Aos. 14
14
Abaŋao ŋina elipya ekaloton anakipi neni ka akuj a ŋina etiyaunitae
1Alopite a ŋolopei, epedori ituŋanan ŋini itemonokin alosit ananam a ŋina imorokokoete ŋakipi,
akilip neni ka akitoe a ŋina eyabuk akilo tari ameeli ŋina iwokit iŋes.
2Arae aŋuna a ekibure a ŋolo ka aryamunia ŋisiliŋa iŋes etiyaunia ituŋanan ameeli,
ido abu ituŋanan anaosou kitiyau ameeli;
3Nai erae akiyokit kon, okoe papa iŋes emyat ameeli alorot keŋ,
anerae iwuak iyoŋ nanam neni itori iŋes;
iwuak iyoŋ neni itori iŋes emam ŋace anakipi aŋuna imorokokoete,
4itoodiunit atemar ipedori iyoŋ aiun aneni aronon a daadaŋ,
ikotere nai tari ituŋanan ŋini emam aosou elosi ananam.
5Erae acamit kon atemar ibore ŋini itiyaunit iyoŋ anaosou kon, emaikina kisitiyae emam atyonis;
a ŋun, ikinyomito ŋituŋa akiyar kec tari keyakasi natuba ŋina edit,
ido tari kitoro ikes narimamae ka nakito, edolete emam ŋace nakwap ŋina elosete.
6Tari anakisyakinet, apaki ŋina atwakyata ŋiketurok ŋulu aoyak,
apotu ŋituŋa kiwuakis akigeno kec ŋinayaret neni ka akitoe,
ido anakitenit a ŋina ka apedor kon, abu akitoe ŋin kiŋarak ŋituŋa ŋulu apotu toruwor ekinyomit ŋolo ka anyamet a ŋinakitete.
7Toyai arereŋu nakitoe ŋin ŋina abu kiteyar ŋulu eyookino.
8Nai ilamam akuj ŋina itiyaunitae ka ŋini kitiyauni akuj ŋin daŋ ilalam
aŋuna etiyaunia akuj ŋin ka ilalam ibore ŋini eŋopiyari ŋin, anerae aponi tonyarae iŋes akuj.
9Ikwaŋinapei eremokino Akuj ŋulu eŋerito iŋes ka epite ŋolo eŋeritotor ikes Akuj;
10anerae isicanio aronis ŋina keponi kitiyae ka ŋini kitiyae.
11Aŋun, eyakaun atubokino tari neni aŋakujo a ŋuna ilipete ŋituŋa neni kec,
anerae tari kerae ikes ŋiboro ŋice ŋulu abu Akuj tosub, apotu ikes toruwor ŋulu ka asiilyo,
apotu toruwor ŋaloca ŋuna isurumete ŋitai a ŋituŋa
ka ŋaunoi ŋuna irumenenete ŋakejen a ŋibaŋaanotin.
Akisyakinet ŋina ka akilip neni a ŋakujo
12Esyakini atametait ŋina ka amalao anakitiyaun ŋakujo
ka ŋinapei etiyaunere ŋakujo, kisyakini atuna ayakaun nakiyar a ituŋanan;
13anerae anakisyakinet amam ŋakujo ka nyerubakinete ikes eyakasi ŋikaru ka ŋikaru.
14Arae nakituro a ituŋanan iŋes alomuniata ŋakujo nakwap,
aŋun, adaun ayeun akiburuburaar ikes atipei tosalut.
15Aŋuna abunio aŋoit ŋina ka atipei torirau aneni apapa toŋo nooi,
abu kitiyau etorube ŋolo ekwaan ka ikoku keŋ ŋini aponi yaarae aneni keŋ atipei,
abu nai iŋes kisyak akilip neni a etorube a ituŋanan a ŋini atwan
ka abu tolimok ŋiletok keŋ akitiya ŋitalyo ka ŋasuban neni a etorube aŋol.
16Apotu nai ŋitalyo ŋulu nyiwuapitere ŋakiro ka Akuj ŋul toruwor ŋulu etopolooritae ka etogogoŋitoe alotooma apaki ŋina auruwuana
ka aponi kiwuapae erae ŋikisila,
ido analimunet a ŋina a ŋapukasinei apotu ŋituŋa kilipa neni a ŋitorubei a ŋulu ecietae.
