2 TESALONICENSES 2
2
Eyacuiñajji sapo-ajjaneinei poaje dejja ebionei poecooje Jesosa poeo'oyajjimahuajo
1Jesosaja epeejji ecuanaja dohuecuaa jjo'icuaa, jiquio eya huohuije esohui shajja-ajjaneicue. Eseja Emeshimesenei Jesosa Quito achajja oya poeje o'oya, achajja eseya ojee jjachichaquicaje ojo pea-ai majoya quiana jiquio esohui huohuije. 2O epoeo'oya cuahuajo oe a'a pea jjashahuabaquime pocuaji'yojji quiana majoya. A'a e'ejojonei poani poso ajji cuana eya jama poanaje shajja-ajjamajje ba'a: “Emeshimesenei epoe o'oya pa, epojja apoa poanaje. Oya poeo'oyanaje jiquio meshiyasijje.” Ecue tehue jaa jamaya poani anishocaje cuaa. Chojja, a'a coma esohui ecue tehuenei poso ajji quiaa. 3A'a coma esohui siajjejo jjadasiameequiajjajji. O poeo'oyajjimahuajo queahuisoneecuaa Eyacuiñajji cajaa acaje. Eyacuiñajjija esohui sapo-ajjanei poaje dejja queamimishinee ebionei poecooje. Quijje ca coma dejja queaneeneetii pomeecaje'yo Eyacuiñajjiya Cuaqui-aiyasijje. 4Coma dejjaya Eyacuiñajji sapo-ajjaneinei poaje. Ojjaña onaja eyacuiñajjinishocuana pea-ai ohuaya cajaa ameecaje. Oyanei ojjañacuanajo jjabihuimeequisapoaje Eyacuiñajji jayojja epojji. Eyacuiñajjija equi-aiyasijje nobiquimajje coma dejjaya jama poaje ba'a: “Eya ca iña Eyacuiñajji oenei e'ejojonei poani.”
5Shahuabatiicue quiaa, oya esohuiya eyaya quiana yahuajo huohuinaje miquiananijje aniya. 6Jjeya miquianajaya eba acheya coma Eyacuiñajjija esohui sapo-ajjanei poaje dejja queamimishi poemeejjima acani so'o. Jamaya poemeejjima acani Eyacuiñajjija esohui sapo-ajjanei poaje dejja o poejji epojja apoa pojjima' so'o. 7Jamatii o poejjimajo ojaya ejjashahuabaquijji queaquehuanee epoe. Queahuisocuana jiquio meshijo ba'eca oya jayojja pea-ai jjashahuabaquicani queaquehuanee. Majoya quijje o poejji epojja apoa poajo Eyacuiñajjiya o poemeejjima ajji poani huoojeacaje'yo. 8Ma pojjajotiiya Eyacuiñajjija esohui sapo-ajjanei poaje dejja epoe bacaje cuaa. Majoya quijje Emeshimesenei Jesosaa oya jeabichajea'yomajje chama'yotii acaje oja enabaa esohuiya poeo'oyamajje. Jamaya Jesosaa oya ajeacaje'yo quijje queasajajanee nequiya poeo'oyamajje. 9Dejja queamimishi Eyacuiñajjija esohui sapo-ajjanei poaje ebionei eshahua Satanás bajjaniya queaca'a pomeecaje. Eshahuaa oya dejjaja ajjima'neineicuana ameecañaje oya e'ejojonei queaca'anee poani queahuisocuanaja ebajji. Majoya oya queaca'anee poani bamajje queahuisocuaa oja esohui shajja-ajjacaje. 10Ohuaya oja esohui siajje oopana huohuicaje cuana joya queaneeneetii epo'yojjicuana dasiajji. Macuanaya Eyacuiñajjija esohui e'ejojonei sapo-ajjaneitii pomajje jjashahuabaquisapo'yoajjanei popoquije majo ejjanahuemeequi'yojji. 11Jamajjeya Eyacuiñajjiya ojjaña joya oja esohui sapo-ajjanei popoquijecuana nahuepajeacaje esohui siajjejo ejjadasiameequipoquijjitii majoya. E'ejojonei poso acapoquijetii cuaa ma Eyacuiñajjija esohui sapo-ajjanei poaje dejjaja esohui siajje. 12Jamaya queaneeneetii pocaje'yo cuana oja mimishijo ojjaña joya esohui e'ejojonei poani sapo-ajjaneitii popoquijecuana. Ma dejjacuanaya eponacuana pea-aiya caca quea-ojamimishijeaneetii ba'epoquije.
