Awos. 28
28
Ŋilowi ŋulu ke esacaradoti
(Awos. 39:1-7)
1“Tonyarau lokaato kon Aron ka ŋidwe keŋ ŋulusapa neni kon aneni a Ŋisirael a ŋuluce, eketiyanakis ayoŋ ikwapei ŋisacaradotin. Tonyarau iŋes ka ŋidwe keŋ ŋulusapa lu: Nadab, Abiu ka Eleasar ta Isamar. 2Kitiyau ŋilowi ŋulu ka apolou ka akibuses ŋulu enapi lokaato kon Aron. 3Kisirwor ŋituŋa daadaŋ ŋulu epedorete akiirar ŋakiro, ŋulu adau ayoŋ ainakin aosou, tolimok ikes atemar kitiyaut ŋilowi ka Aron ŋulu ituruworere iŋes esacaradoti kaŋ. 4Ŋilowi lu ikes emaikina ŋituŋa ŋul kitiyaut: Eboli ŋolo ka atorobu, arapet, ekaaso, esati ka akopiya ta arokoba. Emaikina ikes kitiyaut ŋilowi ŋul aŋuna ka Aron alokaato kon ka ŋidwe keŋ ŋulusapa eketiyanakiniata ayoŋ ikwapei ŋisacaradotin. 5Emaikina ikes kiwuakis lolowi ŋul egolid, kitiyaut a ŋanaŋgae a ŋunapusiyek, a ŋunakipura-areŋak ka a ŋuna areŋak, ido torae ŋuna amilimilak.”
Arapet
6“Emaikina ikes kiwuakis narapet egolid, kitiyaut a ŋanaŋgae a ŋunapusiyek, a ŋunakipura-areŋak ka a ŋuna areŋak, torae ŋuna amilimilak ŋuna edonyunit ituŋanan ŋini eyeni akidony ejok nooi. 7Todonyokisi narapet ŋin ŋaraco ŋaarei ŋuna ikacakina loseketa alocileta a arapet, ikotere eenianakinio arapet a nen. 8Kisikwaana arokoba ka arapet ŋin isibusitae a ŋiboro a ŋulu itiyaunitere arapet a lu: Egolid, ŋanaŋgae ŋunapusiyek, ŋunakipura-areŋak ka ŋuna areŋak ta ŋuna amilimilak ŋuna edonyuno ejok. 9Emaikina iyoŋ tolemu ŋamoru ŋaarei ŋuna areŋak puu ŋuna enyaritae onikis, kiciek nen ŋirorwa a ŋidwe a Yakob a ŋulusapa. 10Kiciek ŋirorwa a ŋikanikapei namoru apei ka ŋirorwa a ŋuluce a ŋulukanikapei namoru ŋinace. Kiciek ŋirorwa ŋulu nen irearit ameun a ŋolo kiyae a Yakob tari neni a ŋolo ŋoorit a Yakob. 11Kiciek ŋirorwa a ŋidwe a Yakob a ŋulusapa a ŋul namoru ŋun ŋaarei lopite ŋolo sek itiyaa ituŋanan ŋini ice ŋirorwa namoru. Ani irikakin, toenik ŋamoru ŋun iwapei isibakit a ŋiriko a ŋulu itiyaunitae ke egolid, 12ido toenik ŋamoru ŋun ŋunaarei naraco ŋuna eya narapet aloseketa. Eruwor ŋamoru ŋun ŋuna etamunitere ŋidwe a Yakob ŋulusapa, Aron iŋes emaikina eryoŋit ŋirorwa ŋul aloseketa keŋ, ikotere Ekapolon etamunitor ŋituŋa keŋ. 13Kitiyau ke egolid ŋiboro ŋulu isibakitae a ŋiriko 14ka kitiyau ke egolid bon ŋiriko ŋiarei ŋulu eluguritae ikwa aikit, ido kiwuanak neni a ŋulu isibakere ŋiboro ŋuluce.”
