Ŋirom. ŊUNA EGEUNETE
ŊUNA EGEUNETE
Egirit Paulo abaruwa keŋ neni a Ŋiromanin aŋuna ka akitemokin apeyo keŋ natukot a Ŋikristo alo Roma. Ŋuna ayeunit iŋes, arae akitiya apaki ŋina euruwuana aneni a Ŋikristo a nen, ido nai anakigaŋakinet kec, tolot tari Sipania. Abu iŋes kisileereu anabaruwa ŋuna ka anupit a Ŋikristo ŋuna ayeni iŋes ka ŋuna atapito anupit ŋin anakiyar a Ŋikristo. Eyakasi ŋakiro a Paulo ŋuna apolok alorwor keŋ lokitaabo lo.
Ani kedau iŋes akimal atukot a Ŋikristo alo Roma ka alimokin ikes akilip keŋ aŋuna kec, irworit Paulo ŋuna epolok anabaruwa, “Isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet” (1:17).
Ekaku a ŋun, isyakinit Paulo anakirot a na: ituŋanan daadaŋ, Eyudayat ka ŋini nyerae Eyudayat, iitanit akituruworo ŋini iyookino alokiŋaren Akuj, anerae ipukat asecit ikes daadaŋ. Ituruwonorio ŋituŋa ŋulu iyookino alokiŋaren Akuj alotooma anupit neni a Yesu Kristo. Ŋuna etupakinete ŋun, elimunit Paulo neni ikoni akiyar ŋina kitete ŋina ka akimorikina ka Kristo ŋina eryamun anayena a ŋina kitete ka Akuj. Isilito ekanupan ka Akuj, ido elacakinit Etau ŋolo ka Akuj iŋes anapedor a ŋina ka asecit ka atwanare.
Alokekya 5-8, elimunit nabo Paulo apolou ŋina a Ŋikisila ka Akuj ka apedor ŋina ke Etau a ŋolo ka Akuj anakiyar ke ekanupan. Nabo etamatamae nooi ekiyakia ŋakiro ŋuna epedoryata Ŋiyudayan ka ŋulu nyerae Ŋiyudayan ayakaun kaapei alotooma ŋuna etubunit Akuj aŋuna a ŋituŋa. Eŋetakinit iŋes ebala arae aŋerit a Ŋiyudayan Yesu atyaketait ŋina a ŋakiro a ŋuna etubunit Akuj ayaunia ŋituŋa daadaŋ todolo najokis keŋ alotooma Yesu Kristo. Enupit Paulo atemar nyerubakinete Ŋiyudayan jwi jwi eŋerito Yesu.
Ŋuna esidyok, igirit Paulo epite ŋolo itemokino Ekristoit kiboiyo anakiyar keŋ, nooi ŋakiro ŋuna ka amina ka erukitene ka ŋuluce. Ebala iŋes erae ŋakiro ŋun akijaanakin Akuj, etic a Ŋikristo neni ka apukan, neni a ŋinice ka ayakau ka ŋatameta ŋuna ecayete. Irikakinit iŋes abaruwa a ŋakiro keŋ ke elope ka ŋuna ka akipuro neni ka Akuj.
Currently Selected:
Ŋirom. ŊUNA EGEUNETE: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋirom. ŊUNA EGEUNETE
ŊUNA EGEUNETE
Egirit Paulo abaruwa keŋ neni a Ŋiromanin aŋuna ka akitemokin apeyo keŋ natukot a Ŋikristo alo Roma. Ŋuna ayeunit iŋes, arae akitiya apaki ŋina euruwuana aneni a Ŋikristo a nen, ido nai anakigaŋakinet kec, tolot tari Sipania. Abu iŋes kisileereu anabaruwa ŋuna ka anupit a Ŋikristo ŋuna ayeni iŋes ka ŋuna atapito anupit ŋin anakiyar a Ŋikristo. Eyakasi ŋakiro a Paulo ŋuna apolok alorwor keŋ lokitaabo lo.
Ani kedau iŋes akimal atukot a Ŋikristo alo Roma ka alimokin ikes akilip keŋ aŋuna kec, irworit Paulo ŋuna epolok anabaruwa, “Isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet” (1:17).
Ekaku a ŋun, isyakinit Paulo anakirot a na: ituŋanan daadaŋ, Eyudayat ka ŋini nyerae Eyudayat, iitanit akituruworo ŋini iyookino alokiŋaren Akuj, anerae ipukat asecit ikes daadaŋ. Ituruwonorio ŋituŋa ŋulu iyookino alokiŋaren Akuj alotooma anupit neni a Yesu Kristo. Ŋuna etupakinete ŋun, elimunit Paulo neni ikoni akiyar ŋina kitete ŋina ka akimorikina ka Kristo ŋina eryamun anayena a ŋina kitete ka Akuj. Isilito ekanupan ka Akuj, ido elacakinit Etau ŋolo ka Akuj iŋes anapedor a ŋina ka asecit ka atwanare.
Alokekya 5-8, elimunit nabo Paulo apolou ŋina a Ŋikisila ka Akuj ka apedor ŋina ke Etau a ŋolo ka Akuj anakiyar ke ekanupan. Nabo etamatamae nooi ekiyakia ŋakiro ŋuna epedoryata Ŋiyudayan ka ŋulu nyerae Ŋiyudayan ayakaun kaapei alotooma ŋuna etubunit Akuj aŋuna a ŋituŋa. Eŋetakinit iŋes ebala arae aŋerit a Ŋiyudayan Yesu atyaketait ŋina a ŋakiro a ŋuna etubunit Akuj ayaunia ŋituŋa daadaŋ todolo najokis keŋ alotooma Yesu Kristo. Enupit Paulo atemar nyerubakinete Ŋiyudayan jwi jwi eŋerito Yesu.
Ŋuna esidyok, igirit Paulo epite ŋolo itemokino Ekristoit kiboiyo anakiyar keŋ, nooi ŋakiro ŋuna ka amina ka erukitene ka ŋuluce. Ebala iŋes erae ŋakiro ŋun akijaanakin Akuj, etic a Ŋikristo neni ka apukan, neni a ŋinice ka ayakau ka ŋatameta ŋuna ecayete. Irikakinit iŋes abaruwa a ŋakiro keŋ ke elope ka ŋuna ka akipuro neni ka Akuj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.