Eyacuiñajji yahuajoneitii jjashahuabaquianiapoa ese nahue'yojjijo
13Jesosaja epeejji ecuanaja dohuecuana jjo'icuana, Eyacuiñajjija quiana queajeanee. Eyacuiñajji gracias acapoquijjitii miquianajo. Eyacuiñajjiya miquiana yahuajo babacacapoa ojaya enahue'yojji. Edojjoshahuapameya quiana Eyacuiñajjija'yo pomeecanaje oja esohui e'ejojoneijo miquianaya jjashahuabaqui'yonajejojoya. 14Jama epo'yojjiya Eyacuiñajjiya quiana iyaacanaje. Eyacuiñajjija esohui queapame Quitojo ejjanahuemeequi'yojji ecuaa sohuihuohuiquinaje quiana. Majoya quijje miquianaya Emeshimesenei Jesosa Quitonijje ojee anije'yo queaca'a queasajaja pea-ai Eyahuasijje.
15Jamajjeya oe quiana ecuanaja dohuecuana jjo'icuana, queaca'atii ba'epoquicue Quitojo. Ecuanaja huohui esohuicuana a'a pajea-ajja'yojji quiaa, ma ecuaa tehuenaje esohui pea-aiya a'a pajea'yojji. 16-17Ecuana mimipoquiani eseja Emeshimesenei Jesosa Quitonijje, Eyacuiñajjinijje pea-ai oja miquiana queaca'a epomeejjijo. Majoya quiaa jama pomajjeya peacuana esohui queapame meteamaa huohuiquije. Ohuaya eseya queajeaneetii acapoquiani ojayanei ejjashahuabaquijjijo, eseya queapame acapoquiani pea-ai. Jamajjeya se ojotii queabihui jjaishoaquipoquianitii ma ese ohua huohuicanaje esohuijotiiya Eyahuasijje epoqui'yojji. Ojaya se pea esohui ehuohui'yojji pojjeama poaje.
Currently Selected:
2 TESALONICENSES 2: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
2 TESALONICENSES 2
2
Eyacuiñajji sapo-ajjaneinei poaje dejja ebionei poecooje Jesosa poeo'oyajjimahuajo
1Jesosaja epeejji ecuanaja dohuecuaa jjo'icuaa, jiquio eya huohuije esohui shajja-ajjaneicue. Eseja Emeshimesenei Jesosa Quito achajja oya poeje o'oya, achajja eseya ojee jjachichaquicaje ojo pea-ai majoya quiana jiquio esohui huohuije. 2O epoeo'oya cuahuajo oe a'a pea jjashahuabaquime pocuaji'yojji quiana majoya. A'a e'ejojonei poani poso ajji cuana eya jama poanaje shajja-ajjamajje ba'a: “Emeshimesenei epoe o'oya pa, epojja apoa poanaje. Oya poeo'oyanaje jiquio meshiyasijje.” Ecue tehue jaa jamaya poani anishocaje cuaa. Chojja, a'a coma esohui ecue tehuenei poso ajji quiaa. 3A'a coma esohui siajjejo jjadasiameequiajjajji. O poeo'oyajjimahuajo queahuisoneecuaa Eyacuiñajji cajaa acaje. Eyacuiñajjija esohui sapo-ajjanei poaje dejja queamimishinee ebionei poecooje. Quijje ca coma dejja queaneeneetii pomeecaje'yo Eyacuiñajjiya Cuaqui-aiyasijje. 4Coma dejjaya Eyacuiñajji sapo-ajjaneinei poaje. Ojjaña onaja eyacuiñajjinishocuana pea-ai ohuaya cajaa ameecaje. Oyanei ojjañacuanajo jjabihuimeequisapoaje Eyacuiñajji jayojja epojji. Eyacuiñajjija equi-aiyasijje nobiquimajje coma dejjaya jama poaje ba'a: “Eya ca iña Eyacuiñajji oenei e'ejojonei poani.”
