Juéces 6
6
Uje Gedeón déji dajaroi trígo gai ga Pangarádejnai Dupade utocaidi gaté unirísõre chiqueta raja nanique jeta chingo Dupade uruode aja ome úringai israélgosode ore irotangore
1Uje Débora e toi nanique ga israélgosode ore chajniapója dasoca gajnaréngone iji Dupade iquei. Ga Dupade tẽra petotiguei ome madiángosode ore nanique ga ore sué israélgosode ore gáyode nanique. Ga israélgosode ore guejnanie siqueré gare iji ti nanique uje que madiángosode ore chajéngome ore gotique nanique. 2Enga madiángosode jecucha ga ore cho dajocaningame israélgosode nanique mu israélgosode ore chayome ore ga ore pógu ráguiji cucarã́tedódie jeta jé ca piyaque ore. 3Uje israélgosode ore chutã́ri jóroque mu madiángosode jecucha doi ore, ga que gusu ore mu amaléquegosode dopoi ore rĩ, jé aja purása quedéjnane uñane to uje ore tṍraji guedé garani yui ome ore. 4Uje israélgosode ore chimate dacade cucha aja guesode mu madiángosode di ga ore chicha dacárpade aja ore ejode. Enga jé u uje ore chajnangarase ore acade cucha ga ore chuságaja ore idai uñai uje i tu Gáza. Ga madiángosode chajnosipise isráelgosode ome ore gachidedie áyasai, jé aja aquirájnanie, jé aja burica quedéjnane udore jnese. Ga que israélgosode ore potique cuse jeta ore tagu iji dachamini uté. Ga cho chique ore uniri údode ome cucha pibosode. 5Uje madiángosode ore tṍraji daniri ome israélgosode nanique ga ore chopise chuguyúgudie aja dajesúode, uje que pisecarãte ore jé aja ore gachidode udore. Ore di dacárpade údi to ga ore chijna dachidode aja israélgosode ore idáyode ga ore gachidode tagu israélgosode ore gachidode aquirájna posode jnacaracho. Ga jiépisi ore gachidode burica quedéjna uje ore i tu caméllo, jé aja aquirájnanie to ga madiángosode gachidode udore pésu jaribei iji israélgosode ore gachidode posode nanique. 6Enga jé u uje israélgosode ore jmáta ga gosipise madiángosode ore nanique uje que ore chajéngome ore nanique iji dajade. Ga jé u uje quene israélgosode ore áyipiedie doi daníngo ore angureni Dupa. Ga jé u uje ore chijócha Pangarádejnai Dupade ajei údi ome raque nanique.
7-8Ga ore chojningame Dupade: "Yocáquiode angarádejna Dupá, ajnime yóguiji madiángosode udore ore josipiedie jmainie." Ga jé u uje Pangarádejnai Dupade chiroque daruode atatasõre proféta aja ore. Ga uté chojningame darasade ore: "Pangarádejnai uté, yocáquirigo israélgose ore angaráni Dupa, chósi tome daruode que: 'Uacarasade jnani bajácho ore doi egíptogosode ore iroquéode bisideque nanique, ga ore chejnáreque ráguiji egíptogosode ore josipiedie jmainie nanique. 9Mu uyu u nanique uje yijnimique uacáquiode israélgose iji egíptogosode ore ujade nanique. Jé adi tu ome uacamajosórone uñane nanique uje yijnime uáguiji ore josipiedie jmainie to nanique. Upo rĩ uje yijócãre ore iji ore unirone ga uacoyo uacaniri iji ore unirone nanique. 10Ga yojningame uaque nanique: Pangarádejnai uyu, Uacangarádejnai Dupápise. E uacoyo uacaniri iji amorréogosode ore uniri, mu jé ca atodóyo ore angurenone dupa quedéjna iji ore uniri tudé.' Mu israélgosode uaque ga uacachayo yu aja ti yui ga uacoyo dupáji amorréogosode angurenone dupa quedéjna to ga uacabeyoi ore adode to.'" Dupade uruode atatasõre proféta uruode u udojo ome ore nanique.
