2 Ŋimak. 15
15
Akituro a Nikanor
1Ani iirari Nikanor atemar eya Yudas ka ŋirukitos keŋ nakwap a Samaria, abu toyeu akitijikin ikes akoloŋit ŋina ieŋunitotor ikes ŋina nyepedoryata akitijiore ikes. 2Ani elimokinete iŋes Ŋiyudayan ŋulu areikinitae arukit ka iŋes ebe, “Nyimunya ŋituŋa ka aryenyeo ka aronis ŋina etya ŋin, nai kitoodiu akitopoloorit akoloŋit ŋina itopoloorit Ekapolon ŋolo ite ŋakiro daadaŋ ka itopoloorit akoloŋit ŋin alotooma ŋirwa daadaŋ.” 3Kiŋit ekasyaat ŋolo ilamitae nooi ŋol erae keyai ekepukan nakuj ŋolo abu kicik atemar kitopolooroe akoloŋit ŋina a Sabato. 4Ani elimokinete ikes iŋes ebe, “Erae Ekapolon ŋolo eyari elope, Ekepukan ŋolo anakuj, iŋes alimuni atemar emaikina kitopolooritetei akoloŋit ŋina a Sabato,” 5tolimok iŋes ikes tema, “Nai arae ayoŋ ekepukan a akwap, ido akalimokini ayoŋ iyes alemun ŋiboro ŋulujiet ka kirikakis akitiya etic a erwosit.” Kikote neni daŋ, abu Nikanor nyepedo akitiya asiilyo ŋina ayeunit iŋes akitiya.
Kitemonok Yudas Ŋiyudayan aŋuna ke ejie
6Apaki ŋin, kebu Nikanor anakituro ka anamenit keŋ totub adukokin aduketait ŋina epote ŋituŋa daadaŋ akiŋolikin totamunitotor akiloun ŋina abunio iŋes kilounia Yudas ka ŋasigarya keŋ. 7Nai abu Makabeus nyejoŋo akikinyomit a etau keŋ a daadaŋ atemar aryamuni iŋes akiŋarakinet aneni a Ekapolon. 8Abu iŋes tolimok ŋasigarya keŋ nyekuryaketa ejie ka ŋituŋa ŋulu nyerae Ŋiyudayan, nai totamunito ŋirwa ŋulu alunyar ŋulu aryamuniata ikes akiŋarakinet aneni ka Akuj, ido emaikina ikes kiwara akiŋarakino ŋina einakini Akuj ŋina etiron ikes. 9Kisimukek Yudas ŋasigarya keŋ a ŋakiro a ŋuna a ŋikisila ka a ŋuna a ŋikadwarak, kitatamu daŋ ikes ŋijiesyo ŋulu apotu ikes kilouniata ŋimoe kec; apotu ŋakiro ŋun kisiburakis ikes ejie. 10Kedau Makabeus akitaŋatakin anakisimukekino ŋirukitos keŋ, abu tolimok ikes ŋuna kitiya, abu daŋ tolimok ikes atemar nyerae ŋituŋa ŋulu nyerae Ŋiyudayan ŋituŋa ŋulu epedoryo akikinyom, anerae nyiricito ikes ŋakiro ŋuna ikoŋeneete. 11Abu Makabeus kitogogoŋ ŋirukitos keŋ meere a akikinyomit ŋaupala ka ŋakwaaras, nai a ŋakiro keŋ a ŋuna etitinyikinok, abu daŋ kitalaka ikes daadaŋ aŋuna alimokinia ikes ŋakiro ŋuna erujat iŋes, akisileerekinet ŋina apedori ituŋanan akinup.
