२ कुरिन्थियों 6
6
1हम जो परमेश्वर को सहकर्मी हंय यो भी बिनती करजे हंय कि ओको अनुग्रह जो तुम पर भयो, ओख बेकार मत जान दे। 2कहालीकि परमेश्वर कह्य हय,
“अपनो खुशी को समय मय न तोरी सुन ली,
अऊर उद्धार को दिन मय न तोरी मदत करी।”
देखो, अब ऊ खुशी को समय हय,
देखो, अब ऊ उद्धार को दिन आय।
3हम कोयी बात म ठोकर खान को अवसर नहीं देजे ताकि हमरी सेवा पर कोयी दोष मत आय। 4पर हर बात सी परमेश्वर को सेवकों को जसो अपनो सद्गुनों ख प्रगट करजे हंय, बड़ो धीरज सी, कठिनायी सी, गरीबी सी, संकटों सी, 5#प्रेरितों १६:२३कोड़ा खानो सी, कैद होनो सी, हल्लावों सी, मेहनत करनो सी, जागतो रहनो सी, उपवास करनो सी, 6पवित्रता सी, ज्ञान सी, धीरज सी, दयालुता सी, पवित्र आत्मा को सामर्थ सी, सच्चो प्रेम को संग, 7सत्य को वचन सी, परमेश्वर को सामर्थ सी, सच्चायी को अवजारों सी जो दायो बायो हाथों म हंय, 8आदर अऊर अपमान सी, बदनाम अऊर अच्छो नाम सी, यानेकि धोका देन वालो जसो मालूम होवय हंय तब भी हम सच्चायी प्रगट करजे हय; 9बिना पहिचान वालो को जसो हंय, तब भी प्रसिद्ध हंय; मरयो हुयो को जसो हंय अऊर देखो जीन्दो हंय; मार खान वालो को जसो हंय पर जान सी मारयो नहीं जावय; 10शोक करन वालो को जसो हंय, पर हमेशा खुशी मनावय हंय; गरीबों को जसो हंय, पर बहुतों ख धनवान बनाय देवय हंय; असो हंय जसो हमरो जवर कुछ नहाय तब भी सब कुछ रखजे हंय।
11हे कुरिन्थवासी, हम न खुल क तुम सी बाते करी हंय, हमरो दिल तुम्हरो तरफ खुल्यो हुयो हय। 12तुम्हरो लायी हमरो दिल म कोयी संकोच नहाय, पर तुम्हरोच मनों म संकोच हय। 13मय अपनो बच्चां जान क जसो तुम सी प्रेम करू हय वसोच तुम हम सी प्रेम करो अऊर तुम भी ओको बदला म अपनो दिल खोल दे।
हम जीवित परमेश्वर को मन्दिर आय
14अविश्वासियों को संग एक साथ काम करन की कोशिश मत करो, कहालीकि सच्चायी अऊर अधर्म की का संगति? यां प्रकाश अऊर अन्धारो तक संग कसो रह्य सकय हंय? 15अऊर मसीह अऊर शैतान कसो सहमत होय सकय हय? यां विश्वासी को संग अविश्वासी को का नाता? 16#१ कुरिन्थियों ३:१६; ६:१९अऊर मूर्तियों को संग परमेश्वर को मन्दिर को का सम्बन्ध?
