Ŋilep. 20
20
Ŋakisicaneta aŋuna ka asecit
1Tema Ekapolon neni a Moses, 2“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ” 3Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan. 4Ani kejamakis ŋituŋa daadaŋ ŋakiro ŋun, apaki ŋina einakinia ituŋanan ikoku keŋ neni a Molek, towout akiar ituŋanan ŋin, 5Aŋoikini ayoŋ ituŋanan ŋin kaapei ka ŋituŋa a ekal keŋ, ido eritari ayoŋ ituŋanan ŋin alotuŋa keŋ kaapei ka ŋulu daadaŋ apotu kiwuapa ŋuna keŋ, tomalaaniyasi neni a Molek.
6“‘Ani kelot ituŋanan idio neni a ŋimurok ka neni a ŋililae amalaaniyar akiwuap ikes, aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ. 7Aŋun, kitaleunos, toruworos ŋulu isegak, anerae arae ayoŋ Ekapolon Akuj kus. 8Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak. 9Ani kicen ituŋanan idio papa keŋ kori toto keŋ, emaikina ituŋanan ŋin toarae, aŋuna ecenio papa keŋ kori toto keŋ, erae atwanare keŋ nakou keŋ.
10“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin. 11Ani kiryamakin ekile ka aberu a papa keŋ, adau ekile ŋol ajamuwar papa keŋ. Emaikina toarae ekile ŋol ka aberu ŋin; erae atwanare kec nakyes kec. 12Ani kiryamakin ekile ka nateran keŋ, emaikina toarae ikes daadaŋ. Erae asiilyo ŋakiro ŋuna etiyata ikes ŋun; ido erae atwanare kec nakyes kec. 13Ani kiryamakin ekile ke ekile lopite ŋolo iryamanakinotor ekile ka aberu, etiyata ŋul daadaŋ ŋakiro ŋuna ka asiilyo. Emaikina ikes toarae; erae atwanare kec nakyes kec. 14Ani kiit ekile aberu ka toto ka aberu a ŋin, erae ŋun akapil. Emaikina ekile ŋol ka ŋaberu ŋun kicunyae, ikotere emamukaun akapil ŋin alokidiŋ kus. 15Ani kiryamakin ekile ka ibarasit, emaikina ekile ŋol toarae, ido emaikina iyes toara ibarasit ŋin. 16Ani kelot aberu akiryamakin ka ibarasit, emaikina iyes toara aberu ŋin ka ibarasit ŋin, emaikina ikes toarae. Erae atwanare kec nakyes kec.
17“‘Ani kiit ekile nakaato keŋ, ŋina erae ka iŋes apeikook, kori nakaapa keŋ, ido todaut akiryamakin, erae ŋun ŋileec. Emaikina ikes kiritarae, tojoŋoto ŋituŋa kec akitere. Etiya ekile ŋol asiilyo neni anakaato keŋ, ido emaikina iŋes kisicanae. 18Ani kiryamakin ekile ka aberu ŋina eyai lolap, emaikina ikes kiritarae alotuŋa kec, anerae abila ikes etal ŋolo nyecamakinitere aberu ŋina eyai lolap kiryamakin ke ekile. 19Nyiryamakinosi ka nakaato a toto kon, kori a papa kon, anerae isirumete iyes ŋiyeneta kus ŋileec, emaikina kisicanae ŋulu itiyaete ŋun. 20Ani kiryamakin ekile ka aberu a mamae keŋ, esirum iŋes mamae keŋ ŋileec; emaikina ekile ŋol ka aberu ŋin kisicanae, ido etwakete emam ŋidwe.
21Ani kiryamakin ekile ka aberu alokaato keŋ, etiya ekile ŋol ŋuna nyiyookino, esirum iŋes lokaato keŋ ŋileec, ido etwakete iŋes ka aberu alokaato keŋ emam ŋidwe.’ ”
22“‘Kiwuapa ŋakiro kaŋ ŋuna atubunit ayoŋ ka ŋikisila kaŋ ŋul daadaŋ, totamunito ikes, ikotere nyikiela iyes akwap ŋina akayai ayoŋ iyes tokona. 23Nyemaikina iyes kiwuapa ŋitalyo a ŋituŋa a ŋulu alosi ayoŋ akiritar alokiŋaren kus, anerae apotu ikes kitiyata ŋakiro ŋun daadaŋ, eketilyata ikes ayoŋ. 24Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace. 25Aŋun, emaikina iyes toyenut etyaŋ ŋolo itoroniyaritae ka ŋolo nyitoroniyaritae, ŋikeny ŋulu itoroniyaritae ka ŋulu nyitoroniyaritae. Nyimunaasi ŋawat kus a lotyaŋ kori alokyeny, kori anibore a daadaŋ a ŋini eyai nakwap, ŋiboorei ŋul ŋulu akalimok ayoŋ iyes atemar itoroniyaritae aŋuna kus. 26Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.
