Sir 9
9
Ŋakiro ŋuna elimunitoe aŋuna a ŋaberu
(Ekim. 5:11-15)
1Nyiruwor irakaanot aŋuna aberu kon a ŋina imina iyoŋ nooi,
acepaki itatami iyoŋ iŋes ŋuna ka aronis a ŋina ikiwani iyoŋ.
2Nyicamu aberu kon ikipukae iyoŋ,
nyicamu iŋes ikireuni iyoŋ aŋuna ka agogoŋ keŋ.
3Nyiapiyanari neni aberu a ŋina erae amalaat,
acepaki ikisupari iŋes iyoŋ.
4Nyimina arukit ka apese ŋina eono ŋieosyo ŋulu ebolyare,
acepaki ikimodiyarete iyoŋ ŋipitesyo keŋ ŋulu ka amodiyo.
5Nyitookinit ŋakonyen napese ŋina nyiryamakina ka ekile,
acepaki iyai iyoŋ iŋes, ikireikin iyoŋ akiit iŋes.
6Nyiinakin nooi aŋuna a ŋamalaae,
acepaki itwaniari iyoŋ ibore ŋini aponi ikiinakin iyoŋ.
7Nyiruwor ekerimiton alorotin a ŋulu ke etaun iŋoleŋole,
kori nyirimit anakiboisyo a etaun a ŋuna emam ituŋanan iboiyo.
8Nyiteonori aberu ŋina ebusan ka nyikinir akibuses a ŋinice,
anerae ariko akibuses a aberu ŋulu alalak,
ido anepu ekibure kec ikwa akim.
9Nyimor akimuj ka aberu a ŋolocekile,
kori nyimatasi ka iŋes,
acepaki isupari iŋes etau kon,
ido itwani iyoŋ anakitemio a ŋina ka akibuses keŋ.
Aseun ŋikonei
10Nyiesik arukit ka ŋikonei ŋuluŋorok,
anerae nyikwaan ŋulukitet ka ikes.
Ikwaan ekone ŋolokitete ka epiini ŋolokitete;
ani kiboi epiini ŋol akaoyan, imasi iyoŋ iŋes ka alakara.
11Nyikiburakinit epite ŋolo eryamunitotor ŋikasecak ebari,
anerae nyiyeni iyoŋ epite ŋolo esalunia akiyar kec.
12Nyiruwor ŋini ilakara aŋuna a ŋakiro a ŋuna italakarito ŋulu nyiwuapito ŋuna ka Akuj.
totamunite atemar nyebucarosi ikes pa imaritae ŋuna esecito anakiyar kec a daadaŋ.
13Nyirukito ka ŋulu eyakatar apedor ŋinaaret,
ikotere tomamukar akuryanu aŋuna ka atwanare.
Nai ani kilot iyoŋ neni kec, tocoikinite,
acepaki epedorete ikes alemar akiyar kon.
Toyeni atemar ipudae iyoŋ ŋaunoi ŋuna ikirumete,
ilosi iyoŋ alotaun aneni epatania iyoŋ aaro.
14Alopite a daadaŋ a ŋolo ipedorya iyoŋ, kikatak ayenun ŋikidunyet kon,
kiyana ŋakiro ka ŋituŋa ŋulu aosok.
15Emaikina erae ŋituŋa ŋulu apiiryanak ianiata iyoŋ,
emaikina ŋakiro daadaŋ ŋuna itubuni iyoŋ erae ŋuna ecamuna ka ŋikisila ka Akuj a ŋina alokidiama nooi.
16Emaikina erae ŋituŋa ŋulu iyookino imujata iyoŋ,
emaikina akituro kon erae aŋuna itopolooritor iyoŋ Ekapolon.
Ŋakiro aŋuna a ŋikepukak
(Ŋakit. 8:15-16; Aos. 6:1-11)
17Epedoryo akipur ibore erae kerae ituŋanan ŋini eyeni akitiya ŋiboro ejok itiyaunit;
aŋun, ekarikon a ŋituŋa daŋ, eyenunio atemar eos anakiro keŋ.
18Ekeritae alotaun ituŋanan ŋini irworo ecela nooi
ka eremokino ŋituŋa a etaun ituŋanan ŋini irworo ŋakiro car.
