Sir 27
27
1Etiyata ŋituŋa ŋulu alalak ŋuna ka asecit aŋuna ka aryamunia epoida ka ikes ŋulu iwarito akibar, eŋerete akitere ŋuna iyookino.
2Lopite ŋolo ibubukinere asesit neni ebait alokidiŋ ŋamoru, ibubukinitoe asecit daŋ kidiŋ agyelanar ka agyelunun.
3Ani kiryaŋiryaŋa ituŋanan anakitopoloorit Ekapolon, inyasunio ekal keŋ atipei.
Ŋakikatanakineta anakiyar
4Ani ikeikyakinio akeeke, etakanunete ŋiboorei ŋulu nyecamitae,
alopite a ŋolopei, ani irworikini ituŋanan, etakanuni adyekaret keŋ.
5Ikatakinio amot a ekayan aneni icunyere ŋamoti, aŋun, eryamun akikatakino a ituŋanan alotooma ekiyan keŋ.
6Isileereunete ŋaraito keŋ ekitoe erae kedupakinitae ejok; aŋun, isileereuni erwor a ituŋanan ŋuna iwuakinit ituŋanan natameta keŋ.
7Nyipur ituŋanan idio eriŋa nyirworikina, anerae erae ŋol epite ŋolo ikatanakinere ŋituŋa.
Eropit ka akisicanio
8Ani kiwuap iyoŋ ŋuna a akiyookino, iryamuni iyoŋ akiyookino, ido inapi iŋes ikwa ekaaso ŋolo ka apolou.
9Eperete ŋikyeny ŋulu ikwaan kaapei, aŋun, ebuni akitiya ŋuna a kire neni a ŋulu itiyaete ŋun.
10Epedori eŋatuny auryanikin edapit etyaŋ ŋolo ecamit akikamun tonyam, ikoni asecit daŋ nen aneni a ŋulu itiyaete asecit.
Ŋirworisya ŋulu egelegelya
11Eyai a ŋinapaki aosou lokiyan ŋolo a ŋulu itopoloorito Akuj,
nai iloconokini ebaŋ ekiyan keŋ lopite ŋolo iloconokinor elap.
12Ani irukito iyoŋ ka ŋibaŋaanotin kituuruwan apaki ŋina iyakar iyoŋ nen,
nai ani irukito iyoŋ ka ŋituŋa ŋulu atamak nooi, kiboi a nen ekaoyan ipupi ŋakiro kec.
13Erae erwor a ŋibaŋaanotin ŋolo ikitoŋoi
ka akyena kec ŋakiro car ekaoyan erae ŋina ka asecit.
14Epedorete ŋicen kec ka akikoŋ kec akitubul ituŋanan towua ŋitim anakou
ka epedori ebura kec akiteŋer ŋituŋa ŋice akipup ŋakiro kec.
15Epedorete ŋiburasyo a ŋiketurok ayaun atwanare ka epedorete ŋiyany kec ŋulu esiiryakinak akiteŋer akipup epite ŋolo iyanyanarotor ikes.
Akisileereun ŋuna imunono
(Ŋakit. 20:19, 25:9)
16Ituŋanan daadaŋ ŋini isileereuni ŋuna imunono,
emunaari akikinyomit iŋes ka nyepedori aryamun ekone ŋolo eminin ka iŋes. 17Tomina ekone kon ka kikinyoma ka iŋes;
nai ani kisileereu iyoŋ ŋuna keŋ ŋuna imunono, nyiruko ka iŋes nabo,
18anerae lopite ŋolo emunaarya ituŋanan emoit keŋ,
idau iyoŋ amunaar akoneo kon ka ikidunyet kon.
19Ikwaŋina imyekinia iyoŋ ikenyit eporori anakan kon,
idau iyoŋ akimyekin ikidunyet kon ikimyekini iyoŋ, ido nyiryamuni iyoŋ iŋes nabo.
20Nyiwuapak iŋes anerae aeka iŋes aneni kon,
arotoki iŋes aneni kon lopite ŋolo eemya agete anauno.
21Epedoryo ajeme akien, ido epedor emoronit aesikin kisilae, nai ituŋanan daadaŋ ŋini isileereuni ŋuna imunono, emamukar akigeno.