11Mu chise diri nanique uje Pangarádejnai utocaidi gaté unirísõre chácariji poria ero uje poria uaté i tu encína ujetiga catecã́ri Joás ujnacari Gedeón uté. Ga poria uaté déji jnani bajai Joás gajnei jnupe nanique iji ore idai Ófra ejoi. Enga jnani bajaguipísi Abiezer ájnape disi ejo Joás uté. Enga Joás ujnacari Gedeón qué déji dajaroi trígo gai iji poria uaté ejoi mu pógu re ome madiángosode. Gaidi u jeta ca ore chimo. Ga jogadi uté u to uje jecucha ore chijose úvadie iji nanique.
12Ga Pangarádejnai utocaidi gaté unirísõre chague Gedeón gai tiji ijaroi trígo gai nanique enga catecã́ri. Ga chojningame Gedeón:
–Gedeón á, Pangarádejnai Dupade dépisi bari iji de. Ga chiraja báringai jnani uajate, uje dicase ua gu.–
13Ga jĩraque Gedeón chajnai dacatecãraisṍri ayoré uté uruode ga chojningame:
–Yangaráni á, ujetiga jé ũré ga Pangarádejnai Dupade déji yocari, ¿mu cuchárique u gu a uje cucha dacate gajnaréngone udojo tocade ome yoque? Yocáquiode ore júdi cásodicáite Dupade átedaté gotígo ¿jé déji rique uje jecucha ore chatata udore nanique? Yojningane u Dupade átedatéode nanique ome yocáquiode ore nanique uje chijnime ore iji egíptogosode ore ujade nanique. ¡Mu e Pangarádejnai Dupade tẽra yógome madiángosode ore ica ga yejnárejo yógome ore josipiedie iji yocujade!–
14Enga jé u uje Pangarádejnai chajire Gedeón ga chojningame:
–Be ga ajna yẽrapáidi picasitígajna ga arota barasade ore jne ome madiángosode ore. Uyu u gu uje yo quique ua ome udore ujeta be yuruode quigode.–
15Mu Gedeón chajnai ga chojningame daruode:
–Pangarádejná, cachi yáquirigo que ore ujnomérique cusome darasade manasésgoso ore jnese to nanique. Jétapũré yoquijogasúode ore uje ore chietáyime yógome diri. Jé que yugúsiji cuchárique to ome yacayade ore uje que pangarate yu ome ore gotique rĩ iji yoquijogadode. ¿Ga yetotiguei tṍraji rique jne a, ujetiga yi ga yirota yurasade ome madiángosode?–
16Ga Pangarádejnai Dupade chajnai Gedeón uruode ga chojningame:
–Cachi yugúsi bari arĩa, ga jé ca achietáyime ua ome madiángosode ore jne. A jé ajṍcarome madiángosode udore ore jne iji uacaniri údode, ga a cho jetiga ayoré duga udore ore iji bajmainie.–
17Gedeón qué jnopo daruode údi rĩ enga chojningame dacatecãraisṍri uté:
–Jeta jé ũré ua uje yise yúringai pimeserãque iji bedominone, enga angoba cucha dacatique aja yu bajaque jeta yirajapise uje ua upúsu uje bacatecã́ri yu iji de. 18Mu yijócha bajei údi ujetiga jé ca bope jne. Arodape yu iji yoquiyaridi udé jne. Qué yiji bajnetique yate ga a yisi ome ua iji de gajneri.–
Ga Pangarádejnai Dupade chojningame Gedeón uté:
–Jé areque. A qué yirote bei jne jé aja ujetiga esápo yu iji de rĩ.–
19Gedeón jno ga quítequigája dachidedie áyasa quedéjnai yui jeta chujé chocatique ome Dupade uté. Ga pésu arurégode ome to ga 20 lítros harína ga pésu arurégode iji mu que chanire bisitígaja. Uje e yu ãraquegué áyasa arione ga chijnime ga nája ijnacojodie ajei, ga jé u uje jno údi ga chátaja otadi iji pĩraca, ga chátaja darorigode arurécho. Ga jno údi ome Dupade iji charidi pore uburute iji jogadi uqué uje ore chise ñane iji uté. 20Enga Dupade iroi gaté unirísõre chojningame Gedeón:
–Acháji cucarané uaté gai ga ojne bãraquegué áyasa otadi uqué arione gai jne, ga acha arurégode aja áyasa arione gai.–
Enga Gedeón dopísi uruode quigode. 21Ga jé u uje Pangarádejnai Dupade utocaidi gaté unirísõre doi áyasa arione udore iji cucarané gai ga chaca dogué eruei iji ga jé u uje pioi tṍraji cucarané cuchabé uaté enga tagu áyasa arione, arurégode gai jnese. Mu uje Gedeón toji cuchade udore gai, mu chuniname eti cho chique ejode ome Pangarádejnai Dupade utocaidi gaté unirísõre uqué. 22Uje Gedeón e chiraja uje jé ũrepise ga Pangarádejnai Dupade utocaidi gaté unirísõre u dacatecãraisṍri uté gosi ga chojninga:
–¡Urénga, Pangarádejná, bajuque yaguté que! Uje e yimo batocaidi gaté unirísõri que ga penocha guichaya uté enochai ome yu.–
23Mu Dupade chósi tome Gedeón uté:
–Gedeón á, jé ca atodo uje e bamo yutocaidi gaté unirísõre edodie que. Ga a jé ca atoi ome bamone udore penocha guichaya jne. Ga o paraque jne ga a yĩreta báyipie gajneri ome cutejmai yẽrate pajesereringa.
