2 Ŋimak. 10
10
Kitaleunoe Akai ka Akuj
(1 Ŋimak. 4:36-61)
1Apaki ŋin, apotu Makabeus ka ŋirukitos keŋ itenit Akuj ikes, kinyakut aneni a ŋimoe kec Akai ka Akuj ka etaun Yerusalem, 2apotu ikes tobwaŋabwaŋaasi ŋamuroeta ŋuna kepotu ŋituŋa ŋulu nyerae Ŋiyudayan todukokis nalapatu ŋina a ŋituŋa a daadaŋ ka kinyasut ŋakiboisyo ŋuna etaleiyorito sek ŋituŋa ŋul. 3Apotu kitaleut akibois ŋina asegan ka todukokis namuroet ace aŋuna a ŋamuronisya, ido ani kedaut akinokakin akim ŋina ekepunio anamoru, apotu inakis ŋamuronisya. Etiyaete ikes ŋun kelunyar ŋikaru ŋiarei ka apotu kicunyakis ekinyate, kinokakis ŋitaae ka torekis ŋamugati ŋuna ka ayakau a Ekapolon. 4Kedaut akitiya ŋun, apotu topero ebuburiyara, todyeka Ekapolon atemar nyecamak nabo todolokis ikes ŋican ŋulu ikote ŋulu apotu ikes toryamut ka ani keseca ikes nabo, kisyoni Akuj ikes kisican alotooma arimao, nai meere akipotokin ikes napedor a ŋituŋa a ŋakwapin a ŋulu eyenyak Akuj ka a ŋulu enyasak. 5Akoloŋit ŋinapei enyasuniata ŋigelaanotin akibois ŋina asegan, iŋes pei etaleunere akibois ŋina asegan, arae akoloŋit ŋin ŋirwa ke elap ŋatomoniarei ka ŋikan elap ŋolopei ŋolo enyaritae Kisilep. 6Apotu ikes kitiyata ka alelyanu ŋasuban ŋuna etaleunere akibois ŋina asegan, kitiyata ŋasuban ŋirwa ŋikanikauni, lopite ŋolo itiyaenenere ŋasuban ŋuna a ŋisakaitei, etamunito epite ŋolo erimitotor ikes alomoru ka anaturukanin a ŋityaŋ a ŋulu ka ariet ekiŋaren ŋirwa ŋidi ŋulu alunyarosi. 7Aŋun, apotu ikes toeto ŋieosyo ŋulu ka alakara neni a Ekapolon a ŋolo abu kitepedo ikes akitaleun nabo akibois keŋ ŋina asegan. Etiyaete ikes ŋun etiŋito ŋaikita a elogilog, ŋaten ŋuna ebusak ka ŋakuii a ŋidukan. 8Apotu ikes totubut ŋakiro ŋun erae ŋuna ikoŋitoe ka ecamunitae atemar emaikina Ŋiyudayan daadaŋ kitiyaete ŋirwa ŋul a ŋolokaru.
9Epite ŋol iŋes atwania Antiokus ŋolo daŋ anyaritae Epipanes.
Toruwor Antiokus Eupator erwosit
10Ikilimokini tokona isua iyes ŋakiro ŋuna apotu kitiyakinos alorwa a ŋulu epukator Antiokus Eupator ŋolo arae lokoku a ekile a ŋolo pa anupit Akuj ka ikilimokini isua iyes euruwuaka ŋakiro ŋuna a ŋican a ŋulu a ŋijiesyo. 11Abu ekile ŋol apaki ŋina ekamarya iŋes apukan toseu ekile ece ŋolo anyaritae Liasias apolokinit etic ŋolo ka apukan ka aruwor ekepukan a Koelesiriya ka Poenicia. 12Abu Pitolemi ŋolo daŋ anyaritae Makiron, togeik akitiya ŋuna iyookino neni a Ŋiyudayan aŋuna ka aronis a ŋina aponi kitiyae neni kec ka abu kikatak akiboi kaapei ka ikes isilito. 13Aŋakiro a ŋun, apotu ŋikonei a erwosit kisitakis iŋes alokiŋaren Eupator. Abu Pitolemi kiira ebookoi erae iŋes ekalukinon a ŋinapaki a daadaŋ, anerae abu iŋes toŋer Cipirus akibois ŋina abu Pilometor kicikak neni keŋ ka abu toriwo ka Antiokus Epipanes. Ani ayenuni Pitolemi atemar pa apedorit iŋes araakau ituŋanan ŋini ikinyoma alotic keŋ, abu tomat ibore ŋini aaran kiŋalakin totwan.