12Ŋuna abu iŋes kiŋolik anakiruja ikes nu, “Elipi Onias epetarit ŋakan keŋ a ŋuna a Ŋiyudayan a daadaŋ. Arae sek Onias esacaradoti ŋolo apolon nooi, ekile ŋolo itopolooritae ka ŋolo ajokan a ŋipitesyo, erworo iŋes ŋakiro ŋuna ajokak ka arimaana; arae iŋes ekile ŋolo erworo ejok ka erworo ŋakiro ŋuna eyookino ka etatamitae iŋes ejok ŋinapei eriŋa iŋes erae ikoku ŋini cici ŋakiro daadaŋ ŋuna ajokak. 13Alopite a ŋolopei totakanu ituŋanan ice, ayenen iŋes aŋuna a ŋakorwo keŋ ka a apolou keŋ ta ailiil ŋina ajokan nooi ka apedor keŋ.” 14Abu nai Onias kirwor tema, “Erae ekile lo ituŋanan ŋini emina ekal a Ŋisirael ka elipi nooi aŋuna a ŋituŋa ka aŋuna a etaun a ŋolo asegan. Erae ekiro keŋ Yeremia ekadwaran a Akuj.” 15Abu Yeremia torwaa akan keŋ ŋina aloteten inak Yudas ekileŋ ŋolo etiyaunitae a egolid; ani einakini iŋes Yudas ekileŋ ŋol, abu tolimok iŋes tema, 16“Kijaa ekileŋ lo ŋolo asegan, ainakinet aneni ka Akuj, imunyari iyoŋ ŋimoe kon a ekileŋ a lo.” 17Kedaut ŋirukitos a Yudas aryamun akisimukekinet anakiro a ŋuna alimokini ikes Yudas ituŋanan ŋini etopolooritae ka ŋini apedorit ainakin atitinyu neni a ŋituŋa ka akisimukekin ŋitai a ŋisorok, apotu ikes tocamut alosit lojie jik emam akicanican apaki atamatam epite ŋolo itijikinere ŋimoe ka atyakun ŋakiro alojie a ŋolo ka akitiya ka anamukeo a daadaŋ, anerae atenito ŋimoe akinyasun etaun ka akibois ŋina asegan ta Akai ka Akuj. 18Pa apolok nooi aneni kec ŋakiro ŋuna ka aiun ŋaberu kec, ŋidwe kec, ŋikaitotoi kec, nai apol aneni kec nooi aiun nyinyasun akibois ŋina asegan ŋina italeunitoe. 19Tosodi eyaloloŋete nooi ŋulu apotu kidoŋo lotaun, anerae atamete ikes nooi ŋakiro ŋuna etakanunete alojie a ŋolo ajio anenilapat.
Akilouno ka atwanare a Nikanor
20Ani eriŋa ŋituŋa daadaŋ idarito akiŋolikin ŋuna etakanunete ka toris ŋimoe keapuut ka ŋasigarya kec icodorito aŋuna ke ejie toyakas ŋitome nakiboisyo ŋuna epatana ŋimoe akitorun ka toyakas ŋasigarya ŋuna ameto ŋaŋolei nawaetin a ŋitome. 21Kedau Makabeus akiŋolikin ŋasepico ŋuna ayakasi kiŋaren keŋ ka ŋiboro ŋulujiet ŋulu agelegelya, adedeŋu a ŋitome, abu kikyaa ŋakan keŋ kidiama, ido kilip neni ke Ekapolon a ŋolo itiyae ŋaumonokineta, anerae abu iŋes toanyu atemar nyilouni iŋes ŋimoe aŋuna a ŋiboro a ŋulujiet, nai anacamit a ŋina etubunit Ekapolon aŋuna a ŋulu emaikina kilout ŋimoe kec. 22Abu Yudas kilip neni ke Ekapolon ebala, “Okoe Ekapolon, ibu iyoŋ kiyakiya emalaika kon alorwa a ŋulu a erwosit Esekia a ŋolo a Yudaya ka abu emalaika ŋol toar ŋituŋa ŋalipyo amiat ka ŋatomonikanikauni ka ŋikan aneni eboiyoto ŋasigarya a Senakerib. 23Aŋun tokona, okoe ekepukan ŋolo alokidiama, kiyaku emalaika ŋolo ajokan kitubul ka kitomaranik ŋimoe kosi alokiŋaren kosi. 24Elipi tomunyarae a apedor kon a ŋina etiron ŋikeyanyak Akuj lu ŋulu eponito akitijiore ŋituŋa kon ŋulu asegak.” Abu iŋes todau akilip keŋ a ŋakiro a ŋun.
