Sir 34
34
Emam apolou eyai nakirujaeta
(Ŋikis. 13:1-5, 18:9-14)
1Ŋakiro ŋunakoŋinae ka alyokonu ikes erae akigeno a ŋulu emamukatar ayenut,
ido elakanarosi ŋibaŋaanotin nooi aŋuna a ŋakirujaeta.
2Ituŋanan daadaŋ ŋini enupit neni a ŋakirujaeta,
ikwaan ka ŋini ecamit akikamun etorube keŋ, kori ŋini irisit ekuwuam.
3Ibore ŋini etakani anakirujaeta, erae etorube a ŋini sek eyai natameta,
etorube ŋolo ikoni ŋolopei kon iŋolikini anaroet.
4Ipedori mono iyoŋ aroa anibore a ŋini eeŋoryana ido totakanu etorube kon ejok a?
Epedori mono ibore ŋini nyerae ŋini a kire aruwor ŋini a kire a?
5Nyerae ŋuna a kire akidwar ŋuna aronok, ŋakikukujaeta ka ŋakirujaeta,
ido lopite ŋolo eyakaunor aberu naryeba ŋina ka akidoun,
ŋatameta daŋ, eyakatar ŋitorubei ŋulu sek ikitatamitae iyoŋ aŋuna kec.
6Mati erae etorube ŋol akisileerekinet aneni ka Akuj, nyimitak ŋuna irujae iyoŋ;
7anerae amodikis ŋakirujaeta ŋulu alalak,
ido amunyarosi ŋulu iwuakinito akigeno kec nakirujaeta.
8Ani kemamukaun amodiyo ŋina ikoni ŋin, isiyookinio ŋuna a ŋikisila
ka iyookin ŋuna ka aosou alorwor a ŋulu eyakatar akikinyoma.
Isikwaanitae eketataman ka ituŋanan ŋini itiyat ŋikaru ŋulu alalak
9Eyeni ituŋanan ŋini esyomit ŋiboro ŋulu alalak
ka ŋini itiyat ŋikaru ŋulu alalak, eyeni ŋuna irworo iŋes.
10Ituŋanan ŋini nyitiyat ŋikaru ŋulu alalak, eyeni ŋiboro ŋulu ekudyoko, 11nai ituŋanan ŋini elosit nakiboisyo ŋuna alalak, eryamunit aosou ŋina alalan.
12Anyu ayoŋ ŋiboro ŋulu alalak analosenen kaŋ nakiboisyo
ka ayenu ayoŋ ŋuna alalak ŋuna nyapedorit alimun daadaŋ.
13Abu ayoŋ ŋapakio ŋuna alalak oyakaun locan ŋulu adikino atwania,
nai abu obucunun aŋuna abunio oyenunia epite ŋolo ibucunor.
Kitopoloorito Ekapolon
14Eyarete ŋitai a ŋulu itopoloorito Ekapolon,
15anerae eyai akigeno kec neni a ŋolo eiununui ikes.
16Emam ekaile eyakaun neni a ŋulu itopoloorito Ekapolon,
kori nyekuryaketa ikes, anerae Ekapolon erae akigeno kec.
17Elakara akiyar a ituŋanan a ŋini itopoloorit Ekapolon.
18Neni a ŋae iwuakinit iŋes ŋatameta keŋ? Ŋae ekeŋarakinan keŋ?
19ite Ekapolon ŋulu eminasi iŋes,
erae iŋes aupal ŋina ka apedor ka ekeŋarakinan ŋolo agogoŋon,
ekemukoron alokuwuam a ŋolo ekusi nooi ka etolim anapaki a ŋina emwania akoloŋ kidiŋ apaaran,
eketenan ikotere nyikigukis ŋatyokisyo,
ekeŋarakinan ikotere nyibusokin.
20isimukyanakini iŋes akiyar, ido inak ŋakonyen akikieny ejok,
ikiinakini iŋes aŋaleu a ŋawat, akiyar ka arereŋu.
Ainanakin ŋamuronisya
21Ani keinaki ituŋanan amuronot ŋina edemunitae ŋinice,
erae ainakinet ŋin ŋina itoroniyaritae;
22nyecamunio ŋainakineta a ŋulu nyiwuapito ŋikisila ka Akuj.
23Nyitalakarito Akuj ŋina alokidiama nooi ŋainakineta a ŋulu nyiwuapito ŋuna ka Akuj,
kori nyisyoni iŋes ŋasecisya kec aŋuna a ŋamuronisya a ŋuna alalak.
24Ikwaan ituŋanan ŋini einakini amuronot aloboro a ekulyakit
ka ŋini eari lokoku a ŋinice alokiŋaren papa keŋ.
25Erae akimuj akiyar aneni a ŋulu a ŋican;
ŋini edemari ikes akimuj, aar ikes erae akiar.
26Ani kilema iyoŋ ibore ŋini eyarya ikidunyet kon, erae aarit iarit iyoŋ iŋes.
27Ani kimik iyoŋ eketiyan eropit keŋ, erae akiar iarit iyoŋ iŋes.
28Ani keduki ipei, ido toritaanari ŋinice,
nyo eryamunete ŋituŋa ŋul akilo etic ŋolo agogoŋon?
29Ani kilipi ipei, ido kilama ŋinice,
ŋakiro a ŋae epupokini Ekapolon?
30Ani kiloŋar ipei kedau akitap ikatwan,
ido totap nabo, nyo aryamu iŋes anakiloŋar keŋ?
31Aŋun, ani kiredak ituŋanan akiron aŋuna a ŋasecisya keŋ,
ido toboŋok nabo akisec,
ŋae iirari akilip keŋ?
nabo nyo eryamuni iŋes anakitiditeun bon?