Toremoi Idumea
(1 Ŋimak. 5:1-8)
14Ani ituruworyo Gorigias ekepukan a akwap a ŋin, abu iŋes torubak eyakar ŋasigarya ŋuna epaŋgatae, ido a ŋinapaki alosenene iŋes akitijiore Ŋiyudayan. 15Pa arae ŋun bon, apotu Ŋiidumean ŋulu ekamarito ŋakiboisyo ŋunajiet torubakis isicanito Ŋiyudayan, apotu ikes kijaut ŋituŋa ŋulu eritunitae alo Yerusalem, kimukekis jik akitolot ejie kiŋaren. 16Nai apotu Makabeus ka ŋasigarya keŋ, kedaut akilip neni ka Akuj edyekito iŋes ajiore aŋuna kec, apotu toema naduketa ŋunajiet ŋuna ayakasi Ŋiidumean. 17Apotu Makabeus ka ŋirukitos keŋ kitijikis Ŋiidumean nooi, kikamasi ŋakiboisyo, tobwaŋa ŋulu ajiete alokidiama arwatata ka toara daadaŋ ŋulu apotu ikes kiiryakinotor, apotu ikes toara ŋulu pa akudyoko akilo ŋalipyo ŋatomoniarei. 18Ani eemete Ŋiidumean ŋulu adolito ŋalipyo ŋakanikaomwon akiŋop anaduketa a ŋuna agogoŋok tooyak, apotu toema nen eyakatar ŋiboro ŋulujiet ŋulu epedoryata abwaŋia ŋasigarya a Makabeus ŋuna erikaunito etaun, 19abu Makabeus kimyek Simon ka Yosepu ka Sakeus daŋ ta ŋasigarya keŋ ŋuna apedorito agolokin Ŋiidumean ŋul tooma naduketait, ido abu iŋes tolot nakiboisyo ŋuna eitanitere iŋes nooi. 20Nai apotu ŋituŋa ŋulu arukitotor Simon ŋulu eburito ŋisiliŋa nooi tocamut akaluŋuluŋut aneni a Ŋiidumean a ŋulu agolokinitoe naduketa ŋuna aoyak, ido kedaut akijaun ŋakiloi ŋatomonikanikapei ka ŋaomwon ŋuna a esilipa, apotu kimyekis Ŋiidumean ŋice tosiwa. 21Ani elimokinio Makabeus ŋakiro ŋuna kepotu kitiyakinos, abu Makabeus tocunak ŋikarikok a ŋituŋa, kisitak ŋituŋa ŋulu acamunete akaluŋuluŋut tolimok atemar apotu ŋituŋa ŋul, togyelasi ŋiyeneta kec aŋuna alacakineta ŋimoe akitijiore ikes. 22Abu nai Makabeus toar ŋikilyok ŋulu apotu toruworos ŋikalukinok ŋul, ido kikama atipei ŋaduketa ŋunaarei ŋun ŋuna aoyak. 23Aŋuna eloununuya Makabeus ŋimoe alojiesyo keŋ a daadaŋ, abu iŋes toar ŋituŋa ŋulu edeparito ŋalipyo ŋatomoniarei anaduketa a ŋunajiet a ŋunaarei a ŋun.
