Ŋilep. 25
25
Ekaru ŋolo a ŋikanikaarei
(Ŋikis. 15:1-11)
1Tema Ekapolon neni a Moses alokidiama emoru Sinai, 2“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, emaikina iyes totamunito ekaru ŋolo a ŋikanikaarei aŋuna ke Ekapolon. 3Kitata ŋimanikorin kus ŋikaru ŋikanikapei ka alotooma ŋikaru ŋikanikapei, totubo ŋaten a ŋipiini kus, ido tolema ŋaraito kec. 4Nai ani edoli ekaru ŋolo a ŋikanikaarei, emaikina ŋalup kieŋut toryamut Sabato kec, Sabato ŋina erae etal ke Ekapolon. Nyitata ŋimanikorin kus, kori nyitubo ŋaten a ŋikito kus a ŋulu ke epiini. 5Nyemaikina iyes tolema ejojo alomanikorin kus, kori toŋero ŋaraito ke epiini alokito a ŋulu pa atubitoe a ŋulu ke epiini a ŋulu eraunete ekaru ŋol. Emaikina ŋalup kieŋut ekaru ŋol. 6Ibore daadaŋ ŋini erauni bon anakwap ekaru ŋolo a Sabato, eruwor akimuj kus, ŋina a ŋipi ka ŋapi kus, ŋina a ŋiketiyak ka ŋipeyok kus ŋulu iboiyete ka iyes 7ka ŋina a ŋibaren ta ŋityaŋ ŋulu ka ariet ŋulu eya nakwap kus. Ibore daadaŋ ŋini erauni anakwap emaikina kimujae.’ ”
Ekaru ŋolo a ŋatomonikan
8“‘Kimarutu ŋikaru ŋikanikaarei ŋakimarunet ŋakanikaarei. Erae ŋikaru ŋul daadaŋ ŋatomoniomwon ka ŋikanikaomwon. 9Ani edaun ŋul, edoli ŋirwa ŋitomon, elap ŋolo a ŋikanikaarei, akoloŋit ŋina itiyaere amooki, emaikina iyes tokutakis ŋabureryaŋae a ŋimeesekin anakwap kus a daadaŋ. 10Ituruworete iyes ekaru ŋolo a ŋatomonikan ŋolo eseg, ido emaikina iyes kiserata alacakina ŋina eyai lotuŋa daadaŋ ŋulu ka akwap kus. Erae ŋol ekaru ŋolo a ŋatomonikan ka alakara kus. Emaikina ŋinituŋanan toboŋo nalup keŋ ka lotuŋa a ekal keŋ. 11Eruwor ekaru ŋolo a ŋatomonikan ŋol aneni kus ŋolo ka alelyanu kus, nyemaikina iyes kitata, kori tolema ejojo alomanikorin kus, kori tolema ŋaraito ke epiini alokito kec a ŋulu pa atubitoe ŋaten; 12anerae erae ekaru ŋol aneni kus ŋolo a ŋatomonikan ŋolo ka alakara kus, ido erae ŋolo eseg aŋuna kus; kimuja akimuj ŋina erauni bon alomanikorin.’
13“‘Alokaru a ŋolo a ŋatomonikan, emaikina ŋinituŋanan toboŋo nalup keŋ a ilope. 14Ani kigyela iyoŋ ŋalup neni ke ekidunyet kon, kori kigyelu iyoŋ ŋalup aneni a ekidunyet kon, nyemaikina iyes tomodikinos make. 15Ani kigyelu iyoŋ ŋalup aneni ke ekidunyet kon, emaikina kimarunae etyae eriyan ka ŋikaru ŋulu elemya ituŋanan akimuj analup a ŋun eriŋa nyedolo ekaru ŋolo a ŋatomonikan ŋolo inyakakinere ituŋanan ŋalup keŋ. 16Ani kelalak ŋikaru, kiyatakisi etyae, ido ani kekudyoko ŋikaru, kitiditeutu etyae; anerae erae ŋikinyom ŋulu elemyo analup a ŋun ikes etacyo. 17Nyitiyata atuna alokidiŋ kus make, nai tokerito Akuj kus. Arae ayoŋ Ekapolon Akuj kus.’