17Ani apaki ŋina pa apedoritotor ŋituŋa akitopoloor ŋikepukak kec aŋuna alwaketa aneni kec,
apotu ikes totamakis neni ikote ŋikepukak kec anakiboisyo aŋuna eboiyoto,
ido apotu kitiyaut ŋitorubei a ŋikepukak kec a ŋulu etopoloorito ikes,
ikotere nai ikes epedorete anainakina kec akitopoloor ekepukan kec ŋolo nyeyai kaapei ka ikes.
18Abu nai ekibure ŋolo a ŋiketiyak ŋiboro torirau kitiyaut ŋitorubei a ŋirwosi,
tari ŋulu pa ayenete erwosit, abu ekibure ŋolo ka akilip neni a erwosit kiyatakin aŋuna a ŋitorubei.
19Ekecian ŋiboro ŋolo acamit akitalakar ekepukan keŋ,
abu kikatak nooi akicieun etorube ŋolo ebusan nooi,
20ido abu akibuses a ŋitorubei keŋ kisupa ŋituŋa ŋulu alalak nooi,
apotu nai ŋituŋa kituruwosi atipei ŋolo sek etopoloorito ikwapei ituŋanan ŋolo ilipete ikes neni keŋ.
21Abu nai etorube ŋol toruwor akisurumet ŋina pa atakani ŋina ikamari ŋituŋa,
anerae apotu ŋituŋa ŋulu ayakasi natyokisyo, kori ŋulu arae ŋirwosi epukato,
inakinos neni a ŋitorubei a ŋulu etiyaunitae a ŋamoru, kori a ŋakito, kitopoloosi ŋirorwa kec ŋulu pa amaikina kitopolooroe.
22Apotu nai ikes toruworos ŋulu pa adyakarito koŋin anayenut Akuj,
nai tari ŋina eboiyoto ikes anatyokisyo aŋuna apolok ka amamukau ayenut Akuj,
apotu ikes tonyarata ŋatyokisyo ŋuna apolok ŋun ekisil.
23Tari ŋina aaryata ikes ŋidwe alotalyo kec, kori anasuban kec aŋuna itiyao anakimunono neni a ŋiboorei a ŋulu nyiteo,
kori anakitiya anakimatimataarit ŋitalyo ŋulugelae,
24apotu ikes nyerubakis iwuapito ŋuna ka akiyar kec, kori ŋuna a ŋikiitasinei kec erae ŋuna iyookino,
nai apotu toaras make pa ikinyomasi, kori toŋoonakin make aŋuna ke elomi kec.
25Apotu ŋun daadaŋ yaut anyunyura ŋina aaret ŋinice, ŋinakokoet, ŋinamodyanakinet, ŋinakaatuna, ŋina emam akiyookino, ŋina ka ediŋet, ŋina erworore alyokonu,
26ŋinakiburaet anakiro aŋuna iyookino, ŋinakisimuryanakinet ŋakiro ŋuna ajokak,
ŋinamunaaret ŋitai ŋulu iyookino, ŋinaryamunet ekibure ŋolo ka amalao,
ŋinakitidiŋakinet ŋulu sek iitakina, ŋina ka elomi ka ŋina ka amalao
27Akilip neni a ŋakujo a ŋuna nyemaikina tolimunoe ŋirorwa kec,
iŋes erae akisyakinet aryamun ŋakiro ŋun ka asalunet ŋina ka aronis a daadaŋ.
28Ŋituŋa ŋulu ilipete neni aŋakujo, kelimonokinete anainakina,
kori kedwarete analyokonu, kori kiboiyete pa iyookino, kori keinakina nooi akirworo emam ŋileec,
29aŋuna ikinyomitotor ikes neni a ŋakujo a ŋuna nyeyarete
ka aŋuna ikoŋioto ikes ŋuna ka alyokonu, etamete atemar emam ŋican epote neni kec,
30epote neni kec ŋakisicaneta alotooma ŋakiro nu ŋaarei:
aŋuna aponiata ikes totama ŋuna nyiyookino aŋuna ka Akuj ainakina neni a ŋakujo
ka aŋuna aponiata anamodiyo kec kikoŋo ŋuna pa eyookino anajamuwarit kec ŋuna ka asegis.
31Meere apedor a ŋiboro a ŋulu ikoŋete ŋituŋa neni kec,
iŋes iwuapyo aŋuna a ŋituŋa a ŋulu nyiyookino a ŋulu ebilibiliyete ŋikisila,
nai isicanio ŋinituŋanan aŋuna a ŋasecisya kec.