Kilou Yudas Timoteo
24Apaki ŋin, abu Timoteo ŋolo sek aris Ŋiyudayan kilout, tolimok ajore ŋina alalan ŋina a ŋasigarya a ŋuna epaŋgatae, tonyarau alo Asia ŋasigarya ŋuna alalak ŋuna ameto ŋaŋolei. Abu iŋes bu ecamit akikamar Yudaya ka agogoŋu. 25Ani eapiyari iŋes Yudaya, apotu Makabeus ka ŋirukitos keŋ kipurupurakis apuwa nakyes kec tonapa anacirin kec ŋiguniyae ilipete neni ka Akuj. 26Toryediko ikes anadoketa a ŋuna alokiŋaren namuroet, todyeka Akuj akitiya ejok neni kec, lopite ŋolo elimunitere alokisila. 27Ani kedaut akilip kec, tolemut ŋiboro kec ŋulujiet, toloto nenipei alwanan alotaun, ido ani edolete ikes diyete ŋimoe, apotu towua. 28Ani iwalari akwap, tojikinos ŋajorei ŋunaarei, ekinyomito ŋasigarya a Makabeus atitinyu kec ka akiŋarakinet aneni a Ekapolon aŋuna ka akisiyookin etic kec ka akiloun, nai ekinyomito ŋasigarya a Timoteo ajiore alotooma aryenyeo.
29Ani epuruuni ejie, totakanut ŋikilyok ŋulu acayete ŋawat kec edokito ŋaŋolei ŋuna aenikinitae ŋisaaja ŋulu etiyaunitae a egolid, eŋarenikinito ŋikilyok ŋul ŋasigarya a Ŋiyudayan. 30Apotu ŋiarei a ŋikilyok a ŋul kiwuakis Makabeus kidiŋ kec, kiteriboosi iŋes a ŋaupala kec ka a ŋiboro kec a ŋulujiet, nyimyekis iŋes ewanio. Toguma ŋikilyok ŋul ŋimoe a Ŋiyudayan a ŋikaleŋeleŋe ka topeto a ŋamoru, akitodol ŋina eguryakinotor ka tomudukaketa, kielun a ŋipeipei toarae. 31Aponi toarae ŋimoe ŋalipyo ŋatomoniarei ka ŋamiae ŋakan pa imaritae ŋulu adokito ŋaŋolei ŋulu arae ŋamiae ŋakanikapei.
32Abu Timoteo elope toem naduketa ŋunajiet ŋuna enyaritae Gasara neni aya ŋasigarya ŋuna alalak ŋuna arae Kaeres iŋes arikit. 33Tolakaros nai Makabeus ka ŋirukitos keŋ kirikaut aduketait ŋin, yaasi ŋirwa ŋiomwon irikaunito. 34Apotu ŋikilyok ŋulu aya tooma nen, ikinyomito agogoŋu a akibois a ŋin, torubakis iyenyete Akuj nooi ka elimununeete ŋakiro ŋuna aronok. 35Nai ani taparacu epete ŋirwa ŋikan, apotu ŋisorok ŋatomoniarei ŋulu arukitotor Makabeus toŋoa nooi, anerae eyenyete ŋituŋa ŋul Akuj, tolilyata nooi, ido alotooma atitinyu, apotu todoka arwatata, toara ŋituŋa daadaŋ ŋulu apotu ikes kiryamunotor. 36Todokasi ŋirukitos a Makabeus ŋice arwatata a aduketait a ŋinajiet alowae a ŋoloce, tolomasi tooma naduketait, kicunyakis ŋaduketa ŋuna aoyak tonom akim ŋituŋa ŋulu alalak ŋulu aya nen, ŋulu sek eyenyete Akuj. Tobwaŋa ŋice ŋipukei a aduketait, kitolomut ŋasigarya ŋunace tooma aduketait, ido apotu ikes kikamasi etaun. 37Apotu ikes toara Timoteo ŋolo aŋopit alotooma akare, toara daŋ Kaereas lokaato keŋ ka Apolopanes. 38Kedaut ikes akitiya ŋakiro ŋun, toeoto ka tolakaros einakinito alakara neni a Ekapolon a ŋolo abu torimaaniar aneni a Ŋisirael ka inak ikes akiloun ŋimoe kec.