18“Emaikina iyes totamunito ŋakiro kaŋ ŋuna atubunit ayoŋ ka alotooma akikinyoma, kiwuapa ŋikisila kaŋ, ikotere iboiyete emam ŋace anakwap. 19Ebuni nai akwap akira ŋaraito keŋ, kimuja nai kimwoko, ido kiboiyoto emam ŋace. 20Ani nai kiŋita iyes ebe, ‘Nyo ikimuji isua alokaru a ŋolo a ŋikanikaarei, anerae emam ibore ikitakini isua, kori ikilemuni?’ 21Ekeyakikini ayoŋ iyes ŋarereŋisyo ŋuna alalak alokaru a ŋolo a ŋikanikapei, tora akwap ŋikinyom ŋulu epedorete akitan iyes ŋikaru ŋiuni. 22Ani itakinete iyes ŋikinyom edoli ekaru ŋolo a ŋikanikauni, emaikina erae akimuj ŋinaŋorot imujete iyes akitodol ekaru ŋolo a ŋikanikaomwon ŋina ilemyata iyes akimuj ŋina ke ekaru a ŋol. 23Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ. 24Ŋalup daadaŋ ŋuna iyakatar iyes, emaikina eyai epite ŋolo elakunere erae kegyel ice.
25“‘Ani kekulyakan ipei a ŋituŋa kus, ido togyela ŋalup ŋun keŋ, emaikina iyenet keŋ bu tolaku ŋalup ŋun. 26Ani kemamukatar ituŋanan ŋin iyenet ŋini elakuni ibore ŋin aŋuna keŋ, ido tobar iŋes ekaku toryamu ibore ŋini elakunia ŋalup keŋ, 27emaikina iŋes kimaru ŋikaru ŋulu alunyar ameun ŋina agyelarya iŋes ŋalup ŋun, ido kinyaka etyae ŋolo epiyanuna, kedau alemar etyae ŋolo a ŋikaru a ŋulu idoŋito, inak ŋini kebu togyel ŋalup keŋ, ido tolaku iŋes ŋalup keŋ. 28Nai ani pa kebar iŋes nyepedo alakun ŋalup keŋ, erubakini ŋini egyelit eyakar ŋalup ŋun akitodol ekaru ŋolo a ŋatomonikan. Inyakakinio ŋalup ŋun neni a ilope itiyao ŋasuban ŋuna a ŋikaru a ŋatomonikan, inakinae ŋalup neni a ŋini kebu togyela.’
29“‘Ani kegyela ituŋanan idio akai alotaun a ŋolo ewuatae ka arwatata, emaikina iŋes tolaku akai ŋin kelunyar ekaru epei ameun anapaki a ŋina agyelarya iŋes. 30Ani pa kelakunitae akai ŋin alotooma ekaru ŋol, eruwor akai ŋin ŋina a ŋini kebu togyel ka ŋipapae keŋ. Nyemaikina tolakarae tari kedol ŋikaru ŋatomonikan. 31Nai ŋakais ŋuna a ŋitaunio a ŋulu nyewuatae ka arwatata, erae ŋun ŋuna nyeya lotaun. Emaikina ŋun elakanaryo edoli apaki ŋina a ŋasuban a ŋikaru a ŋatomonikan. 32Ani alotaunio a ŋilepi, emaikina ŋilepi eyakatar apedor ŋinalakunet ŋakais ŋuna erae ŋuna kec alotaunio kec. 33Aŋun, ibore a ŋilepi ŋini emaikina elakanaryo iŋes ŋakais ŋuna kegyelaritae alotaun daadaŋ a ŋolo erae ŋolo kec, ido emaikina tolakarae edoli ekaru ŋolo itiyaere ŋasuban ŋuna a ŋikaru a ŋatomonikan, anerae ŋakais ŋuna eya lotaunio a ŋilepi erae ŋuna kec aneni a Ŋisirael a ŋuluce. 34Nai nyemaikina togyelarae ŋalup daadaŋ ŋuna erae adakar a ŋilepi, ŋuna eya nawaetin a ŋitaunio kec, erae ŋalup ŋuna kec ŋikaru ka ŋikaru.’
35“‘Ani keruwor iyenet kus idio icanaanot, todaun epite ŋolo iŋarakinor bon emaikina iyes, kiŋarakisi iŋes, toyarik neni kus esibit igelaanot ŋini iboiyete ka iyes. 36Nyitatac iŋes ŋisiliŋa ŋulu edeparito ŋulu sek edeniyorit iŋes, nai tokerito Akuj, ikotere ituŋanan kus ŋin erubakini iboi aneni kus. 37Nyidenikis iŋes ŋisiliŋa erae ŋulu ibasi iyes kiyatak iŋes ŋice inyakuni, kori nyisabakis iŋes etyae igyelakinete akimuj kus. 38Arae ayoŋ Ekapolon Akuj kus, ŋina abu akoyau iyes alo Ijipit ainakin akwap ŋina a Kanaan, ikotere aruwor Akuj kus.’
