Ayṯ-Ruma 6
6
Netmetta s ȓmuƹṣiyeṯ, nteddar s Lmasiḥ
1Iwa, min ɣa nini? Ma a nsiɣi ḏi ȓmuƹṣiyaṯ ḥima aḏ ikṯar arḍa n Arebbi? 2Lla, ƹemmarṣ! Neccin nemmuṯ-as i ȓmuƹṣiyeṯ,#6.2 Zaƹma, "Nemmuṯ i ȓmuƹṣiyeṯ" hiya ȓexxu wami numen zi Siḏiṯneɣ Ƹisa, ȓmuƹṣiyeṯ war ɣares bu jjheḏ xaneɣ. War ṯzemmar aḏaneɣ ṯḍarr. Neccin ȓexxu netwaȓa ȓmuƹṣiyeṯ belli nettaṯ ḏ ṯaƹeffant aṭṭas, war nzemmar ca azzayes nfareḥ uȓa aḏayes nƹic. ixeṣṣa-yaneɣ ȓexxu war netsiɣi ca a nƹic ḏayes. 3Ma war ṯessinem ca kenniw? Neccin, wami netwaṭehhar s waman ḥima a niȓi ḏ ijjen ak Lmasiḥ, netwaṭehhar akiḏes ḥima a ncarec ḏi ȓmewṯ nnes. 4Falihaḏa wami netwaṭehhar akiḏes s waman, iƹni netwanḍeȓ akiḏes ḏi ȓmewṯ. Mayemmi? Ḥima mammec d ikkar Lmasiḥ zi ȓmewṯ s lƹaḍama n Arebbi Babaṯneɣ, amenni uȓa ḏ neccin aqa a nƹic ḏeg yijjen n ṯuḏarṯ ḏ jḏiḏ.
5Cuf, meȓa ncarec akiḏes ḏeg yijjen n ȓmewṯ am ṯenni iy igga netta, amenni ƹaweḏ iy kiḏes ɣa ncarec ḏeg yijjen n lqiyama am ṯenni iy igga netta. 6Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan#6.6 Isemɣan niṯni ḏ lƹabid. Ȓmaƹna ḏanita iƹni neccin ḏ lƹabid n ȓmuƹṣiyeṯ. n ȓmuƹṣiyeṯ. 7Aqa wenni immuṯen ihna zi ȓmuƹṣiyeṯ.
8Fa meȓa nemmuṯ neccin ak Lmasiḥ, ntamen ƹaweḏ akiḏes neddar. 9Neccin nessen qa Lmasiḥ ikkar-d zi ȓmewṯ, ƹemmarṣ aḏ immeṯ ƹaweḏ. War tɣimi ȓmewṯ axas ṯḥekkem. 10Liʼanna wami immuṯ, immuṯ ijjen n ṯwaȓa waha i ȓebda i min iǧan ḏ ȓmuƹṣiyeṯ. Ṯuḏarṯ nnes iddar ȓexxu, iddar-it i Arebbi. 11Ammu labud aḏ tḥessbem kenniw ixef nwem ṯemmuṯem-as i ȓmuƹṣiyeṯ, ṯeddarem-as i Arebbi s Ƹisa Lmasiḥ.
12Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes. 13War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican. 14Aqa ȓmuƹṣiyeṯ war ṯeqqim ca aḏ teḥkem xawem liʼanna war ṯeǧim ca swadday n ufus n ccariƹa, aqawem swadday n arḍa n Arebbi.
Min iǧan nican, neccin ḏ lƹibad nnes
15Iwa neccin ma a neƹṣa Arebbi xmi aqaneɣ swadday n arḍa nnes war neǧi ca swadday n ufus n ccariƹa? Lla, ƹemmarṣ! 16Ma war ṯessinem ca? Meȓa ṯsellmem ixef nwem i can yijjen ṯḏewȓem ḏ isemɣan ṯṭaƹam-as, ataf aḏ tḏewȓem ḏ isemɣan i wenni umi ṯṭaƹam. Imma aḏ tṭaƹem i ȓmuƹṣiyeṯ itawin ɣar ȓmewṯ, imma aḏ tṭaƹem i wenni iy kenniw ɣa yawin ɣar ṣṣulḥ akiḏes. 17-18Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican. 19Nec ssawaȓeɣ akiḏwem s yijjen n wawaȓ ƹadi liʼanna iqseḥ x bnaḏem aḏ ifhem manaya. Qbeȓ tuɣa tqeddamem kuȓ ṭṭarf zi ddat nwem bac azzayes itwagg lfasad ḏ ccarr itemɣuren. Walakin ȓexxu tqeddameṯ ddat nwem aḏ texḏem min iǧan nican ḥima aḏ tiȓim ṯeṣfam.
20Cuf, wami tuɣa ṯṭaƹam i ȓmuƹṣiyeṯ, tuɣa ɣarwem lḥurriya aḏ trezzum war teggem min iǧan nican. 21Ḏi ȓweqṯ nni, ṯimesȓayin nni ma ḏaysent can nnfaƹ minzi ȓexxu tseḏḥam? Walu, liʼanna ṯimesȓayin nni tawint ɣar ȓmewṯ. 22Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda. 23Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.