Currently Selected:
2 Ŋimak. 10: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
2 Ŋimak. 10
10
Kitaleunoe Akai ka Akuj
(1 Ŋimak. 4:36-61)
1Apaki ŋin, apotu Makabeus ka ŋirukitos keŋ itenit Akuj ikes, kinyakut aneni a ŋimoe kec Akai ka Akuj ka etaun Yerusalem, 2apotu ikes tobwaŋabwaŋaasi ŋamuroeta ŋuna kepotu ŋituŋa ŋulu nyerae Ŋiyudayan todukokis nalapatu ŋina a ŋituŋa a daadaŋ ka kinyasut ŋakiboisyo ŋuna etaleiyorito sek ŋituŋa ŋul. 3Apotu kitaleut akibois ŋina asegan ka todukokis namuroet ace aŋuna a ŋamuronisya, ido ani kedaut akinokakin akim ŋina ekepunio anamoru, apotu inakis ŋamuronisya. Etiyaete ikes ŋun kelunyar ŋikaru ŋiarei ka apotu kicunyakis ekinyate, kinokakis ŋitaae ka torekis ŋamugati ŋuna ka ayakau a Ekapolon. 4Kedaut akitiya ŋun, apotu topero ebuburiyara, todyeka Ekapolon atemar nyecamak nabo todolokis ikes ŋican ŋulu ikote ŋulu apotu ikes toryamut ka ani keseca ikes nabo, kisyoni Akuj ikes kisican alotooma arimao, nai meere akipotokin ikes napedor a ŋituŋa a ŋakwapin a ŋulu eyenyak Akuj ka a ŋulu enyasak. 5Akoloŋit ŋinapei enyasuniata ŋigelaanotin akibois ŋina asegan, iŋes pei etaleunere akibois ŋina asegan, arae akoloŋit ŋin ŋirwa ke elap ŋatomoniarei ka ŋikan elap ŋolopei ŋolo enyaritae Kisilep. 6Apotu ikes kitiyata ka alelyanu ŋasuban ŋuna etaleunere akibois ŋina asegan, kitiyata ŋasuban ŋirwa ŋikanikauni, lopite ŋolo itiyaenenere ŋasuban ŋuna a ŋisakaitei, etamunito epite ŋolo erimitotor ikes alomoru ka anaturukanin a ŋityaŋ a ŋulu ka ariet ekiŋaren ŋirwa ŋidi ŋulu alunyarosi. 7Aŋun, apotu ikes toeto ŋieosyo ŋulu ka alakara neni a Ekapolon a ŋolo abu kitepedo ikes akitaleun nabo akibois keŋ ŋina asegan. Etiyaete ikes ŋun etiŋito ŋaikita a elogilog, ŋaten ŋuna ebusak ka ŋakuii a ŋidukan. 8Apotu ikes totubut ŋakiro ŋun erae ŋuna ikoŋitoe ka ecamunitae atemar emaikina Ŋiyudayan daadaŋ kitiyaete ŋirwa ŋul a ŋolokaru.
9Epite ŋol iŋes atwania Antiokus ŋolo daŋ anyaritae Epipanes.
Toruwor Antiokus Eupator erwosit
10Ikilimokini tokona isua iyes ŋakiro ŋuna apotu kitiyakinos alorwa a ŋulu epukator Antiokus Eupator ŋolo arae lokoku a ekile a ŋolo pa anupit Akuj ka ikilimokini isua iyes euruwuaka ŋakiro ŋuna a ŋican a ŋulu a ŋijiesyo. 11Abu ekile ŋol apaki ŋina ekamarya iŋes apukan toseu ekile ece ŋolo anyaritae Liasias apolokinit etic ŋolo ka apukan ka aruwor ekepukan a Koelesiriya ka Poenicia. 12Abu Pitolemi ŋolo daŋ anyaritae Makiron, togeik akitiya ŋuna iyookino neni a Ŋiyudayan aŋuna ka aronis a ŋina aponi kitiyae neni kec ka abu kikatak akiboi kaapei ka ikes isilito. 13Aŋakiro a ŋun, apotu ŋikonei a erwosit kisitakis iŋes alokiŋaren Eupator. Abu Pitolemi kiira ebookoi erae iŋes ekalukinon a ŋinapaki a daadaŋ, anerae abu iŋes toŋer Cipirus akibois ŋina abu Pilometor kicikak neni keŋ ka abu toriwo ka Antiokus Epipanes. Ani ayenuni Pitolemi atemar pa apedorit iŋes araakau ituŋanan ŋini ikinyoma alotic keŋ, abu tomat ibore ŋini aaran kiŋalakin totwan.
