IINDUMISO 43
43
1Ngamana wandigwebela, Thixo.
Ewe, mandiphume phambili
ekumangalelweni ngabantu abakuchasileyo.
Ndihlangule kubantu abanamaqhinga nobuqhokolo.
2Kaloku ùnguThixo endizimela ngaye.
Ngani ke ukuba undilahle?
Ngani ukuba ndihlale ndizibambe ngeenkophe
ngenxa yokubandezelwa ziintshaba?
3Mandikhanyiselwe nguwe,
ndikhokelwe yinyaniso yakho.
Mazindise entabeni yakho engcwele,
endlwini elikhaya lakho.
4Ke mna mandingene *esibingelelweni sakho,
wena Thixo ongumonwabisi wam.
Ndiya kubeth' intambula ndintyiloze
ndidumise wena, Thixo – Thixo wam!
5Hee! Ngani ukuba ndidakumbe kangaka?
Ngani ukuba ndikhathazeke kangaka?
Hayi bo! Mandikholose ngoThixo,
khon' ukuze ndibuyele ekumdumiseni uMsindisi noThixo wam.
Currently Selected:
IINDUMISO 43: XHO96
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.