Ŋilep. 7
7
Ŋainakineta ŋuna ka awoun alemun ainakinet neni ke Ekapolon
1“‘Ŋikisila ŋulu emaikina kiwuapae aŋuna ka awoun alemun ainakinet neni ke Ekapolon. Erae ikes ŋikisila ŋulu aseg nooi: 2Emaikina ainakinet ŋina ka awoun alemun ainakinet neni ke Ekapolon yae toarakinae nakibois ŋina earanakinio ŋainakineta ŋuna epeyo, ido kipakakinae ŋaokot keŋ lowaetin anamuroet daadaŋ. 3Emaikina yaarae ŋasepwa a emesek a ŋol daadaŋ erae ainakinet asonyok, asepwae ŋina ka akook, 4ŋiŋalur ka asepwae kec ŋinapei alodiyete acir ka ŋatune ŋuna ke emany, emaikina tolemarae kaapei ka ŋiŋalur. 5Epedori nai esacaradoti akicuny ŋinerin ŋul daadaŋ alokidiama namuroet ikwapei ainakinet ŋina einakinitae Ekapolon aŋuna ka awoun alemun ainakinet neni ke Ekapolon. 6Emaikina ituŋanan daadaŋ ŋini erae ŋinisapat aloletok a ŋisacaradotin kimuj ainakinet ŋin, itemokino kimujae anakibois a ŋina asegan; erae ainakinet ŋin ŋina eseg nooi.
7“‘Ikwaan ainakinet ŋina ka awoun ainakinet neni ke Ekapolon ka ainakinet aŋuna ka asecit, ikwaan ŋikisila kec; emaikina esacaradoti ŋolo emookuni ituŋanan anasecisya a ŋun ya akiriŋ a ŋainakineta a ŋun. 8Nabo daŋ, emaikina esacaradoti ŋolo ijaanari ŋainakineta ŋuna epeyo, ya ŋilowi a ŋainakineta a ŋun toruwor ŋulu keŋ. 9Ŋainakineta a ŋikinyom daadaŋ ŋuna epeitoe alokeno ka daadaŋ ŋuna ipotoi ka asipirya, kori a ikalaat a ŋinibeleny, eruwor ŋuna ke esacaradoti a ŋolo eayenene ŋainakineta ŋun namuroet. 10Nai ŋainakineta a ŋikinyom ŋunace daadaŋ, iguritoe ka akimyet, kori eokito, emaikina eruwor ŋuna a ŋidwe ka Aron a ŋulusapa, totyaka ikes eriyan.
Ŋainakineta ŋuna ke ekisil ke Ekapolon
11“‘Ŋikisila ŋulu emaikina kiwuapae aŋuna a ŋainakineta a ŋuna ke ekisil ke Ekapolon, aŋuna eyauni ituŋanan neni ke Ekapolon. 12Ani keyau ituŋanan ainakinet aŋuna ka alakar keŋ neni ke Ekapolon, emaikina yau kaapei ka ŋamugati ŋuna emam ŋakinyalet, ŋuna iguritoe ka akimyet, ŋabisikotyo ŋuna emam ŋakinyalet ŋuna iositae akimyet, ŋimugati ŋulu cicik ŋulu ipounitoe anakirya a ŋuna ajokak a ŋuna itilorit akimyet. 13Emaikina ituŋanan ŋin yau ainakinet keŋ ŋina ka alakar neni ke Ekapolon kaapei ka ŋamugati ŋuna ipounitoe eya ŋakinyalet. 14Emaikina iŋes tolemu alotooma ŋina inakinet imugat ipei, yau erae ainakinet neni ke Ekapolon; eruwor ŋimugati ŋul ŋulu ke esacaradoti a ŋolo ewuasi ŋaokot ŋuna a ŋainakineta aŋuna ke ekisil ke Ekapolon. 15Emaikina akiriŋ ŋina a ŋainakineta aŋuna ke ekisil ke Ekapolon ka alakar tonyamae akoloŋit ŋinapei eyaunia ituŋanan ŋin; mam adio daŋ ŋina emaikina kiwalak. 16Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin, 17nai akiriŋ daadaŋ ŋina idoŋi todol ŋirwa ŋiuni eyai, emaikina kicunyae. 18Ani kenyama ituŋanan akiriŋ ŋina ka ainakinet a ŋina ke ekisil ke Ekapolon kepena ŋirwa ŋiuni, nyecamuni Akuj ainakinet ŋin. Nyimarakinio atemar abu ekalemunan ainakinet a ŋin tolemu ainakinet adio, eruwor ainakinet ŋin ŋina nyejok; ido ituŋanan ŋini enyami ainakinet ŋin, eruwor ikasecan.