25Apotu Nikanor ka ŋasigarya keŋ kicodosi lojie ekusete ŋarupepe ka eosi ŋieosyo ŋulu ke ejie, 26nai apotu Yudas ka ŋirukitos keŋ toloto akisiryam ŋimoe enyarito Akuj ka ilipete. 27Aŋun, ajiete Ŋiyudayan a ŋakan kec, ido kilipete neni ka Akuj alotai kec. Apotu ikes toara ŋimoe ŋulu aapikinito ŋalipyo ŋatomoniuni ka ŋikan ka apotu tolakaros nooi aŋuna ka atakanunet a Akuj.
28Ani edaun ejie ka eboŋete ikes elelyanete toyena ikes Nikanor eperi etwanit tonapite ŋiboro keŋ ŋulujiet. 29Tocelut nai ŋituŋa ka kipuro Ekapolon ŋolo erae ekepukan, irworosi a ŋajep atapapaa kec. 30Abu nai Yudas ŋolo ainakina anakuwan ka anakiyar keŋ aiun ŋituŋa keŋ ka ŋolo abu torubak ŋinapei anasorokanut keŋ etamunit ŋituŋa a akwap keŋ, tolimok ŋirukitos keŋ atubun akou ka akan a Nikanor yaarae Yerusalem. 31Ani edoli iŋes Yerusalem ka kedau anyaraun ŋituŋa a akwap keŋ nakibois apei ka kedau akitowo ŋisacaradotin alodiyete namuroet, abu kiyakiya ŋituŋa ayaun ŋituŋa ŋulu ayakasi naduketait ŋinajiet, 32abu kitoodik ikes akou a Nikanor a ŋolo aronon
ka akan a ekeyanyan Akuj, akan ŋina etiyaa iŋes ituro aronis Kai ŋina asegan ŋina ka Akuj a ŋina etiron. 33Abu Yudas totub aŋajep a Nikanor a ŋolo pa anupit neni ka Akuj, ido tolimu atemar enyilinyili iŋes toruwor akimuj a ŋataruk ka atemar enenekini akou a ebaŋaanot neni iteosi ka akibois ŋina asegan. 34Apotu nai Ŋiyudayan daadaŋ, ireorito kidiama kipuro Ekapolon ŋolo abu kitoodiun ebasi, “Kipuroe Ekapolon ŋolo abu kidar akibois keŋ a elope nyinyasun.” 35Abu Yudas kinenek akou a Nikanor kidiama aduketait ŋinajiet, toruwor akitoodikinet ŋina eleere, ŋina iŋolikineta ŋituŋa daadaŋ ŋuna a akiŋarakinet a Ekapolon. 36Apotu nai ŋituŋa daadaŋ totubut atemar nyemaikina akoloŋit ŋin tolunyar pa etamunitae, nai emaikina kitiyae ŋasuban ŋirwa ke elap ŋitomon ka ŋiuni elap ŋolo a ŋitomon ka ŋiarei, ŋolo enyaritae Adar a Ŋaramaik, akoloŋit ŋina iŋareni eriŋa akoloŋit ŋina etamunitere Moridekai.
37Erae ŋol epite ŋolo aponiata ŋakiro a Nikanor kitiyakinos, ido ameun apaki ŋin eyai etaun napedor a Ŋiburaniyae. Aŋun, esalakini ayoŋ eemut kaŋ nakiro ŋun.
Ŋakiro a ekegiran ekitaabo lo ŋuna esidyok
38Ani kelimun ŋakiro ŋun ikote neni igiritere, erae ŋun ŋuna eitanit ayoŋ; ani pa kelimun ejok ka erae ŋuna nyebob akiirar, aneni kaŋ erae ŋun ŋuna apedorit ayoŋ akitiya, 39anerae ikwapei eronia akimat epiini, kori akimat ŋakipi bon, ido tobob bo epiini inyalakinitae ka ŋakipi ka torae akimuj ŋina einakini ituŋanan alelyanu, ikwaŋina pei epite ŋolo esyomere eemut iŋes elakaror ituŋanan ŋini epupi. Agolok nai ayoŋ ŋakiro kaŋ a ne.
