ମୂଲୁ ମୂଲୁ ହା଼ଡା
ମୂଲୁ ହା଼ଡା
ପା଼ଣାପା଼ଟୁ ତଲେ ମ଼ସା ମୂଲୁ ପତି ଅ଼ଡ଼େ ନ଼କିତା ମାନି ପା଼ସାଗଟା ପତି (ପେନ୍ଟାଟୁକ୍) ରା଼ଚିତାସି ଇଞ୍ଜିଁ ୱେସିମାନେରି, ଏଜି ୩୩:୨; ୱେ ମେ଼ରା ୩୧:୨୧; ଜହ ୫:୪୬ ସିନିକିଦୁ। ମ଼ସା ତଲି ଗଟୱି ଆ଼ତାଣି କିହାଁ ହା଼ରେକା ଡା଼ୟୁ ୱା଼ହାମାଚେସି । ସାମା ଏ଼ ତଲି ଗଟୱି ଆ଼ତି ପୁସ୍ପନିକା ବାରେ ପୂରା ଆ଼ହାମାଚୁ, ଇଞ୍ଜାଁ, ମ଼ସା ଏ଼ ବାରେ କୂଡ଼ି କିହାମାଚେସି।
ମୂଲୁଏ ୱେଣ୍ମ୍ବିକିନି ଇସ୍ରାୟେଲତି ମ଼ସା ବାଃଲି ବାଟାଟି ୱା଼ନାୟି ମାଚେ। ନୀଞ୍ଜୁ ପ଼ଡ଼ୱି ଆ଼ନାରାକି, ମୂଲୁ ପତି ବାଇବଲତା ମାନି ର଼ ପୁଚି ହେ଼ଟି ପତି। ଈଦାଣି ତୀରେ ତଲେ ମୂଲୁ ଗା଼ଡ଼ି ଆ଼ତି ପତି ଇନେରି।
ପତିତି କାତା
ମୂଲୁ ପତି ଆ଼ହିମାନେ ଗା଼ଡ଼ି ଆ଼ନାୟି, ପା଼ପୁ ଅ଼ଡ଼େ ୱେଣ୍ତେ ଗା଼ଡ଼ି ଆ଼ତି କାତା। ମାହାପୂରୁ ଦାର୍ତିତି ହା଼ରେକା ନେହେଁ ଗା଼ଡ଼ି କିହାମାଚେସି, ସାମା ମୂଲୁଏ ଈଦାଣି ବା଼କା ହୀହାମାଚେସି ଅ଼ଡ଼େ ଡା଼ୟୁ ମାଣ୍ସି ହୁକୁମି ଊରିତାକି ଏ଼ଦାଣି ଗା଼ଲି ପିୟୁ ତଲେ ରା଼ଜି ବୀଡ଼ୱି କିହାମାଚେସି। ରା଼ଜି ବୀଡ଼ୱି ଆ଼ତି ଡା଼ୟୁ ଆ଼ହାମାନି ପୁଃନି ଦାର୍ତି ଜିକେଏ ମାଣ୍ସିତି ପା଼ପୁ ତଲେ ନସ୍ତ ଆ଼ତେ ୧୧ ପାର୍ବୁ। ମାହାପୂରୁ ଅବ୍ରାହାମଇଁ ର଼ ଲେକା ତଲେ ଆ଼ଚିତେସି। ଏ଼ୱାଣି କୁଟମି ତଲେ ବାରେ ଜା଼ତିତି ଲ଼କୁ ବ଼ର ବେଟାଆ଼ନେରି ୧୨:୧-୩। ଅବ୍ରାହାମତି କୂଡ଼ାତି ଲ଼କୁ ତା଼ଣାଟି ଡା଼ୟୁ ମାହାପୂରୁ ତାନି ଲେକା ପୂରା କିନେସି ୪୯ ପାର୍ବୁ।
କାଜା କାତା
୧. ପ୍ରବୁ ମାହାପୂରୁ ମାଣ୍ସିୟାଁଇଁ ଦାର୍ତିତା ତାନି ତ଼ଣେ ଆ଼ହାଲି ୱେସିମାନେସି। ଏ଼ୱାରି ଦାର୍ତିତି ଜାତ୍ନୁ ଅ଼ନାୟି ମାନେ ଅ଼ଡ଼େ ଜୀୱୁଗାଟି ଜ଼ନ୍ତଜିୱେଡ଼ିତି ସା଼ଲୱି କିନାୟି ମାନେ ମୂଲୁ ୧:୧–୨:୧-୨୫ ।
