2 Mamwenye 23
23
Che Yosia akujityosya minungu ja chilendo
(2 Indu ya katema 34:3-7,29-33)
1Nipele mwenye che Yosia ŵatumile ŵantenga, nombewo ŵasongangenye ilongola wose ŵa ku Yuda ni ŵa ku Yelusalemu. 2Nombe mwenye ŵapite ku Nyuumba ja Ambuje Akunnungu ali alongene ni ŵandu wose ŵa pa Yuda ni ŵandu ŵaakutama ku Yelusalemu, ni ŵambopesi ni ŵakulondola, ŵandu wose ŵandu ŵakuchimbichikwa ni ŵangachimbichikwa. Nipele, ŵaasyomele maloŵe ga mu chitabu cha lilangano chichasimanikwe pa Nyuumba ja Ambuje Akunnungu chila. 3Mwenye ŵajimi chiŵandi ni chimila ni kulitenda sooni lilangano paujo pa Ambuje Akunnungu, yaani kwakuya Ambuje Akunnungu, kukamula makanyo gakwe ni malajisyo gakwe kwa ntima ŵakwe wose ni kwa mbumu jakwe jose ni kugatenda gose gagalembekwe mu chitabu cho. Nipele ŵandu wose ŵakamulene kulitenda sooni lilangano lyo.
4Nipele che Yosia ŵalamwile jwambopesi jwankulu che Hilikia ni ŵambopesi ŵakamusi ŵakwe ni ŵakulindilila pa nnango atyosye mu Nyuumba ja Ambuje Akunnungu indu yekolochekwe kwa ligongo lya kwapopelela nnungu Baali ni nnungu jwankongwe Ashela ni kwa ligongo lya indu yaili kwinani. Ŵaijochisye paasa musi wa Yelusalemu pa lichemba lya Kidiloni ni liu lyakwe kulijausya ku Beseli. 5Nipele ŵaatyosisye mmasengo ŵambopesi wose ŵaŵapelekaga mbopesi syakutinisya kwa minungu, ŵaŵaliji asagulikwe ni mamwenye ŵa ku Yuda kuti atutumisye ubani malo syati ŵapopelaga akula ku matumbi mu misi ja ku Yuda ni misi jajisyungulile ni ku Yelusalemu, yaani aŵala uŵatutumisyaga ubani kwa nnungu Baali, ni kwa lyuŵa ni mwesi ni kwa ndondwa, ni kwa indu yose yaili ku maunde. 6Ŵachityosisye chinyago cha nnungu jwankongwe Ashela mu Nyuumba ja Ambuje Akunnungu mpaka paasa pa musi wa Yelusalemu, ŵachipeleche mpaka ku lichemba lya Kidiloni. Kweleko ŵachichomile ni kusyagasyaga mpaka yaliji luundu, ni luundu lo ŵamwasile pa malembe ga ŵandu ŵangaŵa mamwenye. 7Ŵagumulenye nyuumba sya achalume ŵaŵagonaga ni achalume achinjawo sisyaliji kujisyungula Nyuumba ja Ambuje Akunnungu, ni pamalo pati achakongwe ŵalukaga nguo syakuiwasya inyago ya nnungu jwankongwe Ashela. 8Ŵasongangenye ŵambopesi wose kutyochela misi ja ku Yuda ni kusitenda malo syati ŵapopelaga kumatumbi sikafai sooni kupopelela kutandilila ku Geba mpaka ku Beli Sheba, mose muŵatutumisyaga ubani ŵambopesi ŵa minungu. Ŵapagumwile pamalo pa kuŵichila indu yaitumiche pakujipopelela minungu, papaliji pannango wa musi chakunchiji kwa nnango wakwinjilila ku nnango wa che Yoshua mtawala jwa musi. 9Nachiŵamuno ŵambopesi ŵaŵatumichilaga pamalo pati ŵandu ŵapopelaga pa matumbi nganatumichila pachilisa cha Ambuje Akunnungu ku Yelusalemu, ŵalyaga mikate jangataga amila jiŵapegwilwe achalongo achinjao.