Currently Selected:
2 Ŋimak. 15: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
2 Ŋimak. 15
15
Akituro a Nikanor
1Ani iirari Nikanor atemar eya Yudas ka ŋirukitos keŋ nakwap a Samaria, abu toyeu akitijikin ikes akoloŋit ŋina ieŋunitotor ikes ŋina nyepedoryata akitijiore ikes. 2Ani elimokinete iŋes Ŋiyudayan ŋulu areikinitae arukit ka iŋes ebe, “Nyimunya ŋituŋa ka aryenyeo ka aronis ŋina etya ŋin, nai kitoodiu akitopoloorit akoloŋit ŋina itopoloorit Ekapolon ŋolo ite ŋakiro daadaŋ ka itopoloorit akoloŋit ŋin alotooma ŋirwa daadaŋ.” 3Kiŋit ekasyaat ŋolo ilamitae nooi ŋol erae keyai ekepukan nakuj ŋolo abu kicik atemar kitopolooroe akoloŋit ŋina a Sabato. 4Ani elimokinete ikes iŋes ebe, “Erae Ekapolon ŋolo eyari elope, Ekepukan ŋolo anakuj, iŋes alimuni atemar emaikina kitopolooritetei akoloŋit ŋina a Sabato,” 5tolimok iŋes ikes tema, “Nai arae ayoŋ ekepukan a akwap, ido akalimokini ayoŋ iyes alemun ŋiboro ŋulujiet ka kirikakis akitiya etic a erwosit.” Kikote neni daŋ, abu Nikanor nyepedo akitiya asiilyo ŋina ayeunit iŋes akitiya.
Kitemonok Yudas Ŋiyudayan aŋuna ke ejie
6Apaki ŋin, kebu Nikanor anakituro ka anamenit keŋ totub adukokin aduketait ŋina epote ŋituŋa daadaŋ akiŋolikin totamunitotor akiloun ŋina abunio iŋes kilounia Yudas ka ŋasigarya keŋ. 7Nai abu Makabeus nyejoŋo akikinyomit a etau keŋ a daadaŋ atemar aryamuni iŋes akiŋarakinet aneni a Ekapolon. 8Abu iŋes tolimok ŋasigarya keŋ nyekuryaketa ejie ka ŋituŋa ŋulu nyerae Ŋiyudayan, nai totamunito ŋirwa ŋulu alunyar ŋulu aryamuniata ikes akiŋarakinet aneni ka Akuj, ido emaikina ikes kiwara akiŋarakino ŋina einakini Akuj ŋina etiron ikes. 9Kisimukek Yudas ŋasigarya keŋ a ŋakiro a ŋuna a ŋikisila ka a ŋuna a ŋikadwarak, kitatamu daŋ ikes ŋijiesyo ŋulu apotu ikes kilouniata ŋimoe kec; apotu ŋakiro ŋun kisiburakis ikes ejie. 10Kedau Makabeus akitaŋatakin anakisimukekino ŋirukitos keŋ, abu tolimok ikes ŋuna kitiya, abu daŋ tolimok ikes atemar nyerae ŋituŋa ŋulu nyerae Ŋiyudayan ŋituŋa ŋulu epedoryo akikinyom, anerae nyiricito ikes ŋakiro ŋuna ikoŋeneete. 11Abu Makabeus kitogogoŋ ŋirukitos keŋ meere a akikinyomit ŋaupala ka ŋakwaaras, nai a ŋakiro keŋ a ŋuna etitinyikinok, abu daŋ kitalaka ikes daadaŋ aŋuna alimokinia ikes ŋakiro ŋuna erujat iŋes, akisileerekinet ŋina apedori ituŋanan akinup.