19“‘Akiriŋ daadaŋ ŋina etapakin nibore ŋini itoroniyaritae, nyemaikina tonyamae, emaikina kicunyae. Nai akiriŋ ŋinace daadaŋ, epedori ituŋanan ŋini italeunitoe akinyam akiriŋ ŋin. 20Nai ituŋanan daadaŋ ŋini enyami akiriŋ ŋina ka ainakinet a ŋina ke ekisil ke Ekapolon, ido nyitaleunitoe iŋes, emaikina ituŋanan ŋin kiritarae alotuŋa keŋ. 21Ani ketap ituŋanan ido ibore ŋini italeo, kerae ituŋanan ŋini italeo iŋes akitap, kori etyaŋ ŋolo italeo akitap, ido tonyam akiriŋ ŋina ka ainakinet a ŋina ke ekisil, ŋina einakinitae neni ke Ekapolon, emaikina ituŋanan ŋin kiritarae alotuŋa keŋ.’”
Italeo akinyam asepwae ka ŋaokot
22Tema Ekapolon neni a Moses, 23“Tolimok Ŋisirael atemar, ‘nyemaikina iyes tonyama asepwae ŋina ke emoŋ, kori ka amesek, kori ka ameot. 24Ipedorete iyes akisitiya asepwae a ibarasit a ŋini etwani, kori a ŋini enyami etyaŋ, nai italeo akinyam. 25Ituŋanan ido ŋini enyami asepwae ŋina a ibarasit a ŋini eyaunitae erae ainakinet ŋina epeyo neni ke Ekapolon, emaikina ituŋanan ŋin kiritarae alotuŋa keŋ. 26Nyemaikina iyes jik kimuja ŋaokot, kerae ŋuna a ikyenyit, kori ŋuna ke etyaŋ aneni daadaŋ ilomete iyes. 27Ituŋanan daadaŋ alokidiŋ kus ŋini imuji ŋaokot ca daadaŋ, emaikina kiritarae alotuŋa keŋ.’”
Ŋinerin ŋulu amaikina ŋisacaradotin toryamut
28Tema Ekapolon neni a Moses, 29“Tolimok Ŋisirael atemar, ‘ituŋanan daadaŋ ŋini eyauni neni ke Ekapolon ainakinet ŋina ke ekisil ke Ekapolon, emaikina ituŋanan ŋin yau atutubet ka ainakinet a ŋin erae amuronot neni ke Ekapolon. 30Emaikina ituŋanan ŋin yau a ŋakan keŋ a ilope ainakinet ŋina epeyo neni ke Ekapolon; emaikina iŋes yau asepwae a ibarasit a ŋin, kaapei ka atorobu a ibarasit a ŋin, ido kikyaanarae atorobu alokiŋaren Ekapolon ikwapei ainakinet neni ke Ekapolon. 31Emaikina nai esacaradoti kicuny asepwae ŋin, nai kimyek atorobu erae ekiner ka Aron ka ŋidwe keŋ ŋulusapa. 32Emaikina iyes inakis esacaradoti amuro ŋina aloteten, ŋina a ibarasit a ŋini erae ainakinet ŋina ke ekisil ke Ekapolon. Erae ŋol ekiner ŋolo emaikina iŋes toryamu. 