Sir 40
40
Akiyaloloŋ a ŋituŋa
1Aponi kiwuakinae etic ŋolo agogoŋon aŋuna a ŋituŋa a daadaŋ
ka aponi kiwuakinae ayokot ŋina apotyon neni a ŋiletok ka Adam,
aponi kiwuakinae ŋun ameun anapaki a ŋina alomuniata ikes anakookyes atatoto kec akitodol akoloŋit ŋina eboŋoryata ikes nalup ŋuna etiyaunere ŋituŋa daadaŋ.
2Aŋayaŋayat ka akuryanu ŋina ke etau erae ŋuna kec
ka erae ŋina kec akiyaloloŋ a ŋatameta kec aŋuna ka akoloŋit a ŋina ka atwanare kec.
3Eyakaun ŋun neni a ŋini eyai lokicoloŋ ŋolo ka apolou
akitodol neni a ŋini eperi aŋuna a ŋican keŋ napuwa ka lokuron.
4eyakaun ŋun neni a ŋini enapit ŋilowi ŋulu kipura ka ebokot,
akitodol neni a ŋini enapit ŋiguniyae,
5eyakasi anyunyura, alilit, ŋican ka amamukau akieŋun,
akuryanu aŋuna ka atwanare ka aŋoit ta ebura.
Ani ŋina ieŋunia ituŋanan alokitaada keŋ,
isiguryaete ŋajo keŋ nakwaare ŋatameta keŋ.
6Ieŋununui iŋes apaki ŋina edit, kori nyieŋununui;
ikolerit iŋes anajo lopite ŋolopei nyejotoo naparan.
Iteryamunito iŋes ŋitorubei ŋulu eya natameta keŋ ŋican
ikwa ituŋanan ŋini abucun alojie.
7Ani edoli iŋes neni eiunor, tokyenyu,
ekenyuni nai iŋes ebulit etami atemar kemam ibore emaikina iŋes ebulitor.
8Eyakaunun nu neni a ŋisubuna a daadaŋ, neni a ŋituŋa ka ŋityaŋ
nai eyakaunun nooi ŋarwa ŋakanikaarei neni a ŋikasecak,
9eyakaun atwanare, aara, ejie, aara a ŋileŋia, ŋican, eron ka akinyasuno ta ŋidekesyo.
10Aponi tosubakinae ŋun daadaŋ aŋuna a ŋulu aronok ka aŋuna kec abu bu akalele.
11Eboŋorete kwap daadaŋ ŋulu erae ŋulu ka akwap
ka ŋulu alokidiama eboŋorete kidiama.
Nyerubakini amamukau akiyookino elosi kiŋaren
12Elemaryo jik ŋakaluŋuluŋui ka amamukau akiyookino,
nai erubakini anupit ŋina ajokan ŋikaru ka ŋikaru.
13Edaun ebari a ŋulu emamukatar akiyookino lopite ŋolo edaunotor ŋakipi anaŋolol,
eŋopiyarete lopite ŋolo eŋopiyarya agirokinet a akiru a ŋina apolon.
14Ikwapei eyakar ituŋanan ŋini arimaanan ŋakiro ŋuna emaikina tolelyania,
aŋun, emunaar nooi ŋulu ebilibiliyete ŋikisila.
15Eyakaunotor ŋidwe a ŋulu nyiwuapito ŋuna ka Akuj ŋarereŋisyo ŋuna ekudyoko,
ikwaanikin ikes ka ekitoe ŋolo elomunit anataaba aneni ekudyoko ŋalup.
16Erutoryo atipei eot ŋolo elomunit alodiyete ŋakipi, kori alokipetot ka aŋolol,
itiyao ŋun eriŋa nyerutoro ŋinya ŋuluce.
17Nai ikoni arimaanut emanikor ŋolo eyakatar ŋarereŋisyo,
ido erubakini ainanakin ŋainanakineta eyai ŋikaru ka ŋikaru.
Alelyanu ŋina ka kiyar
18Erae eropit ŋolo a elap, kori a koloŋit ka apei ibore ŋini itoboboe akiyar,
nai aryamun ebari iloit ŋuluarei ŋul.
19aryamun ŋidwe kori adukokin etaun, iturubakini ekiro a ituŋanan,
nai aryamun aosou iloit ŋulaarei ŋul.
Ani eyakar ituŋanan ŋaatuk, kori emanikor a ŋikito a ŋaraito, elosi akiyar keŋ kiŋaren ejok,
nai ejok aberu ŋina nyitoroniyaritae akilo ŋuluarei ŋul.