27“‘Ekile kori aberu ŋina emuroe, kori ŋina eyakar ŋililae, emaikina toarae. Emaikina iyes tocaka ikes a ŋamoru; erae atwanare kec nakyes kec.’ ”
Currently Selected:
Ŋilep. 20: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋilep. 20
20
Ŋakisicaneta aŋuna ka asecit
1Tema Ekapolon neni a Moses, 2“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ” 3Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan. 4Ani kejamakis ŋituŋa daadaŋ ŋakiro ŋun, apaki ŋina einakinia ituŋanan ikoku keŋ neni a Molek, towout akiar ituŋanan ŋin, 5Aŋoikini ayoŋ ituŋanan ŋin kaapei ka ŋituŋa a ekal keŋ, ido eritari ayoŋ ituŋanan ŋin alotuŋa keŋ kaapei ka ŋulu daadaŋ apotu kiwuapa ŋuna keŋ, tomalaaniyasi neni a Molek.
6“‘Ani kelot ituŋanan idio neni a ŋimurok ka neni a ŋililae amalaaniyar akiwuap ikes, aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ. 7Aŋun, kitaleunos, toruworos ŋulu isegak, anerae arae ayoŋ Ekapolon Akuj kus. 8Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak. 9Ani kicen ituŋanan idio papa keŋ kori toto keŋ, emaikina ituŋanan ŋin toarae, aŋuna ecenio papa keŋ kori toto keŋ, erae atwanare keŋ nakou keŋ.
10“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin. 11Ani kiryamakin ekile ka aberu a papa keŋ, adau ekile ŋol ajamuwar papa keŋ. Emaikina toarae ekile ŋol ka aberu ŋin; erae atwanare kec nakyes kec. 12Ani kiryamakin ekile ka nateran keŋ, emaikina toarae ikes daadaŋ. Erae asiilyo ŋakiro ŋuna etiyata ikes ŋun; ido erae atwanare kec nakyes kec. 13Ani kiryamakin ekile ke ekile lopite ŋolo iryamanakinotor ekile ka aberu, etiyata ŋul daadaŋ ŋakiro ŋuna ka asiilyo. Emaikina ikes toarae; erae atwanare kec nakyes kec. 14Ani kiit ekile aberu ka toto ka aberu a ŋin, erae ŋun akapil. Emaikina ekile ŋol ka ŋaberu ŋun kicunyae, ikotere emamukaun akapil ŋin alokidiŋ kus. 15Ani kiryamakin ekile ka ibarasit, emaikina ekile ŋol toarae, ido emaikina iyes toara ibarasit ŋin. 16Ani kelot aberu akiryamakin ka ibarasit, emaikina iyes toara aberu ŋin ka ibarasit ŋin, emaikina ikes toarae. Erae atwanare kec nakyes kec.
17“‘Ani kiit ekile nakaato keŋ, ŋina erae ka iŋes apeikook, kori nakaapa keŋ, ido todaut akiryamakin, erae ŋun ŋileec. Emaikina ikes kiritarae, tojoŋoto ŋituŋa kec akitere. Etiya ekile ŋol asiilyo neni anakaato keŋ, ido emaikina iŋes kisicanae. 18Ani kiryamakin ekile ka aberu ŋina eyai lolap, emaikina ikes kiritarae alotuŋa kec, anerae abila ikes etal ŋolo nyecamakinitere aberu ŋina eyai lolap kiryamakin ke ekile. 19Nyiryamakinosi ka nakaato a toto kon, kori a papa kon, anerae isirumete iyes ŋiyeneta kus ŋileec, emaikina kisicanae ŋulu itiyaete ŋun. 20Ani kiryamakin ekile ka aberu a mamae keŋ, esirum iŋes mamae keŋ ŋileec; emaikina ekile ŋol ka aberu ŋin kisicanae, ido etwakete emam ŋidwe.
21Ani kiryamakin ekile ka aberu alokaato keŋ, etiya ekile ŋol ŋuna nyiyookino, esirum iŋes lokaato keŋ ŋileec, ido etwakete iŋes ka aberu alokaato keŋ emam ŋidwe.’ ”
22“‘Kiwuapa ŋakiro kaŋ ŋuna atubunit ayoŋ ka ŋikisila kaŋ ŋul daadaŋ, totamunito ikes, ikotere nyikiela iyes akwap ŋina akayai ayoŋ iyes tokona. 23Nyemaikina iyes kiwuapa ŋitalyo a ŋituŋa a ŋulu alosi ayoŋ akiritar alokiŋaren kus, anerae apotu ikes kitiyata ŋakiro ŋun daadaŋ, eketilyata ikes ayoŋ. 24Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace. 25Aŋun, emaikina iyes toyenut etyaŋ ŋolo itoroniyaritae ka ŋolo nyitoroniyaritae, ŋikeny ŋulu itoroniyaritae ka ŋulu nyitoroniyaritae. Nyimunaasi ŋawat kus a lotyaŋ kori alokyeny, kori anibore a daadaŋ a ŋini eyai nakwap, ŋiboorei ŋul ŋulu akalimok ayoŋ iyes atemar itoroniyaritae aŋuna kus. 26Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.
27“‘Ekile kori aberu ŋina emuroe, kori ŋina eyakar ŋililae, emaikina toarae. Emaikina iyes tocaka ikes a ŋamoru; erae atwanare kec nakyes kec.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.