Provérbios 3
3
Udojo júdi tu ujetiga gosi chise payuquetotiguei úringárique pirajaque ome re
1Yababi á, jé ca acadígui yacajnaquéode udojo quigode ome ua jne. Ajuse guio iji báyipie ajei yojningane cucha jnese jne ome ua.
2A bacuecaringuei umaripise iji erámi tudé enga a barasique ua gatuaque jne ujetiga apésu yojningane udojo cucha ome ua.
3Ca aya bajnoraquei ome bojode ayoréo ore jnese. Ca ayápo baru uréone to rĩ. Cho ujetiga pajopie ojnaquéroragaja udojo aja báyipie jeta ca acadígui. Enga a baparagácho jne uje a gajnúone u bajnápetígo uje bajúna ga badíja betabi enga ore chimo jnese iji betabi.
4Ujetiga apéso udojo enga a bojode ayoréo ore irasique ua jne, mu cuchiyi tupúsu Dupade uje irasiguipise ua uje babé udore quigode jnese.
5Be enga báyipie jogadípise Pangarádejnai Dupade gatuaque enga angureta yui ujetiga chátaja ua. Enga ca báyipiedie chopo quiyíguiyí ome cuchade uje chácariji bádode.
6Angongara ua aja Dupade gatuaque ujetiga chingo bapesutígo cucha quitígo aja ua jnese iji deréjnane jnese. Jogadi a u jne ujetiga Dupade chingongara dajeque caputai aja ua gatuaque jne ga bajnáji jnumone gatuaque jne.
7Ca opise irajatáguiji ua ome cuchade jnese. Mu paraque ua jne enga angaripísi Pangarádejnai Dupade. Enga ayápusu apésu pisijnaringuéone jnese.
8Ujetiga be yojningane udojo cucha enga a gajnui tu cucha bisitígo ome ua uje bóji bisidi uté ga bate urõsode cho jnánguiji bádode ome bisidi tuté.
9Jecucha ga o beduguéjnai iji Pangarádejnai Dupade enga ẽrája ome baplátarigui petígo. Jé chopome bajutícabia te rĩ. Ujetiga ãra bacade cucha enga bajaque Dupade jne ujetiga asi ome bacade cucha petique ome.
10Ujetiga be yuruode udojo quigode ga a amo jne uje berani casodica uje Dupade chatirépo babai ga sué baja casodica gáyode, uje banasu bacade cucha ga bachagúja piedie mu sué gáyode ga que arajápo jogatique rĩ.
11Yababi á, ujetiga Pangarádejnai atique dosója ua marínga, jé ca aya angári uté. Enga ca arañime udore ome ua. Uje Dupade a cho baquigome cuchade udore jne gu.
12Pangarádejnai Dupade jé gajnúone u jnanírique uje cho dajnorane dape ore quique. Chamáñaje Pangarádejnai Dupade chijnóra dabode uyoque to gu, enga cho yoquiquique to ome cuchade.
13A pininaquei gajnesṍri tu gosi ujetiga chise dáringárique áyipierãque jne, jé upome udore ore rĩ uje ore irajatigade chajnera dádi.
14Yirajágo uje gosi gajnei tuté payuquetotiguei sué ore guẽrapáidedie pláta gáyode, jé aja órodie rĩ.
15Enga pirajatigai jé chopo rĩ uje sué cucarané ueradedie gáyode to rĩ uje jiei oredie. Suépo cucha pirasigode gáyode jnese rĩ iji erámi údode jnese.
16Payuquetotiguei tuté a chorase ayoré iji re ga chisírasome dãrachua tome yoque ga qui tu gu uje gosi ucuecaringuei umaripísiráse iji erámi tudé. Jé basa ga chisírasome darasé ome yoque ga qui tu gu ujetiga gosi chise dáringárique ataque, dáringai pangarate rĩ.
17Ujetiga ajna payuquetotiguei tuté aja quedéjnane enga a barasique ua jne enga jogadi a u to jne ujetiga quene bese pajesereringai gatuac.