10Mwenye che Yosia ŵapatesile pamalo papakuŵilanjikwa Tofeti papali ku lichemba lya Beni Hinomu, pakakundikwa sooni kupopelela minungu ja unami, ni mundu jwalijose ngasanchoma mwanagwe pane mwaligwe aŵa mbopesi kwa Moleki. 11Iyoyopeyo ŵatyosisye pa nnango wakwinjilila pa Nyuumba ja Akunnungu falasi ŵaŵaŵichikwe pajika ni mamwenye ŵa ku Yuda kwa ligongo lya kunchimbichisya nnungu lyuŵa, chiŵandi ni chuumba chiŵatamaga Natani Meleki, nombejo ŵachomile mutuka sisyaŵichikwe pajika kwaligongo lya kwunchimbichisya nnungu lyuŵa. 12Ŵagumwile ilisa iyataŵikwe ni mamwenye ŵa ku Yuda pa chipagala cha ligolofa lya che Ahasi, sooni ŵagumwile chilisa chichataŵikwe ni che Manase ku ŵala siŵili sya Nyuumba ja Ambuje Akunnungu. Ŵagumwile ni kuikasanya, nipele ŵajasile luundu lyakwe ku lichemba lya Kidiloni. 13Mwenye che Yosia ŵapatesile pakakundikwa sooni kwa kupopelela pamalo pati ŵandu ŵapopela pa matumbi papaliji cha kungopochelo lyuŵa kwa Yelusalemu, cha kulujenda kwa chitumbi cha Uonasi, apala paŵapataŵile che Sulemani mwenye jwa ku Isilaeli, kwa ligongo lya Ashitoleti nnungu jwachikongwe jwa Ŵasidoni juŵali uchimwa ni kwa ligongo lya Kemoshi nnungu jwa Ŵamoabu juŵaliji uchimwa ni kwa ligongo lya Milikomu nnungu jwa Ŵaamoni juŵaliji uchimwa. 14Ŵakasenye imila ya maganga iŵaipopelelaga ŵandu, nombe ŵakatenyekatenye chinyago cha nnungu jwankongwe Ashela, ni peuto paŵaijimikaga inyago yo ŵapagumbesye maupa ga ŵandu.
15Kupunda yeleyo ŵapajonasile ku Beseli peuto pakupopelela papataŵikwe ni mwenye che Yeloboamu mwana jwa che Nebati, juŵaatendekasisye ŵandu ŵa ku Isilaeli apopelele inyago. Ŵaigumwile ilisa yo ni kukasanya maganga ipandeipande, ni kugasyaga mpaka yaliji luundu, nombe ŵachomile mooto chiimila cha nnungu Ashela. 16Nipele che Yosia paŵagalawiche ŵagaweni malembe pa chitumbi, ŵalajisye maupa gaukulikwe kutyoka mmalembe ni kuijocha pa chilisa. Nipele ŵapatesile pa chilisa po pakakundikwa malinga ni liloŵe lya Ambuje Akunnungu lilyaŵechetekwe ni mundu jwa Akunnungu jwati ŵalongolele kusala yele indu yi. 17Mwenye ŵausisye, “Ana alila lilembe lyalili ni maganga linguliwona akula lyaacheni?” Ŵandu ŵa musi ula ŵajanjile, “Lyelila lili lilembe lya mundu jwa Akunnungu juŵaiche kutyochela ku Yuda, nia kulondola ayi indu yankuipanganya ikukopochela pamalo pakutyochesya mbopesi pa.”
18Nombe che Yosia ŵalajisye achitiji, “Munneche pelepo, mundu jwalijose akagatyosya maupa gakwe,” Kwayele ŵagalesile maupa gakwe, pamo ni maupa ga jwakulondola juŵatyosile ku Samalia.
19Mu kila musi ŵa Samalia mwenye che Yosia ŵapajonasile peuto pakupopelela pa minungu ja unami papataŵikwe ni mamwenye ŵa ku Isilaeli, kuti ŵatukane Ambuje Akunnungu. Ilisa yose yo ŵaigumwile mpela iŵatesile kwele ku Beseli. 20Che Yosia ŵaauleje ŵambopesi wose ŵaŵatumichilaga pa ilisa iyaliji pamalo pati ŵandu ŵapopelaga pa ikwesya ni kocha mooto maupa gao pa ilisa yo. Nipele ŵausile ku Yelusalemu.