Currently Selected:
Ayṯ-Ruma 6: RIF
Highlight
Share
Copy
Want to have your highlights saved across all your devices? Sign up or sign in
Ayṯ-Ruma 6
6
Netmetta s ȓmuƹṣiyeṯ, nteddar s Lmasiḥ
1Iwa, min ɣa nini? Ma a nsiɣi ḏi ȓmuƹṣiyaṯ ḥima aḏ ikṯar arḍa n Arebbi? 2Lla, ƹemmarṣ! Neccin nemmuṯ-as i ȓmuƹṣiyeṯ,#6.2 Zaƹma, "Nemmuṯ i ȓmuƹṣiyeṯ" hiya ȓexxu wami numen zi Siḏiṯneɣ Ƹisa, ȓmuƹṣiyeṯ war ɣares bu jjheḏ xaneɣ. War ṯzemmar aḏaneɣ ṯḍarr. Neccin ȓexxu netwaȓa ȓmuƹṣiyeṯ belli nettaṯ ḏ ṯaƹeffant aṭṭas, war nzemmar ca azzayes nfareḥ uȓa aḏayes nƹic. ixeṣṣa-yaneɣ ȓexxu war netsiɣi ca a nƹic ḏayes. 3Ma war ṯessinem ca kenniw? Neccin, wami netwaṭehhar s waman ḥima a niȓi ḏ ijjen ak Lmasiḥ, netwaṭehhar akiḏes ḥima a ncarec ḏi ȓmewṯ nnes. 4Falihaḏa wami netwaṭehhar akiḏes s waman, iƹni netwanḍeȓ akiḏes ḏi ȓmewṯ. Mayemmi? Ḥima mammec d ikkar Lmasiḥ zi ȓmewṯ s lƹaḍama n Arebbi Babaṯneɣ, amenni uȓa ḏ neccin aqa a nƹic ḏeg yijjen n ṯuḏarṯ ḏ jḏiḏ.
5Cuf, meȓa ncarec akiḏes ḏeg yijjen n ȓmewṯ am ṯenni iy igga netta, amenni ƹaweḏ iy kiḏes ɣa ncarec ḏeg yijjen n lqiyama am ṯenni iy igga netta. 6Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan#6.6 Isemɣan niṯni ḏ lƹabid. Ȓmaƹna ḏanita iƹni neccin ḏ lƹabid n ȓmuƹṣiyeṯ. n ȓmuƹṣiyeṯ. 7Aqa wenni immuṯen ihna zi ȓmuƹṣiyeṯ.
8Fa meȓa nemmuṯ neccin ak Lmasiḥ, ntamen ƹaweḏ akiḏes neddar. 9Neccin nessen qa Lmasiḥ ikkar-d zi ȓmewṯ, ƹemmarṣ aḏ immeṯ ƹaweḏ. War tɣimi ȓmewṯ axas ṯḥekkem. 10Liʼanna wami immuṯ, immuṯ ijjen n ṯwaȓa waha i ȓebda i min iǧan ḏ ȓmuƹṣiyeṯ. Ṯuḏarṯ nnes iddar ȓexxu, iddar-it i Arebbi. 11Ammu labud aḏ tḥessbem kenniw ixef nwem ṯemmuṯem-as i ȓmuƹṣiyeṯ, ṯeddarem-as i Arebbi s Ƹisa Lmasiḥ.
12Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes. 13War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican. 14Aqa ȓmuƹṣiyeṯ war ṯeqqim ca aḏ teḥkem xawem liʼanna war ṯeǧim ca swadday n ufus n ccariƹa, aqawem swadday n arḍa n Arebbi.
Min iǧan nican, neccin ḏ lƹibad nnes
15Iwa neccin ma a neƹṣa Arebbi xmi aqaneɣ swadday n arḍa nnes war neǧi ca swadday n ufus n ccariƹa? Lla, ƹemmarṣ! 16Ma war ṯessinem ca? Meȓa ṯsellmem ixef nwem i can yijjen ṯḏewȓem ḏ isemɣan ṯṭaƹam-as, ataf aḏ tḏewȓem ḏ isemɣan i wenni umi ṯṭaƹam. Imma aḏ tṭaƹem i ȓmuƹṣiyeṯ itawin ɣar ȓmewṯ, imma aḏ tṭaƹem i wenni iy kenniw ɣa yawin ɣar ṣṣulḥ akiḏes. 17-18Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican. 19Nec ssawaȓeɣ akiḏwem s yijjen n wawaȓ ƹadi liʼanna iqseḥ x bnaḏem aḏ ifhem manaya. Qbeȓ tuɣa tqeddamem kuȓ ṭṭarf zi ddat nwem bac azzayes itwagg lfasad ḏ ccarr itemɣuren. Walakin ȓexxu tqeddameṯ ddat nwem aḏ texḏem min iǧan nican ḥima aḏ tiȓim ṯeṣfam.
20Cuf, wami tuɣa ṯṭaƹam i ȓmuƹṣiyeṯ, tuɣa ɣarwem lḥurriya aḏ trezzum war teggem min iǧan nican. 21Ḏi ȓweqṯ nni, ṯimesȓayin nni ma ḏaysent can nnfaƹ minzi ȓexxu tseḏḥam? Walu, liʼanna ṯimesȓayin nni tawint ɣar ȓmewṯ. 22Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda. 23Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.
Currently Selected:
:
Highlight
Share
Copy
Want to have your highlights saved across all your devices? Sign up or sign in