Números 23
23
1Ga daijnai Balaam catecã́ri Balac ga chojninga:
–Aroque barógode uñéngo to ga ore pésu gaseradéjnaringo ujetiga gare iji ti. Angome ore jetiga ore doi aquirájna choqui pariguéjnane, jetiga qué ichájna ga gare iji ti jne. Ga ore chatapója áyasa choqui ichájnane to rĩ jeta garapo ore iji ti rĩ.–
2Ga ore eduguéjnai Balac dopísi daijnai Balaam uruode to. Ga ore doi aquirájna choquíode, jé aja áyasa choquíode ome gaseradéjnane udore. Enga jé u uje Balac, Balaam ore cháta rágaja ñane enga ore chujé deranone cuchiso udore aja gaseradéjnane udore jnese, enga que ore aseradéjnarique chimoque aquirájna choquírique uje ore chujé aja gai, jé aja áyasa choquírique rĩ.
3Uje e ore chujé degode udore ga jé u uje daijnai Balaam catecã́ri ore eduguéjnai Balac. Enga chojninga:
–Arodape yocaseradéjnane to jne. Ga yiji ga yicáji ti uje gusu yu iji ti. Ja seca Dupade chiqueta raja yu ga yangarami uruode iji to jne ujetiga catecã́ri yu iji uté to. Enga a yingo Dupade uru quitígo ome ua to jne.–
Balac pota jeta Balaam chacacãre israélgosode ome daru gajnaréngone, mu chacacãre ore ome daru omone nanique
Enga cucarãte cototé déji ore dosadi iji uté to enga Balaam qui tu cucarãte cototé uaté ome dacatecãraitigade enga jé gusúpusu uté iji dacatecãraitigade jogadi uté to. 4Enga Dupade chiqueta raja Balaam iji icatecãraitigade jogadi to. Ga Balaam catecã́ri Dupade bajaque to enga chojninga:
–Bamo yaseradéjnane uje gare iji ti. Bamo uje aquirájna pariguéjnane déji yaseradéjnane udore jnese, jé aja áyasa choqui pariguéjnane to, déji yaseradéjnane gáyode jnese to.–
5Ga Dupade pésu Balaam uruode iji áyipie to ga chojninga:
–Bo ga ango yipesudode barúo aja ore eduguéjnai Balac ga chudute to iji babijnani to.–
6Ga Balaam e jno ga chajníja daseradéjnane to. Ga chise Balac, ujode pangarate ore uje ore cháguena gaté iji uraque daseradéjnane ejode to. Yojningane u moábgosode ore angaránone uje ore cháguena gaté iji gaseradéjnane ejode iji uté. 7Uje Balaam e déji ore gari ga narare ga chósi tome ore:
"Moábgosode ore eduguéjna cuchábi Balac chutṍri yu to diríca iji yuniri casé to uje i tu Aram.
Ga yijíñome cucaranone iji yuniri casé iji guedé garani yui to diríca uje yicáji de.
Enga eduguéjnai Balac uruode chósi tome dañosoringuéone to diríca: '¡Bé ga o barúja jnani bajai Jacob ájnape disi ejode ore to! Yojningane u israélgosode ore ujetiga asi ome piserẽrachúringai ome ore jne.' Chósi te ome dañosoringuéone diríca.
8Mu ¿jé yo ringome gosi to a, jeta yo yurúja gosi ujetiga ca Dupade urugaite gosi to?
¿Jé yo ringome gosi jeta yacacãre gosi to ome cucha gajnaréngone to, ujetiga Pangarádejnai Dupade e chacacãre gosi bajaque ome cucha omone?
9Yugúsiji cucarani ójo ga yipáñapísiji israélgosode iji yúdi.
Enga cho ujetiga ore cãra rángome erámi unirisórone uñane jnese, enga que ore cho dojode erámi unirísoño gotique iji erámi údode.
10Ga jiépisi ore to ga ore gajnui tu jnumi urui ome dapetígajnai ga que pisecarãte ore to.
¿Ama uacuñeque doi enga chisecãru ore ga chirajárase ore batigárique to a?
Pininaquei dépisi jnani parágode udore ajéode to, ga pitoringai chise ore mu que ore áyuguhebátigade chijócãre ore ininaquéode to.
¡Yipésupú ga yitoi to gajneri mu a jé yorase ore to gajneri ga yisírase pininaquei iji yitoringárique uécharique to jne rĩ!"
