Awos. 19
19
Todolo Ŋisirael lomoru Sinai
1Ani epete ŋilapyo ŋiuni kedaut Ŋisirael arotokin alo Ijipit, todolut ikes naloŋisat ŋina a Sinai erae ŋirwa a elap epei elap ŋolo a ŋiuni. 2Awotunete ikes alo Repidim tolomiut nen naloŋisat ŋina a Sinai kiŋaren emoru Sinai. 3Tolot nai Moses kidiama emoru ŋol neni ka Akuj; tonyara Ekapolon iŋes alomoru tema, “Ŋakiro nu ikes emaikina iyoŋ tolimok Ŋisirael ŋiletok a Yakob: 4Idaut iyes akiŋolikin ŋuna abu ayoŋ etiya neni a Ŋijipitian ka epite ŋolo abunio ayoŋ okodakunia iyes ikwa edakunia egole ŋicwi keŋ a ŋabebenuk keŋ. Abu ayoŋ okoyau iyes neni kaŋ. 5Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ, 6iruworosi iyes aneni kaŋ ŋisacaradotin ŋulurwosi ka ŋituŋa ŋuluseuna. Ŋakiro ŋun ikes ilimokini iyoŋ Ŋisirael.”
7Abu nai Moses toboŋo a nen, tonyarau ŋikasikou a Ŋisirael, tolimok ikes ŋakiro ŋun daadaŋ ŋuna abu Ekapolon kicik iŋes alimokin ŋituŋa. 8Toboŋokis ŋituŋa daadaŋ ŋakiro kaapei temasi, “Ikitiyae isua ŋakiro daadaŋ ŋuna adau Ekapolon alimun.” Aŋun, abu Moses tolot alimokin Ekapolon ŋakiro ŋuna apotu ŋituŋa toboŋokis. 9Tema nai Ekapolon neni a Moses, “Abuni ayoŋ neni kon ayai lodou ŋolo nyecaor, ikotere ŋituŋa ekeirasi ayoŋ erworo apaki ŋina ikirworikinia iwon, ido ikikinyomete iyoŋ ŋituŋa jik ekaku a nu.”
Kitaleunoe ŋituŋa
Ani kedau Moses alimokin Ekapolon ŋakiro ŋuna abasi ŋituŋa, 10tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec, 11kitemokinos aŋuna ka akoloŋit a ŋina epeniata ŋirwa ŋiuni, anerae ani edoli akoloŋit ŋin, ebuni Ekapolon anakuj min kidiama emoru Sinai iteete ŋituŋa daadaŋ. 12Kiwuak egeri kiryam emoru cib, ikotere nyilamar ŋituŋa lomoru, tolimok ikes ebe, ‘Tocoito nyitipeiyosi lomoru, nyiapiyasi tari nakeju ke emoru. Ituŋanan daadaŋ ŋini eapiyari nen, emaikina toarae. 13Mam akan etapi iŋes, nai ecakio a ŋamoru, kori egumyo a ŋikaleŋeleŋe; kerae etyaŋ, kori ituŋanan, nyemaikina kimyekinae toyar.’ Nai ani ekutakinio abureryaŋ a emesek, emaikina ikes kitipeut lomoru.” 14Abu nai Moses totiyaiyar alomoru, tolot neni aya ŋituŋa kitaleu ikes, ido kilotasi ŋilowi kec. 15Tema Moses neni a ŋituŋa, “Kitemonokinos aŋuna ka akoloŋit a ŋina epeniata ŋirwa ŋiuni; nyemaikina ŋikilyok kiryamakinos ka ŋaberu.”
16Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis. 17Toriku Moses ŋituŋa daadaŋ analomar akiryamun ka Akuj. Torekinos towua anakeju ke emoru. 18Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon. 19Apaki daadaŋ ŋina iyatakinor eruye ŋolo ka arupepe, erworyanakini Moses, ido toboŋok Akuj iŋes anagiro. 20Totiyaun Ekapolon min kidiama emoru Sinai, tonyaraiya Ekapolon Moses kidiama emoru, ido abu Moses kitipeiyo kidiama emoru, 21tema Ekapolon neni keŋ, “Ape totiyaiyar kwap emoru tolimok ŋituŋa tocoito areiun ne kidiama emoru akiŋolikin Ekapolon. Ani kitiyata ikes ŋun, irikarosi ŋulu alalak alokidiŋ kec. 22Tari ŋisacaradotin daŋ ŋulu emaikina poneneete neni ke Ekapolon, emaikina ikes kitaleunos, ani pa kitiyata ŋun, esicani ayoŋ ikes.” 23Tema Moses neni ke Ekapolon, “Nyecamakinitae ŋituŋa kitipeut kidiama emoru Sinai; anerae ibu iyoŋ elope ikicik isua akimyekin akitiya ŋun ibala, ‘Kiwuak egeri kiryam emoru cib, kiurya nen kidoŋ erae akibois ŋina asegan.’ ” 24Tema Ekapolon neni a Moses, “Ape totiyaiyar kwap emoru iyau Aron kitipeunio kidiama emoru; nai nyicamak ŋisacaradotin, kori ŋituŋa ilamete neni igeritoe potu neni ke Ekapolon. Ani kitiyata ŋun, esicani ayoŋ ikes.” 25Aŋun, abu Moses totiyaiyar alomoru, tolimok ŋituŋa ŋakiro ŋuna abala Ekapolon.