20Italakarete etau epiini ka aeo,
nai ejok nooi amina ŋina a ŋikonei akilo ŋuluarei ŋul.
21Eyaunete eruye ka apilu ka aduŋgu aeo ŋina abobon,
nai ejok nooi etoil ŋolo eo ejok akilo ŋuluarei ŋul.
22Iburit akoŋu akiŋolikin ajokis ka akibuses,
nai ejok akilo ŋuluarei ŋul akiŋolikin ŋikinyom elomunete.
23Ijaunitae ekone, kori irukitos ŋapakio daadaŋ,
nai ejok aberu ŋina aoson akilo ŋuluarei ŋul.
24Erae ŋiyeneta ka ŋikeŋarakinak ŋulu iitana apaki ŋina a ŋican,
nai iikiunete ŋainakineta ŋuna iinanakini iyoŋ ŋuluce akilo ŋuluarei ŋul.
25Itabarete egolid ka esilipa ituŋanan,
nai akitatamo ŋina ajokan, iloit ŋuluarei ŋul.
26Ikiinakinete ebari ka agogoŋu akikinyoma bon,
nai akitopoloorit Ekapolon, iloit ŋuluarei ŋul.
Emam ibore icanakin ituŋanan anakitopoloorit Ekapolon,
ido ani kitopoloorit ituŋanan Ekapolon, emam ajokis akiwarit akiŋarakino.
27Ikwaan akitopoloorit Ekapolon ka emanikor ŋolo eyai arereŋu,
ido ilopiyarito ŋun ituŋanan akilo adiopolou.
Aronis ŋina ka akilipanar
28Ikaakoku nyiruwor ikelipanaran anakiyar kon;
ejok atwanare akilo akilipanar.
29Ani kiŋolyanakini ituŋanan ibore ŋini eyai lomesa a ŋinice,
nyetamakinio akiyar keŋ erae akiyar.
Itajamuwar ituŋanan ŋuluce aŋuna a ŋamuja kec,
nai ituŋanan ŋini epiiryana ka kitatamitetei, ecoikinit ŋuna ikote ŋun.
30Ebobokinit ŋikelipanarak akirworo ŋakiro ŋuna ka akilipanar
nai eyenete ikes atemar nyejokak ŋun aneni a ŋuluce.
Currently Selected:
Sir 40: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 40
40
Akiyaloloŋ a ŋituŋa
1Aponi kiwuakinae etic ŋolo agogoŋon aŋuna a ŋituŋa a daadaŋ
ka aponi kiwuakinae ayokot ŋina apotyon neni a ŋiletok ka Adam,
aponi kiwuakinae ŋun ameun anapaki a ŋina alomuniata ikes anakookyes atatoto kec akitodol akoloŋit ŋina eboŋoryata ikes nalup ŋuna etiyaunere ŋituŋa daadaŋ.
2Aŋayaŋayat ka akuryanu ŋina ke etau erae ŋuna kec
ka erae ŋina kec akiyaloloŋ a ŋatameta kec aŋuna ka akoloŋit a ŋina ka atwanare kec.
3Eyakaun ŋun neni a ŋini eyai lokicoloŋ ŋolo ka apolou
akitodol neni a ŋini eperi aŋuna a ŋican keŋ napuwa ka lokuron.
4eyakaun ŋun neni a ŋini enapit ŋilowi ŋulu kipura ka ebokot,
akitodol neni a ŋini enapit ŋiguniyae,
5eyakasi anyunyura, alilit, ŋican ka amamukau akieŋun,
akuryanu aŋuna ka atwanare ka aŋoit ta ebura.
Ani ŋina ieŋunia ituŋanan alokitaada keŋ,
isiguryaete ŋajo keŋ nakwaare ŋatameta keŋ.
6Ieŋununui iŋes apaki ŋina edit, kori nyieŋununui;
ikolerit iŋes anajo lopite ŋolopei nyejotoo naparan.
Iteryamunito iŋes ŋitorubei ŋulu eya natameta keŋ ŋican
ikwa ituŋanan ŋini abucun alojie.
7Ani edoli iŋes neni eiunor, tokyenyu,
ekenyuni nai iŋes ebulit etami atemar kemam ibore emaikina iŋes ebulitor.
8Eyakaunun nu neni a ŋisubuna a daadaŋ, neni a ŋituŋa ka ŋityaŋ
nai eyakaunun nooi ŋarwa ŋakanikaarei neni a ŋikasecak,
9eyakaun atwanare, aara, ejie, aara a ŋileŋia, ŋican, eron ka akinyasuno ta ŋidekesyo.
