Sir 6
6
1Ido nyiruwor emoit akilo aruwor ekone;
anerae eyauni ekiro ŋolo aronon ŋileec ka ebura;
aŋun, ikote nenipei ŋakiro aneni a ikasecan a ŋini itobobot akituk.
2Nyiloma nakiro ŋuna a ekibure,
ani kiloma, ikikorisiyari iyoŋ ekibure lopite ŋolo ikorisiyaria emaanik ekinyi.
3Ikimunaaryo iyoŋ lopite ŋolo emunaarere ekitoe todaun
ŋakuii ka ŋaraito,
ikimyekinio iyoŋ ikwaan ka ekitoe ŋolo einiyarit.
4Inyasuununui ekibure ŋolo aronon ŋulu eyakatar ekibure ŋol,
ido ituruwonori ikes ŋulu ekyenare alomoe kec.
Akoneo, alyokonu ka ŋuna a kire
5Italalae erwor ŋolo abobon ŋikonei,
italalae erwor ŋolo ajokan ŋirukitos.
6Emaikina ŋulu erae ŋikonei kon tolalak,
nai emaikina ŋini erae ekesirworiunan kon erae ipei alotooma aliput.
7Ani iryamuni iyoŋ ŋikonei, toryamu ikes anakikatakin,
ido nyikinyom ikes atipei,
8anerae eya ŋikonei ŋulu ikikoneunete iyoŋ anapaki a ŋina iitanitotor ikes aryamun ibore aneni kon,
nai nyepedorete ikes akiŋarakin apaki ŋina iyakar locan.
9Eyakasi ŋikonei ŋulu ilocokinete ŋipitesyo kec toruwor ŋimoe kon,
ido kirworo neni kon iburaete aŋuna ka akitoroniyar iyoŋ.
10Eyakasi ŋikonei ŋulu iboikinosi kaapei ka iyoŋ kimuja alomesa,
nai nyepedorete ikes akiŋarakin iyoŋ apaki ŋina iyakar locan.
11Ani ibari iyoŋ, imiidiun ikes neni kon, kikwaanikinos ka iyoŋ,
toruwor ikes erae ŋikapolok a ŋiketiyak kon.
12Nai ani kikituruwor iyoŋ ikoŋinait, ikiremokin ikes iyoŋ,
ido toduka nyianyunia iyoŋ ikes.
13Nyirukito ka ŋimoe kon ka toosokinite ŋikonei kon.
14Ikwaan ŋikonei ŋulu ikinyoma ka aduketait ŋina iunor;
ituŋanan daadaŋ ŋini eryamuni ekone ŋolo ikinyoma, aryamu ebari.
15Iloito ŋikonei ŋulu ikinyoma ainakinet ŋina itiyator ibore idio;
emam etyae ŋolo isikwaanikinio ka ajokis kec.
16Erae ŋikonei ŋulu ikinyoma ŋikaiunak akiyar ikwa ekitoe ŋolo ikitaŋaleuni;
ido ŋulu ikinyomito Ekapolon eryamunete ŋikonei ŋulu ikote ŋul.
17Eryamununeete ŋulu ikinyomito Ekapolon
ŋikonei ŋulu iyookino,
anerae ikwapei ekoneokoto ikes, ŋikidunyet kec daŋ eruwor ŋulu ekoneoko.
Ŋarereŋisyo ŋuna ka a aosou
18Ikaakoku, alorwa a ŋulu ka asoroko kon, toseu aruwor ŋini ijok,
ido ani imojoŋi iyoŋ irubakini iryamununui aosou.
19Kitiya ka agogoŋu aŋuna ka aryamun aosou ikwa ŋini itae ka agogoŋu toek ŋikinyom lomanikor keŋ,
ido kidaru apaki ŋina eryamunia ŋuna ajokak aŋuna keŋ.
Ani kidupaki iyoŋ aosou, ekudyoko ŋuna itiyae iyoŋ,
ido imuji iyoŋ atipei ŋuna elomunete aneni keŋ.
20Etakani aosou eryenyaana neni a ŋulu
nyiwuapito ŋuna elimokinitae akiwuap,
nyepedorete ŋul, ŋibaŋaanotin arubakin eya naosou.
21Ikwaanikin aosou ka amoru ŋina apotyon aŋuna ka akikatakin ikes,
ido nyidaŋidaŋete ikes, eesikinete aosou atipei.
22Ikwaan ekiro a aosou ka aosou;
nyepatana ŋikalalak aryamun iŋes.
23Kiira, ikaakoku ka kiwuap ŋakiro kaŋ;
nyiŋer ŋakiro ŋuna akalimok ayoŋ iyoŋ.
24Toenik nakejen kon aosou ŋina egogoŋ ikwa ŋiriko;
tonap iŋes alodokole kon ikwa ayokot alomoŋin.
25Tokukum toryoŋ iŋes aloseketa kon,
nyiŋayaŋayat anatyonis a ŋina ka aryamun aosou.
