Ŋigal. 4
4
1Nai tokona, ani eriŋa ŋolo rwanu irumi ebari a papa keŋ edit, iteo iŋes ikwa epito tari kerae iŋes elope a ŋiboro a ŋul a daadaŋ. 2Ani eriŋa iŋes edit, eyakasi ŋikilyok ŋulu iyokiyete iŋes, topolokinito ŋakiro keŋ daadaŋ akitodol apaki ŋina itemokinit papa keŋ. 3Ikwaŋinapei, ikipotu iwon daŋ eriŋa nyeyenuna ŋuna a kire, oruworos ŋipi ŋulu a ŋipyan a ŋulu ipukato akwap. 4Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan, 5aŋuna ka alakun ŋulu ipukato Ŋikisila, ikotere iwon ikiruwor ŋidwe ŋulu ka Akuj. 6Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!” 7Aŋun, nyeriŋa iyoŋ irae epito, nai irae lokoku. Ikwaŋina iraakar iyoŋ lokoku keŋ, ikiinakini Akuj iyoŋ ŋinibore daadaŋ idaritor iŋes ŋidwe keŋ.
Kiyaloloŋ Paulo aŋuna a Ŋigalatiyae
8Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire. 9Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo? 10Iricito iyes ŋirwa ŋice, ŋilapyo ŋice, ŋatyakiata ŋuna ke ekaru ŋace ka ŋikaru ŋice. 11Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?
12Akadyekit ayoŋ iyes ŋikaitotoi kaŋ, kikokis ayoŋ, anerae ekoni ayoŋ daŋ iyes. Nyitiyakina iyes ŋadi ŋuna aronok neni kaŋ. 13Iyenete iyes atemar apaki ŋina ke ekiŋaren, abu ayoŋ ogeiya alimonokin iyes Ŋakiro ŋuna Ajokak apaki ŋina adyakar ayoŋ. 14Nai tari ŋina abunio apalagu ŋina ka adyak kaŋ yau ŋatyokisyo neni kus, ipotu iyes nyikijamuwasi kori nyikiŋero ayoŋ. Akilo, ipotu iyes ikijaut ayoŋ esibit emalaika ŋolo ka Akuj; ipotu iyes ikijaut ayoŋ esibit ijaunito Yesu Kristo. 15Ilakara iyes apaki ŋin nooi! Nyo bo tokona atakanu? Alimuni ayoŋ kire atemar kerae topedorito, kigorunito iyes tari ŋakonyen kus a ŋilopeyek apaki ŋin, ikiinakis ayoŋ. 16Aruwor mono tokona ayoŋ emoit kus aŋuna ka alimokin iyes ŋuna a kire a?
17Ecamito nooi ŋituŋa ŋuluce ŋul akiriwor iyes, nai nyejokak ŋuna iwarito ikes. Ŋuna make iwarito ikes, erae ŋuna ka atyakar iyes aneni kaŋ, ikotere icamunete iyes arukit ka ikes. 18Ejok acamit ibore idio--erae ca kejok ibore ŋin--iyookin ŋun jwi jwi, meere apaki ŋina ikirukitor iwon bon. 19Ŋidwe kaŋ ŋuluminan, aryeba ayoŋ nabo aŋuna kus ikwa eryebar aberu idouni; aryeba ayoŋ akitodol ŋina iruworotor iyes ŋulu ipakito anakiro a Kristo. 20Kerae ca tokona orukito iwon, kaanyu ayoŋ epite ece ŋolo ekesirworya iyes! Nyayeni ayoŋ ŋuna kitiya aŋuna kus!
Akitaanyikinet ŋina ka Agar ka Sara
21Ekeŋisi iyes ŋulu icamito akiwuapit Ŋikisila: nyipupete iyes ŋuna irworosi Ŋikisila a? 22Ebasi ikes ebe ayakar Aburaam ŋidwe ŋulusapa ŋiarei, epei arae lokoku ka aberu a ŋina arae apito, epei arae lokoku ka aberu a ŋina pa arae apito. 23Aponi touruunae lokoku a ŋina arae apito alopite a ŋituŋa daadaŋ, nai lokoku a ŋina pa arae apito, aponi touruunae aŋuna ka akiikinet a ŋina ka Akuj. 24Eyenun ŋakiro ŋun erae akitaanyikinet. Ikote ŋaberu ŋunaarei ŋun Ŋacamuneta ŋunaarei. Ŋina edounitoe ŋidwe keŋ anapitoonut erae Agar ka ikoni iŋes Acamunet ŋina etiyao alomoru a ŋolo enyaritae Sinai. 25Agar na ŋina isikwaanitae ka emoru Sinai ŋolo eyai nakwap ŋina ka Arabia, ikoni Yerusalem ŋolo a tokona, ŋolo erae epito kaapei ka ŋituŋa keŋ daadaŋ. 26Nai Yerusalem ŋolo anakuj, nyerae epito ka erae toto yok. 27Anerae ebasi Ŋakigireta ebe,
“Tolakari iyoŋ aberu ŋina ikolupana!