11Enga eduguéjnai Balac chojninga:
–Aya baruode udore. ¿Ama yibidi ua gu jeta acacãre udore ome baru ueradode udore a? Úngare, yibidi ua gu jetiga o barúja yocumajosórone ore to ome baru gajnarétigo enga apésu ore iserẽrachúringáringo to.–
12Mu Balaam chojninga:
–Yingome uaque diríca jeta yijína uaque to diríca ga yedu Pangarádejnai Dupade gueranone yurúo ome ore to jetiga yo yurúja ore ome to diríca.–
13Mu ore eduguéjnai Balac jé chajo raja ujetiga Balaam cho darúja ore ome daru gajnaréngone ga chojninga:
–Cachi bamo ore jnese gu iji bádi, jecute que apota o barúja ore jnese. Mu yico ga yayógo cucarani gai aja jogatique uñeque uje que pijoque ore jnese ome ua iji uté. Jé socaseti garósi ore iji bedominone enga baru gajnaréngone tṍraji babijnani ome ore.–
14Ga jé u uje Balac jno Balaam údi aja cucarãte uñai to rĩ, ga ore choru uté uje uté i tu Písga. Enga ore chise ore ajminémei iji ójo to uje i tu Zofim. Enga jé u uje ore pésapo daseradéjnane iji uté ójo to rĩ enga jé chopise ore aserãte bajade to uje gare iji ti yijmanai uñai. Enga ore yugode aquirájna choqui pariguéjnane gare iji ti yijmanai uñai to, jé aja áyasa choqui pariguéjnane to. 15Enga daijnai Balaam chaquĩ́rapo Balac iji uraque daseradéjnane ejoi to rĩ ga chojninga:
–Ácarabíji yocaseradéjnane ejoi to. Enga yiji enga yicatecãrámi Dupade iji ti to jne rĩ.–
16Ga Dupade jĩraque chachai Balaam iji garani to. Enga jĩraque pésapo uru omone iji pijnani to rĩ. Enga chojningame:
–Bo ga abágabi ore eduguéjnai Balac enga angoma yipesudode baru omío ome to.–
17Ga Balaam chajni aja uraque dapesudode daseradéjna jogadi to ga chimo Balac, ujode pangarácho uje ore cháguena gaseranone ejode. Ga ore eduguéjnai jĩraque chachai iji garani ga chojninga:
–¿Cho rique Pangarádejnai Dupade uruode ome israélgosode ore?–
18Enga Balaam e nararápo rĩ ga chósi tome ore:
"Balac, Zipor ujnacari á, angaripísi yuruode quigode to:
19Dupade que chome pitoringai amatádode ayoré uyoque to.
Uje áyipie caputapise aja dajesui enga etegue páyipie quiyíguiyíguidie to.
Uje Dupade narare ga que piboyaque urúrique quitique to enga dopísi daruode quigode to.
Ujetiga Dupade chisi ome daruode ome ayorérique ga que potigayaquérique déji uru quitique.
Uje chojninga: 'A u jne ome cuchárique,' ga tocade ojningane cucha ga jé upúsu ojningárique cucha to.
20Uje Dupade chojningame yu que: 'Ueradéjnapise baru quigode to ome israélgosode ore to.'
¿Ama yiji ga yécãrirase uruode quitique? Úngare, que pecãraque Dupade uru quitique gotique.
21Israélgosode ore gãrapi u yedójnari jnani bajai Jacob nanique, ga que ayorérique déji jetiga chise ore iyoguérique to.
Ore angarádejnai Dupade déji ore gari ga uté nóna ore aja quedéjnane to.
Erámi unirisórone uñane ore cho deduguéjnane iji dojode erámi unirísoño, jé basa ga israélgosode ore cho deduguéjna cuchábi iji dangarádejnai Dupade uté.
22Ore angureni Dupa u uje ijnimique udore ore iji egíptogosode ore josipiedie jmainie diríca.
Ga Dupade isocai jé u cuchiso uérãque uje i tu búfalo, ga pirosobate uté uedie iquéode ome cutejmai etotigué.
Ga jé adi u Dupade uje pirosobate to ga tṍra israélgosode ore umajosórone aja quedéjnane to iji ore iquéode.
23Que daijnárique déji erámi údode ujetiga doi ga cho darúja jnani bajai Jacob uté ájnape disi ejode israélgoso ga uru gajnaréngone chacája to.
Enga que daijnárique déji to jetiga cho darúja ore ga ujopiéraque chacája ore to.
