Aos. 17
17
Toryamut Ŋijipitian Akisicanio tari nakwaare
1Epolok nooi Ekapolon ŋatubonokineta kon ka nyepatana alimun neni ikote;
aŋun, aoliyosi ŋituŋa ŋulu nyitatamitae ŋakiro kon.
2Apaki ŋina atamakinitotor ŋituŋa ŋulu nyiwuapito ŋakiro kon atemar eya ŋituŋa kon ŋuluseuna napedor kec,
apotu ikes pei tolomasi nakiryonut, toruworos ŋulu eboiyete akuwar kia alojerae.
aponi ikes togolonokinoe nakais kec, toruworos ŋirikon a ŋigelaanotin a ŋulu aponi kiyakiyarae neni kec.
3Etiyao ŋun aŋuna atamyata ikes atemar pa ayenio ŋasecisya kec ŋuna etiyaete ikes anakimunono,
ŋasecisya ŋuna etamete atemar itiyao aŋuna ka amuryaanut kec,
aponi ikes kielarae erono ka ebulit nooi,
ido apotu ŋipyan totiŋa ikes erono nooi.
4Apotu tari ŋagulei ŋuna alotooma ŋakais ŋuna ayakasi ikes nyeiut ikes alokabule,
nai apotu ŋiruyeta ŋulu etubulok kitukuryana ikes,
totakanut neni kec ŋipyan ŋulu ikitubulete iŋolikini ŋireetin.
5Emam akim ŋina abu toryamu apedor ŋina enepunia tocau neni aya ikes,
mam tari akica ŋina ecai nooi ŋina a ŋikacer ŋina abu tocau
akoloŋit ŋina aronon nooi ŋin nakwaare
6Amam ibore idio daŋ anepi aneni ayakasi ikes,
mati akim ŋina etukuryanan ŋina anepi bon
ka alokabule kec, apotu ikes tonupa neni a ŋiboro a ŋulu apotu kiŋolikis
erae ŋulu eroko nooi iŋolikini akilo tari ŋulu nyepedoryo akiŋolikin.
7Aponi ŋitorubei ŋulu etiyaunito ikes ŋulu anupito ikes neni kec kituruworoe ŋikoŋinae
ido aponi aosou a ŋituŋa a ŋul ŋina eturotor ikes tojamuwanarae neni aronon;
8anerae aponi ŋulu eikinito alemar akuryanu ka akiguro alotai a ŋituŋa a ŋulu adyakasi
kiteryamunae adyaka ŋina ikitubuli ŋina ekyenatar ŋituŋa.
9Tari kemam ibore ŋini esicanit ikes ŋini etubulit,
abu eruye ŋolo a ŋakejen a ŋityaŋ elosete ka ŋolo ka arwore a ŋimuno inak ikes ekabule,
10apotu ikes totwaka ebulit nooi emaranete,
toŋero tari akiŋolikin ekuwuam
nai amam epite ŋolo pa apedoritotor ikes akiŋer akiŋolikin ekuwuam;
11anerae ikiinakini aronis akuryanu ŋina a ikiŋon,
ŋina erae ŋuna itiyae ituŋanan ikes etubokinito ituŋanan ŋin;
itubulito ŋatameta keŋ a ilope iŋes ka inakinito ituŋanan atemar etyoko ŋakiro daadaŋ.
12Erae akuryanu akoŋinait ŋina ikiteesikini akiŋarakinet ŋina ebunit anatametait a ŋina ajokan,
13ido akigeno ŋina ilounito ŋakiro ŋuna aronok ŋuna eya neni a ituŋanan,
erae akigeno ŋin ŋina emaikina nyemitak ibore ŋini eyaununui ŋican neni keŋ.
14Nai akuwar daadaŋ ŋina amamukatar ŋuna ikitukuryanete
ŋuna eponito anakibois a ŋikatwak,
apotu ŋituŋa daadaŋ nyejotoor kaapei.
15Apotu ŋituŋa akisicanio aneni a ŋipiwa,
ido apotu ŋawat kec tolilimiyosi aŋuna aponiata ŋitai kec tocamut akiwuap aronis,
anerae abu ekabule ŋolo ka atipei ŋolo etukuryanan kilopiya akiyar kec.
