उत्पत्ती 19
19
सदोमान पापे
1हांज पोर ता दुय हेरोगदुत सदोम हेयराम आवा; लुत सदोम हेयरान फाटेक हिऱ्यो बोह रियेल इतो। एने ताह देखीन तो उठीन ताह मिलने आवो एने बुई पोर पोड़ीन ताह वोंदीन केयो; 2“हे मालीक तारा पावरान गेराम आवो, एने माहु तुमरी सेवा केरने दिवो; तुमरा पाय दुवो, आज राती न्याच आराम किरो, ओवता वेगाच उठीन तुमरी वाटे जाज्यो।”
ता केया, “नाह आमु चौक माय रात रेहु।”
3पुण तो जुलूम रावणी केरीन ताह मानाड्यो; एने ता तान वात मानीन तान गेराम आवा, एने लुत तान केरता खाणो तियार किऱ्यो, एने बिगेर खमीरान रूटो रांदीन ताह खावाड्यो।
4तान हुवणेन पेल सदोम हेयरान एदमी, जुवान्याह लागाड़ीन ते डावाला वोर, आखाच एदमी लुतान गेर आवा; एने ता गेर चारो उखीर रोक लेदा; 5एने लुताह आयड़ीन केया, “जा एदमी आज राती तार फाय आयेल हेते ता का हेते? ताह आमु फाय बाहेर लेन आव, काय आमु ता हेऱ्या गेलेत काम किरज्यो।”#न्यायियो 19:22-24
6लुत गेरान बाहेर जाईन गेरान बायणो लागाड़ीन केयो, 7“एय मार बाहख, मी तुमूह विन्ता केरथु ओहलो खाराब काम मा किरो। 8हुमलो मारी दुय सोरी हेत्यु ज्यु उंजु ताहुक काल्लाच एदम्यान मुय नाह दिखेल सोत्यु, तुमरी मोरजी एय ते, मी त्युह बाहेर लियावो, एने तुमूह जो हाजो लागी तो तुमू ती हेऱ्या किरज्यो : पुण न्या एदम्याह काय मा किरो; ता मार गेर पावणा आयेल हेते।”
9पुण ता केया, “सिटो एय जा!” ओवता ता केणे बाज गीया, “तु पारायो बोणीन न्या रेणेन केरता आयेल हे, पुण एवी नियाव केरनार बोण रिनोह; एवी आमु ताह रेन होवटा खाराब काम तार हेऱ्या केरहु।” एने ता माणहे लुताह जुलूम चोपटणे बाज गीया एने बायणो तोड़नेन केरता आहने आवा। 10पुण लुतान गेर आयेल ता पावणा लुताह माय खेच लेदा, एने बायणो लागाड़ लेदा। 11एने ता दुय एदमी बाहेर जोला आतल्या मोटला डावाला जोला माणहे एता तोलाक आखा माणहाह आंदला केर देना, एने ता बायणो सापेलती सापलतीन लेवाय गीया।#2 राजा 6:18
लूत ने सदोम माय रेन वोचीन निकेलनो
12ओवता ता पावणा लुताह फुशा, “न्या तारो कुण-कुण हे? जावायहेक बेट्युख बेटाख एने हेयराम तारो जो कुण बी एय ताह सोबाह लेन ज्यी जागे रेन निकेल जा, 13काहाकाय आमु ज्या हेयराह खेतेम केरन्या हेते, ज्या हेयरान माणहे जुलूम पापी हेते, एने ज्य बोगवान दिखेल हे; केरीन आमुह ज्याह खेतेम केरनेन केरता मुकलेल हे।”
14तेवी लुत निकलीन तान जावायहाक, जाह हेरी तान बेट्युख ने हेगाय इयेल एती, ताह सोमजाड़ीन केयो, “उठो ज्यी जागे रेन निकलो चालो बोगवान ज्या हेयराह खेतेम किरन्यो हे।” पुण तान जावायहेक तान मोजाक उड़ावणे बाज गीया।
15जेवी उजालो एणे बाज गीयो, तेवी दुत लुताह जेल्दी केरने केया, “उठ तारी बायकु एने दुय बेट्युख न्या रेन लिजा : नाह ते तु बी ज्या हेयरान पापा माय खेतेम एय जाहे।” 16पुण तो वार लागाड़ती रिनो, केरीन ता एदमी तान एने बायकु एने दुयू सोऱ्युन आथ देऱ्या; काहाकाय बोगवानान गीण ता पोर एती, केरीन ताह काढ़ीन हेयरान बाहेर केर देना।#2 पतरस 2:7 17हेयरान बाहेर काढ़ीन, ता माय रेन एक दुत केयो, “तुमरो जीव लेन नाहो, हेयरा उगे पासाण फिरीन मा दिखहो, ज्या खोयराम काल्ली जागे मा थुबहो; बोयड़ा पोर नाह जाज्यो, नाह ते तुमू बी खेतेम एय जाहो।”