Ga daijnane a yijnángorása yógaja israélgosode udore to mu a yiracórase ore to mu jĩraque dara omone tṍraji yoquibijnanone ome ore to. Jecute yojningame ore: '¡Israélgosode uaque á, uacajneque pátegoningáne to uje uacangureni Dupa uecai ipesute cucha pitijabádode iji uaque to, ga yitijago uacadode jnese!'
24Israélgosode udore gajnua tu caraté quedéjnaraque uje chajna darosipétique iji jnumone to.
Enga chise ga cugujnáji to, ga churugúsiji jnumi to ga tagu ga pésu cucha carĩ namisé aja dabijnani to.
Jecute purása quedéjnane uaque, ajusópise uaqueo ome udore ore to."
25Ga ore eduguéjnai Balac chojninga:
–Balaam, e yimo uje a ca acási puru gajnaréngone ome babijnani ome ore to. Mu be ga aya o barúja ore ome cucha omone to.–
26Enga Balaam chajnai eduguéjnai Balac uruode enga chojninga:
–E jiei uje yingome ua to uje a yedu Pangarádejnai Dupade gueranone yuru omío ome beránganeméone bamajósõre ore to.–
27Ga Balac catecã́ri Balaam gaté rĩ ga chojninga:
–Be ga ajína yu to ga yucuegoi jogate uñeque to. Ja seca Dupade juéga baru gajnarétigo ome ua iji sañeque jne ujetiga o barúja israélgosode ore iji sañeque.–
28Ga jé u uje Balac ore jno ga ore choru cucarãte uñai uje i tu Peor. Ga jno Balaam údi aja ójopise ujetiga pijoguipise erãpetarei údode jnese ome iji uté. 29Ga Balaam chojninga Balac:
–Beyopoi gaseradéjnaringo rĩ ujetiga gare iji ti yijmanai uñai to. Ga ajéyopo aquirájna choqui pariguéjnaringo, jé aja áyasa choqui pariguéjnaringo to ga gare ore iji ti to yijmanai uñai jnese, enga yẽcopome Dupade to jne rĩ iji de gajiné.–
30Ga eduguéjnai Balac jĩraque pésupúsu Balaam ojningane cucha jnese, ga chujé cuchisode udore enga que aseradéjnarique chimoque detique aquirájna choqui, jé aja áyasa choqui to.
Currently Selected:
Números 23: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Números 23
23
1Ga daijnai Balaam catecã́ri Balac ga chojninga:
–Aroque barógode uñéngo to ga ore pésu gaseradéjnaringo ujetiga gare iji ti. Angome ore jetiga ore doi aquirájna choqui pariguéjnane, jetiga qué ichájna ga gare iji ti jne. Ga ore chatapója áyasa choqui ichájnane to rĩ jeta garapo ore iji ti rĩ.–
2Ga ore eduguéjnai Balac dopísi daijnai Balaam uruode to. Ga ore doi aquirájna choquíode, jé aja áyasa choquíode ome gaseradéjnane udore. Enga jé u uje Balac, Balaam ore cháta rágaja ñane enga ore chujé deranone cuchiso udore aja gaseradéjnane udore jnese, enga que ore aseradéjnarique chimoque aquirájna choquírique uje ore chujé aja gai, jé aja áyasa choquírique rĩ.
3Uje e ore chujé degode udore ga jé u uje daijnai Balaam catecã́ri ore eduguéjnai Balac. Enga chojninga:
–Arodape yocaseradéjnane to jne. Ga yiji ga yicáji ti uje gusu yu iji ti. Ja seca Dupade chiqueta raja yu ga yangarami uruode iji to jne ujetiga catecã́ri yu iji uté to. Enga a yingo Dupade uru quitígo ome ua to jne.–
Balac pota jeta Balaam chacacãre israélgosode ome daru gajnaréngone, mu chacacãre ore ome daru omone nanique
Enga cucarãte cototé déji ore dosadi iji uté to enga Balaam qui tu cucarãte cototé uaté ome dacatecãraitigade enga jé gusúpusu uté iji dacatecãraitigade jogadi uté to. 4Enga Dupade chiqueta raja Balaam iji icatecãraitigade jogadi to. Ga Balaam catecã́ri Dupade bajaque to enga chojninga:
–Bamo yaseradéjnane uje gare iji ti. Bamo uje aquirájna pariguéjnane déji yaseradéjnane udore jnese, jé aja áyasa choqui pariguéjnane to, déji yaseradéjnane gáyode jnese to.–
5Ga Dupade pésu Balaam uruode iji áyipie to ga chojninga:
–Bo ga ango yipesudode barúo aja ore eduguéjnai Balac ga chudute to iji babijnani to.–
6Ga Balaam e jno ga chajníja daseradéjnane to. Ga chise Balac, ujode pangarate ore uje ore cháguena gaté iji uraque daseradéjnane ejode to. Yojningane u moábgosode ore angaránone uje ore cháguena gaté iji gaseradéjnane ejode iji uté. 7Uje Balaam e déji ore gari ga narare ga chósi tome ore:
"Moábgosode ore eduguéjna cuchábi Balac chutṍri yu to diríca iji yuniri casé to uje i tu Aram.
