Sálmos 125
125
Piradé aja dajei iji Jerusalén yui.
1Udore ore uje ore changureta Pangarádejnai, ga ore gajnui tu cucarani uje ore chojningame uté, "Sión." Uje que pumuchayaque uté jñuque, uje jecucha uté jogate gatuaque iji deréjna pitade.
2Cucaranone udore uje ore chaparu Jerusalén gai, ga Pangarádejnai adi jé u ome darasade to, uje Pangarádejnai uté jé chaparu ore gai gatuaque jé iji de, ga jé chuságaja deréjna pitade jnese.
3Que toc ujeta peduguéjna gajnaréngone doi ga jecucha chácariji Dupade ajegaidi uté pachamite uje chĩ́carome ujñapetade ore; u gu jeta uréone udore jé ca ore chisa cucha gajnaréngone yúode to ome dajmainie.
4Apésu cucha arégode ome udore ore uje ore isocade ueracho, Pangarádejná, jé aja udore ore uje jé ũrepíso ore ome dáyipie quigode.
5Mu udore ore uje ore ajnane u dajeque ocororane, ga Pangarádejnai chijñaque udore aja sijnángone ore charidi.
¡Pajesereringai jé jogadírase Israel gatuaque!
Currently Selected:
Sálmos 125: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
