Ŋilep. 18
18
Akiryamanakin ŋina italeo
1Tema Ekapolon neni a Moses, 2“Tolimok Ŋisirael ebe, ‘Arae ayoŋ Ekapolon Akuj kus. 3Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes. 4Kiwuapa ŋikisila kaŋ ka ŋakiro ŋuna atubunit ayoŋ irae ŋulu icoikinito. Arae ayoŋ Ekapolon Akuj kus. 5Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.
6“‘Mam ituŋanan emaikina tolot neni a iyenet keŋ aŋuna ka akiryamakin. Arae ayoŋ Ekapolon. 7Nyijamuwa papa kon, analosit akiryamakin ka toto kon ŋina ikidouni iyoŋ. Erae iŋes toto kon nyiryamakinosi ka iŋes. 8Nyiryamakinosi ka aberu a papa kon ŋinace. Erae ŋun ajamuwar papa kon. 9Nyiryamakinosi ka nakaato kon, kori nakaapa kon, kori nakoku atoto kon, keuritae alore kus, kori aiwace. 10Nyiryamakinosi ka nakoku alokoku kon, kori nakoku anakoku kon. Eruwor ŋun ajamuwaro kon. 11Nyiryamakinosi ka nakaapa kon, anerae erae iŋes nakaato kon anerae erae iŋes ŋina euruunit papa kon. 12Nyiryamakinosi ka eyaa kon, erae iŋes nakaato a papa kon. 13Nyiryamakinosi ka nakaato a toto kon, anerae erae iŋes eyaa kon, ŋapei ka toto kon. 14Nyiryamakinosi ka aberu alokaato a papa kon, anerae erae iŋes toto kon. 15Nyiryamakinosi ka nateran kon, anerae erae iŋes aberu a alokoku kon. 16Nyiryamakinosi ka aberu alokaato kon, eruwor ŋun ajamuwaro aneni alokaato kon. 17Nyiryamakinosi ka aberu kaapei ka nakoku keŋ daŋ. Nyiryamakinosi ka natatait a aberu a ŋin, kori natatait ka aberu a ŋin kerae ŋina euruunit lokoku keŋ kori euruunit nakoku keŋ, anerae erae ŋun akapil. 18Nyiya nakaato ka aberu kon, kituruwo akain ka aberu kon, ido kiryamakinos ka iŋes, toriŋa aberu kon eyari.
19“‘Nyilot akiryamakin ka aberu eriŋa eyai lolap, anerae nyeseg iŋes. 20Nyiryamakinosi ka aberu a eyenet kon, anerae iruwor iyoŋ ka iŋes ŋulu a ŋilam. 21Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon. 22Nyemaikina ekile kiryamakinos ke ekile lopite ŋolo iryamanakinotor ekile ka aberu; erae ŋakiro ŋun asiilyo.
23“‘Nyiryamakinosi ka ŋibaren kori ŋityaŋ, tomunaaros ka iŋes. Nyemaikina tari aberu tolot akiryamakin ka ibarasit kori etyaŋ, erae ŋun ŋuna italeo.
24“‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec. 25Aŋun, abu tari akwap tomunaar, abu ayoŋ esican ikes aŋuna ka asecit kec, ido abu akwap ŋin kiela ŋituŋa keŋ kiŋa. 26Nai emaikina iyes kiwuapa ŋakiro ŋuna atubunit ayoŋ ka ŋikisila kaŋ ŋul. Iyes Ŋisirael ka ŋigelaanotin ŋulu iboiyete ka Ŋisirael, nyemaikina iyes kitiyata asiilyo ŋin adio; 27anerae apotu ŋituŋa ŋulu eboiyete anakwap a ŋina ilosete iyes kitiyata asiilyo ŋin daadaŋ, idio abu akwap tomunaar. 28Ani nai kimunaasi iyes akwap, ikielari akwap ŋin iyes kiŋa keŋ, lopite ŋolo abunio kielarya ŋituŋa ŋulu eboiyete a nen eriŋa iyes nyedolo nen. 29Ituŋanan daadaŋ ŋini itiyae asiilyo ŋin, emaikina kiritarae alotuŋa keŋ. 30Kiwuapa ŋuna abala ayoŋ, ido nyitiyata asiilyo ŋin ŋina apotu ŋituŋa a nen kitiya eriŋa iyes nyedolo nen. Nyimunaarosi anasiilyo a ŋin. Arae ayoŋ Ekapolon Akuj kus. ’”
Currently Selected:
Ŋilep. 18: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋilep. 18
18
Akiryamanakin ŋina italeo
1Tema Ekapolon neni a Moses, 2“Tolimok Ŋisirael ebe, ‘Arae ayoŋ Ekapolon Akuj kus. 3Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes. 4Kiwuapa ŋikisila kaŋ ka ŋakiro ŋuna atubunit ayoŋ irae ŋulu icoikinito. Arae ayoŋ Ekapolon Akuj kus. 5Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.
