ରମି ମୂଲୁ ହା଼ଡା
ମୂଲୁ ହା଼ଡା
ଜୀସୁ କ୍ରୀସ୍ତ ଜାର୍ନାଆ଼ତି ଡା଼ୟୁ ରମିୟ ପତି ୫୪ ଟିଏ ୫୮ ବାର୍ସା ବିତ୍ରା ପାଣ୍ତ୍ୱିଆ଼ତି ପା଼ୱୁଲ ରା଼ଚାମାଚେସି ଇଞ୍ଜିଁ ଇନେରି । ପା଼ୱୁଲ ର଼ମ୍ତା ହାନି ନ଼କେଏ ଜୀହୁଦି ଅ଼ଡ଼େ ଜୀହୁଦିଆ଼ଆତି କ୍ରୀସ୍ତାନା ଲ଼କୁଣି ଜା଼ପ୍ହାଲି ଈ ଆ଼କୁ ରା଼ଚାମାଚେସି । ବାରେ କୂଡ଼ାତି ଲ଼କୁ ଏ଼ନିକିଁ ଜୀସୁ କ୍ରୀସ୍ତଇଁ ନାମିନେରି ଇଞ୍ଜାଁ ମା଼ନି କିନେରି ୧୬:୨୬ ଏ଼ଦାଆଁତାକି ପା଼ୱୁଲ କରନ୍ତି ଗା଼ଡ଼ାତା ମାଚାଟି ର଼ମ୍ତା ମାନି କ୍ରୀସ୍ତାନା ଲ଼କୁଣି ଜା଼ପ୍ହାଲି ଈ ଆ଼କୁ ରା଼ଚାମାଚେସି ।
ବାରେ ଟା଼ୟୁତି ବାରେ ବେ଼ଲାତି କ୍ରୀସ୍ତାନା ଲ଼କୁତାକି ରମିୟ ର଼ ଲ଼ଡ଼ାମାନି ପତି, ଏ଼ନାଆଁତାକି ଇଚିହିଁ ମା଼ର ଏ଼ନିକିଁ ଜୀସୁ କ୍ରୀସ୍ତ ତା଼ଣାଟି ଗେଲ୍ପି ଆ଼ହାଲି ଆ଼ଡିନାୟି, ପା଼ୱୁଲ ଅ଼ଜିକିହିଁ ରଚାଣି ପିହ୍ଆନାହାଁ ତେଲ୍ହି କିହାମାନେସି । ପା଼ୱୁଲ ପ୍ଣାଃଇ ମେ଼ରାତି ଜୀସୁ କ୍ରୀସ୍ତତି ନେହିଁ ବ଼ଲୁ ତଲେ ଆଟ୍ହାମାନେସି । ଈ ପତିତି ୧–୧୬ ପଦୁତି ହା଼ରେକା ବୁଦିଗାଟାରି ନେହିକିଁ ଅଣ୍ପାହାଁ ୱେସାମାନେରି, ଈ ବ଼ଲୁ ମାଦିତାୟି । ଇମ୍ବାଆଁ ୱେସ୍ପି ଆ଼ହାମାନେ, “ନା଼ନୁ ନେହିଁ ବ଼ଲୁ ୱେ଼କ୍ହାଲି ଲାଜା ଆ଼ଅଁ ଏ଼ନାଆଁତାକି ଇଚିହିଁ ଆମିନି ଗାଟାରି ନାମିନେରି ବାରେଜା଼ଣା ତାକି ଈଦି ମାହାପୂରୁତି ବା଼ଡ଼୍ୟୁ । ନ଼କେଏ ଜୀହୁଦି ଲ଼କୁକି ଡା଼ୟୁ ଜୀହୁଦିଆ଼ଆତି ଲ଼କୁତାକି ଜିକେଏ ।”
ମୂଲୁ ବା଼ଗା ୧–୧୨ ହା଼ରେକା ମାହାପୂରୁତି କାତା ଅ଼ଡ଼େ ଅ଼ର ବା଼ଗା ୧୩–୧୫ କ୍ରୀସ୍ତାନା ଜୀୱୁତା ଲ଼ଡ଼ାମାନି କାତା ଜା଼ପିନାୟି ମାନେ ।
ପତିତା ମାନାୟି
୧ ପା଼ୱୁଲ ତାନି କାତା ପୁଣ୍ମ୍ବି କିହାଁ, ଆମ୍ବାଆରାକି ଆ଼କୁ ରା଼ଚିମାଚେସି ଏ଼ଦାଆଁ ୱେସାନା ଆ଼କୁ ରା଼ଚିନାୟି । ୧:୧-୧୫
୨ ମାଣ୍ସି କୂଡ଼ାତି ରା଼ଜି ଅ଼ଡ଼େ ଜୀସୁ କ୍ରୀସ୍ତ ତା଼ଣାଟି ଗେଲ୍ପି ଆ଼ନାୟି । ୧:୧୬–୧୧:୩୬
୩ କ୍ରୀସ୍ତାନା ଲ଼କୁ ଏ଼ନିକିଁ ନୀଡିନାୟି ଏ଼ କାତା ହା଼ରେକା ଜା଼ପ୍ହାମାନେସି । ୧୨:୧–୧୫:୧୩
୪ ର଼ମ୍ତା ମାନି କୁଲମିକାଣି ଜହରା କିହାଁ ରା଼ପ୍ନାୟି । ୧୬
Currently Selected:
ରମି ମୂଲୁ ହା଼ଡା: Kii25
Highlight
Share
Copy
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025