Akisy. 48
48
Kiterereŋ Yakob ŋidwe a Yosepu ŋulusapa
(Ŋibur. 11:21)
1Kelunyar apaki adio, tolimok ituŋanan ice Yosepu tema, “Edyaka papa kon.” Aŋun, abu Yosepu tolot ya ŋidwe keŋ ŋulusapa ŋiarei: Manase ka Epraim. 2Ani elimokini ituŋanan ice Yakob ebe, “Abu lokoku kon Yosepu neni kon,” Min agogoŋu adio neni a Yakob, tonyou kiboikin lokitaada. 3Tema iŋes neni a Yosepu, “Abu Akuj ŋina Etiron totakanu neni kaŋ alo Lus anakwap a ŋina a Kanaan, abu eketerereŋ ayoŋ, 4tema neni kaŋ, ‘Alosi ayoŋ akituruwor iyoŋ ŋolo iuri topit, eketuruwori ayoŋ iyoŋ ŋituŋa ŋulu alalak, ainakini ayoŋ akwap na neni a ŋiletok kon a ŋulu ikiwuapete iyoŋ, toruwor ŋina kec jik.’ 5Aŋun, ŋidwe kon ŋuluarei ŋulusapa ŋul, ŋulu ibu iyoŋ touru alo Ijipit eriŋa ayoŋ nyebuno neni kon nakwap a Ijipit, erae ikes ŋidwe kaŋ. Erae Epuraim ka Manase ŋidwe kaŋ; ikwapei eraakatar Ruben ka Simeon ŋidwe kaŋ. 6Ŋidwe ŋuluce daadaŋ ŋulu iuri iyoŋ ekaku kec, erae ŋul ŋidwe kon; eyenunio ikes alororwa a ŋikaitotoi kec a Manase ka Epuraim, anakiboisyo a ŋuna eruwor ŋuna kec. 7Alimu ayoŋ ŋun, anerae apaki ŋina abunio ayoŋ alo Padan, ŋuna apotu okoinakis ayoŋ akiyaloloŋ ikes nu, abu Rakel totwana anakwap a Kanaan eriŋa ewosyo, toris Epuras keapuu iwadio. Aŋun, abu ayoŋ onuk akuwan keŋ nen diyete erot ŋolo elosi Epuras” (iŋes Betelem).
8Ani iŋolikini Isirael ŋidwe a Yosepu ŋulusapa ŋul, tema, “Ata ŋae lu?” 9Tema Yosepu neni a papa keŋ, “Erae ikes ŋidwe kaŋ ŋulusapa, ŋulu akainaki ayoŋ Akuj a ne.” Tema papa keŋ, “Yau ikes neni kaŋ, ikotere eterereŋ ayoŋ ikes.” 10Apaki ŋin, aris ŋakonyen a Isirael kemumu aŋuna ka amojoŋu, pa ete iŋes ejok. Aŋun, abu Yosepu kitaapu ŋidwe neni keŋ; tonu iŋes ikes totun ibooi. 11Tema Isirael neni a Yosepu, “Pa atamakinit ayoŋ atemar eŋolikini ereet kon, nai tokona akacamaki ayoŋ Akuj akiŋolikin tari ŋidwe kon.” 12Kisiyoto nai Yosepu ŋidwe anakejen a papa keŋ, ido toryedik kijuuru todol ereet kwap. 13Toriko Yosepu ŋidwe ŋul ŋiarei, toriko Epuraim aloteten keŋ, ya nakan a Isirael ŋina alokedyeny, toriko Manase alokedyeny keŋ, ya nakan a Isirael ŋina aloteten, yau iŋes ikes diyete Isirael. 14Nai abu Isirael toriyo ŋakan keŋ kitulunyak kidokok teten keŋ nakou a Epuraim a ŋolo adit, kidokok kedyeny keŋ nakou a Manase a ŋolo kiyae alokal. 15Kiterereŋ Isirael Yosepu tema,
“Elipi ayoŋ Akuj ŋina apotu atapapaa kaŋ
Aburaam ka Isaka kiwuapa ŋakiro keŋ,
Akuj ŋina erae Ekeyokon kaŋ
anakiyar kaŋ a daadaŋ tari nakoloŋit na,
16elipi emalaika ŋolo akalaku ayoŋ
anawana a daadaŋ, kiterereŋ ŋidyain lu;
ido alodwe a lu,
torubakinae etamunitae ekiro kaŋ ka ŋirorwa atapapaa kaŋ Aburaam ka Isaka;
elipi toruworos ikes ŋituŋa ŋulu elalak anakwap.”
