Ŋilep. 9
9
Kisyakis ŋisacaradotin etic kec.
1Ani edolete ŋirwa ŋikanikauni, tonyarau Moses Aron ka ŋidwe keŋ ŋulusapa ta ŋikasikou ŋulu a Ŋisirael. 2Tema neni ka Aron, “Tolemu etaok ŋolo erae ainakinet aŋuna ka asecit ka emesek ŋolo erae ainakinet ŋina epeyo, emaikina ŋibaren ŋul erae ŋulu emam neni eŋwalit. Ya ikes neni ke Ekapolon ikwapei ainakinet. 3Tolimok Ŋisirael ebe, ‘Tolemutu ekoroe erae ainakinet aŋuna ka asecit ka itaok ta emesek ŋuluarei ŋul erae ainakinet ŋina epeyo ŋina emam neni eŋwalit ka emaikina erae apolou kec ekaru epei. 4Tolemutu emoŋ ke emesek erae ainakinet ŋina ke ekisil ŋina earyo alokiŋaren Ekapolon; yautu ŋainakineta ŋuna a ŋikinyom imorikinitae ka akimyet, anerae ebuni Ekapolon neni kus nakoloŋit na.’ ” 5Apotu nai Ŋisirael yaasi ŋiboro ŋulu alimokinit Moses ikes, kiwuakis kiŋaren epuke ke eema a ŋolo elipere; ido nai potu ŋituŋa daadaŋ diyete nen, towua alokiŋaren Ekapolon. 6Tema Moses neni kec, “Ŋakiro ŋun ikes abu Ekapolon ikicikak iyes akitiya, ikotere etakanuni akica ŋina ke Ekapolon neni kus.” 7Tema nai Moses neni ka Aron, “Toapiya namuroet, ido ya ainakinet kon aŋuna ka asecit ka ŋina epeyo, ikotere tomookun bon ka tomooku ŋituŋa ŋuluce daŋ, ya ainakinet ŋina a ŋituŋa daŋ, ikotere tomooku ikes; lopite ŋolo adaunia Ekapolon akicik.”
8Aŋun, abu Aron bu namuroet, toar etaok ŋol ŋolo arae ainakinet aŋuna ka asecit keŋ. 9Yaut ŋidwe keŋ ŋulusapa ŋaokot neni keŋ, kilumok iŋes ekimoin naokot, ido kiosak ŋaokot loboorei ŋulu asibito ŋamomwar anamuroet. Kipakak ŋaokot ŋunace daadaŋ neni ewuar namuroet. 10Nai abu Aron kicuny alokidiama namuroet ŋinerin lu ŋulu ka ainakinet aŋuna ka asecit: Asepwae ka ŋiŋalur ta ŋatune ŋuna ke emany, lopite ŋolo ecikitor Ekapolon Moses. 11Ya iŋes akiriŋ ke elou kicuny alokiŋa alomar.
12Kedau ŋun, abu Aron toar ainakinet ŋina epeyo yaut ŋidwe keŋ ŋulusapa neni keŋ ŋaokot, ido kipakak iŋes lowaetin anamuroet daadaŋ. 13Yaut ŋidwe ŋul neni ka Aron ŋinerin a ŋipeipei ŋulu ka ainakinet a ŋina epeyo kaapei ka akou, ido abu Aron kicuny alokidiama namuroet. 14Kilota ŋiboro ka akook ka ŋimolokony, kicuny alokidiama namuroet kaapei ka ainakinet ŋina epeyo, ŋina edokokino namuroet. 15Kedau ŋun, abu ya ainakinet ŋina a ŋituŋa ya ekoroe ŋolo arae ainakinet ŋina a ŋituŋa aŋuna ka asecit, toar ekoroe ŋol, inak neni ke Ekapolon erae ainakinet aŋuna ka asecit lopite ŋolo ainakinia ainakinet ŋina ke ekiŋaren. 16Kedau ŋun, yau ainakinet ŋina epeyo, inak neni ke Ekapolon lopite ŋolo elimunitere alokisila. 17Abu daŋ iŋes yau ainakinet ŋina a ŋikinyom, tomuk ŋakirya ŋuna eleleba akan, ido kicuny alokidiama namuroet, kiyatak neni a ŋainakineta a ŋuna epeyo a ŋinataparacu.