Che Yosia akutenda chindimba cha Pasaka
(2 Indu ya katema 35:1-19)
21Nipele mwenye ŵalamwile ŵandu wose achitiji, “Muntendele Ambuje Akunnungu, Akunnungu ŵenu, Pasaka mpela yaitite pakulembekwa mu Chitabu chi cha Lilangano.” 22Ngapagwa chindimba cha Pasaka chichakondile mpela achi kutandilila katema ka ŵakulamula ŵaŵalamulaga pa Isilaeli atamuno katema ka umwenye wa ku Isilaeli pane wa ku Yuda. 23Nambo, pa chaka cha kumi na nane cha utawala wa mwenye che Yosia, chindimba cha Pasaka chaliji kwaligongo lya kwachimbichisya Ambuje Akunnungu kwele Yelusalemu ko.
Indu ine iŵaigalawisye mwenye che Yosia
24Sooni mwenye che Yosia ŵaatyosisye mu chilambo cha Yuda ni ku Yelusalemu ŵachisango, aŵala ŵaŵaliji ni minungu ja kumangwawo ni minungu jine ni minungu jine jijaliji uchimwa ku nyuumba ja ku Yuda ni ku Yelusalemu. Ŵatesile yeleyo kuti akwanilisye yaikusachilwa malinga ni malamusi gagalembekwe mu achila chitabu chati che Hilikia jwambopesi ŵachisimene mu Nyuumba ja Ambuje Akunnungu. 25Akanaŵe mwenye che Yosia ni pakumala umwenye wakwe, nganapagwe mwenye jwalijose juŵaliji mpela jwelejo jwati ŵaanonyele Ambuje Akunnungu kwa ntima wakwe wose, ni kwa mbumu jakwe jose ni kwa machili gakwe gose, malinga ni malamusi gose ga che Musa.
26Namose yeleyo, Ambuje Akunnungu nganaleka kwatumbilila ŵandu ŵa ku Yuda, kwaligongo lya aila yose yaitesile che Manase kwa Ambuje Akunnungu kuti ŵatumbilisye. 27Kwayele Ambuje Akunnungu ŵatite, “Tinaatopole ŵandu ŵa ku Yuda atyoche paujo pangu mpela ila inatendele ŵandu ŵa ku Isilaeli, ni uneji tinjiukana musi ŵa Yelusalemu unausagwile ni aji Nyuumba ja Akunnungu ji, jinatite kuti, ‘Mwelemo ni mutimbopelelwe.’”
Mbesi ja umwenye u che Yosia
(2 Indu ya katema 35:20-36:1)
28Indu ine iyakopochele katema ka utawala wa mwenye che Yosia ni indu ine iŵaitesile, yose ilembekwe mu chitabu cha chikumbuchisyo cha mamwenye ŵa ku Yuda. 29Che Yosia paŵaliji nkutawala, Falao Neko mwenye jwa ku Misili ŵakwesile mpaka ku lusulo lwa Eufulate kuti akaakamuchisye mwenye jwa ku Ashulu. Nombe mwenye che Yosia ŵatyosile kwaula kukuputana najo, nambo Falao Neko paŵammweni ŵammuleje kwele ku Megido. 30Ŵakutumichila ŵa che Yosia ŵagajigele malilo gakwe mu mutuka ja ngondo kutyochela ku Megido ni kugajausya mpaka ku Yelusalemu kuŵansichile ku lilembe lyakwe nsyene. Nipele ŵandu ŵa ku Yuda ŵanjigele che Yehoahasi mwana ju che Yosia, ŵanjitilile mauta ni kuntenda mwenye pamalo pa atatigwe.