24Ga jé u uje Gedeón jĩraque pésu daseradéjnai ome Pangarádejnai Dupade ga pésu daseradéjnai uté i ga i tu 'Pangarádejnai Guerani u Pajesereringai.' (Ga Gedeón ipesudi daseradéjna jé jogate ore idai Ófra uté jé aja deréjnane udojo to, uje ófragosode ore iyoquíjnai u jnani bajai Abiezer nanique iji dedai tuté.)
25Iji dejai tuté nanique ga Pangarádejnai catecãrápoi Gedeón gaté rĩ. Ga chojningame:
–Gedeón á, bo ga acáji bayé gachidode aquirájna jogadi ga ajna bayé gachidode buey áyipierãi jõrai uté jne, uje guejnanie siqueré gare iji ti yijmanai uñai. Enga be bayé angureni ayoré gajnu cuchape jne uje i tu Baal ga adíja enuei aja pajei jne enga a adiapója buey rĩ enga chayo údi, enga anguíra uté aja jnumi jne bayé angureni uté ayoré gajnu Baal. Enga ajnimápo ore angurené dupa quedéjna Asera gajné pore to jne rĩ uje déji Baal gajnei ore aseradéjna gai ga anguirapója jnumi to jne rĩ. 26Ujeta e ajnangarase Baal gajnéone ore aseradéjna jne, enga apésu Pangarádejnai bangureni Dupapísi uyu yajnetique baseradéjna iji jne. Enga ajé buey uté ome yu jne ga a ẽrame yu jne. Ga ajuque bajnimé uaqué pore aja bei uté buey údi jne jeta apotame. Yojninga tu ore angurené Asera gajné ore aseradéjna uburúpie uaqué.
27Gedeón tibidi dayé irógode uñane uje ore chejna yijmanáyone ga pésu Pangarádejnai Dupade ojningane cucha udore jnese iji dejai údode. Uje todo dayé ore gu jé aja guidai idaisórone ore, ga que pésu iji dínique. 28Iji durasé ga Gedeón urasade ófragoso ore chimo dangureni Baal itabidode iji jnumi ga ore chojningame ñane: "Chimo jóroque re uje yocangureni casé Baal a íjnonguiji jnutique, jé aja yocangurené Asera gajné casé yocaseradéjna gamito pore. Ga a gosi chijnimíji erode que, ga pésu daseradéjna ichárique iji jogadi ga chujé aquirájna iji gai ga chajuque yocaseradéjna casé uburúpie pore aja dei uté aquirájna údi uje ore chipota."