Ŋisoswae ka akisicanio
22Ituŋanan daadaŋ ŋini ediwanakini akoŋu,
eye akiwan ŋinice ka eesikinete iŋes ŋulu eyenete.
23Ani irukito iyoŋ ka iŋes, itobobot iŋes ŋakiro keŋ,
ido itojokit iŋes ŋuna irworo iyoŋ; nai ekaku ijulakini iŋes ekeerwor, ido ikiluk iyoŋ a ŋakiro kon pei.
24Adau ayoŋ akitoroniyar ŋiboro ŋulu alalak,
nai ituŋanan ŋini ikoni nen iŋes etoroniyarit ayoŋ akilo daadaŋ, Ekapolon daŋ itoroniyarit ituŋanan ŋin.
25Ituŋanan daadaŋ ŋini imasari amoru kidiama akou keŋ, iyoun nakou keŋ a ilope,
ani kinaŋ iyoŋ ŋinice ililikinit nooi, iyoŋ bon iryamuni ŋajemei ŋuna alalak.
26Ituŋanan daadaŋ ŋini eboki akipany ikotere imasakin ŋuluce,
elomari iŋes pei tooma ka ŋini elokakinit atacit ikotere irumi ŋuluce, irumi atacit iŋes pei.
27Ani kitiyae ituŋanan aronis, eboŋokini iŋes pei aronis
ka nyeyenuni iŋes neni kebunio aronis ŋin.
28ebuneene ajamuwanar ka akiyanyanar aneni a ŋiketurok,
nai idarit anyaŋan ikes ikwa eŋatuny.
29Ŋituŋa ŋulu elelyanete aŋuna eryamunitotor ŋulu ikinyomito Akuj ŋican,
elomarete locan, ido ipyedari ikes aryeba eriŋa nyetwaka.
Aŋoit ka akinyaŋanar
30Erae aŋoit ka anyunyura daŋ asiilyo, nai erubakinit ekasecan imiidikina akitiya ŋun.
Currently Selected:
Sir 27: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 27
27
1Etiyata ŋituŋa ŋulu alalak ŋuna ka asecit aŋuna ka aryamunia epoida ka ikes ŋulu iwarito akibar, eŋerete akitere ŋuna iyookino.
2Lopite ŋolo ibubukinere asesit neni ebait alokidiŋ ŋamoru, ibubukinitoe asecit daŋ kidiŋ agyelanar ka agyelunun.
3Ani kiryaŋiryaŋa ituŋanan anakitopoloorit Ekapolon, inyasunio ekal keŋ atipei.
Ŋakikatanakineta anakiyar
4Ani ikeikyakinio akeeke, etakanunete ŋiboorei ŋulu nyecamitae,
alopite a ŋolopei, ani irworikini ituŋanan, etakanuni adyekaret keŋ.
5Ikatakinio amot a ekayan aneni icunyere ŋamoti, aŋun, eryamun akikatakino a ituŋanan alotooma ekiyan keŋ.
6Isileereunete ŋaraito keŋ ekitoe erae kedupakinitae ejok; aŋun, isileereuni erwor a ituŋanan ŋuna iwuakinit ituŋanan natameta keŋ.
7Nyipur ituŋanan idio eriŋa nyirworikina, anerae erae ŋol epite ŋolo ikatanakinere ŋituŋa.
Eropit ka akisicanio
8Ani kiwuap iyoŋ ŋuna a akiyookino, iryamuni iyoŋ akiyookino, ido inapi iŋes ikwa ekaaso ŋolo ka apolou.
9Eperete ŋikyeny ŋulu ikwaan kaapei, aŋun, ebuni akitiya ŋuna a kire neni a ŋulu itiyaete ŋun.
10Epedori eŋatuny auryanikin edapit etyaŋ ŋolo ecamit akikamun tonyam, ikoni asecit daŋ nen aneni a ŋulu itiyaete asecit.
Ŋirworisya ŋulu egelegelya
11Eyai a ŋinapaki aosou lokiyan ŋolo a ŋulu itopoloorito Akuj,
nai iloconokini ebaŋ ekiyan keŋ lopite ŋolo iloconokinor elap.