16Abu ituŋanan daadaŋ ŋini ayai neni toramakin kwap,
ido apotu ŋituŋa toyakaun natyonis kec bon a ŋikulepek ŋina aponiata toruworos ŋulu aenen make.
17Ŋituŋa ŋul daadaŋ tari kerae ŋiketak, kori ŋikeyokok,
kori ŋiketiyak ŋulu itiyaete ka agogoŋu analoŋisat,
apotu ŋakiro ŋuna ka aronis totiŋa ikes erono ka apotu kidaŋidaŋa ŋakiro kec ŋuna pa apedoritotor abucar anakisicanio,
anerae apotu ikes daadaŋ tolomasi nakiryonut apei ŋina abu toen ikes.
18Tari apaki ŋina abunio neni kec ekuwuam ŋolo iturui ibore,
kori eruye a ŋikeny ŋolo ajokan anaten a ŋuna epetara,
kori eruye a ŋakipi a ŋuna ipumasi,
19kori eruye a ŋamoru aŋuna ikokoriuno kwap enaŋanaŋaete ibore daadaŋ,
kori eruye a ŋityaŋ a ŋulu ekerete,
kori eruye a ŋityaŋ a ŋulu anyamak a ŋulu iiligaete
kori etoil ŋolo ikami aturukan alomoru,
apotu ŋiruisyo ŋul kitubulo ŋituŋa ŋul tolilimiyosi ŋawat.
20Abu akica ŋina akwaŋan kia toyakaun nakwap daadaŋ,
ido apotu ŋituŋa kitiyata ŋiticisyo kec emam atyonis.
21Nai abu akiryonut topetakin neni ayakasi ŋituŋa ŋulu etiyaete aronis,
abu etorube ŋolo ka akiryonut a ŋina amaikina ikes toryamut min neni kec,
nai akilo tari akiryonut, apotu ikes ŋilopeyek kisicanas make.
Currently Selected:
Aos. 17: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Aos. 17
17
Toryamut Ŋijipitian Akisicanio tari nakwaare
1Epolok nooi Ekapolon ŋatubonokineta kon ka nyepatana alimun neni ikote;
aŋun, aoliyosi ŋituŋa ŋulu nyitatamitae ŋakiro kon.
2Apaki ŋina atamakinitotor ŋituŋa ŋulu nyiwuapito ŋakiro kon atemar eya ŋituŋa kon ŋuluseuna napedor kec,
apotu ikes pei tolomasi nakiryonut, toruworos ŋulu eboiyete akuwar kia alojerae.
aponi ikes togolonokinoe nakais kec, toruworos ŋirikon a ŋigelaanotin a ŋulu aponi kiyakiyarae neni kec.
3Etiyao ŋun aŋuna atamyata ikes atemar pa ayenio ŋasecisya kec ŋuna etiyaete ikes anakimunono,
ŋasecisya ŋuna etamete atemar itiyao aŋuna ka amuryaanut kec,
aponi ikes kielarae erono ka ebulit nooi,
ido apotu ŋipyan totiŋa ikes erono nooi.
4Apotu tari ŋagulei ŋuna alotooma ŋakais ŋuna ayakasi ikes nyeiut ikes alokabule,
nai apotu ŋiruyeta ŋulu etubulok kitukuryana ikes,
totakanut neni kec ŋipyan ŋulu ikitubulete iŋolikini ŋireetin.
5Emam akim ŋina abu toryamu apedor ŋina enepunia tocau neni aya ikes,
mam tari akica ŋina ecai nooi ŋina a ŋikacer ŋina abu tocau
akoloŋit ŋina aronon nooi ŋin nakwaare
6Amam ibore idio daŋ anepi aneni ayakasi ikes,
mati akim ŋina etukuryanan ŋina anepi bon
ka alokabule kec, apotu ikes tonupa neni a ŋiboro a ŋulu apotu kiŋolikis
erae ŋulu eroko nooi iŋolikini akilo tari ŋulu nyepedoryo akiŋolikin.