18Ujetiga gosi chise pirajatigai tuté ga jogadi u uje uté chise dacuecaringuei tiji. Enga pininaquei gajnesṍri tu uté gosi uje que chejñu re iji pirajatigai, payuquetotiguei ore.
19Chamáñaje Pangarádejnai Dupade jogosórone u pirajatigai, payuquetotiguei ore nanique gu uje pésu gatajnoquei, jnumi ore nanique.
20Pangarádejnai Dupade uté chiroque dayuquetotiguei aja yote quedéjnai nanique ga chirógaja tié jochade iji erámone. Jé chopo gue abujadie rĩ uje chirógapo dayuquetotiguei aja nanique rĩ ujetiga guéode tṍraji udire ome yoque.
21Yababi á, acuepísi payuquetotiguei ome ua enga edu cucha arégode úringáringo pipesucho ome ua. Ajuse beo ome cucha gajnaréngone úringáringo pigaicho enga edu páyipie omenie ome ua gatuaque.
22Chamáñaje pisoca arégode udore gajnui tu sibíjnarique ujetiga gosi chóji ga ecáji deréjnane jnese. Jé upo gosi rĩ ujetiga tujúna dajnápeode ga aparagácho.
23Ujetiga ajína payuquetotiguei aja quedéjnane gatuaque enga a etoque ua jne iji Dupade adode, enga a ca toque jne jeta pisijnaringuérique suérase babánique.
24Ujetiga ácariji bayaritique marínga, a ca atodo bejode jne. Jé upo rĩ ujetiga amóji bamochátique marínga, a ca cuchárique chósi ti iji bamochápi tuté jne.
25Baraja uje ate gajnaréngone ore tṍra rángome darosobádode cucha, mu payuquetotiguei gajnesṍri tu ua jecute a ca arosóñime cuchárique.
26Enga a Pangarádejnai Dupade chingongara basocárigaja ua ujetiga araja basocáringome bapesutique cucha. Enga a chátaja ua jne jetiga araja pujuyáraque jogadi tiji baquei enga a ca chisa ua jne.
27Ujetiga bojórique ayoré chutai ua ome dajmátaringuéi gajnetique cucha ga ajuéga ome ga asi ome, ga jé ca ãra ua iji cuchárique. Asi ome bu.
28Ca ojningame: "A yisi ome ua dirome jetiga qué ajna." Mu omi tu ujetiga gosi chutai iji ua ga jĩraque asi ome gosi utaitique cucha ome.
29Ca acué báyipie noñángueringui iji bajei ome bajorane ore uje ore déji bejode ga ore changureta ua ome páyipie omenie quigode to.
30Ca ajnime pejóporinguéone ome ore to uje que ore pésu bejóporinguéone gotique.
31Ujetiga jnani surungúmetique dérasiji uacajade ga jecucha ga chugúa uacadode ga chicota re iji uacajade ga chojninga: "Uacarosóñiñome yu." Be ga jé ca arate uté gosi isocade to uje pota jetiga sué dajorane ore gáyode.
32Chamáñaje Pangarádejnai Dupade chujãpise ayoré ate gajnaréngone udore ore gu ga chetaguipise ore. Jé basa ga Dupade chingongara dáyipiedie aja ayoré parágode ore iji udore, udore.
33Pangarádejnai Dupade chamacãre jnani sijnángone udore ore iguíjnane ome daru noñángone. Jé basa ga chacacãre ayoré ate arégode ore iguíjnane to ome daru ueradode.
34Boqueráquechoquíode u ore uje ore dojnóngaja Dupade, dojode ayoré ore. Mu Pangarádejnai Dupade gajmaque udore ore to ujetiga jé basa ga canape ore gai iji sañeque. Mu caniranguipise Dupade ome jnani pajnotágode udore ore.
35Uje Pangarádejnai Dupade tẽrája payuquetotiguei irajasórone udore ore ga chisi ome ore úringane pangarácho ome ore. Jé basa a tẽrája turuturéode ore to jne mu guerani tu jeta ca piyaque ore atique unétique ome ore ujórique ayoré. Chamáñaje ore chetaque payuquetotiguei ome raque gu.
