2 Mamwenye 10
10
Uŵelesi u che Ahabu ukuulajikwa
1Ku musi wa Samalia kwaliji ni ŵanache sabini ŵa che Ahabu. Che Yehu ŵalembile chikalata ni kuchijausya kwa achakulu wa ku Yesileeli ni kwa ilongola ni ŵakwalindilila ŵanache ŵa che Ahabu. Chikalata cho chatite: 2“Pakuŵa pasikati jenu kwana ŵanache ŵa mwenye, nombe nkwete falasi ni mutuka ni yakumenyanilana ni misi jesyunguchisye mapupa. Kwayele napochela pe chikalata chi, 3munsagule mwanache jumo jwa chilume junkumbona kuti akufai kuŵa mwenye pasikati ja ŵanache ŵa mwenye, nkantende mwenye, nipele nkaputane ngondo kwa ligongo lya ŵandu ŵa ntundu wa chimwenye wa ambuje jwenu.”
4Achakulu ŵa ku Samalia ŵajogwepe kwa nnope ŵatite, “Ana uweji chitukombole chinauli kumpunda che Yehu akuno mwenye che Yolamu ni mwenye che Ahasia nganakombola kumpunda?” 5Kwayele jwakwimilila jwa nyuumba ja mwenye juŵaliji jwankulu jwa musi, ni achachekulu ni ŵakulindilila, ŵanjauchisye che Yehu utenga waukuti: “Uweji tuli ŵakutumichila ŵenu, tututende chilichose chachinsale. Nambo ngatuntenda mundu jwalijose kuŵa mwenye, ntende chinkuchiwona kuti chili chambone.” 6Che Yehu ŵalembile chikalata chine kwasalila, “Iŵaga nli kukwangu isyene nli chile kupanganya malajisyo gangu, munnyichisye apano pa Yesileeli, mitwe ja ŵanache ŵa mwenye jwenu malaŵi katema kanokano.”
Pa katema ŵanache sabini ŵa mwenye che Ahabu waliji pamo ni ilongola ŵa musi wa ku Samalia ŵaŵaliji nkwalela ŵanyawo. 7Nipele chikalata pachaichilile ŵaajigele aŵala ŵanache ŵa mwenye ni kwaulaga wose sabini. Ŵajiŵisile mitwe jao mu itundu ni kunjauchisya che Yehu ku Yesileeli.
8Nipele jwakutumichila jumo ŵanjaulile che Yehu ni kunsalila, “Mitwe ja ŵanache ŵa mwenye imasile kwika.” Pelepo ŵalajisye, “Nnyiŵiche paasi maunjili gaŵili pa nnango wa musi, nnyileche pelepo mpaka kundaŵi.” 9Kundaŵi kwakwe che Yehu ŵatyosile paasa, ŵajimi ni kwasalila ŵandu wose, “Ŵanyamwe nganinkola chileŵo chilichose, uneji ni junagatesile malindi ga kwaulaga ambuje ŵangu ni nauleje. Nambo jwapi jwauleje wose ŵa? 10Mmanyilile yakuti maloŵe gose gaasasile Ambuje Akunnungu gagakwagamba ŵandu ŵa ulongo ŵa che Ahabu gamalile. Ambuje Akunnungu atesile gele gaŵagasasile kwa litala lya che Elia jwakutumichila jwakwe.” 11Kwayele che Yehu Ŵauleje ŵandu wose ŵa ulongo ŵa che Ahabu ŵaŵatamaga ku musi ŵa ku Yesileeli, pamo ni achakamusi ŵakwe ni achambusanga ni ŵambopesi ŵakwe, ngananneka jwalijose kuŵa jwajumi.
Achalongo wa che Ahasia mwenye wa ku Yuda akuulajikwa
12Kanyuma che Yehu ŵatyosile kwaula ku Samalia. Ali mwitala liuto lyalikuŵilanjikwa, “Chigono cha Ŵakuchinga”, 13ŵasimene ni achalongo wa che Ahasia mwenye jwa ku Yuda ni ŵausisye, “Ana ŵanyamwe nli achiŵani?” Ŵanjanjile, “Uweji tuli ŵa ulongo wa mwenye che Ahasia. Tutuluchile akuno kukwajimajimila ŵandu ŵa pannango ŵa mwenye jwa ku Yuda ni ŵa mwenye jwankongwe che Yesebeli.” 14Nipele ŵatite, “Mwakamule ali ŵajumi.” Ŵaakamwile ŵandu alobaini na mbili, ŵauleje mungugulugu mwa chisima cha Chigono che Ŵakuchinga. Nganasigalila namose mundu jumo.