29Ga Gedeón dayé urasade ore chojninga: "¿Ga cuchárique ipesucho udojo iji yoquidai tudé uje cuchadatéo mu?" Uje ore chucué cuchade udore ipesusóño iji dajade ga ore chise uje Joás ujnacari Gedeón uté ipesucho udore. Ga jé u uje ore tibágui dayé jeta ore chatatame uje ujnacari ipesucho udore iji ore idai. 30Ga ore chojninga:
–Be bajnacari jne ga bo údi jne. A yujégo jne uje ijnimique yocangureni casé Baal iji jogadi ga íjnonguiji jnumi. Ga chijnimápo yocangurené Asera uaté gajné yocaseradéjnai uburúpie casé pore to rĩ.–
31Mu Joás chojningame daparúgaisórone jnanío udore ore iji dejode:
–Urénga, gajnareque uacasocai uje uacapótayo arotáyo uacangureni ayoré gajnu Baal ga ajéyorase ucuayasṍri to. A uaque urásu jeta poberacaite uacáringáringo chucho. Uje cho jeta uacachietabáitiga uacaruode udore ga cho jetiga jé ca iyieque uacarotaquei ome uacangureni Baal uté. Ujeta jé ũré uaque ga a dupápisi urásu ga ayorérique cho dajocaningame uté gajnetique gaseradéjna, ga jé basa cho dajocaningame gosi to ga chedu ayoré tuté gosi uje chajnangarase aseradéjnai aja dejode.–
32Enga jé u uje ore jnome dajesúode ga que ore chujé Gedeón gotique. Ga ore chimo Gedeón nanique ga jé ore cho uté i iji ga ore chojningame uté "Baal irotágui jóroque re" ga nóña ga uté i nanique. Ga ore chojninga 'Jerobaal' ome ore uruode nanique, uje Gedeón chucuase Baal gajnei ore aseradéjna nanique ga que cuchárique chósi ti iji Gedeón, ga jé ate tiji quigade.
33Udojo quigade ga madiángosode ore chutṍri amaléquegosode ore jeta ore doi pocaningai ome israélgosode. Ga ore chutõrapoi purása quedéjnane uñane to rĩ uje ore unirone déji guedé garani yui. Ga ore chicáji yote quedéjnai Jordán uéchamitó enga ore chicha darengúi aja cucaranone ujai uté uje ore gajminémeque enga i tu Jezreel. 34Enga Pangarádejnai Dupade chĩreta Gedeón ome dajopié ome madiángosode ore yui. Ga Gedeón chisa dapúpuria ga chubúchu ome darasade, Abiezer ape disi ejode ore, ga ore tibágui púpuria uaté. 35Ga Gedeón chirógapo jnacarode uñane aja manasésgosode ore yui to rĩ jeta ore cháta raja ñane to ome ore umajosórone yui. Chirógapo uñane aja asérgosode ore yui to rĩ, jé aja zabulóngosode ore, jé aja neftalígosode ore to rĩ. Enga ore tibágui Gedeón jnese.
36-37Ga Gedeón chojningame Dupade: "Jetiga jé ũré enga atṍri yu ome madiángosode jne ujeta yirota israélgosode ore jne enga apésu yojningane cucha udojo jne ga a quene pijoguipise báringárique ũré jne ome yu. A qué yichaba áyasa aoi aja uti uquécasé gai uje yijninguese trígo iji diríca. Ga a yobéri yui gajneri iji dúrasabía ga yisa ga arupaché, mu cajnóraja ejode ga obiréjna uje bapota yúringárique putocaite ujeta yirota yurasade israélgose ore ome yocumajosórone. Uje jé baruode quigode u ome yu diríca, mu yipota jeta yiraja jeta jé ũrépise ua gu."
38Enga Gedeón ajequigode e tocadepise. Uje Gedeón uté chobéri áyasa ao casé yui iji dúrasabía, ga chise mu arupaché. Ga chimijnésaja bajóraque ga irágu ĩbijeñai.
39Enga Gedeón e pañaji cuchade mu qué chotigase ga chojningápome Dupade gaté rĩ: "Dupade á, jé ca bajénique dotárome yu jne, mu yipota gu jeta yirajapise eti jé uyu u batocaidi jne ome israélgosode yoquijocaningai jeta ore cho dasuté iji yu jne. Jecute a qué yipésapo cucháringome ua jne rĩ. Ga a yichapo áyasa ao casodé uñai aja uquécasé jogadi jne rĩ, enga a yiraja jeta jé bajegaidi upúsu yu ga a cajnore áyasa aoi jne, mu a teta ejode jne."
40Enga jé u iji dejai uté uje Dupade doi Gedeón ajequigode ga guejnatui que basája áyasa ao gotique to, mu mararata ejode.