17Ani iŋolikini Yosepu papa keŋ idokokini teten keŋ nakou a Epuraim, abu iŋes nyelakar; aŋun, kikamu iŋes akan a papa keŋ ecamit alemar anakou a Epuraim ikotere iwuakini nakou a Manase. 18Tema Yosepu neni a papa keŋ, “Meere ikwaŋina papa! Ikwapei eraakar ŋolo kiyae alokal lo, kidokok teten kon nakou keŋ.” 19Nai towou papa keŋ, tema, “Ayeni ayoŋ lokoku, ayeni ayoŋ; eruwor iŋes daŋ ateker ka ŋolo epol. Kikote neni daŋ, eruwor lokaato keŋ ŋolo cici ŋolo epol akilo iŋes, ido elalaketa ŋiletok keŋ eruwor ŋituŋa a ŋakwapin.” 20Aŋun, kiterereŋ Isirael ikes akoloŋit ŋin tema,
“Lororwa kus iŋes elimunioto Ŋisirael iterereŋete ŋuluce ebe,
‘Ikilipi Akuj ikituruwo iyes ŋulu
ikwaan ka Epuraim ta Manase.’ ”
Aŋun, abu iŋes kisiŋaren Epuraim aneni a Manase. 21Tema nai Isirael neni a Yosepu, “Aapuu ayoŋ atwanare, nai eyakaun Akuj kaapei ka iyoŋ, ikiyai iŋes iyoŋ nabo nakwap atapapaa kon. 22Eyatakini tokona ayoŋ neni kon atutubet apei akilo ŋuna ainakini neni a ŋikaitotoi kon; atutubet ŋin iŋes ŋina abu ayoŋ olemu a ŋakan kaŋ aneni a Ŋiamori esitiyae ŋileŋia ka ŋikaleŋeleŋe kaŋ.”
Currently Selected:
Akisy. 48: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Akisy. 48
48
Kiterereŋ Yakob ŋidwe a Yosepu ŋulusapa
(Ŋibur. 11:21)
1Kelunyar apaki adio, tolimok ituŋanan ice Yosepu tema, “Edyaka papa kon.” Aŋun, abu Yosepu tolot ya ŋidwe keŋ ŋulusapa ŋiarei: Manase ka Epraim. 2Ani elimokini ituŋanan ice Yakob ebe, “Abu lokoku kon Yosepu neni kon,” Min agogoŋu adio neni a Yakob, tonyou kiboikin lokitaada. 3Tema iŋes neni a Yosepu, “Abu Akuj ŋina Etiron totakanu neni kaŋ alo Lus anakwap a ŋina a Kanaan, abu eketerereŋ ayoŋ, 4tema neni kaŋ, ‘Alosi ayoŋ akituruwor iyoŋ ŋolo iuri topit, eketuruwori ayoŋ iyoŋ ŋituŋa ŋulu alalak, ainakini ayoŋ akwap na neni a ŋiletok kon a ŋulu ikiwuapete iyoŋ, toruwor ŋina kec jik.’ 5Aŋun, ŋidwe kon ŋuluarei ŋulusapa ŋul, ŋulu ibu iyoŋ touru alo Ijipit eriŋa ayoŋ nyebuno neni kon nakwap a Ijipit, erae ikes ŋidwe kaŋ. Erae Epuraim ka Manase ŋidwe kaŋ; ikwapei eraakatar Ruben ka Simeon ŋidwe kaŋ. 6Ŋidwe ŋuluce daadaŋ ŋulu iuri iyoŋ ekaku kec, erae ŋul ŋidwe kon; eyenunio ikes alororwa a ŋikaitotoi kec a Manase ka Epuraim, anakiboisyo a ŋuna eruwor ŋuna kec. 7Alimu ayoŋ ŋun, anerae apaki ŋina abunio ayoŋ alo Padan, ŋuna apotu okoinakis ayoŋ akiyaloloŋ ikes nu, abu Rakel totwana anakwap a Kanaan eriŋa ewosyo, toris Epuras keapuu iwadio. Aŋun, abu ayoŋ onuk akuwan keŋ nen diyete erot ŋolo elosi Epuras” (iŋes Betelem).