7Aponi ŋitorubei ŋulu etiyaunito ikes ŋulu anupito ikes neni kec kituruworoe ŋikoŋinae
ido aponi aosou a ŋituŋa a ŋul ŋina eturotor ikes tojamuwanarae neni aronon;
8anerae aponi ŋulu eikinito alemar akuryanu ka akiguro alotai a ŋituŋa a ŋulu adyakasi
kiteryamunae adyaka ŋina ikitubuli ŋina ekyenatar ŋituŋa.
9Tari kemam ibore ŋini esicanit ikes ŋini etubulit,
abu eruye ŋolo a ŋakejen a ŋityaŋ elosete ka ŋolo ka arwore a ŋimuno inak ikes ekabule,
10apotu ikes totwaka ebulit nooi emaranete,
toŋero tari akiŋolikin ekuwuam
nai amam epite ŋolo pa apedoritotor ikes akiŋer akiŋolikin ekuwuam;
11anerae ikiinakini aronis akuryanu ŋina a ikiŋon,
ŋina erae ŋuna itiyae ituŋanan ikes etubokinito ituŋanan ŋin;
itubulito ŋatameta keŋ a ilope iŋes ka inakinito ituŋanan atemar etyoko ŋakiro daadaŋ.
12Erae akuryanu akoŋinait ŋina ikiteesikini akiŋarakinet ŋina ebunit anatametait a ŋina ajokan,
13ido akigeno ŋina ilounito ŋakiro ŋuna aronok ŋuna eya neni a ituŋanan,
erae akigeno ŋin ŋina emaikina nyemitak ibore ŋini eyaununui ŋican neni keŋ.
14Nai akuwar daadaŋ ŋina amamukatar ŋuna ikitukuryanete
ŋuna eponito anakibois a ŋikatwak,
apotu ŋituŋa daadaŋ nyejotoor kaapei.
15Apotu ŋituŋa akisicanio aneni a ŋipiwa,
ido apotu ŋawat kec tolilimiyosi aŋuna aponiata ŋitai kec tocamut akiwuap aronis,
anerae abu ekabule ŋolo ka atipei ŋolo etukuryanan kilopiya akiyar kec.
16Abu ituŋanan daadaŋ ŋini ayai neni toramakin kwap,
ido apotu ŋituŋa toyakaun natyonis kec bon a ŋikulepek ŋina aponiata toruworos ŋulu aenen make.
17Ŋituŋa ŋul daadaŋ tari kerae ŋiketak, kori ŋikeyokok,
kori ŋiketiyak ŋulu itiyaete ka agogoŋu analoŋisat,
apotu ŋakiro ŋuna ka aronis totiŋa ikes erono ka apotu kidaŋidaŋa ŋakiro kec ŋuna pa apedoritotor abucar anakisicanio,
anerae apotu ikes daadaŋ tolomasi nakiryonut apei ŋina abu toen ikes.
18Tari apaki ŋina abunio neni kec ekuwuam ŋolo iturui ibore,
kori eruye a ŋikeny ŋolo ajokan anaten a ŋuna epetara,
kori eruye a ŋakipi a ŋuna ipumasi,
19kori eruye a ŋamoru aŋuna ikokoriuno kwap enaŋanaŋaete ibore daadaŋ,
kori eruye a ŋityaŋ a ŋulu ekerete,
kori eruye a ŋityaŋ a ŋulu anyamak a ŋulu iiligaete
kori etoil ŋolo ikami aturukan alomoru,
apotu ŋiruisyo ŋul kitubulo ŋituŋa ŋul tolilimiyosi ŋawat.
20Abu akica ŋina akwaŋan kia toyakaun nakwap daadaŋ,
ido apotu ŋituŋa kitiyata ŋiticisyo kec emam atyonis.
21Nai abu akiryonut topetakin neni ayakasi ŋituŋa ŋulu etiyaete aronis,
abu etorube ŋolo ka akiryonut a ŋina amaikina ikes toryamut min neni kec,
nai akilo tari akiryonut, apotu ikes ŋilopeyek kisicanas make.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.