Currently Selected:
Juéces 6: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Juéces 6
6
Uje Gedeón déji dajaroi trígo gai ga Pangarádejnai Dupade utocaidi gaté unirísõre chiqueta raja nanique jeta chingo Dupade uruode aja ome úringai israélgosode ore irotangore
1Uje Débora e toi nanique ga israélgosode ore chajniapója dasoca gajnaréngone iji Dupade iquei. Ga Dupade tẽra petotiguei ome madiángosode ore nanique ga ore sué israélgosode ore gáyode nanique. Ga israélgosode ore guejnanie siqueré gare iji ti nanique uje que madiángosode ore chajéngome ore gotique nanique. 2Enga madiángosode jecucha ga ore cho dajocaningame israélgosode nanique mu israélgosode ore chayome ore ga ore pógu ráguiji cucarã́tedódie jeta jé ca piyaque ore. 3Uje israélgosode ore chutã́ri jóroque mu madiángosode jecucha doi ore, ga que gusu ore mu amaléquegosode dopoi ore rĩ, jé aja purása quedéjnane uñane to uje ore tṍraji guedé garani yui ome ore. 4Uje israélgosode ore chimate dacade cucha aja guesode mu madiángosode di ga ore chicha dacárpade aja ore ejode. Enga jé u uje ore chajnangarase ore acade cucha ga ore chuságaja ore idai uñai uje i tu Gáza. Ga madiángosode chajnosipise isráelgosode ome ore gachidedie áyasai, jé aja aquirájnanie, jé aja burica quedéjnane udore jnese. Ga que israélgosode ore potique cuse jeta ore tagu iji dachamini uté. Ga cho chique ore uniri údode ome cucha pibosode. 5Uje madiángosode ore tṍraji daniri ome israélgosode nanique ga ore chopise chuguyúgudie aja dajesúode, uje que pisecarãte ore jé aja ore gachidode udore. Ore di dacárpade údi to ga ore chijna dachidode aja israélgosode ore idáyode ga ore gachidode tagu israélgosode ore gachidode aquirájna posode jnacaracho. Ga jiépisi ore gachidode burica quedéjna uje ore i tu caméllo, jé aja aquirájnanie to ga madiángosode gachidode udore pésu jaribei iji israélgosode ore gachidode posode nanique. 6Enga jé u uje israélgosode ore jmáta ga gosipise madiángosode ore nanique uje que ore chajéngome ore nanique iji dajade. Ga jé u uje quene israélgosode ore áyipiedie doi daníngo ore angureni Dupa. Ga jé u uje ore chijócha Pangarádejnai Dupade ajei údi ome raque nanique.
7-8Ga ore chojningame Dupade: "Yocáquiode angarádejna Dupá, ajnime yóguiji madiángosode udore ore josipiedie jmainie." Ga jé u uje Pangarádejnai Dupade chiroque daruode atatasõre proféta aja ore. Ga uté chojningame darasade ore: "Pangarádejnai uté, yocáquirigo israélgose ore angaráni Dupa, chósi tome daruode que: 'Uacarasade jnani bajácho ore doi egíptogosode ore iroquéode bisideque nanique, ga ore chejnáreque ráguiji egíptogosode ore josipiedie jmainie nanique. 9Mu uyu u nanique uje yijnimique uacáquiode israélgose iji egíptogosode ore ujade nanique. Jé adi tu ome uacamajosórone uñane nanique uje yijnime uáguiji ore josipiedie jmainie to nanique. Upo rĩ uje yijócãre ore iji ore unirone ga uacoyo uacaniri iji ore unirone nanique. 10Ga yojningame uaque nanique: Pangarádejnai uyu, Uacangarádejnai Dupápise. E uacoyo uacaniri iji amorréogosode ore uniri, mu jé ca atodóyo ore angurenone dupa quedéjna iji ore uniri tudé.' Mu israélgosode uaque ga uacachayo yu aja ti yui ga uacoyo dupáji amorréogosode angurenone dupa quedéjna to ga uacabeyoi ore adode to.'" Dupade uruode atatasõre proféta uruode u udojo ome ore nanique.
