1 TESALONICENSES 3
3
1Ecuana achajja miquiana ani ba'yohua poquijjimatii nequi, queayenoneetii poani majoya jjabaquimajje ecuana jjashahuabaquinaje eya, Silas pea-ai Atenas meshijotii nequije so'o. 2Majo aniya ecuaa eseja dohue Timoteo huoojeanaje miquiana bao'oyaa. Ohuaya esohui queapame Quitojo huohuicani cuana ecuananijje chacochacopoquianiya. Ecuaa oya huoojeanaje miquiana ba'yohua miquiana queaca'a tiimeejji esohuijo. Miquiana Eyacuiñajjija esohuijo queaja'a jjashahuabaquipoquijjijo ecuaa oya huoojeanaje. 3Jamajjeya ohuaya quiana sohuihuohuiquicanaje onaa queacamajanee acajje miquiaa Eyacuiñajjija esohui cajaa ea'yo poanijje. Miquianajaya eba eseya queacamajaneetii acapoquije cuaa Jesosaja epeejji poanijojoya. Jamaya Eyacuiñajjija esohui poani. 4Bacue, ecuaa yahuajopishana miquiananijjetii aniya huohuinaje quiana ese queacamajanee pomeejjicuana oja esohuijo poenequijetii. Ecuanaja huohui jayojja quiana acani cuaa, jjeyanei quiana queacamajanee pomeecani cuaa. 5Jamajjeya achajja miquiana ani ba'yohua poquijjimatii nequiya majo queayenonee pomajje eyaya oya huoojeanaje achajja miquiana oja esohuijo jjashahuabaquiani ba'yohua. Eya queayeno jjashahuabaquinaje miquianajo, e'e pojja'a edosiquiaa quiana queaquehuanee jjashahuabameequica'yonaje. E'e pojja'a ecuaa quiana sohuihuohuiquinaje jamatii miquiana queamimishitii ba'epoquiani eya queayeno poanaje majoya.
6Jjeya ca Timoteo miquianaque Tesalónica meshiyasijje poqui epoe'yo nequi. Esohui queapame miquianajo yeca'yonaje. Ohuaya ecuana huohuicaña'yonaje miquianaya queaja'atii jjashahuabaquipoquiani Eyacuiñajjija esohuijo, miquiananijje ba'eca queajea apoquiaña pea-ai. Ohuaya huohuipea-aicaña'yonaje miquiaaya ecuana queajeaneeya shahuabapoquiañatii. Miquianaya pa ecuana basaneipo-o'oyani. Ecuana pea-ai miquiana basaneipo-o'oyani. 7Ecuanaja dohuecuana jjo'icuana, miquianaya queaja'anee jjashahuabaquipoquiani esohuijo shajja-ajjamajje ecuana majoya queabihui po'yonaje jamatii ecuana jiquiojo nequi queacamajanee acapoquiani cuaa Eyacuiñajjija esohuijo. Ecuana botiamanei acani, queanee pomeesa-acani cuaa. 8Jamajjeya miquianaya queaca'a ba'epoquiani Emeshimeseneijo shajja-ajjamajje ecuana queayenonee popajea'yonaje, queabihui cahuinaje. 9Ecuaa queabihuineeya Eyacuiñajji gracias aña miquianajo. E'ejojonei ecuana queabihuinee po'yonaje miquianajo miquianaya queaca'atii ba'epoquiani shajja-ajjamajje. Eyacuiñajjiya ecuana queabihuinee po'yonaje miquianajo bacani. 10Ecuana mimipoquianitii epojjajo, mecajje pea-ai Eyacuiñajjija ecuana miquiana ba'yohua cocuama oja epoquimeeo'oyajjijo oya ecuanajo jama sapomajje. Majoya ecuaa miquianaque poquio'oyamajje queaja'a huohuije cua miquianaja queaquehua poani esohui queaja'a ebajji.
11Jamajjeya ecuana mimipoquianitii Eyacuiñajji eseja Chii-ainijje, Emeshimesenei Jesosa Quitonijje pea-ai ecuana oja epoquimeeo'oyajjijo miquiana ba'yohua. 12Ecuana Emeshimeseneinijje mimipea-aipoquiani miquiana queaca'a oja etiimeepoquiajjijo miquiananijje ba'e Jesosaja epeejjicuana queajea eapoquiajjijo pea-ai. Ojjañacuana pea-ai miquianaja queajea eapoquiajjijo ecuana mimipoquiani onijje, jiquio ecua ecuaa quiana queajeanee aña jama pea-ai miquianaja peacuana eajjijo. 13Ecuana mimipea-aipoquiani onijje miquianaja esapadojjojje, eyamiquipajje pea-ai queaca'a eba'epoquijjijo. Bacue, miquianaya queapamenee mimishiamanei Eyacuiñajji eseja Chii-ai cojjaneijo nequije quijje eseja Emeshimesenei Jesosa Quito poeo'oyajo ojjaña oja epeejjicuananijje.