39“‘Ani kelomu akulyako neni a ituŋanan kus a ŋini iboiyete ka iyes, ido bu iŋes toreeun neni kus, nyisitiyata iŋes esibit epito. 40Totiŋa iŋes esibit eketiyan ŋolo etacio, kori epeyonon ŋolo a ŋapakio a ŋadi alokidiŋ kus; emaikina iŋes kitiya etic kus akitodol ekaru ŋolo a ŋasuban a ŋuna a ŋikaru a ŋatomonikan; 41kimyekinae nai iŋes ka ŋidwe keŋ toloto nateker keŋ ka nalup a papa keŋ, 42anerae erae Ŋisirael ŋiketiyak kaŋ, ŋulu abu ayoŋ oyau alo Ijipit, nyemaikina ikes togyelarae esibit ŋipi. 43Nyipukata ikes iryenyanikinito, nai tokerito Akuj kus. 44Emaikina ŋipi ka ŋapi kus erae ŋulu eponito anakwapin a ŋuna ikirimokinito iyes kidiŋ, ipedorete iyes agyelun ŋipi a nen. 45Ipedorete iyes aryamun ŋipi kus ŋice aneni a ŋigelaanotin a ŋulu iboiyete ka iyes ka alotuŋa kec a ŋulu idounitoe anakwap kus, eruwor ikes ŋipi kus. 46Ipedorete ŋidwe kus akirum ikes ikwapei ŋipi kec. Emaikina iyes totiŋa ŋituŋa ŋul erae ŋipi, nai ani eruwor iyes make Ŋisirael, mam ŋini emaikina kipuka ŋinice alotooma aryenyeo.’
47“‘Ani kebar igelaanot ŋini iboiyete ka iyes, ido tokulyakan ipei kus ŋini erae Isiraelit, toreiyar akiboi ka igelaanot ŋin, kori tolot akiboi nateker a ŋigelaanotin 48eyakar Isiraelit ŋin apedor ŋina elakunere lotuŋa keŋ. Emaikina ipei a ŋiyeneta keŋ tolaku iŋes, 49kerae mamae keŋ, kori lokaaya keŋ, kori iyenet ŋini anateker keŋ idio, kori ani kebar iŋes tolakun bon lotuŋa keŋ. 50Imarunete iŋes ka ituŋanan ŋini kebu iŋes toreikin akiboiyo ŋikaru ŋulu kiboiyo iŋes a nen, ameun alokaru a ŋolo areunor iŋes akiboi a nen akitodol ekaru ŋolo itiyaere ŋasuban ŋuna a ŋikaru a ŋatomonikan. Emaikina etyae ŋolo elakunere iŋes eriyan ka etyae ŋolo etacio ikelejilejan, ido torae ŋolo ŋikaru a ŋulu eboiyo iŋes a nen. 51Ani kelalak ŋikaru ŋulu idoŋito eriŋa nyedolo ekaru ŋolo a ŋatomonikan, emaikina ituŋanan ŋin totac etyae ŋolo ka alakuno keŋ eriyan ka etyae ŋolo egyelanarere ŋipi. 52Ani kekudyoko ŋikaru ŋulu idoŋit todol ekaru ŋolo a ŋatomonikan, imarunete ikes etyae ŋolo itemokino lokaru ŋulu eboiyo iŋes a nen, ido totac etyae ŋol tolakunor. 53Emaikina Isiraelit ŋini elakunio totiŋae esibit ikelejilejan, ido emaikina ekapolon keŋ etiŋit iŋes ejok, meere ka aryenyeo. 54Tari daŋ pa kelakunitae Isiraelit ŋin alopitesyo a ŋul ke edio, emaikina iŋes ka ŋidwe keŋ kimyekinae toboŋosi nateker keŋ ka nalup a papa keŋ edolit ekaru ŋolo itiyaere ŋasuban ŋuna a ŋikaru a ŋatomonikan; 55anerae erae Ŋisirael ŋulu kaŋ, ŋiketiyak kaŋ. Erae ikes ŋiketiyak kaŋ ŋulu abu ayoŋ oyau alo Ijipit. Arae ayoŋ Ekapolon Akuj kus.’ ”
Currently Selected:
Ŋilep. 25: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋilep. 25
