Aos. 1
1
Akitatam ŋituŋa toruwor ŋulu iyookino
1Iyes ŋikepukak ŋulu ka akwap, tominas akiyookino,
totamete ŋuna a Ekapolon irae ŋulu ijokak nooi,
kiwara Ekapolon a ŋitai kus anakiro a ŋuna a kire;
2anerae erae ŋituŋa ŋulu eryamunete iŋes ŋulu nyitemeneneete iŋes,
itoodiunun Ekapolon neni a ŋulu nyeŋerito iŋes.
3Epedorete ŋatameta ŋuna nyiyookino akibatar ŋituŋa aneni ka Akuj,
ido ani itemyo apedor keŋ, isileereuni ŋibaŋaanotin;
4anerae nyelomari aosou lotau ŋolo amodiyanan,
kori nyeyakaun neni a ituŋanan a ŋini erae epito ŋolo ka asecit.
5Epedori ituŋanan ŋini iyookino ka ŋini ajokan a ŋipitesyo akiem anamodiyo,
eesikini alokaku ŋulu etamete ŋuna ka abaŋao,
irumete iŋes ŋileec epote neni keŋ ŋulu nyiyookino.
6Eyai aosou neni a ituŋanan a ŋini erimaana,
nyimyekini iŋes ŋikeyanyak erubakinito eyakatar ekaile ŋolo a ŋakiro kec,
anerae Akuj erae esuuda a ŋakiro aŋuna eya lotai kec,
Akuj iŋes ite ŋuna a ŋitai kec ka epupi ŋuna irworosi ikes;
7anerae eyai etau ŋolo ke Ekapolon nakwap daadaŋ,
iŋes ŋolo erae ibore daadaŋ ŋini keŋ, iŋes eyeni ŋuna irworoe.
8Aŋun, ŋituŋa ŋulu irworosi ŋuna nyiyookino nyebucanar ŋakiro kec nyiirara Akuj,
ido nyebucar ikes isicanio ŋulu nyiyookino.
9Iŋitiŋitiunio ŋakiro anatukon a ŋulu eŋerito Akuj,
elimokinio ŋakiro kec neni a Ekapolon,
ikotere kisicanae ikes aŋuna a ŋiticisyo kec a ŋulu pa ewuapitotor ŋikisila,
10anerae epupete ŋaki a ŋini alilyan ŋakiro daadaŋ
nyebucar aneni keŋ ŋakiro a ŋulu iŋuruŋurasi.
11Toceite nai nyiloma nakiŋuruŋura ŋina erae akoŋinait,
kiurya aŋajep kon nyirwor alyokonu,
anerae mam akirot ŋina imunonitae ŋina nyileereuni,
ido ituŋanan ŋini irworo alyokonu, idupori akiyar keŋ.
12Nyinyarau atwanare nakiyar kon anadyakanareta a akiyar kon;
kori nyiyau amunyaro nakiyar kon aloticisyo a ŋakan kon; 13anerae nyesubuna Akuj atwanare,
ido nyelakara Akuj etwani ibore ŋini eyari.
14Abu iŋes tosub ibore daadaŋ, ikotere erubakinete eyakasi jik;
ŋikabilae a ŋinibore daadaŋ a ŋulu abu iŋes tosub kiwuak nakwap erae ŋulu eyakatar ibore daadaŋ
emam ibore ikiari aneni kec,
emamukatar atwanare apedor anakwap ŋina aaret.
15Erae akiyookino ŋina a ŋikaru ka ŋikaru
Epite ŋolo iteoto ŋulu nyenupito Akuj akiyar
16Nai anyaraut ŋulu nyenupito Akuj atwanare aloticisyo kec ka anakiro kec;
etamete atemar erae atwanare ibore ŋini ekoneono, ainakinosi ikes jik neni ka erikarosi;
acamunosi ikes ka atwanare,
anerae neni ecamito ikes ayakau nen.