Currently Selected:
Aos. 14: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Aos. 14
14
Abaŋao ŋina elipya ekaloton anakipi neni ka akuj a ŋina etiyaunitae
1Alopite a ŋolopei, epedori ituŋanan ŋini itemonokin alosit ananam a ŋina imorokokoete ŋakipi,
akilip neni ka akitoe a ŋina eyabuk akilo tari ameeli ŋina iwokit iŋes.
2Arae aŋuna a ekibure a ŋolo ka aryamunia ŋisiliŋa iŋes etiyaunia ituŋanan ameeli,
ido abu ituŋanan anaosou kitiyau ameeli;
3Nai erae akiyokit kon, okoe papa iŋes emyat ameeli alorot keŋ,
anerae iwuak iyoŋ nanam neni itori iŋes;
iwuak iyoŋ neni itori iŋes emam ŋace anakipi aŋuna imorokokoete,
4itoodiunit atemar ipedori iyoŋ aiun aneni aronon a daadaŋ,
ikotere nai tari ituŋanan ŋini emam aosou elosi ananam.
5Erae acamit kon atemar ibore ŋini itiyaunit iyoŋ anaosou kon, emaikina kisitiyae emam atyonis;
a ŋun, ikinyomito ŋituŋa akiyar kec tari keyakasi natuba ŋina edit,
ido tari kitoro ikes narimamae ka nakito, edolete emam ŋace nakwap ŋina elosete.
6Tari anakisyakinet, apaki ŋina atwakyata ŋiketurok ŋulu aoyak,
apotu ŋituŋa kiwuakis akigeno kec ŋinayaret neni ka akitoe,
ido anakitenit a ŋina ka apedor kon, abu akitoe ŋin kiŋarak ŋituŋa ŋulu apotu toruwor ekinyomit ŋolo ka anyamet a ŋinakitete.
7Toyai arereŋu nakitoe ŋin ŋina abu kiteyar ŋulu eyookino.
8Nai ilamam akuj ŋina itiyaunitae ka ŋini kitiyauni akuj ŋin daŋ ilalam
aŋuna etiyaunia akuj ŋin ka ilalam ibore ŋini eŋopiyari ŋin, anerae aponi tonyarae iŋes akuj.
9Ikwaŋinapei eremokino Akuj ŋulu eŋerito iŋes ka epite ŋolo eŋeritotor ikes Akuj;
10anerae isicanio aronis ŋina keponi kitiyae ka ŋini kitiyae.
11Aŋun, eyakaun atubokino tari neni aŋakujo a ŋuna ilipete ŋituŋa neni kec,
anerae tari kerae ikes ŋiboro ŋice ŋulu abu Akuj tosub, apotu ikes toruwor ŋulu ka asiilyo,
apotu toruwor ŋaloca ŋuna isurumete ŋitai a ŋituŋa
ka ŋaunoi ŋuna irumenenete ŋakejen a ŋibaŋaanotin.
Akisyakinet ŋina ka akilip neni a ŋakujo
12Esyakini atametait ŋina ka amalao anakitiyaun ŋakujo
ka ŋinapei etiyaunere ŋakujo, kisyakini atuna ayakaun nakiyar a ituŋanan;
13anerae anakisyakinet amam ŋakujo ka nyerubakinete ikes eyakasi ŋikaru ka ŋikaru.
14Arae nakituro a ituŋanan iŋes alomuniata ŋakujo nakwap,
aŋun, adaun ayeun akiburuburaar ikes atipei tosalut.
15Aŋuna abunio aŋoit ŋina ka atipei torirau aneni apapa toŋo nooi,
abu kitiyau etorube ŋolo ekwaan ka ikoku keŋ ŋini aponi yaarae aneni keŋ atipei,
abu nai iŋes kisyak akilip neni a etorube a ituŋanan a ŋini atwan
ka abu tolimok ŋiletok keŋ akitiya ŋitalyo ka ŋasuban neni a etorube aŋol.
16Apotu nai ŋitalyo ŋulu nyiwuapitere ŋakiro ka Akuj ŋul toruwor ŋulu etopolooritae ka etogogoŋitoe alotooma apaki ŋina auruwuana
ka aponi kiwuapae erae ŋikisila,
ido analimunet a ŋina a ŋapukasinei apotu ŋituŋa kilipa neni a ŋitorubei a ŋulu ecietae.