33Lokoku ka Aron ŋolosapat eai neni ke Ekapolon ŋaokot ka asepwae, iŋes emaikina toryamu amuro ŋin ikwapei ekiner keŋ. 34Adau ayoŋ alemar anainakineta a Ŋisirael a ŋuna ke ekisil, atorobu a ibarasit a ŋini ikyaanaryo amuro ŋina aloteten ikwapei ŋainakineta ŋuna emaikina toryamu. Ainak ayoŋ ŋinerin ŋul neni ka Aron ke esacaradoti ka ŋidwe keŋ ŋulusapa ikwapei ŋinerin ŋulu emaikina ikes toryamununeete aneni a Ŋisirael a ŋinapaki.’ ” 35Ŋinerin a ŋibaren ŋul, ikes etyakakinitae Aron ka ŋidwe keŋ ŋulusapa anainakineta a ŋuna epeyo neni ke Ekapolon. Isyanakinete ikes aryamunun ŋinerin ŋul, apaki ŋina isyakiniata akitiyanakin Ekapolon ikwapei ŋisacaradotin. 36Abu Ekapolon kicik Ŋisirael ainanakin ŋisacaradotin ŋinerin ŋul apaki ŋina ituruworere ikes ŋisacaradotin, kituruwo ŋinerin ŋul ŋulu emaikina ikes toryamununeete ananyameta kec a daadaŋ.
37Erae ŋul ŋikisila ŋulu a ŋainakineta a ŋuna epeyo, a ŋuna a ŋikinyom, a ŋuna ka asecit, a ŋuna ka awoun alemun ainakinet neni ke Ekapolon, a ŋuna ka akituruworo esacaradoti ka ŋuna ka akisil ke Ekapolon. 38Ŋikisila ŋulu abu Ekapolon inak Moses alokidiama emoru Sinai, apaki ŋina ecikia Ekapolon Ŋisirael ayaun ŋainakineta kec neni keŋ, analoŋisat a ŋina a Sinai.
Currently Selected:
Ŋilep. 7: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋilep. 7
7
Ŋainakineta ŋuna ka awoun alemun ainakinet neni ke Ekapolon
1“‘Ŋikisila ŋulu emaikina kiwuapae aŋuna ka awoun alemun ainakinet neni ke Ekapolon. Erae ikes ŋikisila ŋulu aseg nooi: 2Emaikina ainakinet ŋina ka awoun alemun ainakinet neni ke Ekapolon yae toarakinae nakibois ŋina earanakinio ŋainakineta ŋuna epeyo, ido kipakakinae ŋaokot keŋ lowaetin anamuroet daadaŋ. 3Emaikina yaarae ŋasepwa a emesek a ŋol daadaŋ erae ainakinet asonyok, asepwae ŋina ka akook, 4ŋiŋalur ka asepwae kec ŋinapei alodiyete acir ka ŋatune ŋuna ke emany, emaikina tolemarae kaapei ka ŋiŋalur. 5Epedori nai esacaradoti akicuny ŋinerin ŋul daadaŋ alokidiama namuroet ikwapei ainakinet ŋina einakinitae Ekapolon aŋuna ka awoun alemun ainakinet neni ke Ekapolon. 6Emaikina ituŋanan daadaŋ ŋini erae ŋinisapat aloletok a ŋisacaradotin kimuj ainakinet ŋin, itemokino kimujae anakibois a ŋina asegan; erae ainakinet ŋin ŋina eseg nooi.