11Mu chise diri nanique uje Pangarádejnai utocaidi gaté unirísõre chácariji poria ero uje poria uaté i tu encína ujetiga catecã́ri Joás ujnacari Gedeón uté. Ga poria uaté déji jnani bajai Joás gajnei jnupe nanique iji ore idai Ófra ejoi. Enga jnani bajaguipísi Abiezer ájnape disi ejo Joás uté. Enga Joás ujnacari Gedeón qué déji dajaroi trígo gai iji poria uaté ejoi mu pógu re ome madiángosode. Gaidi u jeta ca ore chimo. Ga jogadi uté u to uje jecucha ore chijose úvadie iji nanique.
12Ga Pangarádejnai utocaidi gaté unirísõre chague Gedeón gai tiji ijaroi trígo gai nanique enga catecã́ri. Ga chojningame Gedeón:
–Gedeón á, Pangarádejnai Dupade dépisi bari iji de. Ga chiraja báringai jnani uajate, uje dicase ua gu.–
13Ga jĩraque Gedeón chajnai dacatecãraisṍri ayoré uté uruode ga chojningame:
–Yangaráni á, ujetiga jé ũré ga Pangarádejnai Dupade déji yocari, ¿mu cuchárique u gu a uje cucha dacate gajnaréngone udojo tocade ome yoque? Yocáquiode ore júdi cásodicáite Dupade átedaté gotígo ¿jé déji rique uje jecucha ore chatata udore nanique? Yojningane u Dupade átedatéode nanique ome yocáquiode ore nanique uje chijnime ore iji egíptogosode ore ujade nanique. ¡Mu e Pangarádejnai Dupade tẽra yógome madiángosode ore ica ga yejnárejo yógome ore josipiedie iji yocujade!–
14Enga jé u uje Pangarádejnai chajire Gedeón ga chojningame:
–Be ga ajna yẽrapáidi picasitígajna ga arota barasade ore jne ome madiángosode ore. Uyu u gu uje yo quique ua ome udore ujeta be yuruode quigode.–
15Mu Gedeón chajnai ga chojningame daruode:
–Pangarádejná, cachi yáquirigo que ore ujnomérique cusome darasade manasésgoso ore jnese to nanique. Jétapũré yoquijogasúode ore uje ore chietáyime yógome diri. Jé que yugúsiji cuchárique to ome yacayade ore uje que pangarate yu ome ore gotique rĩ iji yoquijogadode. ¿Ga yetotiguei tṍraji rique jne a, ujetiga yi ga yirota yurasade ome madiángosode?–
16Ga Pangarádejnai Dupade chajnai Gedeón uruode ga chojningame:
–Cachi yugúsi bari arĩa, ga jé ca achietáyime ua ome madiángosode ore jne. A jé ajṍcarome madiángosode udore ore jne iji uacaniri údode, ga a cho jetiga ayoré duga udore ore iji bajmainie.–
17Gedeón qué jnopo daruode údi rĩ enga chojningame dacatecãraisṍri uté:
–Jeta jé ũré ua uje yise yúringai pimeserãque iji bedominone, enga angoba cucha dacatique aja yu bajaque jeta yirajapise uje ua upúsu uje bacatecã́ri yu iji de. 18Mu yijócha bajei údi ujetiga jé ca bope jne. Arodape yu iji yoquiyaridi udé jne. Qué yiji bajnetique yate ga a yisi ome ua iji de gajneri.–
Ga Pangarádejnai Dupade chojningame Gedeón uté:
–Jé areque. A qué yirote bei jne jé aja ujetiga esápo yu iji de rĩ.–
19Gedeón jno ga quítequigája dachidedie áyasa quedéjnai yui jeta chujé chocatique ome Dupade uté. Ga pésu arurégode ome to ga 20 lítros harína ga pésu arurégode iji mu que chanire bisitígaja. Uje e yu ãraquegué áyasa arione ga chijnime ga nája ijnacojodie ajei, ga jé u uje jno údi ga chátaja otadi iji pĩraca, ga chátaja darorigode arurécho. Ga jno údi ome Dupade iji charidi pore uburute iji jogadi uqué uje ore chise ñane iji uté. 20Enga Dupade iroi gaté unirísõre chojningame Gedeón:
–Acháji cucarané uaté gai ga ojne bãraquegué áyasa otadi uqué arione gai jne, ga acha arurégode aja áyasa arione gai.–
Enga Gedeón dopísi uruode quigode. 21Ga jé u uje Pangarádejnai Dupade utocaidi gaté unirísõre doi áyasa arione udore iji cucarané gai ga chaca dogué eruei iji ga jé u uje pioi tṍraji cucarané cuchabé uaté enga tagu áyasa arione, arurégode gai jnese. Mu uje Gedeón toji cuchade udore gai, mu chuniname eti cho chique ejode ome Pangarádejnai Dupade utocaidi gaté unirísõre uqué. 22Uje Gedeón e chiraja uje jé ũrepise ga Pangarádejnai Dupade utocaidi gaté unirísõre u dacatecãraisṍri uté gosi ga chojninga:
–¡Urénga, Pangarádejná, bajuque yaguté que! Uje e yimo batocaidi gaté unirísõri que ga penocha guichaya uté enochai ome yu.–
23Mu Dupade chósi tome Gedeón uté:
–Gedeón á, jé ca atodo uje e bamo yutocaidi gaté unirísõre edodie que. Ga a jé ca atoi ome bamone udore penocha guichaya jne. Ga o paraque jne ga a yĩreta báyipie gajneri ome cutejmai yẽrate pajesereringa.