Tocelu ka kiworok ka alelyan,
iyoŋ ŋina nyeanyuna aryeba ŋina ka akidoun!
Anerae eryamuni aberu ŋina abu lokile keŋ toesik ŋidwe ŋulu alalak,
akilo aberu ŋina eyakar ekile!”
28Ŋikaitotoi kaŋ, iraakasi iyes ŋidwe ŋulu ka Akuj aŋuna ka akiikinet keŋ, lopite ŋolo aryamunia Aburaam lokoku keŋ Isaka. 29Nai alorwa a ŋul, esicaneene esapat ŋolo edounio alopite a ŋolo a ŋituŋa a daadaŋ esapat ŋoloce ŋolo edounitoe aŋuna ke Etau a ŋolo ka Akuj ka ikote tokona daŋ nenipei. 30Nai ebasi Ŋakigireta ai? Ebasi ebe, “Kirita apito ka lokoku keŋ; anerae nyepedori jik lokoku ka apito akirum ŋiboro a papa kec, ikwa lokoku ka aberu a ŋina nyerae apito.” 31Aŋun nai ŋikaitotoi, nyikirae iwon ŋidwe ŋulu ka apito, nai ikirae ŋidwe ŋulu ka aberu a ŋina nyerae apito.
Currently Selected:
Ŋigal. 4: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋigal. 4
4
1Nai tokona, ani eriŋa ŋolo rwanu irumi ebari a papa keŋ edit, iteo iŋes ikwa epito tari kerae iŋes elope a ŋiboro a ŋul a daadaŋ. 2Ani eriŋa iŋes edit, eyakasi ŋikilyok ŋulu iyokiyete iŋes, topolokinito ŋakiro keŋ daadaŋ akitodol apaki ŋina itemokinit papa keŋ. 3Ikwaŋinapei, ikipotu iwon daŋ eriŋa nyeyenuna ŋuna a kire, oruworos ŋipi ŋulu a ŋipyan a ŋulu ipukato akwap. 4Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan, 5aŋuna ka alakun ŋulu ipukato Ŋikisila, ikotere iwon ikiruwor ŋidwe ŋulu ka Akuj. 6Aŋuna ka akitoodiun atemar iraakasi iyes ŋidwe keŋ, abu Akuj kiyaku Etau ŋolo a Lokoku keŋ tooma yok, Etau ŋolo iworoe ebala, “Papa! Apa kaŋ!” 7Aŋun, nyeriŋa iyoŋ irae epito, nai irae lokoku. Ikwaŋina iraakar iyoŋ lokoku keŋ, ikiinakini Akuj iyoŋ ŋinibore daadaŋ idaritor iŋes ŋidwe keŋ.
Kiyaloloŋ Paulo aŋuna a Ŋigalatiyae
8Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire. 9Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo? 10Iricito iyes ŋirwa ŋice, ŋilapyo ŋice, ŋatyakiata ŋuna ke ekaru ŋace ka ŋikaru ŋice. 11Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?