12Ani irukito iyoŋ ka ŋibaŋaanotin kituuruwan apaki ŋina iyakar iyoŋ nen,
nai ani irukito iyoŋ ka ŋituŋa ŋulu atamak nooi, kiboi a nen ekaoyan ipupi ŋakiro kec.
13Erae erwor a ŋibaŋaanotin ŋolo ikitoŋoi
ka akyena kec ŋakiro car ekaoyan erae ŋina ka asecit.
14Epedorete ŋicen kec ka akikoŋ kec akitubul ituŋanan towua ŋitim anakou
ka epedori ebura kec akiteŋer ŋituŋa ŋice akipup ŋakiro kec.
15Epedorete ŋiburasyo a ŋiketurok ayaun atwanare ka epedorete ŋiyany kec ŋulu esiiryakinak akiteŋer akipup epite ŋolo iyanyanarotor ikes.
Akisileereun ŋuna imunono
(Ŋakit. 20:19, 25:9)
16Ituŋanan daadaŋ ŋini isileereuni ŋuna imunono,
emunaari akikinyomit iŋes ka nyepedori aryamun ekone ŋolo eminin ka iŋes. 17Tomina ekone kon ka kikinyoma ka iŋes;
nai ani kisileereu iyoŋ ŋuna keŋ ŋuna imunono, nyiruko ka iŋes nabo,
18anerae lopite ŋolo emunaarya ituŋanan emoit keŋ,
idau iyoŋ amunaar akoneo kon ka ikidunyet kon.
19Ikwaŋina imyekinia iyoŋ ikenyit eporori anakan kon,
idau iyoŋ akimyekin ikidunyet kon ikimyekini iyoŋ, ido nyiryamuni iyoŋ iŋes nabo.
20Nyiwuapak iŋes anerae aeka iŋes aneni kon,
arotoki iŋes aneni kon lopite ŋolo eemya agete anauno.
21Epedoryo ajeme akien, ido epedor emoronit aesikin kisilae, nai ituŋanan daadaŋ ŋini isileereuni ŋuna imunono, emamukar akigeno.
Ŋisoswae ka akisicanio
22Ituŋanan daadaŋ ŋini ediwanakini akoŋu,
eye akiwan ŋinice ka eesikinete iŋes ŋulu eyenete.
23Ani irukito iyoŋ ka iŋes, itobobot iŋes ŋakiro keŋ,
ido itojokit iŋes ŋuna irworo iyoŋ; nai ekaku ijulakini iŋes ekeerwor, ido ikiluk iyoŋ a ŋakiro kon pei.
24Adau ayoŋ akitoroniyar ŋiboro ŋulu alalak,
nai ituŋanan ŋini ikoni nen iŋes etoroniyarit ayoŋ akilo daadaŋ, Ekapolon daŋ itoroniyarit ituŋanan ŋin.
25Ituŋanan daadaŋ ŋini imasari amoru kidiama akou keŋ, iyoun nakou keŋ a ilope,
ani kinaŋ iyoŋ ŋinice ililikinit nooi, iyoŋ bon iryamuni ŋajemei ŋuna alalak.
26Ituŋanan daadaŋ ŋini eboki akipany ikotere imasakin ŋuluce,
elomari iŋes pei tooma ka ŋini elokakinit atacit ikotere irumi ŋuluce, irumi atacit iŋes pei.
27Ani kitiyae ituŋanan aronis, eboŋokini iŋes pei aronis
ka nyeyenuni iŋes neni kebunio aronis ŋin.
28ebuneene ajamuwanar ka akiyanyanar aneni a ŋiketurok,
nai idarit anyaŋan ikes ikwa eŋatuny.
29Ŋituŋa ŋulu elelyanete aŋuna eryamunitotor ŋulu ikinyomito Akuj ŋican,
elomarete locan, ido ipyedari ikes aryeba eriŋa nyetwaka.
Aŋoit ka akinyaŋanar
30Erae aŋoit ka anyunyura daŋ asiilyo, nai erubakinit ekasecan imiidikina akitiya ŋun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.