Currently Selected:
1 TESALONICENSES 3: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
1 TESALONICENSES 3
3
1Ecuana achajja miquiana ani ba'yohua poquijjimatii nequi, queayenoneetii poani majoya jjabaquimajje ecuana jjashahuabaquinaje eya, Silas pea-ai Atenas meshijotii nequije so'o. 2Majo aniya ecuaa eseja dohue Timoteo huoojeanaje miquiana bao'oyaa. Ohuaya esohui queapame Quitojo huohuicani cuana ecuananijje chacochacopoquianiya. Ecuaa oya huoojeanaje miquiana ba'yohua miquiana queaca'a tiimeejji esohuijo. Miquiana Eyacuiñajjija esohuijo queaja'a jjashahuabaquipoquijjijo ecuaa oya huoojeanaje. 3Jamajjeya ohuaya quiana sohuihuohuiquicanaje onaa queacamajanee acajje miquiaa Eyacuiñajjija esohui cajaa ea'yo poanijje. Miquianajaya eba eseya queacamajaneetii acapoquije cuaa Jesosaja epeejji poanijojoya. Jamaya Eyacuiñajjija esohui poani. 4Bacue, ecuaa yahuajopishana miquiananijjetii aniya huohuinaje quiana ese queacamajanee pomeejjicuana oja esohuijo poenequijetii. Ecuanaja huohui jayojja quiana acani cuaa, jjeyanei quiana queacamajanee pomeecani cuaa. 5Jamajjeya achajja miquiana ani ba'yohua poquijjimatii nequiya majo queayenonee pomajje eyaya oya huoojeanaje achajja miquiana oja esohuijo jjashahuabaquiani ba'yohua. Eya queayeno jjashahuabaquinaje miquianajo, e'e pojja'a edosiquiaa quiana queaquehuanee jjashahuabameequica'yonaje. E'e pojja'a ecuaa quiana sohuihuohuiquinaje jamatii miquiana queamimishitii ba'epoquiani eya queayeno poanaje majoya.
6Jjeya ca Timoteo miquianaque Tesalónica meshiyasijje poqui epoe'yo nequi. Esohui queapame miquianajo yeca'yonaje. Ohuaya ecuana huohuicaña'yonaje miquianaya queaja'atii jjashahuabaquipoquiani Eyacuiñajjija esohuijo, miquiananijje ba'eca queajea apoquiaña pea-ai. Ohuaya huohuipea-aicaña'yonaje miquiaaya ecuana queajeaneeya shahuabapoquiañatii. Miquianaya pa ecuana basaneipo-o'oyani. Ecuana pea-ai miquiana basaneipo-o'oyani. 7Ecuanaja dohuecuana jjo'icuana, miquianaya queaja'anee jjashahuabaquipoquiani esohuijo shajja-ajjamajje ecuana majoya queabihui po'yonaje jamatii ecuana jiquiojo nequi queacamajanee acapoquiani cuaa Eyacuiñajjija esohuijo. Ecuana botiamanei acani, queanee pomeesa-acani cuaa. 8Jamajjeya miquianaya queaca'a ba'epoquiani Emeshimeseneijo shajja-ajjamajje ecuana queayenonee popajea'yonaje, queabihui cahuinaje. 9Ecuaa queabihuineeya Eyacuiñajji gracias aña miquianajo. E'ejojonei ecuana queabihuinee po'yonaje miquianajo miquianaya queaca'atii ba'epoquiani shajja-ajjamajje. Eyacuiñajjiya ecuana queabihuinee po'yonaje miquianajo bacani. 10Ecuana mimipoquianitii epojjajo, mecajje pea-ai Eyacuiñajjija ecuana miquiana ba'yohua cocuama oja epoquimeeo'oyajjijo oya ecuanajo jama sapomajje. Majoya ecuaa miquianaque poquio'oyamajje queaja'a huohuije cua miquianaja queaquehua poani esohui queaja'a ebajji.
11Jamajjeya ecuana mimipoquianitii Eyacuiñajji eseja Chii-ainijje, Emeshimesenei Jesosa Quitonijje pea-ai ecuana oja epoquimeeo'oyajjijo miquiana ba'yohua. 12Ecuana Emeshimeseneinijje mimipea-aipoquiani miquiana queaca'a oja etiimeepoquiajjijo miquiananijje ba'e Jesosaja epeejjicuana queajea eapoquiajjijo pea-ai. Ojjañacuana pea-ai miquianaja queajea eapoquiajjijo ecuana mimipoquiani onijje, jiquio ecua ecuaa quiana queajeanee aña jama pea-ai miquianaja peacuana eajjijo. 13Ecuana mimipea-aipoquiani onijje miquianaja esapadojjojje, eyamiquipajje pea-ai queaca'a eba'epoquijjijo. Bacue, miquianaya queapamenee mimishiamanei Eyacuiñajji eseja Chii-ai cojjaneijo nequije quijje eseja Emeshimesenei Jesosa Quito poeo'oyajo ojjaña oja epeejjicuananijje.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006