6“‘Mam ituŋanan emaikina tolot neni a iyenet keŋ aŋuna ka akiryamakin. Arae ayoŋ Ekapolon. 7Nyijamuwa papa kon, analosit akiryamakin ka toto kon ŋina ikidouni iyoŋ. Erae iŋes toto kon nyiryamakinosi ka iŋes. 8Nyiryamakinosi ka aberu a papa kon ŋinace. Erae ŋun ajamuwar papa kon. 9Nyiryamakinosi ka nakaato kon, kori nakaapa kon, kori nakoku atoto kon, keuritae alore kus, kori aiwace. 10Nyiryamakinosi ka nakoku alokoku kon, kori nakoku anakoku kon. Eruwor ŋun ajamuwaro kon. 11Nyiryamakinosi ka nakaapa kon, anerae erae iŋes nakaato kon anerae erae iŋes ŋina euruunit papa kon. 12Nyiryamakinosi ka eyaa kon, erae iŋes nakaato a papa kon. 13Nyiryamakinosi ka nakaato a toto kon, anerae erae iŋes eyaa kon, ŋapei ka toto kon. 14Nyiryamakinosi ka aberu alokaato a papa kon, anerae erae iŋes toto kon. 15Nyiryamakinosi ka nateran kon, anerae erae iŋes aberu a alokoku kon. 16Nyiryamakinosi ka aberu alokaato kon, eruwor ŋun ajamuwaro aneni alokaato kon. 17Nyiryamakinosi ka aberu kaapei ka nakoku keŋ daŋ. Nyiryamakinosi ka natatait a aberu a ŋin, kori natatait ka aberu a ŋin kerae ŋina euruunit lokoku keŋ kori euruunit nakoku keŋ, anerae erae ŋun akapil. 18Nyiya nakaato ka aberu kon, kituruwo akain ka aberu kon, ido kiryamakinos ka iŋes, toriŋa aberu kon eyari.
19“‘Nyilot akiryamakin ka aberu eriŋa eyai lolap, anerae nyeseg iŋes. 20Nyiryamakinosi ka aberu a eyenet kon, anerae iruwor iyoŋ ka iŋes ŋulu a ŋilam. 21Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon. 22Nyemaikina ekile kiryamakinos ke ekile lopite ŋolo iryamanakinotor ekile ka aberu; erae ŋakiro ŋun asiilyo.
23“‘Nyiryamakinosi ka ŋibaren kori ŋityaŋ, tomunaaros ka iŋes. Nyemaikina tari aberu tolot akiryamakin ka ibarasit kori etyaŋ, erae ŋun ŋuna italeo.
24“‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec. 25Aŋun, abu tari akwap tomunaar, abu ayoŋ esican ikes aŋuna ka asecit kec, ido abu akwap ŋin kiela ŋituŋa keŋ kiŋa. 26Nai emaikina iyes kiwuapa ŋakiro ŋuna atubunit ayoŋ ka ŋikisila kaŋ ŋul. Iyes Ŋisirael ka ŋigelaanotin ŋulu iboiyete ka Ŋisirael, nyemaikina iyes kitiyata asiilyo ŋin adio; 27anerae apotu ŋituŋa ŋulu eboiyete anakwap a ŋina ilosete iyes kitiyata asiilyo ŋin daadaŋ, idio abu akwap tomunaar. 28Ani nai kimunaasi iyes akwap, ikielari akwap ŋin iyes kiŋa keŋ, lopite ŋolo abunio kielarya ŋituŋa ŋulu eboiyete a nen eriŋa iyes nyedolo nen. 29Ituŋanan daadaŋ ŋini itiyae asiilyo ŋin, emaikina kiritarae alotuŋa keŋ. 30Kiwuapa ŋuna abala ayoŋ, ido nyitiyata asiilyo ŋin ŋina apotu ŋituŋa a nen kitiya eriŋa iyes nyedolo nen. Nyimunaarosi anasiilyo a ŋin. Arae ayoŋ Ekapolon Akuj kus. ’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.