Ulongo wa mwenye che Ahabu ŵaŵasigele akuulajikwa
15Che Yehu paŵatyosile pelepo ŵaasimene ni che Yehonadabu mwana ju che Lekabu achiikaga kukwachingamila. Che Yehu ŵankomasisye ni kwausya, “Ana mmwe nli ambusanga jwambone kukwangu nti mumelele une kukwenu? Uli chinkamulangane ni une ni kungamusya?.” Che Yehonadabu ŵajanjile, “Elo chingamulane ni mmwe.”
Che Yehu ŵatite, “Naga yele basi mumbe nkono wenu.” Nipele ŵakamulene makono, ni che Yehu ŵankwesisye mu mutuka jakwe. 16Che Yehu ŵansalile, “Nlongane none kuti nlilolele inguti kwachimbichisya Ambuje Akunnungu.” Nipele, ŵajesile pamo mmutuka jakwe. 17Paŵaiche ku Samalia, che Yehu ŵauleje ŵandu wose ŵaŵasigalile mu ulongo wa mwenye che Ahabu panganneka namose mundu jumo, malinga ni liloŵe liŵasasile Ambuje Akunnungu kwa litala lya che Elia.
Ŵakujipopelela minungu Baali akuulajikwa
18Nipele che Yehu ŵasongangenye ŵandu ŵa ku Samalia ni kwasalila, “Mwenye che Ahabu ŵantumichile Baali kanandi pe, nambo une chinaatumichile kwannope. 19Mwaŵilanje ŵakulondola wose ŵa nungu Baali, ŵakutumichila ŵakwe wose ni ŵambopesi ŵakwe wose akasigala nomose jumo. Nlolechesye kuti jwali jose akwika, pakuŵa ngusaka kuntyochesya nnungu Baali mbopesi jekulungwa ni jutalepele kwika taulajikwe.” Che Yehu ŵatesile yeleyo ligongo lya kwalambusya kuti ŵaulaje ŵandu wose ŵakupopelela nungu Baali. 20Che Yehu ŵatite, “Mwasalile ŵandu asongangane kwa ligongo lya kunchimbisya nnungu Baali!” kwa yele ŵatesile yeleyo, 21ni che Yehu ŵapeleche ngani jo ku chilambo chose che Isilaeli kuti ŵakutumichila wose ŵa nnungu Baali aikangane wose. Ŵaikangene wose ngali mundu jwali jose juwasigalile, ni nyuumba ja kumpopelela nnungu Baali jagumbele ŵandu kutyochela kuundanda mpaka kuumbesi. 22Nipele che Yehu ŵaalajisye juŵajimililaga minjilo jakupolelela nnungu Baali achitiji, “Nnyichisye minjilo ja kuwala ŵandu ŵakupopelela nnungu Baali.” Jwakwimilila jula jwakopwesye minjilo ni kumpa kila mundu jwakumpopelela nnungu Baali. 23Nipele che Yehu ni che Yehonadabu mwanache ju che Lekabu ŵajinjile mu nyuumba ja nnungu Baali ni kwaasalila ŵaŵaliji mu nyuumba mula. “Nnolechesye yambone kuti ŵaali amumu akapagwa mundu jwalijose jwakumpopelela Ambuje Akunnungu, nambo apagweje ŵakwapopelele nnungu Baali pe.” 24Kwayele che Yehu ŵajinjile pamo ni che Yehonadabu kukuntyochesya nnungu Baali mbopesi ni sadaka sya kutinisya. Katema ko che Yehu ŵaliji amasile kwaŵika ŵandu semanini paasa pa nyuumba jo ni kwalajisya, “Mwaulaje ŵandu wose wo. Iŵaga mundu jwalijose tachinnechelela mundu jwalijose pasikati ja ŵandu ŵa akulupuche ni kutila tachiulajikwa pamalo pa mundu jo!”
25Namala pe che Yehu kutyosya mbopesi ja kutinisya, ŵaasalile ŵakulindilila ŵakwe ni achakamusi wakwe, “Njinjile nkaaulaje wose. Ngasimunneka namose jumo kutila!” Nipele ŵajinjile ni mapanga gao ni kukwaulaga wose, ŵagajasile malilo gose paasa. Pelepo ŵajinjile ku chuumba cha munkati cha nyuumba ja nnungu Baali. 26Ŵatyosisye paasa nyuumba ja nnungu Baali imila iyaliji nti chinyago chakwapopelela nnungu Baali ni kuichoma. 27Ŵaijonasile imila pamo ni nyuumba ja Baali, ni kupatenda pachooŵela mpaka lelo jino.