17Ani apaki ŋina pa apedoritotor ŋituŋa akitopoloor ŋikepukak kec aŋuna alwaketa aneni kec,
apotu ikes totamakis neni ikote ŋikepukak kec anakiboisyo aŋuna eboiyoto,
ido apotu kitiyaut ŋitorubei a ŋikepukak kec a ŋulu etopoloorito ikes,
ikotere nai ikes epedorete anainakina kec akitopoloor ekepukan kec ŋolo nyeyai kaapei ka ikes.
18Abu nai ekibure ŋolo a ŋiketiyak ŋiboro torirau kitiyaut ŋitorubei a ŋirwosi,
tari ŋulu pa ayenete erwosit, abu ekibure ŋolo ka akilip neni a erwosit kiyatakin aŋuna a ŋitorubei.
19Ekecian ŋiboro ŋolo acamit akitalakar ekepukan keŋ,
abu kikatak nooi akicieun etorube ŋolo ebusan nooi,
20ido abu akibuses a ŋitorubei keŋ kisupa ŋituŋa ŋulu alalak nooi,
apotu nai ŋituŋa kituruwosi atipei ŋolo sek etopoloorito ikwapei ituŋanan ŋolo ilipete ikes neni keŋ.
21Abu nai etorube ŋol toruwor akisurumet ŋina pa atakani ŋina ikamari ŋituŋa,
anerae apotu ŋituŋa ŋulu ayakasi natyokisyo, kori ŋulu arae ŋirwosi epukato,
inakinos neni a ŋitorubei a ŋulu etiyaunitae a ŋamoru, kori a ŋakito, kitopoloosi ŋirorwa kec ŋulu pa amaikina kitopolooroe.
22Apotu nai ikes toruworos ŋulu pa adyakarito koŋin anayenut Akuj,
nai tari ŋina eboiyoto ikes anatyokisyo aŋuna apolok ka amamukau ayenut Akuj,
apotu ikes tonyarata ŋatyokisyo ŋuna apolok ŋun ekisil.
23Tari ŋina aaryata ikes ŋidwe alotalyo kec, kori anasuban kec aŋuna itiyao anakimunono neni a ŋiboorei a ŋulu nyiteo,
kori anakitiya anakimatimataarit ŋitalyo ŋulugelae,
24apotu ikes nyerubakis iwuapito ŋuna ka akiyar kec, kori ŋuna a ŋikiitasinei kec erae ŋuna iyookino,
nai apotu toaras make pa ikinyomasi, kori toŋoonakin make aŋuna ke elomi kec.
25Apotu ŋun daadaŋ yaut anyunyura ŋina aaret ŋinice, ŋinakokoet, ŋinamodyanakinet, ŋinakaatuna, ŋina emam akiyookino, ŋina ka ediŋet, ŋina erworore alyokonu,
26ŋinakiburaet anakiro aŋuna iyookino, ŋinakisimuryanakinet ŋakiro ŋuna ajokak,
ŋinamunaaret ŋitai ŋulu iyookino, ŋinaryamunet ekibure ŋolo ka amalao,
ŋinakitidiŋakinet ŋulu sek iitakina, ŋina ka elomi ka ŋina ka amalao
27Akilip neni a ŋakujo a ŋuna nyemaikina tolimunoe ŋirorwa kec,
iŋes erae akisyakinet aryamun ŋakiro ŋun ka asalunet ŋina ka aronis a daadaŋ.
28Ŋituŋa ŋulu ilipete neni aŋakujo, kelimonokinete anainakina,
kori kedwarete analyokonu, kori kiboiyete pa iyookino, kori keinakina nooi akirworo emam ŋileec,
29aŋuna ikinyomitotor ikes neni a ŋakujo a ŋuna nyeyarete
ka aŋuna ikoŋioto ikes ŋuna ka alyokonu, etamete atemar emam ŋican epote neni kec,
30epote neni kec ŋakisicaneta alotooma ŋakiro nu ŋaarei:
aŋuna aponiata ikes totama ŋuna nyiyookino aŋuna ka Akuj ainakina neni a ŋakujo
ka aŋuna aponiata anamodiyo kec kikoŋo ŋuna pa eyookino anajamuwarit kec ŋuna ka asegis.
31Meere apedor a ŋiboro a ŋulu ikoŋete ŋituŋa neni kec,
iŋes iwuapyo aŋuna a ŋituŋa a ŋulu nyiyookino a ŋulu ebilibiliyete ŋikisila,
nai isicanio ŋinituŋanan aŋuna a ŋasecisya kec.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.