Che Yehoahasi akutendekwa mwenye jwa ku Yuda
(2 Indu ya katema 36:2-4)
31Che Yehoahasi jwaliji ni yaka ishilini na tatu paŵatandite kutawala, ŵatawele ku Yuda kwa miesi jitatu achitamaga ku Yelusalemu. Achikulugwe ŵaŵilanjikwe che Hamutali mwali ju che Yelemia jwakutyochela ku Libina. 32Che Yehoahasi ŵatesile ugongomalo paujo pa Ambuje Akunnungu mpela iŵatesile mamwenye ŵane ŵa ku Isilaeli ni ku Yuda ŵaŵannongolele. 33Falao Neko mwenye jwa ku Misili ŵankamwile ni kuntaŵa minyolo kwele ku Libila ku chilambo cha Hamati, pakuti akakombola kutawala achitamaga kwele ku Yelusalemu ko, nombejo ŵalamwile ŵandu ŵa ku Yuda atyosye nsongo ŵa chilambo cho, kilo elufu tatu na mia nne sya madini ga feza ni kilo selasini na nne sya sahabu. 34Falao Neko ŵantesile che Eliakimu mwana jwa mwenye che Yosia aŵe mwenye pamalo pa che Yosia atatigwe, ŵaligalawisye liina lya che Eliyakimu ni kuŵa che Yehoyakimu. Nambo ŵanjigele che Yehoahasi ni kunjausya ku Misili nombejo ŵawilile kweleko.
Che Yehoyakimu akutendekwa mwenye jwa ku Yuda
(2 Indu ya katema 36:5-8)
35Mwenye che Yehoyakimu ŵanlipile Falao Neko agala madini ga feza ni sahabu siŵadaiji. Nambo pakuti akombole kutenda yeleyo, mwenye che Yehoyakimu ŵaalipisye nsongo ŵandu pachilambo pakwe, yaani madini ga feza ni sahabu, malinga ni kila mundu yaakuti kupata.
36Che Yehoyakimu ŵaliji ni yaka ishilini na tano paŵatandite kutawala, nombejo ŵatawele ku Yuda kwa yaka kumi na moja achitamaga ku Yelusalemu. Liina lya achikulugwe ŵaŵilanjikwe che Sebida mwali jwa che Pedaya jwakutyochela ku musi wa ku Luma. 37Che Yehoyakimu ŵatesile ugongomalo paujo pa Ambuje Akunnungu, mpela iŵatesile mamwenye uŵanlongolele.
Currently Selected:
2 Mamwenye 23: YBV
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
2 Mamwenye 23
23
Che Yosia akujityosya minungu ja chilendo
(2 Indu ya katema 34:3-7,29-33)
1Nipele mwenye che Yosia ŵatumile ŵantenga, nombewo ŵasongangenye ilongola wose ŵa ku Yuda ni ŵa ku Yelusalemu. 2Nombe mwenye ŵapite ku Nyuumba ja Ambuje Akunnungu ali alongene ni ŵandu wose ŵa pa Yuda ni ŵandu ŵaakutama ku Yelusalemu, ni ŵambopesi ni ŵakulondola, ŵandu wose ŵandu ŵakuchimbichikwa ni ŵangachimbichikwa. Nipele, ŵaasyomele maloŵe ga mu chitabu cha lilangano chichasimanikwe pa Nyuumba ja Ambuje Akunnungu chila. 3Mwenye ŵajimi chiŵandi ni chimila ni kulitenda sooni lilangano paujo pa Ambuje Akunnungu, yaani kwakuya Ambuje Akunnungu, kukamula makanyo gakwe ni malajisyo gakwe kwa ntima ŵakwe wose ni kwa mbumu jakwe jose ni kugatenda gose gagalembekwe mu chitabu cho. Nipele ŵandu wose ŵakamulene kulitenda sooni lilangano lyo.