28Yele ni iyatite che Yehu kulekasya kwapopelela nnungu Baali ku Isilaeli. 29Nambo ŵakuiye sambi ji che Yeloboamu mwana ju che Nebati juŵaatendekasisye Ŵaisilaeli atende sambi. Ŵaiŵisile inyago ya ng'ombe syamwana sya sahabu ku Beseli jajili ku Dani. 30Ambuje Akunnungu ŵansalile che Yehu, “Pakuŵa ntesile yanayose inansalile kuti ntendekanye kwa ŵandu ŵapannango wa che Ahabu, kwayele uŵelesi wenu tachiŵa mamwenye ku chilambo cha Isilaeli mpaka chipago chancheche.” 31Nambo che Yehu nganagakuya malajisyo ga Ambuje Akunnungu, Akunnungu ŵa ku Isilaeli, kwa ntima wao wose. Pamalo pakwe ŵakuiye chisyasyo cha che Yeloboamu juŵatendekasisye ŵandu ŵa ku Isilaeli atende sambi.
Che Yehu akwasika
32Katema ko Ambuje Akunnungu ŵatandite kugapungusya malo ga chilambo cha Isilaeli. Mwenye che Hasaeli jwa ku Alamu ŵaapundile Ŵaisilaeli ni kwila malo gamakulungwa ga chilambo chao, 33kutyochela cha kungopochelo lyuŵa kwa lusulo lwa Yolodani ni ku ilambo ya ku Gileadi yaani malo ga ŵandu ŵa Gadi ni ŵandu ŵa Lobeni ni ŵandu ŵa Manase, kutyochela ku Aloeli jajili ku chiŵata cha Alinoni ku ilambo ya Gileadi mpaka ku Bashani.
34Indu ine yose iŵaitesile che Yehu mu utawala wao ni indu yose iyajendele yambone, yanayose ilembekwe mu chitabu cha chikumbuchisyo cha indu yakatema ka mamwenye ŵa ku Isilaeli. 35Che Yehu ŵajasiche ni kusikwa ku Samalia. Mwanagwe che Yehoahasi ŵatawele pamalo pakwe. 36Che Yehu ŵatawele ku Isilaeli kwa yaka ishilini na nane ali nkutama ku Samalia.
Currently Selected:
2 Mamwenye 10: YBV
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
2 Mamwenye 10
10
Uŵelesi u che Ahabu ukuulajikwa
1Ku musi wa Samalia kwaliji ni ŵanache sabini ŵa che Ahabu. Che Yehu ŵalembile chikalata ni kuchijausya kwa achakulu wa ku Yesileeli ni kwa ilongola ni ŵakwalindilila ŵanache ŵa che Ahabu. Chikalata cho chatite: 2“Pakuŵa pasikati jenu kwana ŵanache ŵa mwenye, nombe nkwete falasi ni mutuka ni yakumenyanilana ni misi jesyunguchisye mapupa. Kwayele napochela pe chikalata chi, 3munsagule mwanache jumo jwa chilume junkumbona kuti akufai kuŵa mwenye pasikati ja ŵanache ŵa mwenye, nkantende mwenye, nipele nkaputane ngondo kwa ligongo lya ŵandu ŵa ntundu wa chimwenye wa ambuje jwenu.”
4Achakulu ŵa ku Samalia ŵajogwepe kwa nnope ŵatite, “Ana uweji chitukombole chinauli kumpunda che Yehu akuno mwenye che Yolamu ni mwenye che Ahasia nganakombola kumpunda?” 5Kwayele jwakwimilila jwa nyuumba ja mwenye juŵaliji jwankulu jwa musi, ni achachekulu ni ŵakulindilila, ŵanjauchisye che Yehu utenga waukuti: “Uweji tuli ŵakutumichila ŵenu, tututende chilichose chachinsale. Nambo ngatuntenda mundu jwalijose kuŵa mwenye, ntende chinkuchiwona kuti chili chambone.” 6Che Yehu ŵalembile chikalata chine kwasalila, “Iŵaga nli kukwangu isyene nli chile kupanganya malajisyo gangu, munnyichisye apano pa Yesileeli, mitwe ja ŵanache ŵa mwenye jwenu malaŵi katema kanokano.”
Pa katema ŵanache sabini ŵa mwenye che Ahabu waliji pamo ni ilongola ŵa musi wa ku Samalia ŵaŵaliji nkwalela ŵanyawo. 7Nipele chikalata pachaichilile ŵaajigele aŵala ŵanache ŵa mwenye ni kwaulaga wose sabini. Ŵajiŵisile mitwe jao mu itundu ni kunjauchisya che Yehu ku Yesileeli.