Eboli ŋolo ka atorobu
(Awos. 39:8-21)
15“Inak ituŋanan ŋini eyeni akitiya ejok nooi, kitiyau eboli ŋolo enapyo etubio ŋakiro, emaikina kitiyaunae ikwaan ka arapet, eyai egolid, kitiyaunitetei a ŋanaŋgae a ŋunapusiyek, a ŋunakipura-areŋak ka a ŋuna areŋak ta ŋuna amilimilak ŋuna edonyuno ejok. 16Emaikina eboli ŋol eriyan ŋiwaetin ŋuluomwon daadaŋ, irotakina ŋarwa ŋaarei. 17Kedaun akitiyaun eboli, emaikina topetakinae kidiama ŋilaino ŋiomwon ŋulu a ŋamoru a ŋuna epol egyelit, elain ŋolo esyaunan emaikina eyakasi ŋamoru nu: Ŋuna areŋak puu ŋuna enyaritae Karinelian ka ŋuna enyaŋiyarito ŋuna enyaritae Topas ta ŋuna alibak nooi ŋuna enyaritae karisolite. 18Elain ŋolo a ŋiarei emaikina eyakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald. 19Elain ŋolo a ŋiuni emaikina eyakasi ŋamoru nu: Ŋuna inyalal ŋiraŋgi ŋuna enyaritae Jacinis ka ŋuna egogoŋ nooi ŋuna enyaritae Agate ta ŋunapusiyek-areŋak ŋuna enyaritae Amesist. 20Elain ŋolo a ŋiomwon emaikina eyakasi ŋamoru nu: Ŋuna enyaŋiyarito ŋuna enyaritae karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Emaikina ŋamoru ŋun daadaŋ eenianakinitae iwapei, isibakitae a ŋiriko a ŋulu itiyaunitae ke egolid. 21Emaikina ŋamoru ŋun erae ŋatomon ka ŋaarei, a ŋinamoru egiritae ekiro epei a ŋidwe a Yakob a ŋulusapa; ŋolokiro imarit ekabila epei alotooma ŋikabilae ŋulutomon ka ŋiarei. 22Kitiyau ke egolid bon ŋiriko ŋulu esonyitae ikwa ŋaunoi, kiwuak loboli ŋolo ka atorobu. 23Kitiyau ŋikabobooe ŋiarei aŋuna ke eboli a ŋol, toenik locileta ŋuluarei ŋulu a eboli. 24Toenik ŋiriko ŋuluarei ŋul lokabobooe ŋulu alocileta ke eboli, 25ido toenia epeiwae ŋiriko locileta ŋuluarei ŋulu alokidiama eboli, totapakin naraco ŋuna ka arapet ŋuna eya kidiama ŋiseketa. 26Kitiyau nabo ke egolid ŋikabobooe ŋiarei, toenik locileta ŋuluarei ŋulu alokwap eboli, toenik alokwap alodiyete arapet. 27Kitiyau nabo a egolid ŋikabobooe ŋice ŋiarei, toenik kwap ŋaraco ŋuna a ŋiseketa, neni iryamyata eboli ka neni isibusitae anarapet. 28Emaikina toenikinae ka ausi a ŋinapus ŋikabobooe a eboli lokabobooe a arapet, toenikinae ausi ŋinapus ŋin narokoba ŋina ka acir; ikotere nyidalidala eboli anarapet.
29“Apaki daadaŋ ŋina elomarya Aron nakibois ŋina Asegan nooi alotooma Eema, emaikina iŋes tonap anatorobu keŋ eboli ŋolotubet ŋakiro ŋol, ŋolo eya ŋamoru ŋuna igiritae ŋirorwa a ŋidwe a Yakob a ŋulusapa. Erae ŋun aŋuna ka atamunitor ikes alokiŋaren Ekapolon a ŋinapaki a daadaŋ. 30Kiwuak loboli ŋol ŋolotubet ŋakiro ŋiboro lu: Ibore ŋini isileereununui ŋakiro ŋini enyaritae Urim ka ŋini isiyoonokini ŋakiro ŋini enyaritae Sumim. Emaikina Aron enapit ŋiboro ŋul anatorobu keŋ apaki daadaŋ ŋina elomarya nakibois ŋina Asegan nooi ŋina eyai Ekapolon. Aŋun, emaikina Aron torubak enapit eboli anatorobu keŋ apaki daadaŋ ŋina etubio ŋakiro a Ŋisirael alokiŋaren Ekapolon.”