Currently Selected:
Awos. 19: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Awos. 19
19
Todolo Ŋisirael lomoru Sinai
1Ani epete ŋilapyo ŋiuni kedaut Ŋisirael arotokin alo Ijipit, todolut ikes naloŋisat ŋina a Sinai erae ŋirwa a elap epei elap ŋolo a ŋiuni. 2Awotunete ikes alo Repidim tolomiut nen naloŋisat ŋina a Sinai kiŋaren emoru Sinai. 3Tolot nai Moses kidiama emoru ŋol neni ka Akuj; tonyara Ekapolon iŋes alomoru tema, “Ŋakiro nu ikes emaikina iyoŋ tolimok Ŋisirael ŋiletok a Yakob: 4Idaut iyes akiŋolikin ŋuna abu ayoŋ etiya neni a Ŋijipitian ka epite ŋolo abunio ayoŋ okodakunia iyes ikwa edakunia egole ŋicwi keŋ a ŋabebenuk keŋ. Abu ayoŋ okoyau iyes neni kaŋ. 5Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ, 6iruworosi iyes aneni kaŋ ŋisacaradotin ŋulurwosi ka ŋituŋa ŋuluseuna. Ŋakiro ŋun ikes ilimokini iyoŋ Ŋisirael.”
7Abu nai Moses toboŋo a nen, tonyarau ŋikasikou a Ŋisirael, tolimok ikes ŋakiro ŋun daadaŋ ŋuna abu Ekapolon kicik iŋes alimokin ŋituŋa. 8Toboŋokis ŋituŋa daadaŋ ŋakiro kaapei temasi, “Ikitiyae isua ŋakiro daadaŋ ŋuna adau Ekapolon alimun.” Aŋun, abu Moses tolot alimokin Ekapolon ŋakiro ŋuna apotu ŋituŋa toboŋokis. 9Tema nai Ekapolon neni a Moses, “Abuni ayoŋ neni kon ayai lodou ŋolo nyecaor, ikotere ŋituŋa ekeirasi ayoŋ erworo apaki ŋina ikirworikinia iwon, ido ikikinyomete iyoŋ ŋituŋa jik ekaku a nu.”
Kitaleunoe ŋituŋa
Ani kedau Moses alimokin Ekapolon ŋakiro ŋuna abasi ŋituŋa, 10tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec, 11kitemokinos aŋuna ka akoloŋit a ŋina epeniata ŋirwa ŋiuni, anerae ani edoli akoloŋit ŋin, ebuni Ekapolon anakuj min kidiama emoru Sinai iteete ŋituŋa daadaŋ. 12Kiwuak egeri kiryam emoru cib, ikotere nyilamar ŋituŋa lomoru, tolimok ikes ebe, ‘Tocoito nyitipeiyosi lomoru, nyiapiyasi tari nakeju ke emoru. Ituŋanan daadaŋ ŋini eapiyari nen, emaikina toarae. 13Mam akan etapi iŋes, nai ecakio a ŋamoru, kori egumyo a ŋikaleŋeleŋe; kerae etyaŋ, kori ituŋanan, nyemaikina kimyekinae toyar.’ Nai ani ekutakinio abureryaŋ a emesek, emaikina ikes kitipeut lomoru.” 14Abu nai Moses totiyaiyar alomoru, tolot neni aya ŋituŋa kitaleu ikes, ido kilotasi ŋilowi kec. 15Tema Moses neni a ŋituŋa, “Kitemonokinos aŋuna ka akoloŋit a ŋina epeniata ŋirwa ŋiuni; nyemaikina ŋikilyok kiryamakinos ka ŋaberu.”
16Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis. 17Toriku Moses ŋituŋa daadaŋ analomar akiryamun ka Akuj. Torekinos towua anakeju ke emoru. 18Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon. 19Apaki daadaŋ ŋina iyatakinor eruye ŋolo ka arupepe, erworyanakini Moses, ido toboŋok Akuj iŋes anagiro. 20Totiyaun Ekapolon min kidiama emoru Sinai, tonyaraiya Ekapolon Moses kidiama emoru, ido abu Moses kitipeiyo kidiama emoru, 21tema Ekapolon neni keŋ, “Ape totiyaiyar kwap emoru tolimok ŋituŋa tocoito areiun ne kidiama emoru akiŋolikin Ekapolon. Ani kitiyata ikes ŋun, irikarosi ŋulu alalak alokidiŋ kec. 22Tari ŋisacaradotin daŋ ŋulu emaikina poneneete neni ke Ekapolon, emaikina ikes kitaleunos, ani pa kitiyata ŋun, esicani ayoŋ ikes.” 23Tema Moses neni ke Ekapolon, “Nyecamakinitae ŋituŋa kitipeut kidiama emoru Sinai; anerae ibu iyoŋ elope ikicik isua akimyekin akitiya ŋun ibala, ‘Kiwuak egeri kiryam emoru cib, kiurya nen kidoŋ erae akibois ŋina asegan.’ ” 24Tema Ekapolon neni a Moses, “Ape totiyaiyar kwap emoru iyau Aron kitipeunio kidiama emoru; nai nyicamak ŋisacaradotin, kori ŋituŋa ilamete neni igeritoe potu neni ke Ekapolon. Ani kitiyata ŋun, esicani ayoŋ ikes.” 25Aŋun, abu Moses totiyaiyar alomoru, tolimok ŋituŋa ŋakiro ŋuna abala Ekapolon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.