Toremoi Idumea
(1 Ŋimak. 5:1-8)
14Ani ituruworyo Gorigias ekepukan a akwap a ŋin, abu iŋes torubak eyakar ŋasigarya ŋuna epaŋgatae, ido a ŋinapaki alosenene iŋes akitijiore Ŋiyudayan. 15Pa arae ŋun bon, apotu Ŋiidumean ŋulu ekamarito ŋakiboisyo ŋunajiet torubakis isicanito Ŋiyudayan, apotu ikes kijaut ŋituŋa ŋulu eritunitae alo Yerusalem, kimukekis jik akitolot ejie kiŋaren. 16Nai apotu Makabeus ka ŋasigarya keŋ, kedaut akilip neni ka Akuj edyekito iŋes ajiore aŋuna kec, apotu toema naduketa ŋunajiet ŋuna ayakasi Ŋiidumean. 17Apotu Makabeus ka ŋirukitos keŋ kitijikis Ŋiidumean nooi, kikamasi ŋakiboisyo, tobwaŋa ŋulu ajiete alokidiama arwatata ka toara daadaŋ ŋulu apotu ikes kiiryakinotor, apotu ikes toara ŋulu pa akudyoko akilo ŋalipyo ŋatomoniarei. 18Ani eemete Ŋiidumean ŋulu adolito ŋalipyo ŋakanikaomwon akiŋop anaduketa a ŋuna agogoŋok tooyak, apotu toema nen eyakatar ŋiboro ŋulujiet ŋulu epedoryata abwaŋia ŋasigarya a Makabeus ŋuna erikaunito etaun, 19abu Makabeus kimyek Simon ka Yosepu ka Sakeus daŋ ta ŋasigarya keŋ ŋuna apedorito agolokin Ŋiidumean ŋul tooma naduketait, ido abu iŋes tolot nakiboisyo ŋuna eitanitere iŋes nooi. 20Nai apotu ŋituŋa ŋulu arukitotor Simon ŋulu eburito ŋisiliŋa nooi tocamut akaluŋuluŋut aneni a Ŋiidumean a ŋulu agolokinitoe naduketa ŋuna aoyak, ido kedaut akijaun ŋakiloi ŋatomonikanikapei ka ŋaomwon ŋuna a esilipa, apotu kimyekis Ŋiidumean ŋice tosiwa. 21Ani elimokinio Makabeus ŋakiro ŋuna kepotu kitiyakinos, abu Makabeus tocunak ŋikarikok a ŋituŋa, kisitak ŋituŋa ŋulu acamunete akaluŋuluŋut tolimok atemar apotu ŋituŋa ŋul, togyelasi ŋiyeneta kec aŋuna alacakineta ŋimoe akitijiore ikes. 22Abu nai Makabeus toar ŋikilyok ŋulu apotu toruworos ŋikalukinok ŋul, ido kikama atipei ŋaduketa ŋunaarei ŋun ŋuna aoyak. 23Aŋuna eloununuya Makabeus ŋimoe alojiesyo keŋ a daadaŋ, abu iŋes toar ŋituŋa ŋulu edeparito ŋalipyo ŋatomoniarei anaduketa a ŋunajiet a ŋunaarei a ŋun.