Ŋilowi ŋice ŋulu a asacaradotonu,
(Awos. 39:22-31)
31“Kitiyau ekaaso ŋolopus ŋolo ani enapyo, kidokokin arapet alokidiama keŋ. 32Topedok kidiŋ keŋ neni itori akou enapyo, ido totokok nen a ŋiusyo a ŋulu esonyony ejok nooi kiryam; kikwaanikin ka neni etokere abilet ka anaŋga. Erae ŋun ikotere nyecila nen. 33Kiwuanak neni iwasi alokwap a elou a ŋol ŋikatelitel ŋulu ikwaan ka ŋaraito ke ekitoe a ŋolo ikwaan ka ekacikicikit. Emaikina ŋiraŋgi a ŋikatelitel a ŋul erae ŋulupusiyek, ŋulu kipura-areŋak ka ŋulu areŋak. Kiwuanak ŋitworoi ŋulu cicik ŋulu itiyaunitae ke egolid nakidiŋon a ŋikatelitel a ŋul. 34Nyitutupanak ŋitworoi make, kori ŋikatelitel make aneni iwasi alokwap ekaaso. 35Emaikina Aron tonap ekaaso ŋol apaki ŋina elimonokinia ŋituŋa ŋakiro ka Akuj. Emaikina ŋituŋa epupete ŋitworoi erwosi apaki ŋina eyakar Aron nakibois ŋina Asegan nooi ŋina eyai Ekapolon ka apaki ŋina ebunio iŋes a nen; ikotere nyidoŋok iŋes nen erae ketwaniki nen.
36“Kitiyau ke egolid bon akaparaparat ŋina ka akou, ido kiciek nen ŋakiro nu: ‘Itesegunitae aŋuna ke Ekapolon.’ 37Toenik akaparaparat ŋin kiŋaren akopiya ka ausi a ŋinapus. 38Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.
39“Kitiyau esati ananaŋga a ŋina amilimilan ka kitiyau akopiya ananaŋga a ŋina amilimilan. Inak ituŋanan ŋini eyeni akidony ejok todonyonok narokoba ŋitorubei ŋulu ebusak.
40“Kitiyau aŋuna a ŋidwe ka Aron a ŋulusapa ŋisatyo, ŋarokobae ka ŋakopiyae. Ituruworete ŋinapito ŋul ikes ŋulu ekerer ka itopoloorito ŋituŋa. 41Ekaku kitanap iyoŋ lokaato kon Aron ka ŋidwe keŋ ŋulusapa ŋilowi ŋul, kios ikes a akimyet, kitaleu, ikotere eruworosi ŋisacaradotin ŋulu eketiyanakinete ayoŋ. 42Kitiyau aŋuna kec ŋisiriwali ŋulu ajokak nooi, ŋulu amilimilak, ŋulu aoyak ŋinapei anacir tari namuroi. 43Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”
Currently Selected:
Awos. 28: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Awos. 28
28
Ŋilowi ŋulu ke esacaradoti
(Awos. 39:1-7)
1“Tonyarau lokaato kon Aron ka ŋidwe keŋ ŋulusapa neni kon aneni a Ŋisirael a ŋuluce, eketiyanakis ayoŋ ikwapei ŋisacaradotin. Tonyarau iŋes ka ŋidwe keŋ ŋulusapa lu: Nadab, Abiu ka Eleasar ta Isamar. 2Kitiyau ŋilowi ŋulu ka apolou ka akibuses ŋulu enapi lokaato kon Aron. 3Kisirwor ŋituŋa daadaŋ ŋulu epedorete akiirar ŋakiro, ŋulu adau ayoŋ ainakin aosou, tolimok ikes atemar kitiyaut ŋilowi ka Aron ŋulu ituruworere iŋes esacaradoti kaŋ. 4Ŋilowi lu ikes emaikina ŋituŋa ŋul kitiyaut: Eboli ŋolo ka atorobu, arapet, ekaaso, esati ka akopiya ta arokoba. Emaikina ikes kitiyaut ŋilowi ŋul aŋuna ka Aron alokaato kon ka ŋidwe keŋ ŋulusapa eketiyanakiniata ayoŋ ikwapei ŋisacaradotin. 5Emaikina ikes kiwuakis lolowi ŋul egolid, kitiyaut a ŋanaŋgae a ŋunapusiyek, a ŋunakipura-areŋak ka a ŋuna areŋak, ido torae ŋuna amilimilak.”