8Nipele jwakutumichila jumo ŵanjaulile che Yehu ni kunsalila, “Mitwe ja ŵanache ŵa mwenye imasile kwika.” Pelepo ŵalajisye, “Nnyiŵiche paasi maunjili gaŵili pa nnango wa musi, nnyileche pelepo mpaka kundaŵi.” 9Kundaŵi kwakwe che Yehu ŵatyosile paasa, ŵajimi ni kwasalila ŵandu wose, “Ŵanyamwe nganinkola chileŵo chilichose, uneji ni junagatesile malindi ga kwaulaga ambuje ŵangu ni nauleje. Nambo jwapi jwauleje wose ŵa? 10Mmanyilile yakuti maloŵe gose gaasasile Ambuje Akunnungu gagakwagamba ŵandu ŵa ulongo ŵa che Ahabu gamalile. Ambuje Akunnungu atesile gele gaŵagasasile kwa litala lya che Elia jwakutumichila jwakwe.” 11Kwayele che Yehu Ŵauleje ŵandu wose ŵa ulongo ŵa che Ahabu ŵaŵatamaga ku musi ŵa ku Yesileeli, pamo ni achakamusi ŵakwe ni achambusanga ni ŵambopesi ŵakwe, ngananneka jwalijose kuŵa jwajumi.
Achalongo wa che Ahasia mwenye wa ku Yuda akuulajikwa
12Kanyuma che Yehu ŵatyosile kwaula ku Samalia. Ali mwitala liuto lyalikuŵilanjikwa, “Chigono cha Ŵakuchinga”, 13ŵasimene ni achalongo wa che Ahasia mwenye jwa ku Yuda ni ŵausisye, “Ana ŵanyamwe nli achiŵani?” Ŵanjanjile, “Uweji tuli ŵa ulongo wa mwenye che Ahasia. Tutuluchile akuno kukwajimajimila ŵandu ŵa pannango ŵa mwenye jwa ku Yuda ni ŵa mwenye jwankongwe che Yesebeli.” 14Nipele ŵatite, “Mwakamule ali ŵajumi.” Ŵaakamwile ŵandu alobaini na mbili, ŵauleje mungugulugu mwa chisima cha Chigono che Ŵakuchinga. Nganasigalila namose mundu jumo.
Ulongo wa mwenye che Ahabu ŵaŵasigele akuulajikwa
15Che Yehu paŵatyosile pelepo ŵaasimene ni che Yehonadabu mwana ju che Lekabu achiikaga kukwachingamila. Che Yehu ŵankomasisye ni kwausya, “Ana mmwe nli ambusanga jwambone kukwangu nti mumelele une kukwenu? Uli chinkamulangane ni une ni kungamusya?.” Che Yehonadabu ŵajanjile, “Elo chingamulane ni mmwe.”
Che Yehu ŵatite, “Naga yele basi mumbe nkono wenu.” Nipele ŵakamulene makono, ni che Yehu ŵankwesisye mu mutuka jakwe. 16Che Yehu ŵansalile, “Nlongane none kuti nlilolele inguti kwachimbichisya Ambuje Akunnungu.” Nipele, ŵajesile pamo mmutuka jakwe. 17Paŵaiche ku Samalia, che Yehu ŵauleje ŵandu wose ŵaŵasigalile mu ulongo wa mwenye che Ahabu panganneka namose mundu jumo, malinga ni liloŵe liŵasasile Ambuje Akunnungu kwa litala lya che Elia.
