UISAYA 12
12
Ingoma yokubulela
1Ngaloo mini ke niya kudanduluka nisithi:
“Ewe, ndiyakubulela, *Ndikhoyo,
kuba nakuba ubundiqumbele
suka wetha umsindo wakho,
wajika wena wandithuthuzela.
2Ngenene uThixo ngumsindisi wam;
ndokholosa ngaye ndingenadyudyu.
NgoNdikhoyo ndomelele ndide ndimemelele,
kuba kaloku nguye ondihlangulayo.
3Njengalowo ukha amanzi emthonjeni
lukwanjalo ke novuyo wakuba uluxhamla usindiso lwakhe.”
4Ewe, ngaloo mini niya kusuka nithi:
“Masidomboze sibulele uNdikhoyo;
ewe, masiqambe sinqule igama lakhe.
Imisebenzi yakhe masiyibhengeze ezizweni;
masishumayele sibuxele ubukhulu bakhe.
5Masintyiloze sidumise uNdikhoyo,
kuba wenze imisebenzi emikhulukazi;
olu daba malufikelele ehlabathini jikelele.
6Nditsho kuni, bemi baseZiyon,
ndithi memezani nimemelele ngemihlali,
kuba yena umi phakathi kwenu;
ewe, yingangalala uYedwa kaSirayeli.”
Currently Selected:
UISAYA 12: XHO96
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.