26Bua neni keŋ a akonikiyar a daadaŋ,
ido kiwuap a agogoŋ kon a daadaŋ ŋuna elimunit iŋes.
27Toripiripi ka kiwar iŋes, ido iyenuni iyoŋ iŋes,
ani iryamuni iyoŋ iŋes, nyiesik ikimuryak.
28Ekaku iryamuni iyoŋ akieŋun ŋina ikiinanakini iŋes, ido ilocokin iŋes aneni kon toruwor alelyanu.
29Eruwor nai aneni kon ŋatyokisyo ŋuna sek ekwaan ka ŋiriko ibore ŋini agogoŋon ŋini ikiuni
ka eruwor ayokot ŋina sek iyakar iyoŋ ekaaso ŋolo ka apolou.
30Ikwaan ayokot keŋ ka enapit ŋolo erae egolid
ka ikwaan ŋiriko keŋ ka ausi ŋina kipurat-areŋan ŋina ka apolou.
31Inapi iyoŋ aosou ikwa ekaaso ŋolo ka apolou,
inapi iyoŋ iŋes ikwa ebokot ŋolo ikitopolooritere.
32Ikaakoku, ani kicamit iyoŋ ŋipitesyo ŋulu ajokak, iryamuni,
ani kiinakina iyoŋ aryamun aosou, iruwor ŋini ios.
33Ani kimina iyoŋ apuponokin ŋakiro, iryamuni aosou,
ido ani kiwuapit ŋuna ikilimokinio, iruwor ŋini ios.
34Torukito ka ŋikasikou, ŋae erae ŋini aoson?
Kimorikinos ka ŋini ikoni ŋin.
35Totenite akiirar ŋakiro daadaŋ ŋuna irworosi ŋituŋa ŋulu iwuapito ŋuna ka Akuj,
ido nyimyek ŋakitadapeta ŋuna ka aosou ebucar aneni kon.
36Ani kianyuwa iyoŋ ituŋanan ŋini epiryaana, tonyou eriŋa ataparacu tolot neni keŋ,
kimyek ŋakejen kon kikusaut epuke a akai keŋ.
37Toomomo ŋikisila ŋulu ke Ekapolon,
ido totamatama a ŋinapaki ŋakiciketa keŋ.
Erae Ekapolon ikiinakini iyoŋ apiiryanut anatameta kon.
Ikiinakini iŋes iyoŋ aosou ŋina icamit iyoŋ aryamun.
Currently Selected:
Sir 6: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 6
6
1Ido nyiruwor emoit akilo aruwor ekone;
anerae eyauni ekiro ŋolo aronon ŋileec ka ebura;
aŋun, ikote nenipei ŋakiro aneni a ikasecan a ŋini itobobot akituk.
2Nyiloma nakiro ŋuna a ekibure,
ani kiloma, ikikorisiyari iyoŋ ekibure lopite ŋolo ikorisiyaria emaanik ekinyi.
3Ikimunaaryo iyoŋ lopite ŋolo emunaarere ekitoe todaun
ŋakuii ka ŋaraito,
ikimyekinio iyoŋ ikwaan ka ekitoe ŋolo einiyarit.
4Inyasuununui ekibure ŋolo aronon ŋulu eyakatar ekibure ŋol,
ido ituruwonori ikes ŋulu ekyenare alomoe kec.
Akoneo, alyokonu ka ŋuna a kire
5Italalae erwor ŋolo abobon ŋikonei,
italalae erwor ŋolo ajokan ŋirukitos.
6Emaikina ŋulu erae ŋikonei kon tolalak,
nai emaikina ŋini erae ekesirworiunan kon erae ipei alotooma aliput.
7Ani iryamuni iyoŋ ŋikonei, toryamu ikes anakikatakin,
ido nyikinyom ikes atipei,
8anerae eya ŋikonei ŋulu ikikoneunete iyoŋ anapaki a ŋina iitanitotor ikes aryamun ibore aneni kon,
nai nyepedorete ikes akiŋarakin apaki ŋina iyakar locan.
9Eyakasi ŋikonei ŋulu ilocokinete ŋipitesyo kec toruwor ŋimoe kon,
ido kirworo neni kon iburaete aŋuna ka akitoroniyar iyoŋ.
10Eyakasi ŋikonei ŋulu iboikinosi kaapei ka iyoŋ kimuja alomesa,
nai nyepedorete ikes akiŋarakin iyoŋ apaki ŋina iyakar locan.
11Ani ibari iyoŋ, imiidiun ikes neni kon, kikwaanikinos ka iyoŋ,
toruwor ikes erae ŋikapolok a ŋiketiyak kon.
12Nai ani kikituruwor iyoŋ ikoŋinait, ikiremokin ikes iyoŋ,
ido toduka nyianyunia iyoŋ ikes.
13Nyirukito ka ŋimoe kon ka toosokinite ŋikonei kon.