Ga yijíñome cucaranone iji yuniri casé iji guedé garani yui to diríca uje yicáji de.
Enga eduguéjnai Balac uruode chósi tome dañosoringuéone to diríca: '¡Bé ga o barúja jnani bajai Jacob ájnape disi ejode ore to! Yojningane u israélgosode ore ujetiga asi ome piserẽrachúringai ome ore jne.' Chósi te ome dañosoringuéone diríca.
8Mu ¿jé yo ringome gosi to a, jeta yo yurúja gosi ujetiga ca Dupade urugaite gosi to?
¿Jé yo ringome gosi jeta yacacãre gosi to ome cucha gajnaréngone to, ujetiga Pangarádejnai Dupade e chacacãre gosi bajaque ome cucha omone?
9Yugúsiji cucarani ójo ga yipáñapísiji israélgosode iji yúdi.
Enga cho ujetiga ore cãra rángome erámi unirisórone uñane jnese, enga que ore cho dojode erámi unirísoño gotique iji erámi údode.
10Ga jiépisi ore to ga ore gajnui tu jnumi urui ome dapetígajnai ga que pisecarãte ore to.
¿Ama uacuñeque doi enga chisecãru ore ga chirajárase ore batigárique to a?
Pininaquei dépisi jnani parágode udore ajéode to, ga pitoringai chise ore mu que ore áyuguhebátigade chijócãre ore ininaquéode to.
¡Yipésupú ga yitoi to gajneri mu a jé yorase ore to gajneri ga yisírase pininaquei iji yitoringárique uécharique to jne rĩ!"
11Enga eduguéjnai Balac chojninga:
–Aya baruode udore. ¿Ama yibidi ua gu jeta acacãre udore ome baru ueradode udore a? Úngare, yibidi ua gu jetiga o barúja yocumajosórone ore to ome baru gajnarétigo enga apésu ore iserẽrachúringáringo to.–
12Mu Balaam chojninga:
–Yingome uaque diríca jeta yijína uaque to diríca ga yedu Pangarádejnai Dupade gueranone yurúo ome ore to jetiga yo yurúja ore ome to diríca.–
13Mu ore eduguéjnai Balac jé chajo raja ujetiga Balaam cho darúja ore ome daru gajnaréngone ga chojninga:
–Cachi bamo ore jnese gu iji bádi, jecute que apota o barúja ore jnese. Mu yico ga yayógo cucarani gai aja jogatique uñeque uje que pijoque ore jnese ome ua iji uté. Jé socaseti garósi ore iji bedominone enga baru gajnaréngone tṍraji babijnani ome ore.–
14Ga jé u uje Balac jno Balaam údi aja cucarãte uñai to rĩ, ga ore choru uté uje uté i tu Písga. Enga ore chise ore ajminémei iji ójo to uje i tu Zofim. Enga jé u uje ore pésapo daseradéjnane iji uté ójo to rĩ enga jé chopise ore aserãte bajade to uje gare iji ti yijmanai uñai. Enga ore yugode aquirájna choqui pariguéjnane gare iji ti yijmanai uñai to, jé aja áyasa choqui pariguéjnane to. 15Enga daijnai Balaam chaquĩ́rapo Balac iji uraque daseradéjnane ejoi to rĩ ga chojninga:
–Ácarabíji yocaseradéjnane ejoi to. Enga yiji enga yicatecãrámi Dupade iji ti to jne rĩ.–
16Ga Dupade jĩraque chachai Balaam iji garani to. Enga jĩraque pésapo uru omone iji pijnani to rĩ. Enga chojningame:
–Bo ga abágabi ore eduguéjnai Balac enga angoma yipesudode baru omío ome to.–
17Ga Balaam chajni aja uraque dapesudode daseradéjna jogadi to ga chimo Balac, ujode pangarácho uje ore cháguena gaseranone ejode. Ga ore eduguéjnai jĩraque chachai iji garani ga chojninga:
–¿Cho rique Pangarádejnai Dupade uruode ome israélgosode ore?–
18Enga Balaam e nararápo rĩ ga chósi tome ore:
"Balac, Zipor ujnacari á, angaripísi yuruode quigode to:
19Dupade que chome pitoringai amatádode ayoré uyoque to.