4Nipele che Yosia ŵalamwile jwambopesi jwankulu che Hilikia ni ŵambopesi ŵakamusi ŵakwe ni ŵakulindilila pa nnango atyosye mu Nyuumba ja Ambuje Akunnungu indu yekolochekwe kwa ligongo lya kwapopelela nnungu Baali ni nnungu jwankongwe Ashela ni kwa ligongo lya indu yaili kwinani. Ŵaijochisye paasa musi wa Yelusalemu pa lichemba lya Kidiloni ni liu lyakwe kulijausya ku Beseli. 5Nipele ŵaatyosisye mmasengo ŵambopesi wose ŵaŵapelekaga mbopesi syakutinisya kwa minungu, ŵaŵaliji asagulikwe ni mamwenye ŵa ku Yuda kuti atutumisye ubani malo syati ŵapopelaga akula ku matumbi mu misi ja ku Yuda ni misi jajisyungulile ni ku Yelusalemu, yaani aŵala uŵatutumisyaga ubani kwa nnungu Baali, ni kwa lyuŵa ni mwesi ni kwa ndondwa, ni kwa indu yose yaili ku maunde. 6Ŵachityosisye chinyago cha nnungu jwankongwe Ashela mu Nyuumba ja Ambuje Akunnungu mpaka paasa pa musi wa Yelusalemu, ŵachipeleche mpaka ku lichemba lya Kidiloni. Kweleko ŵachichomile ni kusyagasyaga mpaka yaliji luundu, ni luundu lo ŵamwasile pa malembe ga ŵandu ŵangaŵa mamwenye. 7Ŵagumulenye nyuumba sya achalume ŵaŵagonaga ni achalume achinjawo sisyaliji kujisyungula Nyuumba ja Ambuje Akunnungu, ni pamalo pati achakongwe ŵalukaga nguo syakuiwasya inyago ya nnungu jwankongwe Ashela. 8Ŵasongangenye ŵambopesi wose kutyochela misi ja ku Yuda ni kusitenda malo syati ŵapopelaga kumatumbi sikafai sooni kupopelela kutandilila ku Geba mpaka ku Beli Sheba, mose muŵatutumisyaga ubani ŵambopesi ŵa minungu. Ŵapagumwile pamalo pa kuŵichila indu yaitumiche pakujipopelela minungu, papaliji pannango wa musi chakunchiji kwa nnango wakwinjilila ku nnango wa che Yoshua mtawala jwa musi. 9Nachiŵamuno ŵambopesi ŵaŵatumichilaga pamalo pati ŵandu ŵapopelaga pa matumbi nganatumichila pachilisa cha Ambuje Akunnungu ku Yelusalemu, ŵalyaga mikate jangataga amila jiŵapegwilwe achalongo achinjao.
10Mwenye che Yosia ŵapatesile pamalo papakuŵilanjikwa Tofeti papali ku lichemba lya Beni Hinomu, pakakundikwa sooni kupopelela minungu ja unami, ni mundu jwalijose ngasanchoma mwanagwe pane mwaligwe aŵa mbopesi kwa Moleki. 11Iyoyopeyo ŵatyosisye pa nnango wakwinjilila pa Nyuumba ja Akunnungu falasi ŵaŵaŵichikwe pajika ni mamwenye ŵa ku Yuda kwa ligongo lya kunchimbichisya nnungu lyuŵa, chiŵandi ni chuumba chiŵatamaga Natani Meleki, nombejo ŵachomile mutuka sisyaŵichikwe pajika kwaligongo lya kwunchimbichisya nnungu lyuŵa. 12Ŵagumwile ilisa iyataŵikwe ni mamwenye ŵa ku Yuda pa chipagala cha ligolofa lya che Ahasi, sooni ŵagumwile chilisa chichataŵikwe ni che Manase ku ŵala siŵili sya Nyuumba ja Ambuje Akunnungu. Ŵagumwile ni kuikasanya, nipele ŵajasile luundu lyakwe ku lichemba lya Kidiloni. 13Mwenye che Yosia ŵapatesile pakakundikwa sooni kwa kupopelela pamalo pati ŵandu ŵapopela pa matumbi papaliji cha kungopochelo lyuŵa kwa Yelusalemu, cha kulujenda kwa chitumbi cha Uonasi, apala paŵapataŵile che Sulemani mwenye jwa ku Isilaeli, kwa ligongo lya Ashitoleti nnungu jwachikongwe jwa Ŵasidoni juŵali uchimwa ni kwa ligongo lya Kemoshi nnungu jwa Ŵamoabu juŵaliji uchimwa ni kwa ligongo lya Milikomu nnungu jwa Ŵaamoni juŵaliji uchimwa. 14Ŵakasenye imila ya maganga iŵaipopelelaga ŵandu, nombe ŵakatenyekatenye chinyago cha nnungu jwankongwe Ashela, ni peuto paŵaijimikaga inyago yo ŵapagumbesye maupa ga ŵandu.