12Akadyekit ayoŋ iyes ŋikaitotoi kaŋ, kikokis ayoŋ, anerae ekoni ayoŋ daŋ iyes. Nyitiyakina iyes ŋadi ŋuna aronok neni kaŋ. 13Iyenete iyes atemar apaki ŋina ke ekiŋaren, abu ayoŋ ogeiya alimonokin iyes Ŋakiro ŋuna Ajokak apaki ŋina adyakar ayoŋ. 14Nai tari ŋina abunio apalagu ŋina ka adyak kaŋ yau ŋatyokisyo neni kus, ipotu iyes nyikijamuwasi kori nyikiŋero ayoŋ. Akilo, ipotu iyes ikijaut ayoŋ esibit emalaika ŋolo ka Akuj; ipotu iyes ikijaut ayoŋ esibit ijaunito Yesu Kristo. 15Ilakara iyes apaki ŋin nooi! Nyo bo tokona atakanu? Alimuni ayoŋ kire atemar kerae topedorito, kigorunito iyes tari ŋakonyen kus a ŋilopeyek apaki ŋin, ikiinakis ayoŋ. 16Aruwor mono tokona ayoŋ emoit kus aŋuna ka alimokin iyes ŋuna a kire a?
17Ecamito nooi ŋituŋa ŋuluce ŋul akiriwor iyes, nai nyejokak ŋuna iwarito ikes. Ŋuna make iwarito ikes, erae ŋuna ka atyakar iyes aneni kaŋ, ikotere icamunete iyes arukit ka ikes. 18Ejok acamit ibore idio--erae ca kejok ibore ŋin--iyookin ŋun jwi jwi, meere apaki ŋina ikirukitor iwon bon. 19Ŋidwe kaŋ ŋuluminan, aryeba ayoŋ nabo aŋuna kus ikwa eryebar aberu idouni; aryeba ayoŋ akitodol ŋina iruworotor iyes ŋulu ipakito anakiro a Kristo. 20Kerae ca tokona orukito iwon, kaanyu ayoŋ epite ece ŋolo ekesirworya iyes! Nyayeni ayoŋ ŋuna kitiya aŋuna kus!
Akitaanyikinet ŋina ka Agar ka Sara
21Ekeŋisi iyes ŋulu icamito akiwuapit Ŋikisila: nyipupete iyes ŋuna irworosi Ŋikisila a? 22Ebasi ikes ebe ayakar Aburaam ŋidwe ŋulusapa ŋiarei, epei arae lokoku ka aberu a ŋina arae apito, epei arae lokoku ka aberu a ŋina pa arae apito. 23Aponi touruunae lokoku a ŋina arae apito alopite a ŋituŋa daadaŋ, nai lokoku a ŋina pa arae apito, aponi touruunae aŋuna ka akiikinet a ŋina ka Akuj. 24Eyenun ŋakiro ŋun erae akitaanyikinet. Ikote ŋaberu ŋunaarei ŋun Ŋacamuneta ŋunaarei. Ŋina edounitoe ŋidwe keŋ anapitoonut erae Agar ka ikoni iŋes Acamunet ŋina etiyao alomoru a ŋolo enyaritae Sinai. 25Agar na ŋina isikwaanitae ka emoru Sinai ŋolo eyai nakwap ŋina ka Arabia, ikoni Yerusalem ŋolo a tokona, ŋolo erae epito kaapei ka ŋituŋa keŋ daadaŋ. 26Nai Yerusalem ŋolo anakuj, nyerae epito ka erae toto yok. 27Anerae ebasi Ŋakigireta ebe,
“Tolakari iyoŋ aberu ŋina ikolupana!
Tocelu ka kiworok ka alelyan,
iyoŋ ŋina nyeanyuna aryeba ŋina ka akidoun!
Anerae eryamuni aberu ŋina abu lokile keŋ toesik ŋidwe ŋulu alalak,
akilo aberu ŋina eyakar ekile!”
28Ŋikaitotoi kaŋ, iraakasi iyes ŋidwe ŋulu ka Akuj aŋuna ka akiikinet keŋ, lopite ŋolo aryamunia Aburaam lokoku keŋ Isaka. 29Nai alorwa a ŋul, esicaneene esapat ŋolo edounio alopite a ŋolo a ŋituŋa a daadaŋ esapat ŋoloce ŋolo edounitoe aŋuna ke Etau a ŋolo ka Akuj ka ikote tokona daŋ nenipei. 30Nai ebasi Ŋakigireta ai? Ebasi ebe, “Kirita apito ka lokoku keŋ; anerae nyepedori jik lokoku ka apito akirum ŋiboro a papa kec, ikwa lokoku ka aberu a ŋina nyerae apito.” 31Aŋun nai ŋikaitotoi, nyikirae iwon ŋidwe ŋulu ka apito, nai ikirae ŋidwe ŋulu ka aberu a ŋina nyerae apito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.