Ŵakujipopelela minungu Baali akuulajikwa
18Nipele che Yehu ŵasongangenye ŵandu ŵa ku Samalia ni kwasalila, “Mwenye che Ahabu ŵantumichile Baali kanandi pe, nambo une chinaatumichile kwannope. 19Mwaŵilanje ŵakulondola wose ŵa nungu Baali, ŵakutumichila ŵakwe wose ni ŵambopesi ŵakwe wose akasigala nomose jumo. Nlolechesye kuti jwali jose akwika, pakuŵa ngusaka kuntyochesya nnungu Baali mbopesi jekulungwa ni jutalepele kwika taulajikwe.” Che Yehu ŵatesile yeleyo ligongo lya kwalambusya kuti ŵaulaje ŵandu wose ŵakupopelela nungu Baali. 20Che Yehu ŵatite, “Mwasalile ŵandu asongangane kwa ligongo lya kunchimbisya nnungu Baali!” kwa yele ŵatesile yeleyo, 21ni che Yehu ŵapeleche ngani jo ku chilambo chose che Isilaeli kuti ŵakutumichila wose ŵa nnungu Baali aikangane wose. Ŵaikangene wose ngali mundu jwali jose juwasigalile, ni nyuumba ja kumpopelela nnungu Baali jagumbele ŵandu kutyochela kuundanda mpaka kuumbesi. 22Nipele che Yehu ŵaalajisye juŵajimililaga minjilo jakupolelela nnungu Baali achitiji, “Nnyichisye minjilo ja kuwala ŵandu ŵakupopelela nnungu Baali.” Jwakwimilila jula jwakopwesye minjilo ni kumpa kila mundu jwakumpopelela nnungu Baali. 23Nipele che Yehu ni che Yehonadabu mwanache ju che Lekabu ŵajinjile mu nyuumba ja nnungu Baali ni kwaasalila ŵaŵaliji mu nyuumba mula. “Nnolechesye yambone kuti ŵaali amumu akapagwa mundu jwalijose jwakumpopelela Ambuje Akunnungu, nambo apagweje ŵakwapopelele nnungu Baali pe.” 24Kwayele che Yehu ŵajinjile pamo ni che Yehonadabu kukuntyochesya nnungu Baali mbopesi ni sadaka sya kutinisya. Katema ko che Yehu ŵaliji amasile kwaŵika ŵandu semanini paasa pa nyuumba jo ni kwalajisya, “Mwaulaje ŵandu wose wo. Iŵaga mundu jwalijose tachinnechelela mundu jwalijose pasikati ja ŵandu ŵa akulupuche ni kutila tachiulajikwa pamalo pa mundu jo!”
25Namala pe che Yehu kutyosya mbopesi ja kutinisya, ŵaasalile ŵakulindilila ŵakwe ni achakamusi wakwe, “Njinjile nkaaulaje wose. Ngasimunneka namose jumo kutila!” Nipele ŵajinjile ni mapanga gao ni kukwaulaga wose, ŵagajasile malilo gose paasa. Pelepo ŵajinjile ku chuumba cha munkati cha nyuumba ja nnungu Baali. 26Ŵatyosisye paasa nyuumba ja nnungu Baali imila iyaliji nti chinyago chakwapopelela nnungu Baali ni kuichoma. 27Ŵaijonasile imila pamo ni nyuumba ja Baali, ni kupatenda pachooŵela mpaka lelo jino.
28Yele ni iyatite che Yehu kulekasya kwapopelela nnungu Baali ku Isilaeli. 29Nambo ŵakuiye sambi ji che Yeloboamu mwana ju che Nebati juŵaatendekasisye Ŵaisilaeli atende sambi. Ŵaiŵisile inyago ya ng'ombe syamwana sya sahabu ku Beseli jajili ku Dani. 30Ambuje Akunnungu ŵansalile che Yehu, “Pakuŵa ntesile yanayose inansalile kuti ntendekanye kwa ŵandu ŵapannango wa che Ahabu, kwayele uŵelesi wenu tachiŵa mamwenye ku chilambo cha Isilaeli mpaka chipago chancheche.” 31Nambo che Yehu nganagakuya malajisyo ga Ambuje Akunnungu, Akunnungu ŵa ku Isilaeli, kwa ntima wao wose. Pamalo pakwe ŵakuiye chisyasyo cha che Yeloboamu juŵatendekasisye ŵandu ŵa ku Isilaeli atende sambi.
Che Yehu akwasika
32Katema ko Ambuje Akunnungu ŵatandite kugapungusya malo ga chilambo cha Isilaeli. Mwenye che Hasaeli jwa ku Alamu ŵaapundile Ŵaisilaeli ni kwila malo gamakulungwa ga chilambo chao, 33kutyochela cha kungopochelo lyuŵa kwa lusulo lwa Yolodani ni ku ilambo ya ku Gileadi yaani malo ga ŵandu ŵa Gadi ni ŵandu ŵa Lobeni ni ŵandu ŵa Manase, kutyochela ku Aloeli jajili ku chiŵata cha Alinoni ku ilambo ya Gileadi mpaka ku Bashani.
34Indu ine yose iŵaitesile che Yehu mu utawala wao ni indu yose iyajendele yambone, yanayose ilembekwe mu chitabu cha chikumbuchisyo cha indu yakatema ka mamwenye ŵa ku Isilaeli. 35Che Yehu ŵajasiche ni kusikwa ku Samalia. Mwanagwe che Yehoahasi ŵatawele pamalo pakwe. 36Che Yehu ŵatawele ku Isilaeli kwa yaka ishilini na nane ali nkutama ku Samalia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.