15Kupunda yeleyo ŵapajonasile ku Beseli peuto pakupopelela papataŵikwe ni mwenye che Yeloboamu mwana jwa che Nebati, juŵaatendekasisye ŵandu ŵa ku Isilaeli apopelele inyago. Ŵaigumwile ilisa yo ni kukasanya maganga ipandeipande, ni kugasyaga mpaka yaliji luundu, nombe ŵachomile mooto chiimila cha nnungu Ashela. 16Nipele che Yosia paŵagalawiche ŵagaweni malembe pa chitumbi, ŵalajisye maupa gaukulikwe kutyoka mmalembe ni kuijocha pa chilisa. Nipele ŵapatesile pa chilisa po pakakundikwa malinga ni liloŵe lya Ambuje Akunnungu lilyaŵechetekwe ni mundu jwa Akunnungu jwati ŵalongolele kusala yele indu yi. 17Mwenye ŵausisye, “Ana alila lilembe lyalili ni maganga linguliwona akula lyaacheni?” Ŵandu ŵa musi ula ŵajanjile, “Lyelila lili lilembe lya mundu jwa Akunnungu juŵaiche kutyochela ku Yuda, nia kulondola ayi indu yankuipanganya ikukopochela pamalo pakutyochesya mbopesi pa.”
18Nombe che Yosia ŵalajisye achitiji, “Munneche pelepo, mundu jwalijose akagatyosya maupa gakwe,” Kwayele ŵagalesile maupa gakwe, pamo ni maupa ga jwakulondola juŵatyosile ku Samalia.
19Mu kila musi ŵa Samalia mwenye che Yosia ŵapajonasile peuto pakupopelela pa minungu ja unami papataŵikwe ni mamwenye ŵa ku Isilaeli, kuti ŵatukane Ambuje Akunnungu. Ilisa yose yo ŵaigumwile mpela iŵatesile kwele ku Beseli. 20Che Yosia ŵaauleje ŵambopesi wose ŵaŵatumichilaga pa ilisa iyaliji pamalo pati ŵandu ŵapopelaga pa ikwesya ni kocha mooto maupa gao pa ilisa yo. Nipele ŵausile ku Yelusalemu.
Che Yosia akutenda chindimba cha Pasaka
(2 Indu ya katema 35:1-19)
21Nipele mwenye ŵalamwile ŵandu wose achitiji, “Muntendele Ambuje Akunnungu, Akunnungu ŵenu, Pasaka mpela yaitite pakulembekwa mu Chitabu chi cha Lilangano.” 22Ngapagwa chindimba cha Pasaka chichakondile mpela achi kutandilila katema ka ŵakulamula ŵaŵalamulaga pa Isilaeli atamuno katema ka umwenye wa ku Isilaeli pane wa ku Yuda. 23Nambo, pa chaka cha kumi na nane cha utawala wa mwenye che Yosia, chindimba cha Pasaka chaliji kwaligongo lya kwachimbichisya Ambuje Akunnungu kwele Yelusalemu ko.
Indu ine iŵaigalawisye mwenye che Yosia
24Sooni mwenye che Yosia ŵaatyosisye mu chilambo cha Yuda ni ku Yelusalemu ŵachisango, aŵala ŵaŵaliji ni minungu ja kumangwawo ni minungu jine ni minungu jine jijaliji uchimwa ku nyuumba ja ku Yuda ni ku Yelusalemu. Ŵatesile yeleyo kuti akwanilisye yaikusachilwa malinga ni malamusi gagalembekwe mu achila chitabu chati che Hilikia jwambopesi ŵachisimene mu Nyuumba ja Ambuje Akunnungu. 25Akanaŵe mwenye che Yosia ni pakumala umwenye wakwe, nganapagwe mwenye jwalijose juŵaliji mpela jwelejo jwati ŵaanonyele Ambuje Akunnungu kwa ntima wakwe wose, ni kwa mbumu jakwe jose ni kwa machili gakwe gose, malinga ni malamusi gose ga che Musa.
