2 कुरिंथीयो 6
6
1आमु जा बोगवानान गोवांद्या एणेन नाते आमु ज्य बी सोमजाड़तेह काय तान गीण जो तुमू पोर ईयेल हे, ताह फालतुक जाणे मा दिवो।
2काहाकाय बोगवान किथे:
“आपणी खुसीन टेम माय मी तारी होमली लियेल,
एने सुटकारान दिह मी तारी मोदेक किरेल,”
एने दिखो एवी खुसीन टेम हे; एने दिखो एवी सुटकारान दिह हे!
3आमु काल्ली बी वातुम ठोकेर खाणेन टेम नाह आपते, काहाकाय आमरी सेवा, काम पोर काल्लो बी गुनो नाय आवी। 4पुण एकेक वातु माय बोगवानान पावोरान गेत आमरा हाजाला गुणाह देखाड्या केरतेह, मोटली दिरी माय, गेरीबी माय, मुसीबत माय, 5#प्रेरितान काम 16:23चापका खाणे माय, जेलीम कोंडाणेम, गेरदीह रेन, कामा माय, जागताला रेणे माय, उपास केरनेम, 6चोखाला माय, इकेल माय, दिरी माय, गीणीन द्वारा आमु खुद बोगवानान सेवक एणेन केरता, एने चोखाला जीवान द्वारा, एने बिगेर कोपेट खेरला मोंग माय, 7खेरायीन वचना माय, बोगवानान ताकेत माय, एने देरमान आथ्यारा केरीन जा जेवड्या डाखऱ्या आथाम हेते, 8मान एने मान नाह जुड़ने माय जिक एने आरवाणे माय बोटकावणारान गेत जाणाय जाथे, तीबी आमु खेराय माय बोलतेह। 9एंजाणल्यान गेत हेते, तीबी आमरो नाव गाजेल हे; मुरेल ने गेत हेते, एने दिखो जीवताला हेते, मार खातेह, पुण माराय नाह जाते। 10दुख मोणावणारान गेत हेते; पुण जेलेम खुस रेतेह, गेरीब हेते, पुण मोकतास माणहाह मालदार बाणाव देतेह; ओहला हेते काय आमु फाय कायच नाह तीबी आखो मेलतेह।
11एय कुरिंथीयो, आमु आख्यु वातु खोलीन तुमूह कियेल हेते, काहाकाय आमु मोन से तुमूह मोंग केरतेह। 12एने आमरा मोनाह आमु तुमरी केरता बोंद नाह केऱ्या, पुण तुमूच आमरे केरता तुमरा मोनाह बोंद किर दियेल हेते। 13पुण मी तुमूह मार सोरा जाणीन केथु, काय आमु पोर मोंग किरो जिहकेरीन आमु तुमूह मोंग केरतेह, एने आमरे केरता तुमरो मोन खुल दिवो।
जीवताली बोगवानान मोंदिर
14अविश्वासी हेऱ्या सेंगेत मा किरहो, काहाकाय देरमी एने एदेरमी माणहा हेऱ्यो काय मेल जोल? काय उजालान एने आंदारान काय मेल? 15मसी एने सैतान हेऱ्यो काय मेल? एने विश्वासी हेऱ्यो अविश्वासीन काय नातो? 16#1 कुरिंथीयो 3:16; 6:19एने मुरती हेऱ्यो बोगवानान मोंदिरान काय समंद? काहाकाय आमु ते जीवताला बोगवानान मोंदिर हेते! जिहकेरीन मालीक कियेल हे: “मी ता माय बोहुह,
एने ता माय चाला फिऱ्या केरूह;
एने मी तान बोगवान रेह,
एने ता मार माणहे एती।”
17तानकेरता बोगवान किथे,
“तान विची माय रेन निकलो
एने कुवालाच रिवो,
एने खाराब वोस्तुह मा सापलो,
ते मी तुमरो स्वीकार केरूह।
18एने मी तुमरो आबोख एह,
एने तुमू मार बेटा बेटी ईहो,
ज्य आखाह रेन ताकेतवाला बोगवानान वचन हे।”
Currently Selected:
2 कुरिंथीयो 6: Nii2025
Highlight
Share
Copy
Want to have your highlights saved across all your devices? Sign up or sign in
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025
2 कुरिंथीयो 6
6
1आमु जा बोगवानान गोवांद्या एणेन नाते आमु ज्य बी सोमजाड़तेह काय तान गीण जो तुमू पोर ईयेल हे, ताह फालतुक जाणे मा दिवो।
2काहाकाय बोगवान किथे:
“आपणी खुसीन टेम माय मी तारी होमली लियेल,
एने सुटकारान दिह मी तारी मोदेक किरेल,”
एने दिखो एवी खुसीन टेम हे; एने दिखो एवी सुटकारान दिह हे!