12Ŋuna abu iŋes kiŋolik anakiruja ikes nu, “Elipi Onias epetarit ŋakan keŋ a ŋuna a Ŋiyudayan a daadaŋ. Arae sek Onias esacaradoti ŋolo apolon nooi, ekile ŋolo itopolooritae ka ŋolo ajokan a ŋipitesyo, erworo iŋes ŋakiro ŋuna ajokak ka arimaana; arae iŋes ekile ŋolo erworo ejok ka erworo ŋakiro ŋuna eyookino ka etatamitae iŋes ejok ŋinapei eriŋa iŋes erae ikoku ŋini cici ŋakiro daadaŋ ŋuna ajokak. 13Alopite a ŋolopei totakanu ituŋanan ice, ayenen iŋes aŋuna a ŋakorwo keŋ ka a apolou keŋ ta ailiil ŋina ajokan nooi ka apedor keŋ.” 14Abu nai Onias kirwor tema, “Erae ekile lo ituŋanan ŋini emina ekal a Ŋisirael ka elipi nooi aŋuna a ŋituŋa ka aŋuna a etaun a ŋolo asegan. Erae ekiro keŋ Yeremia ekadwaran a Akuj.” 15Abu Yeremia torwaa akan keŋ ŋina aloteten inak Yudas ekileŋ ŋolo etiyaunitae a egolid; ani einakini iŋes Yudas ekileŋ ŋol, abu tolimok iŋes tema, 16“Kijaa ekileŋ lo ŋolo asegan, ainakinet aneni ka Akuj, imunyari iyoŋ ŋimoe kon a ekileŋ a lo.” 17Kedaut ŋirukitos a Yudas aryamun akisimukekinet anakiro a ŋuna alimokini ikes Yudas ituŋanan ŋini etopolooritae ka ŋini apedorit ainakin atitinyu neni a ŋituŋa ka akisimukekin ŋitai a ŋisorok, apotu ikes tocamut alosit lojie jik emam akicanican apaki atamatam epite ŋolo itijikinere ŋimoe ka atyakun ŋakiro alojie a ŋolo ka akitiya ka anamukeo a daadaŋ, anerae atenito ŋimoe akinyasun etaun ka akibois ŋina asegan ta Akai ka Akuj. 18Pa apolok nooi aneni kec ŋakiro ŋuna ka aiun ŋaberu kec, ŋidwe kec, ŋikaitotoi kec, nai apol aneni kec nooi aiun nyinyasun akibois ŋina asegan ŋina italeunitoe. 19Tosodi eyaloloŋete nooi ŋulu apotu kidoŋo lotaun, anerae atamete ikes nooi ŋakiro ŋuna etakanunete alojie a ŋolo ajio anenilapat.
Akilouno ka atwanare a Nikanor
20Ani eriŋa ŋituŋa daadaŋ idarito akiŋolikin ŋuna etakanunete ka toris ŋimoe keapuut ka ŋasigarya kec icodorito aŋuna ke ejie toyakas ŋitome nakiboisyo ŋuna epatana ŋimoe akitorun ka toyakas ŋasigarya ŋuna ameto ŋaŋolei nawaetin a ŋitome. 21Kedau Makabeus akiŋolikin ŋasepico ŋuna ayakasi kiŋaren keŋ ka ŋiboro ŋulujiet ŋulu agelegelya, adedeŋu a ŋitome, abu kikyaa ŋakan keŋ kidiama, ido kilip neni ke Ekapolon a ŋolo itiyae ŋaumonokineta, anerae abu iŋes toanyu atemar nyilouni iŋes ŋimoe aŋuna a ŋiboro a ŋulujiet, nai anacamit a ŋina etubunit Ekapolon aŋuna a ŋulu emaikina kilout ŋimoe kec. 22Abu Yudas kilip neni ke Ekapolon ebala, “Okoe Ekapolon, ibu iyoŋ kiyakiya emalaika kon alorwa a ŋulu a erwosit Esekia a ŋolo a Yudaya ka abu emalaika ŋol toar ŋituŋa ŋalipyo amiat ka ŋatomonikanikauni ka ŋikan aneni eboiyoto ŋasigarya a Senakerib. 23Aŋun tokona, okoe ekepukan ŋolo alokidiama, kiyaku emalaika ŋolo ajokan kitubul ka kitomaranik ŋimoe kosi alokiŋaren kosi. 24Elipi tomunyarae a apedor kon a ŋina etiron ŋikeyanyak Akuj lu ŋulu eponito akitijiore ŋituŋa kon ŋulu asegak.” Abu iŋes todau akilip keŋ a ŋakiro a ŋun.