26Namose yeleyo, Ambuje Akunnungu nganaleka kwatumbilila ŵandu ŵa ku Yuda, kwaligongo lya aila yose yaitesile che Manase kwa Ambuje Akunnungu kuti ŵatumbilisye. 27Kwayele Ambuje Akunnungu ŵatite, “Tinaatopole ŵandu ŵa ku Yuda atyoche paujo pangu mpela ila inatendele ŵandu ŵa ku Isilaeli, ni uneji tinjiukana musi ŵa Yelusalemu unausagwile ni aji Nyuumba ja Akunnungu ji, jinatite kuti, ‘Mwelemo ni mutimbopelelwe.’”
Mbesi ja umwenye u che Yosia
(2 Indu ya katema 35:20-36:1)
28Indu ine iyakopochele katema ka utawala wa mwenye che Yosia ni indu ine iŵaitesile, yose ilembekwe mu chitabu cha chikumbuchisyo cha mamwenye ŵa ku Yuda. 29Che Yosia paŵaliji nkutawala, Falao Neko mwenye jwa ku Misili ŵakwesile mpaka ku lusulo lwa Eufulate kuti akaakamuchisye mwenye jwa ku Ashulu. Nombe mwenye che Yosia ŵatyosile kwaula kukuputana najo, nambo Falao Neko paŵammweni ŵammuleje kwele ku Megido. 30Ŵakutumichila ŵa che Yosia ŵagajigele malilo gakwe mu mutuka ja ngondo kutyochela ku Megido ni kugajausya mpaka ku Yelusalemu kuŵansichile ku lilembe lyakwe nsyene. Nipele ŵandu ŵa ku Yuda ŵanjigele che Yehoahasi mwana ju che Yosia, ŵanjitilile mauta ni kuntenda mwenye pamalo pa atatigwe.
Che Yehoahasi akutendekwa mwenye jwa ku Yuda
(2 Indu ya katema 36:2-4)
31Che Yehoahasi jwaliji ni yaka ishilini na tatu paŵatandite kutawala, ŵatawele ku Yuda kwa miesi jitatu achitamaga ku Yelusalemu. Achikulugwe ŵaŵilanjikwe che Hamutali mwali ju che Yelemia jwakutyochela ku Libina. 32Che Yehoahasi ŵatesile ugongomalo paujo pa Ambuje Akunnungu mpela iŵatesile mamwenye ŵane ŵa ku Isilaeli ni ku Yuda ŵaŵannongolele. 33Falao Neko mwenye jwa ku Misili ŵankamwile ni kuntaŵa minyolo kwele ku Libila ku chilambo cha Hamati, pakuti akakombola kutawala achitamaga kwele ku Yelusalemu ko, nombejo ŵalamwile ŵandu ŵa ku Yuda atyosye nsongo ŵa chilambo cho, kilo elufu tatu na mia nne sya madini ga feza ni kilo selasini na nne sya sahabu. 34Falao Neko ŵantesile che Eliakimu mwana jwa mwenye che Yosia aŵe mwenye pamalo pa che Yosia atatigwe, ŵaligalawisye liina lya che Eliyakimu ni kuŵa che Yehoyakimu. Nambo ŵanjigele che Yehoahasi ni kunjausya ku Misili nombejo ŵawilile kweleko.
Che Yehoyakimu akutendekwa mwenye jwa ku Yuda
(2 Indu ya katema 36:5-8)
35Mwenye che Yehoyakimu ŵanlipile Falao Neko agala madini ga feza ni sahabu siŵadaiji. Nambo pakuti akombole kutenda yeleyo, mwenye che Yehoyakimu ŵaalipisye nsongo ŵandu pachilambo pakwe, yaani madini ga feza ni sahabu, malinga ni kila mundu yaakuti kupata.
36Che Yehoyakimu ŵaliji ni yaka ishilini na tano paŵatandite kutawala, nombejo ŵatawele ku Yuda kwa yaka kumi na moja achitamaga ku Yelusalemu. Liina lya achikulugwe ŵaŵilanjikwe che Sebida mwali jwa che Pedaya jwakutyochela ku musi wa ku Luma. 37Che Yehoyakimu ŵatesile ugongomalo paujo pa Ambuje Akunnungu, mpela iŵatesile mamwenye uŵanlongolele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.