Arapet
6“Emaikina ikes kiwuakis narapet egolid, kitiyaut a ŋanaŋgae a ŋunapusiyek, a ŋunakipura-areŋak ka a ŋuna areŋak, torae ŋuna amilimilak ŋuna edonyunit ituŋanan ŋini eyeni akidony ejok nooi. 7Todonyokisi narapet ŋin ŋaraco ŋaarei ŋuna ikacakina loseketa alocileta a arapet, ikotere eenianakinio arapet a nen. 8Kisikwaana arokoba ka arapet ŋin isibusitae a ŋiboro a ŋulu itiyaunitere arapet a lu: Egolid, ŋanaŋgae ŋunapusiyek, ŋunakipura-areŋak ka ŋuna areŋak ta ŋuna amilimilak ŋuna edonyuno ejok. 9Emaikina iyoŋ tolemu ŋamoru ŋaarei ŋuna areŋak puu ŋuna enyaritae onikis, kiciek nen ŋirorwa a ŋidwe a Yakob a ŋulusapa. 10Kiciek ŋirorwa a ŋikanikapei namoru apei ka ŋirorwa a ŋuluce a ŋulukanikapei namoru ŋinace. Kiciek ŋirorwa ŋulu nen irearit ameun a ŋolo kiyae a Yakob tari neni a ŋolo ŋoorit a Yakob. 11Kiciek ŋirorwa a ŋidwe a Yakob a ŋulusapa a ŋul namoru ŋun ŋaarei lopite ŋolo sek itiyaa ituŋanan ŋini ice ŋirorwa namoru. Ani irikakin, toenik ŋamoru ŋun iwapei isibakit a ŋiriko a ŋulu itiyaunitae ke egolid, 12ido toenik ŋamoru ŋun ŋunaarei naraco ŋuna eya narapet aloseketa. Eruwor ŋamoru ŋun ŋuna etamunitere ŋidwe a Yakob ŋulusapa, Aron iŋes emaikina eryoŋit ŋirorwa ŋul aloseketa keŋ, ikotere Ekapolon etamunitor ŋituŋa keŋ. 13Kitiyau ke egolid ŋiboro ŋulu isibakitae a ŋiriko 14ka kitiyau ke egolid bon ŋiriko ŋiarei ŋulu eluguritae ikwa aikit, ido kiwuanak neni a ŋulu isibakere ŋiboro ŋuluce.”
Eboli ŋolo ka atorobu
(Awos. 39:8-21)
15“Inak ituŋanan ŋini eyeni akitiya ejok nooi, kitiyau eboli ŋolo enapyo etubio ŋakiro, emaikina kitiyaunae ikwaan ka arapet, eyai egolid, kitiyaunitetei a ŋanaŋgae a ŋunapusiyek, a ŋunakipura-areŋak ka a ŋuna areŋak ta ŋuna amilimilak ŋuna edonyuno ejok. 16Emaikina eboli ŋol eriyan ŋiwaetin ŋuluomwon daadaŋ, irotakina ŋarwa ŋaarei. 17Kedaun akitiyaun eboli, emaikina topetakinae kidiama ŋilaino ŋiomwon ŋulu a ŋamoru a ŋuna epol egyelit, elain ŋolo esyaunan emaikina eyakasi ŋamoru nu: Ŋuna areŋak puu ŋuna enyaritae Karinelian ka ŋuna enyaŋiyarito ŋuna enyaritae Topas ta ŋuna alibak nooi ŋuna enyaritae karisolite. 18Elain ŋolo a ŋiarei emaikina eyakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald. 19Elain ŋolo a ŋiuni emaikina eyakasi ŋamoru nu: Ŋuna inyalal ŋiraŋgi ŋuna enyaritae Jacinis ka ŋuna egogoŋ nooi ŋuna enyaritae Agate ta ŋunapusiyek-areŋak ŋuna enyaritae Amesist. 20Elain ŋolo a ŋiomwon emaikina eyakasi ŋamoru nu: Ŋuna enyaŋiyarito ŋuna enyaritae karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Emaikina ŋamoru ŋun daadaŋ eenianakinitae iwapei, isibakitae a ŋiriko a ŋulu itiyaunitae ke egolid. 21Emaikina ŋamoru ŋun erae ŋatomon ka ŋaarei, a ŋinamoru egiritae ekiro epei a ŋidwe a Yakob a ŋulusapa; ŋolokiro imarit ekabila epei alotooma ŋikabilae ŋulutomon ka ŋiarei. 22Kitiyau ke egolid bon ŋiriko ŋulu esonyitae ikwa ŋaunoi, kiwuak loboli ŋolo ka atorobu. 23Kitiyau ŋikabobooe ŋiarei aŋuna ke eboli a ŋol, toenik locileta ŋuluarei ŋulu a eboli. 24Toenik ŋiriko ŋuluarei ŋul lokabobooe ŋulu alocileta ke eboli, 25ido toenia epeiwae ŋiriko locileta ŋuluarei ŋulu alokidiama eboli, totapakin naraco ŋuna ka arapet ŋuna eya kidiama ŋiseketa. 26Kitiyau nabo ke egolid ŋikabobooe ŋiarei, toenik locileta ŋuluarei ŋulu alokwap eboli, toenik alokwap alodiyete arapet. 27Kitiyau nabo a egolid ŋikabobooe ŋice ŋiarei, toenik kwap ŋaraco ŋuna a ŋiseketa, neni iryamyata eboli ka neni isibusitae anarapet. 28Emaikina toenikinae ka ausi a ŋinapus ŋikabobooe a eboli lokabobooe a arapet, toenikinae ausi ŋinapus ŋin narokoba ŋina ka acir; ikotere nyidalidala eboli anarapet.