Currently Selected:
Provérbios 3: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Provérbios 3
3
Udojo júdi tu ujetiga gosi chise payuquetotiguei úringárique pirajaque ome re
1Yababi á, jé ca acadígui yacajnaquéode udojo quigode ome ua jne. Ajuse guio iji báyipie ajei yojningane cucha jnese jne ome ua.
2A bacuecaringuei umaripise iji erámi tudé enga a barasique ua gatuaque jne ujetiga apésu yojningane udojo cucha ome ua.
3Ca aya bajnoraquei ome bojode ayoréo ore jnese. Ca ayápo baru uréone to rĩ. Cho ujetiga pajopie ojnaquéroragaja udojo aja báyipie jeta ca acadígui. Enga a baparagácho jne uje a gajnúone u bajnápetígo uje bajúna ga badíja betabi enga ore chimo jnese iji betabi.
4Ujetiga apéso udojo enga a bojode ayoréo ore irasique ua jne, mu cuchiyi tupúsu Dupade uje irasiguipise ua uje babé udore quigode jnese.
5Be enga báyipie jogadípise Pangarádejnai Dupade gatuaque enga angureta yui ujetiga chátaja ua. Enga ca báyipiedie chopo quiyíguiyí ome cuchade uje chácariji bádode.
6Angongara ua aja Dupade gatuaque ujetiga chingo bapesutígo cucha quitígo aja ua jnese iji deréjnane jnese. Jogadi a u jne ujetiga Dupade chingongara dajeque caputai aja ua gatuaque jne ga bajnáji jnumone gatuaque jne.
7Ca opise irajatáguiji ua ome cuchade jnese. Mu paraque ua jne enga angaripísi Pangarádejnai Dupade. Enga ayápusu apésu pisijnaringuéone jnese.
8Ujetiga be yojningane udojo cucha enga a gajnui tu cucha bisitígo ome ua uje bóji bisidi uté ga bate urõsode cho jnánguiji bádode ome bisidi tuté.
9Jecucha ga o beduguéjnai iji Pangarádejnai Dupade enga ẽrája ome baplátarigui petígo. Jé chopome bajutícabia te rĩ. Ujetiga ãra bacade cucha enga bajaque Dupade jne ujetiga asi ome bacade cucha petique ome.
10Ujetiga be yuruode udojo quigode ga a amo jne uje berani casodica uje Dupade chatirépo babai ga sué baja casodica gáyode, uje banasu bacade cucha ga bachagúja piedie mu sué gáyode ga que arajápo jogatique rĩ.
11Yababi á, ujetiga Pangarádejnai atique dosója ua marínga, jé ca aya angári uté. Enga ca arañime udore ome ua. Uje Dupade a cho baquigome cuchade udore jne gu.
12Pangarádejnai Dupade jé gajnúone u jnanírique uje cho dajnorane dape ore quique. Chamáñaje Pangarádejnai Dupade chijnóra dabode uyoque to gu, enga cho yoquiquique to ome cuchade.
13A pininaquei gajnesṍri tu gosi ujetiga chise dáringárique áyipierãque jne, jé upome udore ore rĩ uje ore irajatigade chajnera dádi.
14Yirajágo uje gosi gajnei tuté payuquetotiguei sué ore guẽrapáidedie pláta gáyode, jé aja órodie rĩ.
15Enga pirajatigai jé chopo rĩ uje sué cucarané ueradedie gáyode to rĩ uje jiei oredie. Suépo cucha pirasigode gáyode jnese rĩ iji erámi údode jnese.
16Payuquetotiguei tuté a chorase ayoré iji re ga chisírasome dãrachua tome yoque ga qui tu gu uje gosi ucuecaringuei umaripísiráse iji erámi tudé. Jé basa ga chisírasome darasé ome yoque ga qui tu gu ujetiga gosi chise dáringárique ataque, dáringai pangarate rĩ.
17Ujetiga ajna payuquetotiguei tuté aja quedéjnane enga a barasique ua jne enga jogadi a u to jne ujetiga quene bese pajesereringai gatuac.