3आमु काल्ली बी वातुम ठोकेर खाणेन टेम नाह आपते, काहाकाय आमरी सेवा, काम पोर काल्लो बी गुनो नाय आवी। 4पुण एकेक वातु माय बोगवानान पावोरान गेत आमरा हाजाला गुणाह देखाड्या केरतेह, मोटली दिरी माय, गेरीबी माय, मुसीबत माय, 5#प्रेरितान काम 16:23चापका खाणे माय, जेलीम कोंडाणेम, गेरदीह रेन, कामा माय, जागताला रेणे माय, उपास केरनेम, 6चोखाला माय, इकेल माय, दिरी माय, गीणीन द्वारा आमु खुद बोगवानान सेवक एणेन केरता, एने चोखाला जीवान द्वारा, एने बिगेर कोपेट खेरला मोंग माय, 7खेरायीन वचना माय, बोगवानान ताकेत माय, एने देरमान आथ्यारा केरीन जा जेवड्या डाखऱ्या आथाम हेते, 8मान एने मान नाह जुड़ने माय जिक एने आरवाणे माय बोटकावणारान गेत जाणाय जाथे, तीबी आमु खेराय माय बोलतेह। 9एंजाणल्यान गेत हेते, तीबी आमरो नाव गाजेल हे; मुरेल ने गेत हेते, एने दिखो जीवताला हेते, मार खातेह, पुण माराय नाह जाते। 10दुख मोणावणारान गेत हेते; पुण जेलेम खुस रेतेह, गेरीब हेते, पुण मोकतास माणहाह मालदार बाणाव देतेह; ओहला हेते काय आमु फाय कायच नाह तीबी आखो मेलतेह।
11एय कुरिंथीयो, आमु आख्यु वातु खोलीन तुमूह कियेल हेते, काहाकाय आमु मोन से तुमूह मोंग केरतेह। 12एने आमरा मोनाह आमु तुमरी केरता बोंद नाह केऱ्या, पुण तुमूच आमरे केरता तुमरा मोनाह बोंद किर दियेल हेते। 13पुण मी तुमूह मार सोरा जाणीन केथु, काय आमु पोर मोंग किरो जिहकेरीन आमु तुमूह मोंग केरतेह, एने आमरे केरता तुमरो मोन खुल दिवो।
जीवताली बोगवानान मोंदिर
14अविश्वासी हेऱ्या सेंगेत मा किरहो, काहाकाय देरमी एने एदेरमी माणहा हेऱ्यो काय मेल जोल? काय उजालान एने आंदारान काय मेल? 15मसी एने सैतान हेऱ्यो काय मेल? एने विश्वासी हेऱ्यो अविश्वासीन काय नातो? 16#1 कुरिंथीयो 3:16; 6:19एने मुरती हेऱ्यो बोगवानान मोंदिरान काय समंद? काहाकाय आमु ते जीवताला बोगवानान मोंदिर हेते! जिहकेरीन मालीक कियेल हे: “मी ता माय बोहुह,
एने ता माय चाला फिऱ्या केरूह;
एने मी तान बोगवान रेह,
एने ता मार माणहे एती।”
17तानकेरता बोगवान किथे,
“तान विची माय रेन निकलो
एने कुवालाच रिवो,
एने खाराब वोस्तुह मा सापलो,
ते मी तुमरो स्वीकार केरूह।
18एने मी तुमरो आबोख एह,
एने तुमू मार बेटा बेटी ईहो,
ज्य आखाह रेन ताकेतवाला बोगवानान वचन हे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025