Josué 16
16
E ore chisi ome jnani bajai José ape disi ejode iji ore gajnéone jnupe ujetiga ore cho dajnéngu udore to
1A qué yatataba José ape disi ejode gajnepídode jnumío to jne uje ore ĩcarai u efraíngosode, manasésgosode aja ore nanique. Ore dopoi cucaranenie ome ñane to nanique rĩ ujetiga ore chiraja daguiosode gajnepídode jnumío to. Ga jé u uje joségosode ore chiraja dajnepídi erãpe eruéode to nanique. Ore gajnepídi eruei uñai jé chajna yote quedéjnai Jordán jochai iji jnumi to iji guedé garani yui to, ga chisípise sibíjnane to iji ore idai Jericó tiógarei to nanique. Ga jé jnoji uté nanique ga chaquesu erãpetarei iji gatócoro to, ga chaquesuapo cucarãte umarone iji gatócoro to nanique rĩ uje cucaranone udore déji ore idáyode Jericó, Betel ore ujai nanique. 2(Ore idai Betel uté i uñai u Luz nanique.) Uje ore gajnepídi erãpe eruei uté jnoji ore idai Betel uté nanique ga chaquesu arquítagosode ore uniri iji gatócoro to nanique ga chise ore idai Atarot to nanique rĩ. 3Ga cho cutúguiji uté ga chichagápisa raja jafletítagosode ore uniri to. Ga chisípise ore idáyode uñane to rĩ uje ore íode u Bet-horón de Abájo, Gezer ore. Ga jno ga chisípise yote quedéjnai Mediterráneo iji guedé cacadi yui, ga eruei chajna yote quedéjnai edúdi tiji jnumi.
Efraíngosode ore gajnei jnupe eruéode u udojo to
4-5A e yatata jnani bajai José ájnape disi ejode efraíngoso ore gajnepídode jnumío eruéode to. Ore gajneque jnumi jnese iji ore idáyode Atarot-adar, Bet-horón de Arríba ore ujai iji guedé garani yui nanique. 6-7Ga ore gajnepídi erãpe eruei uté jno iji uté ga chisípise yote quedéjnai Mediterráneo iji guedé cacadi yui to. Ga chise ore idáidatéi uñai uje i tu Micmetat uje ore idai uté déji casaque garani yui to. Ga jnopo rĩ ga cho jñuque, jñuque, jñúngaja guedé garani yui ga chicapísiji guidáyode uñane aja dajesui uje ore íode u udojo nanique: Taanat-sílo, Janóa, Atarot, Naarat, Jericó ore. Ga chisípise yote quedéjnai Jordán to iji ore idai Jericó uté uéchai. 8Ore gajnepídi jnupe eruei uté chise ore idai Tapúa to uje chicáji dajesui aja guedé cacadi yui nanique, ga chise tié pujnúraque to uje i tu Caná, ga chichaga raja yote quedéjnapísi to uje i tu Mediterráneo nanique. Efraíngosode ore gajneque yatatagode udojo jnese ga jé basa ga ore dayode chajuguína jnúpedatéi uté péode ome darasade nanique ga jé u uje ore cho dajnéngu dajnepídode erãpe jnese, ga que chonatique déji ore nanique. 9Mu efraíngosode ore gajneque ore idáyode uñane to iji manasésgosode ore gajnepídi ajei to nanique rĩ. 10Mu efraíngosode que ore chujé cananéogosode uñane to nanique iji ore idai Gezer. Mu ore chojningame ore nanique: "A ca yujégo uaque to jne. Mu jecucha ga amácho yoque jne. Jé aja uacape disi ejórigo to rĩ enga a ore chopo doré to jne rĩ ome yocape disi ejode to rĩ." Enga cananéogosode qué ore déji efraíngosode ore ujade iji ore idai Gezer uté jé iji deréjnane udojo to.
Currently Selected:
Josué 16: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Josué 16
16
E ore chisi ome jnani bajai José ape disi ejode iji ore gajnéone jnupe ujetiga ore cho dajnéngu udore to
1A qué yatataba José ape disi ejode gajnepídode jnumío to jne uje ore ĩcarai u efraíngosode, manasésgosode aja ore nanique. Ore dopoi cucaranenie ome ñane to nanique rĩ ujetiga ore chiraja daguiosode gajnepídode jnumío to. Ga jé u uje joségosode ore chiraja dajnepídi erãpe eruéode to nanique. Ore gajnepídi eruei uñai jé chajna yote quedéjnai Jordán jochai iji jnumi to iji guedé garani yui to, ga chisípise sibíjnane to iji ore idai Jericó tiógarei to nanique. Ga jé jnoji uté nanique ga chaquesu erãpetarei iji gatócoro to, ga chaquesuapo cucarãte umarone iji gatócoro to nanique rĩ uje cucaranone udore déji ore idáyode Jericó, Betel ore ujai nanique. 2(Ore idai Betel uté i uñai u Luz nanique.) Uje ore gajnepídi erãpe eruei uté jnoji ore idai Betel uté nanique ga chaquesu arquítagosode ore uniri iji gatócoro to nanique ga chise ore idai Atarot to nanique rĩ. 3Ga cho cutúguiji uté ga chichagápisa raja jafletítagosode ore uniri to. Ga chisípise ore idáyode uñane to rĩ uje ore íode u Bet-horón de Abájo, Gezer ore. Ga jno ga chisípise yote quedéjnai Mediterráneo iji guedé cacadi yui, ga eruei chajna yote quedéjnai edúdi tiji jnumi.
Efraíngosode ore gajnei jnupe eruéode u udojo to
4-5A e yatata jnani bajai José ájnape disi ejode efraíngoso ore gajnepídode jnumío eruéode to. Ore gajneque jnumi jnese iji ore idáyode Atarot-adar, Bet-horón de Arríba ore ujai iji guedé garani yui nanique. 6-7Ga ore gajnepídi erãpe eruei uté jno iji uté ga chisípise yote quedéjnai Mediterráneo iji guedé cacadi yui to. Ga chise ore idáidatéi uñai uje i tu Micmetat uje ore idai uté déji casaque garani yui to. Ga jnopo rĩ ga cho jñuque, jñuque, jñúngaja guedé garani yui ga chicapísiji guidáyode uñane aja dajesui uje ore íode u udojo nanique: Taanat-sílo, Janóa, Atarot, Naarat, Jericó ore. Ga chisípise yote quedéjnai Jordán to iji ore idai Jericó uté uéchai. 8Ore gajnepídi jnupe eruei uté chise ore idai Tapúa to uje chicáji dajesui aja guedé cacadi yui nanique, ga chise tié pujnúraque to uje i tu Caná, ga chichaga raja yote quedéjnapísi to uje i tu Mediterráneo nanique. Efraíngosode ore gajneque yatatagode udojo jnese ga jé basa ga ore dayode chajuguína jnúpedatéi uté péode ome darasade nanique ga jé u uje ore cho dajnéngu dajnepídode erãpe jnese, ga que chonatique déji ore nanique. 9Mu efraíngosode ore gajneque ore idáyode uñane to iji manasésgosode ore gajnepídi ajei to nanique rĩ. 10Mu efraíngosode que ore chujé cananéogosode uñane to nanique iji ore idai Gezer. Mu ore chojningame ore nanique: "A ca yujégo uaque to jne. Mu jecucha ga amácho yoque jne. Jé aja uacape disi ejórigo to rĩ enga a ore chopo doré to jne rĩ ome yocape disi ejode to rĩ." Enga cananéogosode qué ore déji efraíngosode ore ujade iji ore idai Gezer uté jé iji deréjnane udojo to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360