24Ga jé u uje Gedeón jĩraque pésu daseradéjnai ome Pangarádejnai Dupade ga pésu daseradéjnai uté i ga i tu 'Pangarádejnai Guerani u Pajesereringai.' (Ga Gedeón ipesudi daseradéjna jé jogate ore idai Ófra uté jé aja deréjnane udojo to, uje ófragosode ore iyoquíjnai u jnani bajai Abiezer nanique iji dedai tuté.)
25Iji dejai tuté nanique ga Pangarádejnai catecãrápoi Gedeón gaté rĩ. Ga chojningame:
–Gedeón á, bo ga acáji bayé gachidode aquirájna jogadi ga ajna bayé gachidode buey áyipierãi jõrai uté jne, uje guejnanie siqueré gare iji ti yijmanai uñai. Enga be bayé angureni ayoré gajnu cuchape jne uje i tu Baal ga adíja enuei aja pajei jne enga a adiapója buey rĩ enga chayo údi, enga anguíra uté aja jnumi jne bayé angureni uté ayoré gajnu Baal. Enga ajnimápo ore angurené dupa quedéjna Asera gajné pore to jne rĩ uje déji Baal gajnei ore aseradéjna gai ga anguirapója jnumi to jne rĩ. 26Ujeta e ajnangarase Baal gajnéone ore aseradéjna jne, enga apésu Pangarádejnai bangureni Dupapísi uyu yajnetique baseradéjna iji jne. Enga ajé buey uté ome yu jne ga a ẽrame yu jne. Ga ajuque bajnimé uaqué pore aja bei uté buey údi jne jeta apotame. Yojninga tu ore angurené Asera gajné ore aseradéjna uburúpie uaqué.
27Gedeón tibidi dayé irógode uñane uje ore chejna yijmanáyone ga pésu Pangarádejnai Dupade ojningane cucha udore jnese iji dejai údode. Uje todo dayé ore gu jé aja guidai idaisórone ore, ga que pésu iji dínique. 28Iji durasé ga Gedeón urasade ófragoso ore chimo dangureni Baal itabidode iji jnumi ga ore chojningame ñane: "Chimo jóroque re uje yocangureni casé Baal a íjnonguiji jnutique, jé aja yocangurené Asera gajné casé yocaseradéjna gamito pore. Ga a gosi chijnimíji erode que, ga pésu daseradéjna ichárique iji jogadi ga chujé aquirájna iji gai ga chajuque yocaseradéjna casé uburúpie pore aja dei uté aquirájna údi uje ore chipota."