7“‘Ikwaan ainakinet ŋina ka awoun ainakinet neni ke Ekapolon ka ainakinet aŋuna ka asecit, ikwaan ŋikisila kec; emaikina esacaradoti ŋolo emookuni ituŋanan anasecisya a ŋun ya akiriŋ a ŋainakineta a ŋun. 8Nabo daŋ, emaikina esacaradoti ŋolo ijaanari ŋainakineta ŋuna epeyo, ya ŋilowi a ŋainakineta a ŋun toruwor ŋulu keŋ. 9Ŋainakineta a ŋikinyom daadaŋ ŋuna epeitoe alokeno ka daadaŋ ŋuna ipotoi ka asipirya, kori a ikalaat a ŋinibeleny, eruwor ŋuna ke esacaradoti a ŋolo eayenene ŋainakineta ŋun namuroet. 10Nai ŋainakineta a ŋikinyom ŋunace daadaŋ, iguritoe ka akimyet, kori eokito, emaikina eruwor ŋuna a ŋidwe ka Aron a ŋulusapa, totyaka ikes eriyan.
Ŋainakineta ŋuna ke ekisil ke Ekapolon
11“‘Ŋikisila ŋulu emaikina kiwuapae aŋuna a ŋainakineta a ŋuna ke ekisil ke Ekapolon, aŋuna eyauni ituŋanan neni ke Ekapolon. 12Ani keyau ituŋanan ainakinet aŋuna ka alakar keŋ neni ke Ekapolon, emaikina yau kaapei ka ŋamugati ŋuna emam ŋakinyalet, ŋuna iguritoe ka akimyet, ŋabisikotyo ŋuna emam ŋakinyalet ŋuna iositae akimyet, ŋimugati ŋulu cicik ŋulu ipounitoe anakirya a ŋuna ajokak a ŋuna itilorit akimyet. 13Emaikina ituŋanan ŋin yau ainakinet keŋ ŋina ka alakar neni ke Ekapolon kaapei ka ŋamugati ŋuna ipounitoe eya ŋakinyalet. 14Emaikina iŋes tolemu alotooma ŋina inakinet imugat ipei, yau erae ainakinet neni ke Ekapolon; eruwor ŋimugati ŋul ŋulu ke esacaradoti a ŋolo ewuasi ŋaokot ŋuna a ŋainakineta aŋuna ke ekisil ke Ekapolon. 15Emaikina akiriŋ ŋina a ŋainakineta aŋuna ke ekisil ke Ekapolon ka alakar tonyamae akoloŋit ŋinapei eyaunia ituŋanan ŋin; mam adio daŋ ŋina emaikina kiwalak. 16Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin, 17nai akiriŋ daadaŋ ŋina idoŋi todol ŋirwa ŋiuni eyai, emaikina kicunyae. 18Ani kenyama ituŋanan akiriŋ ŋina ka ainakinet a ŋina ke ekisil ke Ekapolon kepena ŋirwa ŋiuni, nyecamuni Akuj ainakinet ŋin. Nyimarakinio atemar abu ekalemunan ainakinet a ŋin tolemu ainakinet adio, eruwor ainakinet ŋin ŋina nyejok; ido ituŋanan ŋini enyami ainakinet ŋin, eruwor ikasecan.
19“‘Akiriŋ daadaŋ ŋina etapakin nibore ŋini itoroniyaritae, nyemaikina tonyamae, emaikina kicunyae. Nai akiriŋ ŋinace daadaŋ, epedori ituŋanan ŋini italeunitoe akinyam akiriŋ ŋin. 20Nai ituŋanan daadaŋ ŋini enyami akiriŋ ŋina ka ainakinet a ŋina ke ekisil ke Ekapolon, ido nyitaleunitoe iŋes, emaikina ituŋanan ŋin kiritarae alotuŋa keŋ. 21Ani ketap ituŋanan ido ibore ŋini italeo, kerae ituŋanan ŋini italeo iŋes akitap, kori etyaŋ ŋolo italeo akitap, ido tonyam akiriŋ ŋina ka ainakinet a ŋina ke ekisil, ŋina einakinitae neni ke Ekapolon, emaikina ituŋanan ŋin kiritarae alotuŋa keŋ.’”