Currently Selected:
Aos. 1: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Aos. 1
1
Akitatam ŋituŋa toruwor ŋulu iyookino
1Iyes ŋikepukak ŋulu ka akwap, tominas akiyookino,
totamete ŋuna a Ekapolon irae ŋulu ijokak nooi,
kiwara Ekapolon a ŋitai kus anakiro a ŋuna a kire;
2anerae erae ŋituŋa ŋulu eryamunete iŋes ŋulu nyitemeneneete iŋes,
itoodiunun Ekapolon neni a ŋulu nyeŋerito iŋes.
3Epedorete ŋatameta ŋuna nyiyookino akibatar ŋituŋa aneni ka Akuj,
ido ani itemyo apedor keŋ, isileereuni ŋibaŋaanotin;
4anerae nyelomari aosou lotau ŋolo amodiyanan,
kori nyeyakaun neni a ituŋanan a ŋini erae epito ŋolo ka asecit.
5Epedori ituŋanan ŋini iyookino ka ŋini ajokan a ŋipitesyo akiem anamodiyo,
eesikini alokaku ŋulu etamete ŋuna ka abaŋao,
irumete iŋes ŋileec epote neni keŋ ŋulu nyiyookino.
6Eyai aosou neni a ituŋanan a ŋini erimaana,
nyimyekini iŋes ŋikeyanyak erubakinito eyakatar ekaile ŋolo a ŋakiro kec,
anerae Akuj erae esuuda a ŋakiro aŋuna eya lotai kec,
Akuj iŋes ite ŋuna a ŋitai kec ka epupi ŋuna irworosi ikes;
7anerae eyai etau ŋolo ke Ekapolon nakwap daadaŋ,
iŋes ŋolo erae ibore daadaŋ ŋini keŋ, iŋes eyeni ŋuna irworoe.
8Aŋun, ŋituŋa ŋulu irworosi ŋuna nyiyookino nyebucanar ŋakiro kec nyiirara Akuj,
ido nyebucar ikes isicanio ŋulu nyiyookino.
9Iŋitiŋitiunio ŋakiro anatukon a ŋulu eŋerito Akuj,
elimokinio ŋakiro kec neni a Ekapolon,
ikotere kisicanae ikes aŋuna a ŋiticisyo kec a ŋulu pa ewuapitotor ŋikisila,
10anerae epupete ŋaki a ŋini alilyan ŋakiro daadaŋ
nyebucar aneni keŋ ŋakiro a ŋulu iŋuruŋurasi.
11Toceite nai nyiloma nakiŋuruŋura ŋina erae akoŋinait,
kiurya aŋajep kon nyirwor alyokonu,
anerae mam akirot ŋina imunonitae ŋina nyileereuni,
ido ituŋanan ŋini irworo alyokonu, idupori akiyar keŋ.
12Nyinyarau atwanare nakiyar kon anadyakanareta a akiyar kon;
kori nyiyau amunyaro nakiyar kon aloticisyo a ŋakan kon; 13anerae nyesubuna Akuj atwanare,
ido nyelakara Akuj etwani ibore ŋini eyari.
14Abu iŋes tosub ibore daadaŋ, ikotere erubakinete eyakasi jik;
ŋikabilae a ŋinibore daadaŋ a ŋulu abu iŋes tosub kiwuak nakwap erae ŋulu eyakatar ibore daadaŋ
emam ibore ikiari aneni kec,
emamukatar atwanare apedor anakwap ŋina aaret.
15Erae akiyookino ŋina a ŋikaru ka ŋikaru
Epite ŋolo iteoto ŋulu nyenupito Akuj akiyar
16Nai anyaraut ŋulu nyenupito Akuj atwanare aloticisyo kec ka anakiro kec;
etamete atemar erae atwanare ibore ŋini ekoneono, ainakinosi ikes jik neni ka erikarosi;
acamunosi ikes ka atwanare,
anerae neni ecamito ikes ayakau nen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.