18Toar Aron emoŋ ke emesek erae ainakinet a ŋituŋa ŋina ke ekisil. Inakis ŋidwe keŋ ŋulusapa iŋes ŋaokot ŋuna abu iŋes, kipakak iŋes lowaetin ŋulu a namuroet daadaŋ. 19Nai abu iŋes tolemu ŋinerin lu: Asepwae ke emoŋ, ŋina ke emesek, asonyok, asepwae a ŋiboro ka akook, ŋiŋalur ka asepwae kec ta ŋatune ŋuna ke emany. 20Kidokokis ŋidwe ka Aron ŋulusapa asepwae ŋin kidiama ŋatorobwo a ŋibaren a ŋul, ido kicuny Aron asepwae ŋin alokidiama namuroet. 21Tolemu Aron ŋatorobwo ka ŋamuroi ŋuna aloteten ŋuna a ŋibaren a ŋul, kikyaa kidiama ikwapei ainakinet ŋina ikyaaritae alokiŋaren Ekapolon, lopite ŋolo ecikitor Moses iŋes.
22Ani kirikak Aron akitiya ŋun, kikyaa ŋakan keŋ neni aya ŋituŋa, kiterereŋ ikes. Kedau ainakin ainakinet aŋuna ka asecit, ainakinet ŋina epeyo ka ainakinet ŋina ke ekisil, abu todoku kwap. 23Toloto Moses ka Aron tolomasi loeema ŋolo elipere. Ani elomunete a nen, apotu kiterereŋo ŋituŋa; totakanu neni a ŋituŋa daadaŋ akica ŋina ke Ekapolon. 24Bu akim aneni ke Ekapolon, tonyamuwa ainakinet ŋina epeyo ka asepwae alokidiama namuroet; ani iŋolikinete ŋituŋa daadaŋ ŋun, tocelut elelyanete, ido toryediko kijuuroto.
Currently Selected:
Ŋilep. 9: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋilep. 9
9
Kisyakis ŋisacaradotin etic kec.
1Ani edolete ŋirwa ŋikanikauni, tonyarau Moses Aron ka ŋidwe keŋ ŋulusapa ta ŋikasikou ŋulu a Ŋisirael. 2Tema neni ka Aron, “Tolemu etaok ŋolo erae ainakinet aŋuna ka asecit ka emesek ŋolo erae ainakinet ŋina epeyo, emaikina ŋibaren ŋul erae ŋulu emam neni eŋwalit. Ya ikes neni ke Ekapolon ikwapei ainakinet. 3Tolimok Ŋisirael ebe, ‘Tolemutu ekoroe erae ainakinet aŋuna ka asecit ka itaok ta emesek ŋuluarei ŋul erae ainakinet ŋina epeyo ŋina emam neni eŋwalit ka emaikina erae apolou kec ekaru epei. 4Tolemutu emoŋ ke emesek erae ainakinet ŋina ke ekisil ŋina earyo alokiŋaren Ekapolon; yautu ŋainakineta ŋuna a ŋikinyom imorikinitae ka akimyet, anerae ebuni Ekapolon neni kus nakoloŋit na.’ ” 5Apotu nai Ŋisirael yaasi ŋiboro ŋulu alimokinit Moses ikes, kiwuakis kiŋaren epuke ke eema a ŋolo elipere; ido nai potu ŋituŋa daadaŋ diyete nen, towua alokiŋaren Ekapolon. 6Tema Moses neni kec, “Ŋakiro ŋun ikes abu Ekapolon ikicikak iyes akitiya, ikotere etakanuni akica ŋina ke Ekapolon neni kus.” 7Tema nai Moses neni ka Aron, “Toapiya namuroet, ido ya ainakinet kon aŋuna ka asecit ka ŋina epeyo, ikotere tomookun bon ka tomooku ŋituŋa ŋuluce daŋ, ya ainakinet ŋina a ŋituŋa daŋ, ikotere tomooku ikes; lopite ŋolo adaunia Ekapolon akicik.”