कहालीकि हम त जीन्दो परमेश्वर को मन्दिर आय; जसो परमेश्वर न कह्यो हय,
“मय उन म बसू अऊर उन म चल्यो फिरयो करू;
अऊर मय उन्को परमेश्वर होऊं,
अऊर हि मोरो लोग होयेंन।”
17येकोलायी प्रभु कह्य हय,
“उन्को बीच म सी निकलो
अऊर अलग रहो;
अऊर अशुद्ध चिजों ख मत छूवो,
त मय तुम्ख स्वीकार करूं; 18अऊर मय तुम्हरो बाप होऊं,
अऊर तुम मोरो बेटा
अऊर बेटियां हो। यो सर्वशक्तिमान प्रभु परमेश्वर को
वचन आय।”
Currently Selected:
२ कुरिन्थियों 6: Lii25
Highlight
Share
Copy
Want to have your highlights saved across all your devices? Sign up or sign in
The Lodhi Bible © The Word for the World International and Lodhi Translation Samithi, Gondia, Maharashtra 2025
२ कुरिन्थियों 6
6
1हम जो परमेश्वर को सहकर्मी हंय यो भी बिनती करजे हंय कि ओको अनुग्रह जो तुम पर भयो, ओख बेकार मत जान दे। 2कहालीकि परमेश्वर कह्य हय,
“अपनो खुशी को समय मय न तोरी सुन ली,
अऊर उद्धार को दिन मय न तोरी मदत करी।”
देखो, अब ऊ खुशी को समय हय,
देखो, अब ऊ उद्धार को दिन आय।
3हम कोयी बात म ठोकर खान को अवसर नहीं देजे ताकि हमरी सेवा पर कोयी दोष मत आय। 4पर हर बात सी परमेश्वर को सेवकों को जसो अपनो सद्गुनों ख प्रगट करजे हंय, बड़ो धीरज सी, कठिनायी सी, गरीबी सी, संकटों सी, 5#प्रेरितों १६:२३कोड़ा खानो सी, कैद होनो सी, हल्लावों सी, मेहनत करनो सी, जागतो रहनो सी, उपवास करनो सी, 6पवित्रता सी, ज्ञान सी, धीरज सी, दयालुता सी, पवित्र आत्मा को सामर्थ सी, सच्चो प्रेम को संग, 7सत्य को वचन सी, परमेश्वर को सामर्थ सी, सच्चायी को अवजारों सी जो दायो बायो हाथों म हंय, 8आदर अऊर अपमान सी, बदनाम अऊर अच्छो नाम सी, यानेकि धोका देन वालो जसो मालूम होवय हंय तब भी हम सच्चायी प्रगट करजे हय; 9बिना पहिचान वालो को जसो हंय, तब भी प्रसिद्ध हंय; मरयो हुयो को जसो हंय अऊर देखो जीन्दो हंय; मार खान वालो को जसो हंय पर जान सी मारयो नहीं जावय; 10शोक करन वालो को जसो हंय, पर हमेशा खुशी मनावय हंय; गरीबों को जसो हंय, पर बहुतों ख धनवान बनाय देवय हंय; असो हंय जसो हमरो जवर कुछ नहाय तब भी सब कुछ रखजे हंय।
11हे कुरिन्थवासी, हम न खुल क तुम सी बाते करी हंय, हमरो दिल तुम्हरो तरफ खुल्यो हुयो हय। 12तुम्हरो लायी हमरो दिल म कोयी संकोच नहाय, पर तुम्हरोच मनों म संकोच हय। 13मय अपनो बच्चां जान क जसो तुम सी प्रेम करू हय वसोच तुम हम सी प्रेम करो अऊर तुम भी ओको बदला म अपनो दिल खोल दे।
हम जीवित परमेश्वर को मन्दिर आय
14अविश्वासियों को संग एक साथ काम करन की कोशिश मत करो, कहालीकि सच्चायी अऊर अधर्म की का संगति? यां प्रकाश अऊर अन्धारो तक संग कसो रह्य सकय हंय? 15अऊर मसीह अऊर शैतान कसो सहमत होय सकय हय? यां विश्वासी को संग अविश्वासी को का नाता? 16#१ कुरिन्थियों ३:१६; ६:१९अऊर मूर्तियों को संग परमेश्वर को मन्दिर को का सम्बन्ध?
कहालीकि हम त जीन्दो परमेश्वर को मन्दिर आय; जसो परमेश्वर न कह्यो हय,
“मय उन म बसू अऊर उन म चल्यो फिरयो करू;
अऊर मय उन्को परमेश्वर होऊं,
अऊर हि मोरो लोग होयेंन।”
17येकोलायी प्रभु कह्य हय,
“उन्को बीच म सी निकलो
अऊर अलग रहो;
अऊर अशुद्ध चिजों ख मत छूवो,
त मय तुम्ख स्वीकार करूं; 18अऊर मय तुम्हरो बाप होऊं,
अऊर तुम मोरो बेटा
अऊर बेटियां हो। यो सर्वशक्तिमान प्रभु परमेश्वर को
वचन आय।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Lodhi Bible © The Word for the World International and Lodhi Translation Samithi, Gondia, Maharashtra 2025