14Ikwaan ŋikonei ŋulu ikinyoma ka aduketait ŋina iunor;
ituŋanan daadaŋ ŋini eryamuni ekone ŋolo ikinyoma, aryamu ebari.
15Iloito ŋikonei ŋulu ikinyoma ainakinet ŋina itiyator ibore idio;
emam etyae ŋolo isikwaanikinio ka ajokis kec.
16Erae ŋikonei ŋulu ikinyoma ŋikaiunak akiyar ikwa ekitoe ŋolo ikitaŋaleuni;
ido ŋulu ikinyomito Ekapolon eryamunete ŋikonei ŋulu ikote ŋul.
17Eryamununeete ŋulu ikinyomito Ekapolon
ŋikonei ŋulu iyookino,
anerae ikwapei ekoneokoto ikes, ŋikidunyet kec daŋ eruwor ŋulu ekoneoko.
Ŋarereŋisyo ŋuna ka a aosou
18Ikaakoku, alorwa a ŋulu ka asoroko kon, toseu aruwor ŋini ijok,
ido ani imojoŋi iyoŋ irubakini iryamununui aosou.
19Kitiya ka agogoŋu aŋuna ka aryamun aosou ikwa ŋini itae ka agogoŋu toek ŋikinyom lomanikor keŋ,
ido kidaru apaki ŋina eryamunia ŋuna ajokak aŋuna keŋ.
Ani kidupaki iyoŋ aosou, ekudyoko ŋuna itiyae iyoŋ,
ido imuji iyoŋ atipei ŋuna elomunete aneni keŋ.
20Etakani aosou eryenyaana neni a ŋulu
nyiwuapito ŋuna elimokinitae akiwuap,
nyepedorete ŋul, ŋibaŋaanotin arubakin eya naosou.
21Ikwaanikin aosou ka amoru ŋina apotyon aŋuna ka akikatakin ikes,
ido nyidaŋidaŋete ikes, eesikinete aosou atipei.
22Ikwaan ekiro a aosou ka aosou;
nyepatana ŋikalalak aryamun iŋes.
23Kiira, ikaakoku ka kiwuap ŋakiro kaŋ;
nyiŋer ŋakiro ŋuna akalimok ayoŋ iyoŋ.
24Toenik nakejen kon aosou ŋina egogoŋ ikwa ŋiriko;
tonap iŋes alodokole kon ikwa ayokot alomoŋin.
25Tokukum toryoŋ iŋes aloseketa kon,
nyiŋayaŋayat anatyonis a ŋina ka aryamun aosou.
26Bua neni keŋ a akonikiyar a daadaŋ,
ido kiwuap a agogoŋ kon a daadaŋ ŋuna elimunit iŋes.
27Toripiripi ka kiwar iŋes, ido iyenuni iyoŋ iŋes,
ani iryamuni iyoŋ iŋes, nyiesik ikimuryak.
28Ekaku iryamuni iyoŋ akieŋun ŋina ikiinanakini iŋes, ido ilocokin iŋes aneni kon toruwor alelyanu.
29Eruwor nai aneni kon ŋatyokisyo ŋuna sek ekwaan ka ŋiriko ibore ŋini agogoŋon ŋini ikiuni
ka eruwor ayokot ŋina sek iyakar iyoŋ ekaaso ŋolo ka apolou.
30Ikwaan ayokot keŋ ka enapit ŋolo erae egolid
ka ikwaan ŋiriko keŋ ka ausi ŋina kipurat-areŋan ŋina ka apolou.
31Inapi iyoŋ aosou ikwa ekaaso ŋolo ka apolou,
inapi iyoŋ iŋes ikwa ebokot ŋolo ikitopolooritere.
32Ikaakoku, ani kicamit iyoŋ ŋipitesyo ŋulu ajokak, iryamuni,
ani kiinakina iyoŋ aryamun aosou, iruwor ŋini ios.
33Ani kimina iyoŋ apuponokin ŋakiro, iryamuni aosou,
ido ani kiwuapit ŋuna ikilimokinio, iruwor ŋini ios.
34Torukito ka ŋikasikou, ŋae erae ŋini aoson?
Kimorikinos ka ŋini ikoni ŋin.
35Totenite akiirar ŋakiro daadaŋ ŋuna irworosi ŋituŋa ŋulu iwuapito ŋuna ka Akuj,
ido nyimyek ŋakitadapeta ŋuna ka aosou ebucar aneni kon.
36Ani kianyuwa iyoŋ ituŋanan ŋini epiryaana, tonyou eriŋa ataparacu tolot neni keŋ,
kimyek ŋakejen kon kikusaut epuke a akai keŋ.
37Toomomo ŋikisila ŋulu ke Ekapolon,
ido totamatama a ŋinapaki ŋakiciketa keŋ.
Erae Ekapolon ikiinakini iyoŋ apiiryanut anatameta kon.
Ikiinakini iŋes iyoŋ aosou ŋina icamit iyoŋ aryamun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.