୨. ଦାର୍ତିତା ମାହାପୂରୁତି ତ଼ଣେ ସମାନା କାମା କିନି ବାଦୁଲି, ମୂଲୁ ଆ଼ବା ଅ଼ଡ଼େ ଆୟାଟି (ଆଦମ ଅ଼ଡ଼େ ହବା) ରା଼ଚୁତି କାତା ଆସ୍ତେରି ଅ଼ଡ଼େ ଏ଼ଦାଣି କାତା ଆସାହାଁ ତା଼କିତେରି। ଏ଼ୱାରି କାତା ଊରିତାକି ବାରେ ମାଣ୍ସି କୂଡ଼ା ଇଞ୍ଜାଁ ବାରେ ଗା଼ଡ଼ିଆ଼ତି ଦାର୍ତି ତାକି ନା଼ସା ଆ଼ନାୟି ୱା଼ତେ ୩:୧-୨୪; ୬:୫-୬।
୩. ମାହାପୂରୁ କାର୍ମା ଆ଼ହାଁ ୱେସିମାନେସି, ହବାତି କୂଲୁ ମାଣ୍ସିୟାଁ ପା଼ଣାତି ରା଼ଚୁ ତା଼ଣାଟି ଗେଲ୍ପିନେ ୩:୧୫। ମୂଲୁତି ଡା଼ୟୁ ର଼ କୁଟମିତି ହାଚି କାତା ପୁସ୍ପନି ଆ଼ନେ, ଏ଼ନିକିଁ ଇସ୍ରାୟେଲ ଲ଼କୁ ଆ଼ନେରି। ଈ କୁଟମି ମାହାପୂରୁ ତଲେ ହା଼ରେକା ଆଣ୍ତାମାନେ ଅ଼ଡ଼େ ରିହାମାନି ମାଣ୍ସିୟାଁ ପା଼ଣା ତାକି ବ଼ରତି ଜାର୍ଣା ଆ଼ନେ ୧୨:୧-୩।
୪. ଆଦମ କାତା ଊରିତାକି ବୂମି ତଲେ ତାନି ବାରେ ଲାଗେଏ ଆ଼ତେ, ଏ଼ନିକିଁ ହା଼ରେକା କସ୍ତତି କାମା ଅ଼ଡ଼େ ଡା଼ୟୁ ରା଼ଜି ବୀଡ଼ୱି ଇଞ୍ଜାଁ କାର୍ୱୁ ତିରିମ୍ଣିହେ। ସାମା ଆଦମ ତା଼ଣାଟି ୱା଼ହିମାନି କୁଟମି ଜିକେଏ ବାରେ ଲାଗେଏ ତା଼ଣାଟି ଗେଲ୍ପିନାଣି ତାଚିମାନେ ୩:୧୭-୧୯; ୫:୨୯; ୫୦:୧୯-୨୧।
୫. ଏଚିବେ଼ଲା କକାରି ପ଼ଦାୟାଁ ଜାର୍ନି କିନାଟି ହବାନି ବୀସା ହୀହାଁ ଡଣ୍ତ ହୀପ୍କି ଆ଼ତେ ୩:୧୬, ଏଟ୍କା କୁଟମିତି ଇୟାସିକା ଜିକେଏ ଏଲେକିହିଁଏ ବୀସା ତଲେ କକାରି ପ଼ଦାଁ ଜାର୍ନି କିନୁ। ମାହାପୂରୁତି ସା଼ୟେମି ତଲେ ବା଼ଞ୍ଜେଣି ଜିକେଏ କକାରି ପ଼ଦାଁ ଜାର୍ନି କିନେ ୧୧:୩୦; ୨୧:୧୭; ୫୦:୧୯-୨୧।
୬. ମାଣ୍ସିତି ଲାଗେଏତି ଗୂଣୁ ଇଲୁ କୁଟମିତି ବା଼ଗା ବା଼ଗା କିନେ ୪:୧-୧୬; ୧୩:୩-୮; ୨୫:୨୨-୨୩; ୨୭:୪୧-୪୫; ୩୭:୨-୩୫। ମୂଲୁ ପତି ଇଲୁ କୁଟମିତି ଗଡ଼୍ହା ୱେସିମାନେ, ଆ଼ଚ୍ୱି ଆ଼ହାମାନି ଇଲୁ କୁଟମିତି ଲ଼କୁ ଜିକେଏ ଏ଼ ଗଡ଼୍ହାତି ସୁସ୍ତି କିହାଲି ଆ଼ଡିନେରି ୧୩:୮-୧୧; ୩୩:୧-୧୧; ୪୫:୧-୨୮; ୫୦:୧୫-୨୧।