29Ga Gedeón dayé urasade ore chojninga: "¿Ga cuchárique ipesucho udojo iji yoquidai tudé uje cuchadatéo mu?" Uje ore chucué cuchade udore ipesusóño iji dajade ga ore chise uje Joás ujnacari Gedeón uté ipesucho udore. Ga jé u uje ore tibágui dayé jeta ore chatatame uje ujnacari ipesucho udore iji ore idai. 30Ga ore chojninga:
–Be bajnacari jne ga bo údi jne. A yujégo jne uje ijnimique yocangureni casé Baal iji jogadi ga íjnonguiji jnumi. Ga chijnimápo yocangurené Asera uaté gajné yocaseradéjnai uburúpie casé pore to rĩ.–
31Mu Joás chojningame daparúgaisórone jnanío udore ore iji dejode:
–Urénga, gajnareque uacasocai uje uacapótayo arotáyo uacangureni ayoré gajnu Baal ga ajéyorase ucuayasṍri to. A uaque urásu jeta poberacaite uacáringáringo chucho. Uje cho jeta uacachietabáitiga uacaruode udore ga cho jetiga jé ca iyieque uacarotaquei ome uacangureni Baal uté. Ujeta jé ũré uaque ga a dupápisi urásu ga ayorérique cho dajocaningame uté gajnetique gaseradéjna, ga jé basa cho dajocaningame gosi to ga chedu ayoré tuté gosi uje chajnangarase aseradéjnai aja dejode.–
32Enga jé u uje ore jnome dajesúode ga que ore chujé Gedeón gotique. Ga ore chimo Gedeón nanique ga jé ore cho uté i iji ga ore chojningame uté "Baal irotágui jóroque re" ga nóña ga uté i nanique. Ga ore chojninga 'Jerobaal' ome ore uruode nanique, uje Gedeón chucuase Baal gajnei ore aseradéjna nanique ga que cuchárique chósi ti iji Gedeón, ga jé ate tiji quigade.
33Udojo quigade ga madiángosode ore chutṍri amaléquegosode ore jeta ore doi pocaningai ome israélgosode. Ga ore chutõrapoi purása quedéjnane uñane to rĩ uje ore unirone déji guedé garani yui. Ga ore chicáji yote quedéjnai Jordán uéchamitó enga ore chicha darengúi aja cucaranone ujai uté uje ore gajminémeque enga i tu Jezreel. 34Enga Pangarádejnai Dupade chĩreta Gedeón ome dajopié ome madiángosode ore yui. Ga Gedeón chisa dapúpuria ga chubúchu ome darasade, Abiezer ape disi ejode ore, ga ore tibágui púpuria uaté. 35Ga Gedeón chirógapo jnacarode uñane aja manasésgosode ore yui to rĩ jeta ore cháta raja ñane to ome ore umajosórone yui. Chirógapo uñane aja asérgosode ore yui to rĩ, jé aja zabulóngosode ore, jé aja neftalígosode ore to rĩ. Enga ore tibágui Gedeón jnese.
36-37Ga Gedeón chojningame Dupade: "Jetiga jé ũré enga atṍri yu ome madiángosode jne ujeta yirota israélgosode ore jne enga apésu yojningane cucha udojo jne ga a quene pijoguipise báringárique ũré jne ome yu. A qué yichaba áyasa aoi aja uti uquécasé gai uje yijninguese trígo iji diríca. Ga a yobéri yui gajneri iji dúrasabía ga yisa ga arupaché, mu cajnóraja ejode ga obiréjna uje bapota yúringárique putocaite ujeta yirota yurasade israélgose ore ome yocumajosórone. Uje jé baruode quigode u ome yu diríca, mu yipota jeta yiraja jeta jé ũrépise ua gu."
38Enga Gedeón ajequigode e tocadepise. Uje Gedeón uté chobéri áyasa ao casé yui iji dúrasabía, ga chise mu arupaché. Ga chimijnésaja bajóraque ga irágu ĩbijeñai.
39Enga Gedeón e pañaji cuchade mu qué chotigase ga chojningápome Dupade gaté rĩ: "Dupade á, jé ca bajénique dotárome yu jne, mu yipota gu jeta yirajapise eti jé uyu u batocaidi jne ome israélgosode yoquijocaningai jeta ore cho dasuté iji yu jne. Jecute a qué yipésapo cucháringome ua jne rĩ. Ga a yichapo áyasa ao casodé uñai aja uquécasé jogadi jne rĩ, enga a yiraja jeta jé bajegaidi upúsu yu ga a cajnore áyasa aoi jne, mu a teta ejode jne."
40Enga jé u iji dejai uté uje Dupade doi Gedeón ajequigode ga guejnatui que basája áyasa ao gotique to, mu mararata ejode.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360