Currently Selected:
Sir 34: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 34
34
Emam apolou eyai nakirujaeta
(Ŋikis. 13:1-5, 18:9-14)
1Ŋakiro ŋunakoŋinae ka alyokonu ikes erae akigeno a ŋulu emamukatar ayenut,
ido elakanarosi ŋibaŋaanotin nooi aŋuna a ŋakirujaeta.
2Ituŋanan daadaŋ ŋini enupit neni a ŋakirujaeta,
ikwaan ka ŋini ecamit akikamun etorube keŋ, kori ŋini irisit ekuwuam.
3Ibore ŋini etakani anakirujaeta, erae etorube a ŋini sek eyai natameta,
etorube ŋolo ikoni ŋolopei kon iŋolikini anaroet.
4Ipedori mono iyoŋ aroa anibore a ŋini eeŋoryana ido totakanu etorube kon ejok a?
Epedori mono ibore ŋini nyerae ŋini a kire aruwor ŋini a kire a?
5Nyerae ŋuna a kire akidwar ŋuna aronok, ŋakikukujaeta ka ŋakirujaeta,
ido lopite ŋolo eyakaunor aberu naryeba ŋina ka akidoun,
ŋatameta daŋ, eyakatar ŋitorubei ŋulu sek ikitatamitae iyoŋ aŋuna kec.
6Mati erae etorube ŋol akisileerekinet aneni ka Akuj, nyimitak ŋuna irujae iyoŋ;
7anerae amodikis ŋakirujaeta ŋulu alalak,
ido amunyarosi ŋulu iwuakinito akigeno kec nakirujaeta.
8Ani kemamukaun amodiyo ŋina ikoni ŋin, isiyookinio ŋuna a ŋikisila
ka iyookin ŋuna ka aosou alorwor a ŋulu eyakatar akikinyoma.
Isikwaanitae eketataman ka ituŋanan ŋini itiyat ŋikaru ŋulu alalak
9Eyeni ituŋanan ŋini esyomit ŋiboro ŋulu alalak
ka ŋini itiyat ŋikaru ŋulu alalak, eyeni ŋuna irworo iŋes.
10Ituŋanan ŋini nyitiyat ŋikaru ŋulu alalak, eyeni ŋiboro ŋulu ekudyoko, 11nai ituŋanan ŋini elosit nakiboisyo ŋuna alalak, eryamunit aosou ŋina alalan.
12Anyu ayoŋ ŋiboro ŋulu alalak analosenen kaŋ nakiboisyo
ka ayenu ayoŋ ŋuna alalak ŋuna nyapedorit alimun daadaŋ.
13Abu ayoŋ ŋapakio ŋuna alalak oyakaun locan ŋulu adikino atwania,
nai abu obucunun aŋuna abunio oyenunia epite ŋolo ibucunor.
Kitopoloorito Ekapolon
14Eyarete ŋitai a ŋulu itopoloorito Ekapolon,
15anerae eyai akigeno kec neni a ŋolo eiununui ikes.
16Emam ekaile eyakaun neni a ŋulu itopoloorito Ekapolon,
kori nyekuryaketa ikes, anerae Ekapolon erae akigeno kec.
17Elakara akiyar a ituŋanan a ŋini itopoloorit Ekapolon.
18Neni a ŋae iwuakinit iŋes ŋatameta keŋ? Ŋae ekeŋarakinan keŋ?
19ite Ekapolon ŋulu eminasi iŋes,
erae iŋes aupal ŋina ka apedor ka ekeŋarakinan ŋolo agogoŋon,
ekemukoron alokuwuam a ŋolo ekusi nooi ka etolim anapaki a ŋina emwania akoloŋ kidiŋ apaaran,
eketenan ikotere nyikigukis ŋatyokisyo,
ekeŋarakinan ikotere nyibusokin.
20isimukyanakini iŋes akiyar, ido inak ŋakonyen akikieny ejok,
ikiinakini iŋes aŋaleu a ŋawat, akiyar ka arereŋu.
Ainanakin ŋamuronisya
21Ani keinaki ituŋanan amuronot ŋina edemunitae ŋinice,
erae ainakinet ŋin ŋina itoroniyaritae;
22nyecamunio ŋainakineta a ŋulu nyiwuapito ŋikisila ka Akuj.
23Nyitalakarito Akuj ŋina alokidiama nooi ŋainakineta a ŋulu nyiwuapito ŋuna ka Akuj,
kori nyisyoni iŋes ŋasecisya kec aŋuna a ŋamuronisya a ŋuna alalak.
24Ikwaan ituŋanan ŋini einakini amuronot aloboro a ekulyakit
ka ŋini eari lokoku a ŋinice alokiŋaren papa keŋ.
25Erae akimuj akiyar aneni a ŋulu a ŋican;
ŋini edemari ikes akimuj, aar ikes erae akiar.
26Ani kilema iyoŋ ibore ŋini eyarya ikidunyet kon, erae aarit iarit iyoŋ iŋes.
27Ani kimik iyoŋ eketiyan eropit keŋ, erae akiar iarit iyoŋ iŋes.
28Ani keduki ipei, ido toritaanari ŋinice,
nyo eryamunete ŋituŋa ŋul akilo etic ŋolo agogoŋon?
29Ani kilipi ipei, ido kilama ŋinice,
ŋakiro a ŋae epupokini Ekapolon?
30Ani kiloŋar ipei kedau akitap ikatwan,
ido totap nabo, nyo aryamu iŋes anakiloŋar keŋ?
31Aŋun, ani kiredak ituŋanan akiron aŋuna a ŋasecisya keŋ,
ido toboŋok nabo akisec,
ŋae iirari akilip keŋ?
nabo nyo eryamuni iŋes anakitiditeun bon?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.