25
Ekaru ŋolo a ŋikanikaarei
(Ŋikis. 15:1-11)
1Tema Ekapolon neni a Moses alokidiama emoru Sinai, 2“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, emaikina iyes totamunito ekaru ŋolo a ŋikanikaarei aŋuna ke Ekapolon. 3Kitata ŋimanikorin kus ŋikaru ŋikanikapei ka alotooma ŋikaru ŋikanikapei, totubo ŋaten a ŋipiini kus, ido tolema ŋaraito kec. 4Nai ani edoli ekaru ŋolo a ŋikanikaarei, emaikina ŋalup kieŋut toryamut Sabato kec, Sabato ŋina erae etal ke Ekapolon. Nyitata ŋimanikorin kus, kori nyitubo ŋaten a ŋikito kus a ŋulu ke epiini. 5Nyemaikina iyes tolema ejojo alomanikorin kus, kori toŋero ŋaraito ke epiini alokito a ŋulu pa atubitoe a ŋulu ke epiini a ŋulu eraunete ekaru ŋol. Emaikina ŋalup kieŋut ekaru ŋol. 6Ibore daadaŋ ŋini erauni bon anakwap ekaru ŋolo a Sabato, eruwor akimuj kus, ŋina a ŋipi ka ŋapi kus, ŋina a ŋiketiyak ka ŋipeyok kus ŋulu iboiyete ka iyes 7ka ŋina a ŋibaren ta ŋityaŋ ŋulu ka ariet ŋulu eya nakwap kus. Ibore daadaŋ ŋini erauni anakwap emaikina kimujae.’ ”
Ekaru ŋolo a ŋatomonikan
8“‘Kimarutu ŋikaru ŋikanikaarei ŋakimarunet ŋakanikaarei. Erae ŋikaru ŋul daadaŋ ŋatomoniomwon ka ŋikanikaomwon. 9Ani edaun ŋul, edoli ŋirwa ŋitomon, elap ŋolo a ŋikanikaarei, akoloŋit ŋina itiyaere amooki, emaikina iyes tokutakis ŋabureryaŋae a ŋimeesekin anakwap kus a daadaŋ. 10Ituruworete iyes ekaru ŋolo a ŋatomonikan ŋolo eseg, ido emaikina iyes kiserata alacakina ŋina eyai lotuŋa daadaŋ ŋulu ka akwap kus. Erae ŋol ekaru ŋolo a ŋatomonikan ka alakara kus. Emaikina ŋinituŋanan toboŋo nalup keŋ ka lotuŋa a ekal keŋ. 11Eruwor ekaru ŋolo a ŋatomonikan ŋol aneni kus ŋolo ka alelyanu kus, nyemaikina iyes kitata, kori tolema ejojo alomanikorin kus, kori tolema ŋaraito ke epiini alokito kec a ŋulu pa atubitoe ŋaten; 12anerae erae ekaru ŋol aneni kus ŋolo a ŋatomonikan ŋolo ka alakara kus, ido erae ŋolo eseg aŋuna kus; kimuja akimuj ŋina erauni bon alomanikorin.’
13“‘Alokaru a ŋolo a ŋatomonikan, emaikina ŋinituŋanan toboŋo nalup keŋ a ilope. 14Ani kigyela iyoŋ ŋalup neni ke ekidunyet kon, kori kigyelu iyoŋ ŋalup aneni a ekidunyet kon, nyemaikina iyes tomodikinos make. 15Ani kigyelu iyoŋ ŋalup aneni ke ekidunyet kon, emaikina kimarunae etyae eriyan ka ŋikaru ŋulu elemya ituŋanan akimuj analup a ŋun eriŋa nyedolo ekaru ŋolo a ŋatomonikan ŋolo inyakakinere ituŋanan ŋalup keŋ. 16Ani kelalak ŋikaru, kiyatakisi etyae, ido ani kekudyoko ŋikaru, kitiditeutu etyae; anerae erae ŋikinyom ŋulu elemyo analup a ŋun ikes etacyo. 17Nyitiyata atuna alokidiŋ kus make, nai tokerito Akuj kus. Arae ayoŋ Ekapolon Akuj kus.’