8Ani iŋolikini Isirael ŋidwe a Yosepu ŋulusapa ŋul, tema, “Ata ŋae lu?” 9Tema Yosepu neni a papa keŋ, “Erae ikes ŋidwe kaŋ ŋulusapa, ŋulu akainaki ayoŋ Akuj a ne.” Tema papa keŋ, “Yau ikes neni kaŋ, ikotere eterereŋ ayoŋ ikes.” 10Apaki ŋin, aris ŋakonyen a Isirael kemumu aŋuna ka amojoŋu, pa ete iŋes ejok. Aŋun, abu Yosepu kitaapu ŋidwe neni keŋ; tonu iŋes ikes totun ibooi. 11Tema Isirael neni a Yosepu, “Pa atamakinit ayoŋ atemar eŋolikini ereet kon, nai tokona akacamaki ayoŋ Akuj akiŋolikin tari ŋidwe kon.” 12Kisiyoto nai Yosepu ŋidwe anakejen a papa keŋ, ido toryedik kijuuru todol ereet kwap. 13Toriko Yosepu ŋidwe ŋul ŋiarei, toriko Epuraim aloteten keŋ, ya nakan a Isirael ŋina alokedyeny, toriko Manase alokedyeny keŋ, ya nakan a Isirael ŋina aloteten, yau iŋes ikes diyete Isirael. 14Nai abu Isirael toriyo ŋakan keŋ kitulunyak kidokok teten keŋ nakou a Epuraim a ŋolo adit, kidokok kedyeny keŋ nakou a Manase a ŋolo kiyae alokal. 15Kiterereŋ Isirael Yosepu tema,
“Elipi ayoŋ Akuj ŋina apotu atapapaa kaŋ
Aburaam ka Isaka kiwuapa ŋakiro keŋ,
Akuj ŋina erae Ekeyokon kaŋ
anakiyar kaŋ a daadaŋ tari nakoloŋit na,
16elipi emalaika ŋolo akalaku ayoŋ
anawana a daadaŋ, kiterereŋ ŋidyain lu;
ido alodwe a lu,
torubakinae etamunitae ekiro kaŋ ka ŋirorwa atapapaa kaŋ Aburaam ka Isaka;
elipi toruworos ikes ŋituŋa ŋulu elalak anakwap.”
17Ani iŋolikini Yosepu papa keŋ idokokini teten keŋ nakou a Epuraim, abu iŋes nyelakar; aŋun, kikamu iŋes akan a papa keŋ ecamit alemar anakou a Epuraim ikotere iwuakini nakou a Manase. 18Tema Yosepu neni a papa keŋ, “Meere ikwaŋina papa! Ikwapei eraakar ŋolo kiyae alokal lo, kidokok teten kon nakou keŋ.” 19Nai towou papa keŋ, tema, “Ayeni ayoŋ lokoku, ayeni ayoŋ; eruwor iŋes daŋ ateker ka ŋolo epol. Kikote neni daŋ, eruwor lokaato keŋ ŋolo cici ŋolo epol akilo iŋes, ido elalaketa ŋiletok keŋ eruwor ŋituŋa a ŋakwapin.” 20Aŋun, kiterereŋ Isirael ikes akoloŋit ŋin tema,
“Lororwa kus iŋes elimunioto Ŋisirael iterereŋete ŋuluce ebe,
‘Ikilipi Akuj ikituruwo iyes ŋulu
ikwaan ka Epuraim ta Manase.’ ”
Aŋun, abu iŋes kisiŋaren Epuraim aneni a Manase. 21Tema nai Isirael neni a Yosepu, “Aapuu ayoŋ atwanare, nai eyakaun Akuj kaapei ka iyoŋ, ikiyai iŋes iyoŋ nabo nakwap atapapaa kon. 22Eyatakini tokona ayoŋ neni kon atutubet apei akilo ŋuna ainakini neni a ŋikaitotoi kon; atutubet ŋin iŋes ŋina abu ayoŋ olemu a ŋakan kaŋ aneni a Ŋiamori esitiyae ŋileŋia ka ŋikaleŋeleŋe kaŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.