୭. ଲାଗେଏତାରି ଏଦନଟିଏ ହ଼ଚା ହାଜାହାଁ ଦାର୍ତିତା ସିନାସାତ୍ରା ଆ଼ହାଁ ଡ଼ୟାମାନେରି ୩:୨୨-୨୪; ୪:୧୨-୧୬; ୧୧:୯। ସାମା ମାହାପୂରୁ ତା଼ନୁ ମ଼ନ କିହାମାନି ଲ଼କୁଣି କାର୍ମା ଆ଼ହାମାନେସି ଇଞ୍ଜାଁ ଏ଼ୱାରାକି ତାମି ର଼ ଦେ଼ସା ହୀହାଲି ତାକି ଆ଼ଞ୍ଜାମାନେସି ୧୨:୧-୨; ୭; ୧୫:୭-୨୧; ୨୮:୧୩-୧୪; ୫୦:୨୪।
୮. ମାହାପୂରୁ ମାଣ୍ସିତି ଲାଗେଏ ତାକି ବାରେ ମାଣ୍ସି କୂଡ଼ାତି ନା଼ସା କିହାଲି ଅଣ୍ପାମାଚେସି ୬:୭; ୬:୧୧-୧୨; ୧୮:୧୭-୩୩। ସାମା ଏ଼ୱାସି ଅଣ୍ପିମାନେସି କି ତାନି ଦାର୍ତି ଦାର୍ମୁଗାଟି ଲ଼କୁତି ବାସା ଟା଼ୟୁ ଆ଼ପେ ୧:୨୮; ୯:୧; ୧୫:୧-୫; ୩୫:୧୧।
ପତିତା ମାନାୟି
୧ ମୂଲୁ ପୁସ୍ପନି ୧:୧–୧୧:୨୬
ମାହାପୂରୁ ଗା଼ଡ଼ି କିନାୟି ଲାକପୂରୁ ଅ଼ଡ଼େ ଦାର୍ତି ତାଣି ଲେକା ତଲେ ୧:୧–୨:୩
ଦାର୍ତିତି ମୂଲୁ ଲ଼କୁ ୨:୪–୪:୨୬
ଆଦମତି କୂଡ଼ା ୫:୧–୫:୩୨
ନ଼ହଁତି କୂଡ଼ା ୬:୧–୯:୨୯
ନ଼ହଁତି ମୀର୍କା କୂଡ଼ା ୧୦:୧–୧୧:୯
ସେମତି କୂଡ଼ା ୧୧:୧୦–୧୧:୨୬
୨ ଆକୁ ଆ଼ବାୟାଁତି ପୁସ୍ପନି ୧୧:୨୭–୫୦:୨୬
ତେରହତି କୂଡ଼ା ୧୧:୨୭–୨୫:୧୮
ଇସାହାକତି କୂଡ଼ା ୨୫:୧୯–୩୭:୧
ଜାକୁବତି କୂଡ଼ା ୩୭:୨–୫୦:୨୬
ମୂଲୁ ପତି ରା଼ଚିତି ଦାରିମାରି କା଼ଲମି
କ୍ରୀସ୍ତ ଜାର୍ନା ଆ଼ତି ୨୦୦୦ ବାର୍ସା ନ଼କେଏ।
ମୂଲୁ ପତି ତଲି କା଼ଲାତି ଜାଟୁ ଆ଼ଆ ନ଼କେଏ ଜାକୁବତି (ଇସ୍ରାୟେଲ) କୁଟମି ମିସରତା ହାନି ପାତେକା ୱେସିମାନେ। ମିସର, ଅସୁର, ବାବିଲନ ଅ଼ଡ଼େ ଏଲାମ ତଲେ ଦାର୍ତିତି ଏଚେକା ପ୍ଣାଃଇ ଦେ଼ସା ବିତ୍ରା ମୂଲୁ ପତିତି ପୁସ୍ପନିକା ତୀରି ଆ଼ହାମାନେ।
Currently Selected:
ମୂଲୁ ମୂଲୁ ହା଼ଡା: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025