Kilou Yudas Timoteo
24Apaki ŋin, abu Timoteo ŋolo sek aris Ŋiyudayan kilout, tolimok ajore ŋina alalan ŋina a ŋasigarya a ŋuna epaŋgatae, tonyarau alo Asia ŋasigarya ŋuna alalak ŋuna ameto ŋaŋolei. Abu iŋes bu ecamit akikamar Yudaya ka agogoŋu. 25Ani eapiyari iŋes Yudaya, apotu Makabeus ka ŋirukitos keŋ kipurupurakis apuwa nakyes kec tonapa anacirin kec ŋiguniyae ilipete neni ka Akuj. 26Toryediko ikes anadoketa a ŋuna alokiŋaren namuroet, todyeka Akuj akitiya ejok neni kec, lopite ŋolo elimunitere alokisila. 27Ani kedaut akilip kec, tolemut ŋiboro kec ŋulujiet, toloto nenipei alwanan alotaun, ido ani edolete ikes diyete ŋimoe, apotu towua. 28Ani iwalari akwap, tojikinos ŋajorei ŋunaarei, ekinyomito ŋasigarya a Makabeus atitinyu kec ka akiŋarakinet aneni a Ekapolon aŋuna ka akisiyookin etic kec ka akiloun, nai ekinyomito ŋasigarya a Timoteo ajiore alotooma aryenyeo.
29Ani epuruuni ejie, totakanut ŋikilyok ŋulu acayete ŋawat kec edokito ŋaŋolei ŋuna aenikinitae ŋisaaja ŋulu etiyaunitae a egolid, eŋarenikinito ŋikilyok ŋul ŋasigarya a Ŋiyudayan. 30Apotu ŋiarei a ŋikilyok a ŋul kiwuakis Makabeus kidiŋ kec, kiteriboosi iŋes a ŋaupala kec ka a ŋiboro kec a ŋulujiet, nyimyekis iŋes ewanio. Toguma ŋikilyok ŋul ŋimoe a Ŋiyudayan a ŋikaleŋeleŋe ka topeto a ŋamoru, akitodol ŋina eguryakinotor ka tomudukaketa, kielun a ŋipeipei toarae. 31Aponi toarae ŋimoe ŋalipyo ŋatomoniarei ka ŋamiae ŋakan pa imaritae ŋulu adokito ŋaŋolei ŋulu arae ŋamiae ŋakanikapei.
32Abu Timoteo elope toem naduketa ŋunajiet ŋuna enyaritae Gasara neni aya ŋasigarya ŋuna alalak ŋuna arae Kaeres iŋes arikit. 33Tolakaros nai Makabeus ka ŋirukitos keŋ kirikaut aduketait ŋin, yaasi ŋirwa ŋiomwon irikaunito. 34Apotu ŋikilyok ŋulu aya tooma nen, ikinyomito agogoŋu a akibois a ŋin, torubakis iyenyete Akuj nooi ka elimununeete ŋakiro ŋuna aronok. 35Nai ani taparacu epete ŋirwa ŋikan, apotu ŋisorok ŋatomoniarei ŋulu arukitotor Makabeus toŋoa nooi, anerae eyenyete ŋituŋa ŋul Akuj, tolilyata nooi, ido alotooma atitinyu, apotu todoka arwatata, toara ŋituŋa daadaŋ ŋulu apotu ikes kiryamunotor. 36Todokasi ŋirukitos a Makabeus ŋice arwatata a aduketait a ŋinajiet alowae a ŋoloce, tolomasi tooma naduketait, kicunyakis ŋaduketa ŋuna aoyak tonom akim ŋituŋa ŋulu alalak ŋulu aya nen, ŋulu sek eyenyete Akuj. Tobwaŋa ŋice ŋipukei a aduketait, kitolomut ŋasigarya ŋunace tooma aduketait, ido apotu ikes kikamasi etaun. 37Apotu ikes toara Timoteo ŋolo aŋopit alotooma akare, toara daŋ Kaereas lokaato keŋ ka Apolopanes. 38Kedaut ikes akitiya ŋakiro ŋun, toeoto ka tolakaros einakinito alakara neni a Ekapolon a ŋolo abu torimaaniar aneni a Ŋisirael ka inak ikes akiloun ŋimoe kec.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.