18पुण लुत ताह केयो, “हे मालीक इही मा केरी! 19देख तारा पावरा पोर तारी गीणीन निजेर इयेल हे, एने तु ज्या माय मोटली गीण देखाड्यो, काय मारो जीवाह वोचाड़ेल हे; पुण मी बोयड़ा पोर नाह, नाह सिकेत, ओहलो नाय एणे जुवे काय काल्ली पिढ़ा माहु पोर आव पोड़ी एने मी मोर जाव। 20देख, तो हियोर उलो आहने हे काय मी ताहरो नाह सेकथु, एने तो आत्यो बी हे। माहु ताच नाह जाणे दे, काय तो हियोर आतल्यो नाय मिले? एने मारो जीव वोच जाय।”
21दुत ताह केयो, “ठिक हे मी तारी विन्ता मानथु, जा हेयरान बाराम तु वात किरेल हे, ताह हेयराह मी खेतेम नाय केरू। 22जेल्दीच ताहरो नाह जा; काहाकाय जाहुक वोर तु ताहरो नाय पुचहे ताहुक वोर मी ज्या हेयराह खेतेम नाय केरू।” ताच माय ता हेयरान नाव सोअर #19:22 सोअर आतल्योपोड़नो।
सदोम एने अमोरान खेतेम एणो
23लुतान सोअरान आहने पोचताच देरती पोर दिह उगनो। 24तेवी यहोवा बोगवान जुगाम रेन सदोम एने अमोरा हेयरा पोर गन्दक#19:24 गन्दक पेल्ला रेंगान तेजाब एने आक्ठान पाणी पाड्यो।#मत्ती 10:15; लुका 10:12; 2 पतरस 2:6 25इहकेरीन बोगवान सदोम एने अमोरा हियोर एने ता माय रेणारे आखा माणहाह, खेतान आखी पाक हिऱ्योच खेतेम केर दिनो। 26लुत एने तान परीवार हेयराम नाहीन जाताला, तेवी लुतान बायकु पासाण फिरीन हेलेगताला हेयराह उगे देखी, एने ती मिठान खांब बोण गियी।#लुका 17:32
27ते दिहच विगोच अब्राहाम उठीन ती जागे गीयो, जाहरो तो बोगवानान सोमोर उब रियेल इतो; 28एने सदोम एने अमोरा एने ता खोयरान ता आखा देसा उगे निजेर टाकीन दिख्यो ते, ता देसाम जुलूम मोठो आक्ठान कुल्ला उड़ताला, एने दुवाड़ो बुयीम रेन उड़ताला देखानो। 29बोगवान ता खोयरान हेयराह इह केरीन खेतेम किऱ्यो, पुण तो अब्राहामाह एर केरीन लुताह ती गेटणाम रेन वोचाड़ लिदो।
मोआबी माणहान पायदा एणो
30ओवतो लुत सोअराह सोड़ दिनो, एने तान दुयू सोऱ्युह लेन बोयड़ाम जाएन रेणे बाज गीयो; काहाकाय तो सोअर माय रेणेन बितालो; केरीन तो एने तान दुयू सोऱ्यु ता गुफाम रेणे बाज गीया। 31तेवी लुतान डावाली बेटीख आतली बेटीख केयी, “आपणो आबोख डायो एय जायेल हे, एने देरती पोर काल्लोस ओहलो एदमी नाय मिले जो आपणे हेऱ्यो आवी एने सोरा पायदा केर सेकी। 32केरीन आव, आपु आपणा आबाख अंगुरान रोह पिवाड़ीन ता हेऱ्यु हुवहो, जा केरीन काय आपु आपणा आबाख ने वोसीह वोचाड़ मेलहु।” 33तेवी त्यु ते दिहच रातीन टेम माय त्युन आबाख अंगुरान रूह पिवाड़ीन डावाली बेटीख जाएन तीन आबाख हेरी लोट गियी; पुण ताह नाह मालुम पोड़नो काय ती कुलबुखे लोटनी एने कुलबुखे उठ गियी।
34एने ओहलो एनो काय दिहरी दिह मोटली बोणीख आतली बोणीख केयी, “काल राती मी आपणा आबाख हेरी हुयेल एती; केरीन आज राती बी आपु ताह अंगुरान रूह पिवाड़हु; तेवी तु जाएन ता हेरी हुवजे काय आपु आपणा आबाख ने वोस पायदा किरे।” 35तेवी त्यु ते दिह बी रातीन टेम माय तान आबाख अंगुरान रूह पिवाड्यु; एने आतली बेटीख जाएन ता हेरी लोट गियी, पुण तीन आबाख तीन हुवणो एने उठणेन बाराम मालुम नाह पोड़नो। 36इह केरीन लुतान दुयू सोऱ्यु त्युन आबाख ने उगे रेन पेटावाल्यु बोणन्यु। 37डावाली बेटीख ने सोरो पायदा एनो ती ता सोरान नाव मोआब#19:37 मोआब तीन आबाख उगे रेन पायदा इयेल मेली; तो आज वोर मोआबी माणहान डावालो आबोख बुणनो। 38आतली बेटीख ने बी एक सुरो पायदा इनो एने तान नाव बेनम्मी#19:38 बेनम्मी मार गेरल्यान सुरो मेल्यो; तो आज वोर अम्मोनी वोसीन डावालो आबोख बुणनो।
Currently Selected:
उत्पत्ती 19: Nii2025
Highlight
Copy
Compare
Share
Want to have your highlights saved across all your devices? Sign up or sign in
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025