Italeo akinyam asepwae ka ŋaokot
22Tema Ekapolon neni a Moses, 23“Tolimok Ŋisirael atemar, ‘nyemaikina iyes tonyama asepwae ŋina ke emoŋ, kori ka amesek, kori ka ameot. 24Ipedorete iyes akisitiya asepwae a ibarasit a ŋini etwani, kori a ŋini enyami etyaŋ, nai italeo akinyam. 25Ituŋanan ido ŋini enyami asepwae ŋina a ibarasit a ŋini eyaunitae erae ainakinet ŋina epeyo neni ke Ekapolon, emaikina ituŋanan ŋin kiritarae alotuŋa keŋ. 26Nyemaikina iyes jik kimuja ŋaokot, kerae ŋuna a ikyenyit, kori ŋuna ke etyaŋ aneni daadaŋ ilomete iyes. 27Ituŋanan daadaŋ alokidiŋ kus ŋini imuji ŋaokot ca daadaŋ, emaikina kiritarae alotuŋa keŋ.’”
Ŋinerin ŋulu amaikina ŋisacaradotin toryamut
28Tema Ekapolon neni a Moses, 29“Tolimok Ŋisirael atemar, ‘ituŋanan daadaŋ ŋini eyauni neni ke Ekapolon ainakinet ŋina ke ekisil ke Ekapolon, emaikina ituŋanan ŋin yau atutubet ka ainakinet a ŋin erae amuronot neni ke Ekapolon. 30Emaikina ituŋanan ŋin yau a ŋakan keŋ a ilope ainakinet ŋina epeyo neni ke Ekapolon; emaikina iŋes yau asepwae a ibarasit a ŋin, kaapei ka atorobu a ibarasit a ŋin, ido kikyaanarae atorobu alokiŋaren Ekapolon ikwapei ainakinet neni ke Ekapolon. 31Emaikina nai esacaradoti kicuny asepwae ŋin, nai kimyek atorobu erae ekiner ka Aron ka ŋidwe keŋ ŋulusapa. 32Emaikina iyes inakis esacaradoti amuro ŋina aloteten, ŋina a ibarasit a ŋini erae ainakinet ŋina ke ekisil ke Ekapolon. Erae ŋol ekiner ŋolo emaikina iŋes toryamu. 33Lokoku ka Aron ŋolosapat eai neni ke Ekapolon ŋaokot ka asepwae, iŋes emaikina toryamu amuro ŋin ikwapei ekiner keŋ. 34Adau ayoŋ alemar anainakineta a Ŋisirael a ŋuna ke ekisil, atorobu a ibarasit a ŋini ikyaanaryo amuro ŋina aloteten ikwapei ŋainakineta ŋuna emaikina toryamu. Ainak ayoŋ ŋinerin ŋul neni ka Aron ke esacaradoti ka ŋidwe keŋ ŋulusapa ikwapei ŋinerin ŋulu emaikina ikes toryamununeete aneni a Ŋisirael a ŋinapaki.’ ” 35Ŋinerin a ŋibaren ŋul, ikes etyakakinitae Aron ka ŋidwe keŋ ŋulusapa anainakineta a ŋuna epeyo neni ke Ekapolon. Isyanakinete ikes aryamunun ŋinerin ŋul, apaki ŋina isyakiniata akitiyanakin Ekapolon ikwapei ŋisacaradotin. 36Abu Ekapolon kicik Ŋisirael ainanakin ŋisacaradotin ŋinerin ŋul apaki ŋina ituruworere ikes ŋisacaradotin, kituruwo ŋinerin ŋul ŋulu emaikina ikes toryamununeete ananyameta kec a daadaŋ.
37Erae ŋul ŋikisila ŋulu a ŋainakineta a ŋuna epeyo, a ŋuna a ŋikinyom, a ŋuna ka asecit, a ŋuna ka awoun alemun ainakinet neni ke Ekapolon, a ŋuna ka akituruworo esacaradoti ka ŋuna ka akisil ke Ekapolon. 38Ŋikisila ŋulu abu Ekapolon inak Moses alokidiama emoru Sinai, apaki ŋina ecikia Ekapolon Ŋisirael ayaun ŋainakineta kec neni keŋ, analoŋisat a ŋina a Sinai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.