18“Emaikina iyes totamunito ŋakiro kaŋ ŋuna atubunit ayoŋ ka alotooma akikinyoma, kiwuapa ŋikisila kaŋ, ikotere iboiyete emam ŋace anakwap. 19Ebuni nai akwap akira ŋaraito keŋ, kimuja nai kimwoko, ido kiboiyoto emam ŋace. 20Ani nai kiŋita iyes ebe, ‘Nyo ikimuji isua alokaru a ŋolo a ŋikanikaarei, anerae emam ibore ikitakini isua, kori ikilemuni?’ 21Ekeyakikini ayoŋ iyes ŋarereŋisyo ŋuna alalak alokaru a ŋolo a ŋikanikapei, tora akwap ŋikinyom ŋulu epedorete akitan iyes ŋikaru ŋiuni. 22Ani itakinete iyes ŋikinyom edoli ekaru ŋolo a ŋikanikauni, emaikina erae akimuj ŋinaŋorot imujete iyes akitodol ekaru ŋolo a ŋikanikaomwon ŋina ilemyata iyes akimuj ŋina ke ekaru a ŋol. 23Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ. 24Ŋalup daadaŋ ŋuna iyakatar iyes, emaikina eyai epite ŋolo elakunere erae kegyel ice.
25“‘Ani kekulyakan ipei a ŋituŋa kus, ido togyela ŋalup ŋun keŋ, emaikina iyenet keŋ bu tolaku ŋalup ŋun. 26Ani kemamukatar ituŋanan ŋin iyenet ŋini elakuni ibore ŋin aŋuna keŋ, ido tobar iŋes ekaku toryamu ibore ŋini elakunia ŋalup keŋ, 27emaikina iŋes kimaru ŋikaru ŋulu alunyar ameun ŋina agyelarya iŋes ŋalup ŋun, ido kinyaka etyae ŋolo epiyanuna, kedau alemar etyae ŋolo a ŋikaru a ŋulu idoŋito, inak ŋini kebu togyel ŋalup keŋ, ido tolaku iŋes ŋalup keŋ. 28Nai ani pa kebar iŋes nyepedo alakun ŋalup keŋ, erubakini ŋini egyelit eyakar ŋalup ŋun akitodol ekaru ŋolo a ŋatomonikan. Inyakakinio ŋalup ŋun neni a ilope itiyao ŋasuban ŋuna a ŋikaru a ŋatomonikan, inakinae ŋalup neni a ŋini kebu togyela.’
29“‘Ani kegyela ituŋanan idio akai alotaun a ŋolo ewuatae ka arwatata, emaikina iŋes tolaku akai ŋin kelunyar ekaru epei ameun anapaki a ŋina agyelarya iŋes. 30Ani pa kelakunitae akai ŋin alotooma ekaru ŋol, eruwor akai ŋin ŋina a ŋini kebu togyel ka ŋipapae keŋ. Nyemaikina tolakarae tari kedol ŋikaru ŋatomonikan. 31Nai ŋakais ŋuna a ŋitaunio a ŋulu nyewuatae ka arwatata, erae ŋun ŋuna nyeya lotaun. Emaikina ŋun elakanaryo edoli apaki ŋina a ŋasuban a ŋikaru a ŋatomonikan. 32Ani alotaunio a ŋilepi, emaikina ŋilepi eyakatar apedor ŋinalakunet ŋakais ŋuna erae ŋuna kec alotaunio kec. 33Aŋun, ibore a ŋilepi ŋini emaikina elakanaryo iŋes ŋakais ŋuna kegyelaritae alotaun daadaŋ a ŋolo erae ŋolo kec, ido emaikina tolakarae edoli ekaru ŋolo itiyaere ŋasuban ŋuna a ŋikaru a ŋatomonikan, anerae ŋakais ŋuna eya lotaunio a ŋilepi erae ŋuna kec aneni a Ŋisirael a ŋuluce. 34Nai nyemaikina togyelarae ŋalup daadaŋ ŋuna erae adakar a ŋilepi, ŋuna eya nawaetin a ŋitaunio kec, erae ŋalup ŋuna kec ŋikaru ka ŋikaru.’
35“‘Ani keruwor iyenet kus idio icanaanot, todaun epite ŋolo iŋarakinor bon emaikina iyes, kiŋarakisi iŋes, toyarik neni kus esibit igelaanot ŋini iboiyete ka iyes. 36Nyitatac iŋes ŋisiliŋa ŋulu edeparito ŋulu sek edeniyorit iŋes, nai tokerito Akuj, ikotere ituŋanan kus ŋin erubakini iboi aneni kus. 37Nyidenikis iŋes ŋisiliŋa erae ŋulu ibasi iyes kiyatak iŋes ŋice inyakuni, kori nyisabakis iŋes etyae igyelakinete akimuj kus. 38Arae ayoŋ Ekapolon Akuj kus, ŋina abu akoyau iyes alo Ijipit ainakin akwap ŋina a Kanaan, ikotere aruwor Akuj kus.’