Currently Selected:
Sir 9: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 9
9
Ŋakiro ŋuna elimunitoe aŋuna a ŋaberu
(Ekim. 5:11-15)
1Nyiruwor irakaanot aŋuna aberu kon a ŋina imina iyoŋ nooi,
acepaki itatami iyoŋ iŋes ŋuna ka aronis a ŋina ikiwani iyoŋ.
2Nyicamu aberu kon ikipukae iyoŋ,
nyicamu iŋes ikireuni iyoŋ aŋuna ka agogoŋ keŋ.
3Nyiapiyanari neni aberu a ŋina erae amalaat,
acepaki ikisupari iŋes iyoŋ.
4Nyimina arukit ka apese ŋina eono ŋieosyo ŋulu ebolyare,
acepaki ikimodiyarete iyoŋ ŋipitesyo keŋ ŋulu ka amodiyo.
5Nyitookinit ŋakonyen napese ŋina nyiryamakina ka ekile,
acepaki iyai iyoŋ iŋes, ikireikin iyoŋ akiit iŋes.
6Nyiinakin nooi aŋuna a ŋamalaae,
acepaki itwaniari iyoŋ ibore ŋini aponi ikiinakin iyoŋ.
7Nyiruwor ekerimiton alorotin a ŋulu ke etaun iŋoleŋole,
kori nyirimit anakiboisyo a etaun a ŋuna emam ituŋanan iboiyo.
8Nyiteonori aberu ŋina ebusan ka nyikinir akibuses a ŋinice,
anerae ariko akibuses a aberu ŋulu alalak,
ido anepu ekibure kec ikwa akim.
9Nyimor akimuj ka aberu a ŋolocekile,
kori nyimatasi ka iŋes,
acepaki isupari iŋes etau kon,
ido itwani iyoŋ anakitemio a ŋina ka akibuses keŋ.
Aseun ŋikonei
10Nyiesik arukit ka ŋikonei ŋuluŋorok,
anerae nyikwaan ŋulukitet ka ikes.
Ikwaan ekone ŋolokitete ka epiini ŋolokitete;
ani kiboi epiini ŋol akaoyan, imasi iyoŋ iŋes ka alakara.
11Nyikiburakinit epite ŋolo eryamunitotor ŋikasecak ebari,
anerae nyiyeni iyoŋ epite ŋolo esalunia akiyar kec.
12Nyiruwor ŋini ilakara aŋuna a ŋakiro a ŋuna italakarito ŋulu nyiwuapito ŋuna ka Akuj.
totamunite atemar nyebucarosi ikes pa imaritae ŋuna esecito anakiyar kec a daadaŋ.
13Nyirukito ka ŋulu eyakatar apedor ŋinaaret,
ikotere tomamukar akuryanu aŋuna ka atwanare.
Nai ani kilot iyoŋ neni kec, tocoikinite,
acepaki epedorete ikes alemar akiyar kon.
Toyeni atemar ipudae iyoŋ ŋaunoi ŋuna ikirumete,
ilosi iyoŋ alotaun aneni epatania iyoŋ aaro.
14Alopite a daadaŋ a ŋolo ipedorya iyoŋ, kikatak ayenun ŋikidunyet kon,
kiyana ŋakiro ka ŋituŋa ŋulu aosok.
15Emaikina erae ŋituŋa ŋulu apiiryanak ianiata iyoŋ,
emaikina ŋakiro daadaŋ ŋuna itubuni iyoŋ erae ŋuna ecamuna ka ŋikisila ka Akuj a ŋina alokidiama nooi.
16Emaikina erae ŋituŋa ŋulu iyookino imujata iyoŋ,
emaikina akituro kon erae aŋuna itopolooritor iyoŋ Ekapolon.
Ŋakiro aŋuna a ŋikepukak
(Ŋakit. 8:15-16; Aos. 6:1-11)
17Epedoryo akipur ibore erae kerae ituŋanan ŋini eyeni akitiya ŋiboro ejok itiyaunit;
aŋun, ekarikon a ŋituŋa daŋ, eyenunio atemar eos anakiro keŋ.
18Ekeritae alotaun ituŋanan ŋini irworo ecela nooi
ka eremokino ŋituŋa a etaun ituŋanan ŋini irworo ŋakiro car.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.