uté chajnerame bajuyaquéode udore jorídedie cutejmane etotiguejna. Ga uté chacacãre babode ore iji bajei.
14Ga jé u uje uté chisíome pajesereringai ome bayaridi uté eruéode ajeminórone ore; ga uté jé u uje pésu ga uacajníño uáguiji trígo ueradi uté.
15Uté chiroque daroquei aja erámi; ga uté uruode oratácho aja dajesúode.
16Uté pésu ébedíe ga cho áyasa ojo póroro uásejnarique; ga uté pésu erámi ga cóbi jnumi ome ébedíe udire ga cho puchucuru pisiditígaja quedéjnane.
17Ga uté tṍra ébedíe udire péode aja dejode. ¿Ama gosi chapídirásome uté guerani tejnuringa cuchape?
18Uté chiroque daruode aja tejnuringai jeta ébedíe udire nejñu aja jnumi, ga jé u uje pésu emi ga chubúchu iji jnumi, ga jé u uje yodi chayo.
19Ga uté chingongara daru quigode aja Jacob, ga chatata daréngone cucha quigode jé aja darecujate iyiejnanie quigode udore ome Israél uté.
20Cáma uté isoca gotique ome pachamite uñeque. Jecute que udore ore chiraja uté júdode udore dãrécho cucha gotique.
¡Picotaque Opejã Pangarádejnai!
Currently Selected:
Sálmos 147: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