Uje áyipie caputapise aja dajesui enga etegue páyipie quiyíguiyíguidie to.
Uje Dupade narare ga que piboyaque urúrique quitique to enga dopísi daruode quigode to.
Ujetiga Dupade chisi ome daruode ome ayorérique ga que potigayaquérique déji uru quitique.
Uje chojninga: 'A u jne ome cuchárique,' ga tocade ojningane cucha ga jé upúsu ojningárique cucha to.
20Uje Dupade chojningame yu que: 'Ueradéjnapise baru quigode to ome israélgosode ore to.'
¿Ama yiji ga yécãrirase uruode quitique? Úngare, que pecãraque Dupade uru quitique gotique.
21Israélgosode ore gãrapi u yedójnari jnani bajai Jacob nanique, ga que ayorérique déji jetiga chise ore iyoguérique to.
Ore angarádejnai Dupade déji ore gari ga uté nóna ore aja quedéjnane to.
Erámi unirisórone uñane ore cho deduguéjnane iji dojode erámi unirísoño, jé basa ga israélgosode ore cho deduguéjna cuchábi iji dangarádejnai Dupade uté.
22Ore angureni Dupa u uje ijnimique udore ore iji egíptogosode ore josipiedie jmainie diríca.
Ga Dupade isocai jé u cuchiso uérãque uje i tu búfalo, ga pirosobate uté uedie iquéode ome cutejmai etotigué.
Ga jé adi u Dupade uje pirosobate to ga tṍra israélgosode ore umajosórone aja quedéjnane to iji ore iquéode.
23Que daijnárique déji erámi údode ujetiga doi ga cho darúja jnani bajai Jacob uté ájnape disi ejode israélgoso ga uru gajnaréngone chacája to.
Enga que daijnárique déji to jetiga cho darúja ore ga ujopiéraque chacája ore to.
Ga daijnane a yijnángorása yógaja israélgosode udore to mu a yiracórase ore to mu jĩraque dara omone tṍraji yoquibijnanone ome ore to. Jecute yojningame ore: '¡Israélgosode uaque á, uacajneque pátegoningáne to uje uacangureni Dupa uecai ipesute cucha pitijabádode iji uaque to, ga yitijago uacadode jnese!'
24Israélgosode udore gajnua tu caraté quedéjnaraque uje chajna darosipétique iji jnumone to.
Enga chise ga cugujnáji to, ga churugúsiji jnumi to ga tagu ga pésu cucha carĩ namisé aja dabijnani to.
Jecute purása quedéjnane uaque, ajusópise uaqueo ome udore ore to."
25Ga ore eduguéjnai Balac chojninga:
–Balaam, e yimo uje a ca acási puru gajnaréngone ome babijnani ome ore to. Mu be ga aya o barúja ore ome cucha omone to.–
26Enga Balaam chajnai eduguéjnai Balac uruode enga chojninga:
–E jiei uje yingome ua to uje a yedu Pangarádejnai Dupade gueranone yuru omío ome beránganeméone bamajósõre ore to.–
27Ga Balac catecã́ri Balaam gaté rĩ ga chojninga:
–Be ga ajína yu to ga yucuegoi jogate uñeque to. Ja seca Dupade juéga baru gajnarétigo ome ua iji sañeque jne ujetiga o barúja israélgosode ore iji sañeque.–
28Ga jé u uje Balac ore jno ga ore choru cucarãte uñai uje i tu Peor. Ga jno Balaam údi aja ójopise ujetiga pijoguipise erãpetarei údode jnese ome iji uté. 29Ga Balaam chojninga Balac:
–Beyopoi gaseradéjnaringo rĩ ujetiga gare iji ti yijmanai uñai to. Ga ajéyopo aquirájna choqui pariguéjnaringo, jé aja áyasa choqui pariguéjnaringo to ga gare ore iji ti to yijmanai uñai jnese, enga yẽcopome Dupade to jne rĩ iji de gajiné.–
30Ga eduguéjnai Balac jĩraque pésupúsu Balaam ojningane cucha jnese, ga chujé cuchisode udore enga que aseradéjnarique chimoque detique aquirájna choqui, jé aja áyasa choqui to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360