39“‘Ani kelomu akulyako neni a ituŋanan kus a ŋini iboiyete ka iyes, ido bu iŋes toreeun neni kus, nyisitiyata iŋes esibit epito. 40Totiŋa iŋes esibit eketiyan ŋolo etacio, kori epeyonon ŋolo a ŋapakio a ŋadi alokidiŋ kus; emaikina iŋes kitiya etic kus akitodol ekaru ŋolo a ŋasuban a ŋuna a ŋikaru a ŋatomonikan; 41kimyekinae nai iŋes ka ŋidwe keŋ toloto nateker keŋ ka nalup a papa keŋ, 42anerae erae Ŋisirael ŋiketiyak kaŋ, ŋulu abu ayoŋ oyau alo Ijipit, nyemaikina ikes togyelarae esibit ŋipi. 43Nyipukata ikes iryenyanikinito, nai tokerito Akuj kus. 44Emaikina ŋipi ka ŋapi kus erae ŋulu eponito anakwapin a ŋuna ikirimokinito iyes kidiŋ, ipedorete iyes agyelun ŋipi a nen. 45Ipedorete iyes aryamun ŋipi kus ŋice aneni a ŋigelaanotin a ŋulu iboiyete ka iyes ka alotuŋa kec a ŋulu idounitoe anakwap kus, eruwor ikes ŋipi kus. 46Ipedorete ŋidwe kus akirum ikes ikwapei ŋipi kec. Emaikina iyes totiŋa ŋituŋa ŋul erae ŋipi, nai ani eruwor iyes make Ŋisirael, mam ŋini emaikina kipuka ŋinice alotooma aryenyeo.’
47“‘Ani kebar igelaanot ŋini iboiyete ka iyes, ido tokulyakan ipei kus ŋini erae Isiraelit, toreiyar akiboi ka igelaanot ŋin, kori tolot akiboi nateker a ŋigelaanotin 48eyakar Isiraelit ŋin apedor ŋina elakunere lotuŋa keŋ. Emaikina ipei a ŋiyeneta keŋ tolaku iŋes, 49kerae mamae keŋ, kori lokaaya keŋ, kori iyenet ŋini anateker keŋ idio, kori ani kebar iŋes tolakun bon lotuŋa keŋ. 50Imarunete iŋes ka ituŋanan ŋini kebu iŋes toreikin akiboiyo ŋikaru ŋulu kiboiyo iŋes a nen, ameun alokaru a ŋolo areunor iŋes akiboi a nen akitodol ekaru ŋolo itiyaere ŋasuban ŋuna a ŋikaru a ŋatomonikan. Emaikina etyae ŋolo elakunere iŋes eriyan ka etyae ŋolo etacio ikelejilejan, ido torae ŋolo ŋikaru a ŋulu eboiyo iŋes a nen. 51Ani kelalak ŋikaru ŋulu idoŋito eriŋa nyedolo ekaru ŋolo a ŋatomonikan, emaikina ituŋanan ŋin totac etyae ŋolo ka alakuno keŋ eriyan ka etyae ŋolo egyelanarere ŋipi. 52Ani kekudyoko ŋikaru ŋulu idoŋit todol ekaru ŋolo a ŋatomonikan, imarunete ikes etyae ŋolo itemokino lokaru ŋulu eboiyo iŋes a nen, ido totac etyae ŋol tolakunor. 53Emaikina Isiraelit ŋini elakunio totiŋae esibit ikelejilejan, ido emaikina ekapolon keŋ etiŋit iŋes ejok, meere ka aryenyeo. 54Tari daŋ pa kelakunitae Isiraelit ŋin alopitesyo a ŋul ke edio, emaikina iŋes ka ŋidwe keŋ kimyekinae toboŋosi nateker keŋ ka nalup a papa keŋ edolit ekaru ŋolo itiyaere ŋasuban ŋuna a ŋikaru a ŋatomonikan; 55anerae erae Ŋisirael ŋulu kaŋ, ŋiketiyak kaŋ. Erae ikes ŋiketiyak kaŋ ŋulu abu ayoŋ oyau alo Ijipit. Arae ayoŋ Ekapolon Akuj kus.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.