10Aponi tosubakinae ŋun daadaŋ aŋuna a ŋulu aronok ka aŋuna kec abu bu akalele.
11Eboŋorete kwap daadaŋ ŋulu erae ŋulu ka akwap
ka ŋulu alokidiama eboŋorete kidiama.
Nyerubakini amamukau akiyookino elosi kiŋaren
12Elemaryo jik ŋakaluŋuluŋui ka amamukau akiyookino,
nai erubakini anupit ŋina ajokan ŋikaru ka ŋikaru.
13Edaun ebari a ŋulu emamukatar akiyookino lopite ŋolo edaunotor ŋakipi anaŋolol,
eŋopiyarete lopite ŋolo eŋopiyarya agirokinet a akiru a ŋina apolon.
14Ikwapei eyakar ituŋanan ŋini arimaanan ŋakiro ŋuna emaikina tolelyania,
aŋun, emunaar nooi ŋulu ebilibiliyete ŋikisila.
15Eyakaunotor ŋidwe a ŋulu nyiwuapito ŋuna ka Akuj ŋarereŋisyo ŋuna ekudyoko,
ikwaanikin ikes ka ekitoe ŋolo elomunit anataaba aneni ekudyoko ŋalup.
16Erutoryo atipei eot ŋolo elomunit alodiyete ŋakipi, kori alokipetot ka aŋolol,
itiyao ŋun eriŋa nyerutoro ŋinya ŋuluce.
17Nai ikoni arimaanut emanikor ŋolo eyakatar ŋarereŋisyo,
ido erubakini ainanakin ŋainanakineta eyai ŋikaru ka ŋikaru.
Alelyanu ŋina ka kiyar
18Erae eropit ŋolo a elap, kori a koloŋit ka apei ibore ŋini itoboboe akiyar,
nai aryamun ebari iloit ŋuluarei ŋul.
19aryamun ŋidwe kori adukokin etaun, iturubakini ekiro a ituŋanan,
nai aryamun aosou iloit ŋulaarei ŋul.
Ani eyakar ituŋanan ŋaatuk, kori emanikor a ŋikito a ŋaraito, elosi akiyar keŋ kiŋaren ejok,
nai ejok aberu ŋina nyitoroniyaritae akilo ŋuluarei ŋul.
20Italakarete etau epiini ka aeo,
nai ejok nooi amina ŋina a ŋikonei akilo ŋuluarei ŋul.
21Eyaunete eruye ka apilu ka aduŋgu aeo ŋina abobon,
nai ejok nooi etoil ŋolo eo ejok akilo ŋuluarei ŋul.
22Iburit akoŋu akiŋolikin ajokis ka akibuses,
nai ejok akilo ŋuluarei ŋul akiŋolikin ŋikinyom elomunete.
23Ijaunitae ekone, kori irukitos ŋapakio daadaŋ,
nai ejok aberu ŋina aoson akilo ŋuluarei ŋul.
24Erae ŋiyeneta ka ŋikeŋarakinak ŋulu iitana apaki ŋina a ŋican,
nai iikiunete ŋainakineta ŋuna iinanakini iyoŋ ŋuluce akilo ŋuluarei ŋul.
25Itabarete egolid ka esilipa ituŋanan,
nai akitatamo ŋina ajokan, iloit ŋuluarei ŋul.
26Ikiinakinete ebari ka agogoŋu akikinyoma bon,
nai akitopoloorit Ekapolon, iloit ŋuluarei ŋul.
Emam ibore icanakin ituŋanan anakitopoloorit Ekapolon,
ido ani kitopoloorit ituŋanan Ekapolon, emam ajokis akiwarit akiŋarakino.
27Ikwaan akitopoloorit Ekapolon ka emanikor ŋolo eyai arereŋu,
ido ilopiyarito ŋun ituŋanan akilo adiopolou.
Aronis ŋina ka akilipanar
28Ikaakoku nyiruwor ikelipanaran anakiyar kon;
ejok atwanare akilo akilipanar.
29Ani kiŋolyanakini ituŋanan ibore ŋini eyai lomesa a ŋinice,
nyetamakinio akiyar keŋ erae akiyar.
Itajamuwar ituŋanan ŋuluce aŋuna a ŋamuja kec,
nai ituŋanan ŋini epiiryana ka kitatamitetei, ecoikinit ŋuna ikote ŋun.
30Ebobokinit ŋikelipanarak akirworo ŋakiro ŋuna ka akilipanar
nai eyenete ikes atemar nyejokak ŋun aneni a ŋuluce.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.