5Shahuabatiicue quiaa, oya esohuiya eyaya quiana yahuajo huohuinaje miquiananijje aniya. 6Jjeya miquianajaya eba acheya coma Eyacuiñajjija esohui sapo-ajjanei poaje dejja queamimishi poemeejjima acani so'o. Jamaya poemeejjima acani Eyacuiñajjija esohui sapo-ajjanei poaje dejja o poejji epojja apoa pojjima' so'o. 7Jamatii o poejjimajo ojaya ejjashahuabaquijji queaquehuanee epoe. Queahuisocuana jiquio meshijo ba'eca oya jayojja pea-ai jjashahuabaquicani queaquehuanee. Majoya quijje o poejji epojja apoa poajo Eyacuiñajjiya o poemeejjima ajji poani huoojeacaje'yo. 8Ma pojjajotiiya Eyacuiñajjija esohui sapo-ajjanei poaje dejja epoe bacaje cuaa. Majoya quijje Emeshimesenei Jesosaa oya jeabichajea'yomajje chama'yotii acaje oja enabaa esohuiya poeo'oyamajje. Jamaya Jesosaa oya ajeacaje'yo quijje queasajajanee nequiya poeo'oyamajje. 9Dejja queamimishi Eyacuiñajjija esohui sapo-ajjanei poaje ebionei eshahua Satanás bajjaniya queaca'a pomeecaje. Eshahuaa oya dejjaja ajjima'neineicuana ameecañaje oya e'ejojonei queaca'anee poani queahuisocuanaja ebajji. Majoya oya queaca'anee poani bamajje queahuisocuaa oja esohui shajja-ajjacaje. 10Ohuaya oja esohui siajje oopana huohuicaje cuana joya queaneeneetii epo'yojjicuana dasiajji. Macuanaya Eyacuiñajjija esohui e'ejojonei sapo-ajjaneitii pomajje jjashahuabaquisapo'yoajjanei popoquije majo ejjanahuemeequi'yojji. 11Jamajjeya Eyacuiñajjiya ojjaña joya oja esohui sapo-ajjanei popoquijecuana nahuepajeacaje esohui siajjejo ejjadasiameequipoquijjitii majoya. E'ejojonei poso acapoquijetii cuaa ma Eyacuiñajjija esohui sapo-ajjanei poaje dejjaja esohui siajje. 12Jamaya queaneeneetii pocaje'yo cuana oja mimishijo ojjaña joya esohui e'ejojonei poani sapo-ajjaneitii popoquijecuana. Ma dejjacuanaya eponacuana pea-aiya caca quea-ojamimishijeaneetii ba'epoquije.
Eyacuiñajji yahuajoneitii jjashahuabaquianiapoa ese nahue'yojjijo
13Jesosaja epeejji ecuanaja dohuecuana jjo'icuana, Eyacuiñajjija quiana queajeanee. Eyacuiñajji gracias acapoquijjitii miquianajo. Eyacuiñajjiya miquiana yahuajo babacacapoa ojaya enahue'yojji. Edojjoshahuapameya quiana Eyacuiñajjija'yo pomeecanaje oja esohui e'ejojoneijo miquianaya jjashahuabaqui'yonajejojoya. 14Jama epo'yojjiya Eyacuiñajjiya quiana iyaacanaje. Eyacuiñajjija esohui queapame Quitojo ejjanahuemeequi'yojji ecuaa sohuihuohuiquinaje quiana. Majoya quijje miquianaya Emeshimesenei Jesosa Quitonijje ojee anije'yo queaca'a queasajaja pea-ai Eyahuasijje.
15Jamajjeya oe quiana ecuanaja dohuecuana jjo'icuana, queaca'atii ba'epoquicue Quitojo. Ecuanaja huohui esohuicuana a'a pajea-ajja'yojji quiaa, ma ecuaa tehuenaje esohui pea-aiya a'a pajea'yojji. 16-17Ecuana mimipoquiani eseja Emeshimesenei Jesosa Quitonijje, Eyacuiñajjinijje pea-ai oja miquiana queaca'a epomeejjijo. Majoya quiaa jama pomajjeya peacuana esohui queapame meteamaa huohuiquije. Ohuaya eseya queajeaneetii acapoquiani ojayanei ejjashahuabaquijjijo, eseya queapame acapoquiani pea-ai. Jamajjeya se ojotii queabihui jjaishoaquipoquianitii ma ese ohua huohuicanaje esohuijotiiya Eyahuasijje epoqui'yojji. Ojaya se pea esohui ehuohui'yojji pojjeama poaje.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006