8Aŋun, abu Aron bu namuroet, toar etaok ŋol ŋolo arae ainakinet aŋuna ka asecit keŋ. 9Yaut ŋidwe keŋ ŋulusapa ŋaokot neni keŋ, kilumok iŋes ekimoin naokot, ido kiosak ŋaokot loboorei ŋulu asibito ŋamomwar anamuroet. Kipakak ŋaokot ŋunace daadaŋ neni ewuar namuroet. 10Nai abu Aron kicuny alokidiama namuroet ŋinerin lu ŋulu ka ainakinet aŋuna ka asecit: Asepwae ka ŋiŋalur ta ŋatune ŋuna ke emany, lopite ŋolo ecikitor Ekapolon Moses. 11Ya iŋes akiriŋ ke elou kicuny alokiŋa alomar.
12Kedau ŋun, abu Aron toar ainakinet ŋina epeyo yaut ŋidwe keŋ ŋulusapa neni keŋ ŋaokot, ido kipakak iŋes lowaetin anamuroet daadaŋ. 13Yaut ŋidwe ŋul neni ka Aron ŋinerin a ŋipeipei ŋulu ka ainakinet a ŋina epeyo kaapei ka akou, ido abu Aron kicuny alokidiama namuroet. 14Kilota ŋiboro ka akook ka ŋimolokony, kicuny alokidiama namuroet kaapei ka ainakinet ŋina epeyo, ŋina edokokino namuroet. 15Kedau ŋun, abu ya ainakinet ŋina a ŋituŋa ya ekoroe ŋolo arae ainakinet ŋina a ŋituŋa aŋuna ka asecit, toar ekoroe ŋol, inak neni ke Ekapolon erae ainakinet aŋuna ka asecit lopite ŋolo ainakinia ainakinet ŋina ke ekiŋaren. 16Kedau ŋun, yau ainakinet ŋina epeyo, inak neni ke Ekapolon lopite ŋolo elimunitere alokisila. 17Abu daŋ iŋes yau ainakinet ŋina a ŋikinyom, tomuk ŋakirya ŋuna eleleba akan, ido kicuny alokidiama namuroet, kiyatak neni a ŋainakineta a ŋuna epeyo a ŋinataparacu.
18Toar Aron emoŋ ke emesek erae ainakinet a ŋituŋa ŋina ke ekisil. Inakis ŋidwe keŋ ŋulusapa iŋes ŋaokot ŋuna abu iŋes, kipakak iŋes lowaetin ŋulu a namuroet daadaŋ. 19Nai abu iŋes tolemu ŋinerin lu: Asepwae ke emoŋ, ŋina ke emesek, asonyok, asepwae a ŋiboro ka akook, ŋiŋalur ka asepwae kec ta ŋatune ŋuna ke emany. 20Kidokokis ŋidwe ka Aron ŋulusapa asepwae ŋin kidiama ŋatorobwo a ŋibaren a ŋul, ido kicuny Aron asepwae ŋin alokidiama namuroet. 21Tolemu Aron ŋatorobwo ka ŋamuroi ŋuna aloteten ŋuna a ŋibaren a ŋul, kikyaa kidiama ikwapei ainakinet ŋina ikyaaritae alokiŋaren Ekapolon, lopite ŋolo ecikitor Moses iŋes.
22Ani kirikak Aron akitiya ŋun, kikyaa ŋakan keŋ neni aya ŋituŋa, kiterereŋ ikes. Kedau ainakin ainakinet aŋuna ka asecit, ainakinet ŋina epeyo ka ainakinet ŋina ke ekisil, abu todoku kwap. 23Toloto Moses ka Aron tolomasi loeema ŋolo elipere. Ani elomunete a nen, apotu kiterereŋo ŋituŋa; totakanu neni a ŋituŋa daadaŋ akica ŋina ke Ekapolon. 24Bu akim aneni ke Ekapolon, tonyamuwa ainakinet ŋina epeyo ka asepwae alokidiama namuroet; ani iŋolikinete ŋituŋa daadaŋ ŋun, tocelut elelyanete, ido toryediko kijuuroto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.