25Apotu Nikanor ka ŋasigarya keŋ kicodosi lojie ekusete ŋarupepe ka eosi ŋieosyo ŋulu ke ejie, 26nai apotu Yudas ka ŋirukitos keŋ toloto akisiryam ŋimoe enyarito Akuj ka ilipete. 27Aŋun, ajiete Ŋiyudayan a ŋakan kec, ido kilipete neni ka Akuj alotai kec. Apotu ikes toara ŋimoe ŋulu aapikinito ŋalipyo ŋatomoniuni ka ŋikan ka apotu tolakaros nooi aŋuna ka atakanunet a Akuj.
28Ani edaun ejie ka eboŋete ikes elelyanete toyena ikes Nikanor eperi etwanit tonapite ŋiboro keŋ ŋulujiet. 29Tocelut nai ŋituŋa ka kipuro Ekapolon ŋolo erae ekepukan, irworosi a ŋajep atapapaa kec. 30Abu nai Yudas ŋolo ainakina anakuwan ka anakiyar keŋ aiun ŋituŋa keŋ ka ŋolo abu torubak ŋinapei anasorokanut keŋ etamunit ŋituŋa a akwap keŋ, tolimok ŋirukitos keŋ atubun akou ka akan a Nikanor yaarae Yerusalem. 31Ani edoli iŋes Yerusalem ka kedau anyaraun ŋituŋa a akwap keŋ nakibois apei ka kedau akitowo ŋisacaradotin alodiyete namuroet, abu kiyakiya ŋituŋa ayaun ŋituŋa ŋulu ayakasi naduketait ŋinajiet, 32abu kitoodik ikes akou a Nikanor a ŋolo aronon
ka akan a ekeyanyan Akuj, akan ŋina etiyaa iŋes ituro aronis Kai ŋina asegan ŋina ka Akuj a ŋina etiron. 33Abu Yudas totub aŋajep a Nikanor a ŋolo pa anupit neni ka Akuj, ido tolimu atemar enyilinyili iŋes toruwor akimuj a ŋataruk ka atemar enenekini akou a ebaŋaanot neni iteosi ka akibois ŋina asegan. 34Apotu nai Ŋiyudayan daadaŋ, ireorito kidiama kipuro Ekapolon ŋolo abu kitoodiun ebasi, “Kipuroe Ekapolon ŋolo abu kidar akibois keŋ a elope nyinyasun.” 35Abu Yudas kinenek akou a Nikanor kidiama aduketait ŋinajiet, toruwor akitoodikinet ŋina eleere, ŋina iŋolikineta ŋituŋa daadaŋ ŋuna a akiŋarakinet a Ekapolon. 36Apotu nai ŋituŋa daadaŋ totubut atemar nyemaikina akoloŋit ŋin tolunyar pa etamunitae, nai emaikina kitiyae ŋasuban ŋirwa ke elap ŋitomon ka ŋiuni elap ŋolo a ŋitomon ka ŋiarei, ŋolo enyaritae Adar a Ŋaramaik, akoloŋit ŋina iŋareni eriŋa akoloŋit ŋina etamunitere Moridekai.
37Erae ŋol epite ŋolo aponiata ŋakiro a Nikanor kitiyakinos, ido ameun apaki ŋin eyai etaun napedor a Ŋiburaniyae. Aŋun, esalakini ayoŋ eemut kaŋ nakiro ŋun.
Ŋakiro a ekegiran ekitaabo lo ŋuna esidyok
38Ani kelimun ŋakiro ŋun ikote neni igiritere, erae ŋun ŋuna eitanit ayoŋ; ani pa kelimun ejok ka erae ŋuna nyebob akiirar, aneni kaŋ erae ŋun ŋuna apedorit ayoŋ akitiya, 39anerae ikwapei eronia akimat epiini, kori akimat ŋakipi bon, ido tobob bo epiini inyalakinitae ka ŋakipi ka torae akimuj ŋina einakini ituŋanan alelyanu, ikwaŋina pei epite ŋolo esyomere eemut iŋes elakaror ituŋanan ŋini epupi. Agolok nai ayoŋ ŋakiro kaŋ a ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.