18Ujetiga gosi chise pirajatigai tuté ga jogadi u uje uté chise dacuecaringuei tiji. Enga pininaquei gajnesṍri tu uté gosi uje que chejñu re iji pirajatigai, payuquetotiguei ore.
19Chamáñaje Pangarádejnai Dupade jogosórone u pirajatigai, payuquetotiguei ore nanique gu uje pésu gatajnoquei, jnumi ore nanique.
20Pangarádejnai Dupade uté chiroque dayuquetotiguei aja yote quedéjnai nanique ga chirógaja tié jochade iji erámone. Jé chopo gue abujadie rĩ uje chirógapo dayuquetotiguei aja nanique rĩ ujetiga guéode tṍraji udire ome yoque.
21Yababi á, acuepísi payuquetotiguei ome ua enga edu cucha arégode úringáringo pipesucho ome ua. Ajuse beo ome cucha gajnaréngone úringáringo pigaicho enga edu páyipie omenie ome ua gatuaque.
22Chamáñaje pisoca arégode udore gajnui tu sibíjnarique ujetiga gosi chóji ga ecáji deréjnane jnese. Jé upo gosi rĩ ujetiga tujúna dajnápeode ga aparagácho.
23Ujetiga ajína payuquetotiguei aja quedéjnane gatuaque enga a etoque ua jne iji Dupade adode, enga a ca toque jne jeta pisijnaringuérique suérase babánique.
24Ujetiga ácariji bayaritique marínga, a ca atodo bejode jne. Jé upo rĩ ujetiga amóji bamochátique marínga, a ca cuchárique chósi ti iji bamochápi tuté jne.
25Baraja uje ate gajnaréngone ore tṍra rángome darosobádode cucha, mu payuquetotiguei gajnesṍri tu ua jecute a ca arosóñime cuchárique.
26Enga a Pangarádejnai Dupade chingongara basocárigaja ua ujetiga araja basocáringome bapesutique cucha. Enga a chátaja ua jne jetiga araja pujuyáraque jogadi tiji baquei enga a ca chisa ua jne.
27Ujetiga bojórique ayoré chutai ua ome dajmátaringuéi gajnetique cucha ga ajuéga ome ga asi ome, ga jé ca ãra ua iji cuchárique. Asi ome bu.
28Ca ojningame: "A yisi ome ua dirome jetiga qué ajna." Mu omi tu ujetiga gosi chutai iji ua ga jĩraque asi ome gosi utaitique cucha ome.
29Ca acué báyipie noñángueringui iji bajei ome bajorane ore uje ore déji bejode ga ore changureta ua ome páyipie omenie quigode to.
30Ca ajnime pejóporinguéone ome ore to uje que ore pésu bejóporinguéone gotique.
31Ujetiga jnani surungúmetique dérasiji uacajade ga jecucha ga chugúa uacadode ga chicota re iji uacajade ga chojninga: "Uacarosóñiñome yu." Be ga jé ca arate uté gosi isocade to uje pota jetiga sué dajorane ore gáyode.
32Chamáñaje Pangarádejnai Dupade chujãpise ayoré ate gajnaréngone udore ore gu ga chetaguipise ore. Jé basa ga Dupade chingongara dáyipiedie aja ayoré parágode ore iji udore, udore.
33Pangarádejnai Dupade chamacãre jnani sijnángone udore ore iguíjnane ome daru noñángone. Jé basa ga chacacãre ayoré ate arégode ore iguíjnane to ome daru ueradode.
34Boqueráquechoquíode u ore uje ore dojnóngaja Dupade, dojode ayoré ore. Mu Pangarádejnai Dupade gajmaque udore ore to ujetiga jé basa ga canape ore gai iji sañeque. Mu caniranguipise Dupade ome jnani pajnotágode udore ore.
35Uje Pangarádejnai Dupade tẽrája payuquetotiguei irajasórone udore ore ga chisi ome ore úringane pangarácho ome ore. Jé basa a tẽrája turuturéode ore to jne mu guerani tu jeta ca piyaque ore atique unétique ome ore ujórique ayoré. Chamáñaje ore chetaque payuquetotiguei ome raque gu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360