29“Apaki daadaŋ ŋina elomarya Aron nakibois ŋina Asegan nooi alotooma Eema, emaikina iŋes tonap anatorobu keŋ eboli ŋolotubet ŋakiro ŋol, ŋolo eya ŋamoru ŋuna igiritae ŋirorwa a ŋidwe a Yakob a ŋulusapa. Erae ŋun aŋuna ka atamunitor ikes alokiŋaren Ekapolon a ŋinapaki a daadaŋ. 30Kiwuak loboli ŋol ŋolotubet ŋakiro ŋiboro lu: Ibore ŋini isileereununui ŋakiro ŋini enyaritae Urim ka ŋini isiyoonokini ŋakiro ŋini enyaritae Sumim. Emaikina Aron enapit ŋiboro ŋul anatorobu keŋ apaki daadaŋ ŋina elomarya nakibois ŋina Asegan nooi ŋina eyai Ekapolon. Aŋun, emaikina Aron torubak enapit eboli anatorobu keŋ apaki daadaŋ ŋina etubio ŋakiro a Ŋisirael alokiŋaren Ekapolon.”
Ŋilowi ŋice ŋulu a asacaradotonu,
(Awos. 39:22-31)
31“Kitiyau ekaaso ŋolopus ŋolo ani enapyo, kidokokin arapet alokidiama keŋ. 32Topedok kidiŋ keŋ neni itori akou enapyo, ido totokok nen a ŋiusyo a ŋulu esonyony ejok nooi kiryam; kikwaanikin ka neni etokere abilet ka anaŋga. Erae ŋun ikotere nyecila nen. 33Kiwuanak neni iwasi alokwap a elou a ŋol ŋikatelitel ŋulu ikwaan ka ŋaraito ke ekitoe a ŋolo ikwaan ka ekacikicikit. Emaikina ŋiraŋgi a ŋikatelitel a ŋul erae ŋulupusiyek, ŋulu kipura-areŋak ka ŋulu areŋak. Kiwuanak ŋitworoi ŋulu cicik ŋulu itiyaunitae ke egolid nakidiŋon a ŋikatelitel a ŋul. 34Nyitutupanak ŋitworoi make, kori ŋikatelitel make aneni iwasi alokwap ekaaso. 35Emaikina Aron tonap ekaaso ŋol apaki ŋina elimonokinia ŋituŋa ŋakiro ka Akuj. Emaikina ŋituŋa epupete ŋitworoi erwosi apaki ŋina eyakar Aron nakibois ŋina Asegan nooi ŋina eyai Ekapolon ka apaki ŋina ebunio iŋes a nen; ikotere nyidoŋok iŋes nen erae ketwaniki nen.
36“Kitiyau ke egolid bon akaparaparat ŋina ka akou, ido kiciek nen ŋakiro nu: ‘Itesegunitae aŋuna ke Ekapolon.’ 37Toenik akaparaparat ŋin kiŋaren akopiya ka ausi a ŋinapus. 38Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.
39“Kitiyau esati ananaŋga a ŋina amilimilan ka kitiyau akopiya ananaŋga a ŋina amilimilan. Inak ituŋanan ŋini eyeni akidony ejok todonyonok narokoba ŋitorubei ŋulu ebusak.
40“Kitiyau aŋuna a ŋidwe ka Aron a ŋulusapa ŋisatyo, ŋarokobae ka ŋakopiyae. Ituruworete ŋinapito ŋul ikes ŋulu ekerer ka itopoloorito ŋituŋa. 41Ekaku kitanap iyoŋ lokaato kon Aron ka ŋidwe keŋ ŋulusapa ŋilowi ŋul, kios ikes a akimyet, kitaleu, ikotere eruworosi ŋisacaradotin ŋulu eketiyanakinete ayoŋ. 42Kitiyau aŋuna kec ŋisiriwali ŋulu ajokak nooi, ŋulu amilimilak, ŋulu aoyak ŋinapei anacir tari namuroi. 43Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.