ମୂଲୁ 8
8
ରା଼ଜି ବୀଡ଼ୱି ରା଼ନାୟି
1ଏଚେଟିଏ ମାହାପୂରୁ ନ଼ହଁଇଁ ଅ଼ଡ଼େ ତାନି ତଲେ ଜା଼ଜାତା ମାନି ବାରେ ଜ଼ନ୍ତତି ଅଣ୍ପାହାଁ ଦାର୍ତିତା ଗା଼ଲି ପାଣ୍ତିତେସି, ଏଚେଟିଏ ଏ଼ୟୁ ସୀକିତୁ। 2ସାମ୍ଦୁରିତି ଏ଼ୟୁ ଅ଼ଡ଼େ ହା଼ଗୁଲାକଟି ୱା଼ହିମାଚି ପିୟୁ ଊଣା ଆ଼ତେ, ଅ଼ଡ଼େ ହା଼ଗୁଟି ପିୟୁ ଡୂଙ୍ଗିତେ। 3ଏଚେଟିଏ ଦାର୍ତିଟି ଏ଼ୟୁ ରେ଼ଚା ହାଜାହାଁ ସା଼ତା କ଼ଡ଼ି ଦସ ଦିନା ଡା଼ୟୁ ସୀକିତୁ। 4ଏଚେଟିଏ ସା଼ତା ଲେ଼ଞ୍ଜୁତି ସତର ଦିନାତା ଆରାରାଟ୍ ହ଼ରୁ ଲାକ ଜା଼ଜା ଅସ୍ପିଆ଼ହାଁ ଡ଼ୟିତେ। 5ଇଲେକିଁ ଦସ ଲେ଼ଞ୍ଜୁ ପାତେକା ଏ଼ୟୁ ଊଣା ଆ଼ହାଅ଼ତୁ; ଏ଼ ଦସ ଲେ଼ଞ୍ଜୁତି ମୂଲୁ ଦିନାତା ହ଼ର୍କାତି ସିଣ୍ତି ତ଼ଞ୍ଜାଆ଼ତୁ।
6ଏଚେଟିଏ ନ଼ହଁ ଦୁଇ କ଼ଡ଼ି ଦିନା ଡା଼ୟୁ ତା଼ନୁ କେ଼ପିତି ଜା଼ଜାତି କା଼ନ୍ତା#8:6 କିଡ଼୍କି ଦେଚାହାଁ ର଼ କାଃୱା ପାଙ୍ଗାତା ଊପ୍ହେସି। 7ଏଚେଟିଏ ଦାର୍ତିତି ଏ଼ୟୁ ସୀକିନି ପାତେକା କାଃୱା ଇତାଲା ଆତାଲା ଆ଼ହିଁ ଊମ୍ବିହିଁ ରେ଼ଚେ। 8ଅ଼ଡ଼େ ୱେଣ୍ତେ, ନ଼ହଁ ବୂମିତା ଏ଼ୟୁ ସୀକିତୁ କି ଆ଼ଏ ଇଞ୍ଜିଁ ପୁଞ୍ଜାଲି ର଼ କୁଗୁରି ପଟାଇଁ ଊପ୍ହେସି, 9ଏଚିବେ଼ଲା ଦାର୍ତିତା ଏ଼ୟୁ ମାଚାକି କୁଗୁରି କୁଗାଲି ଟା଼ୟୁ ବେଟାଆ଼ଆଲିଏ, ଏ଼ଦି ନ଼ହଁ ତା଼ଣା ଜା଼ଜାତା ୱେଣ୍ତେ ୱା଼ତେ; ଇଞ୍ଜାଁ ନ଼ହଁ କେୟୁ ଦା଼ସାହାଁ ଜା଼ଜା ବିତ୍ରା ୱେଣ୍ତେ ଅ଼ତେସି। 10ଅ଼ଡ଼େ ସା଼ତା ଦିନା ଡା଼ୟୁ ଏ଼ୱାସି ଏ଼ କୁଗୁରି ପଟାଇଁ ଜା଼ଜାଟି ୱେଣ୍ତେ ଊପ୍ହେସି। 11ଏଚେଟିଏ କୁଗୁରି ମିଡ଼୍ଅଲା ଆୟାଲିଏ ଏ଼ୱାଣି ତା଼ଣା ୱେଣ୍ତା ୱା଼ତେ, ଅ଼ଡ଼େ ମେହ୍ଦୁ ଏ଼ଦାନି ଗ଼ରୁତା ଜୀତ ମା଼ର୍ନୁତି ପୁଃନି ଗୱେଡ଼ି ମାଚେ; ଏମ୍ବାଟିଏ ନ଼ହଁ ଦାର୍ତିତି ଏ଼ୟୁ ସୀକିତୁ ଇଞ୍ଜିଁ ପୁଚେସି। 12ଅ଼ଡ଼େ ସା଼ତା ଦିନା ଡା଼ୟୁ ଏ଼ କୁଗୁରିଇଁ ୱେଣ୍ତେ ଊପ୍ହା ପାଣ୍ତିତେସି, ସାମା ଏ଼ଦି ଅ଼ଡ଼େ ୱେଣ୍ତେ ତାନି ତା଼ଣା ୱେଣ୍ତା ୱା଼ଆତେ଼।
13ନ଼ହଁକି ସ଼ୱାଞ୍ଜା ର଼ ବାର୍ସା, ଲେ଼ଞ୍ଜୁତି ମୂଲୁ ଦିନା ଆ଼ହାମାଚାଟି, ଦାର୍ତିଟି ଏ଼ୟୁ ୱା଼ୟିତୁ; ଏଚିବେ଼ଲା ନ଼ହଁ ଜା଼ଜା ଲାକ ପ୍ଡିକ୍ହା ମାଚାଣି ଏ଼କ୍ହାଁ ସିନିକିହାଲିଏ, ବୂମି ୱା଼ୟିତାଣି ମେସ୍ତେସି। 14ଇଲେକିଁ ରୀ ଲେ଼ଞ୍ଜୁତି କଡ଼େ ସା଼ତା ଦିନାତା ଦାର୍ତିତି ଏ଼ୟୁ ବାରେ ୱା଼ୟିତୁ।
15ଏଚେଟିଏ ମାହାପୂରୁ ନ଼ହଁଇଁ ଏଲେଇଚେସି, 16“ନୀନୁ ନୀ ଡକ୍ରି, ମୀର୍କା ଅ଼ଡ଼େ କୁଡ଼୍ୟାସିକା ତଲେ ଜା଼ଜାଟି ପାଙ୍ଗାତା ହାଜୁ। 17ଇଞ୍ଜାଁ ନୀ ତଲେ ମାନି ବାରେ ଜ଼ନ୍ତୟାଁ, ପଟା କା଼ଟି, ବୂମିତା ତା଼କିନି ଜ଼ନ୍ତ ବାରେ ଜୀୱୁଗାଟି ଜ଼ନ୍ତ ଜୀୱେଡ଼ି ପାଙ୍ଗାତା ନୀ ତଲେ ଅ଼ମୁ; ଏ଼ୱି ଦାର୍ତିତା ବେ଼ଲି ଏ଼ପିଆ଼ହାଁ ହା଼ରେକା କୂଡ଼ା ଆ଼ହାଁ ଦାର୍ତିତି ନେଞ୍ଜିକିପୁ।” 18ଏଚେଟିଏ ନ଼ହଁ ତାନି ଡକ୍ରି, ମୀର୍କା ଅ଼ଡ଼େ କୁଡ଼୍ୟାସିକା ଜା଼ଜାଟି ପାଙ୍ଗାତା ହାଚୁ; 19ଇଞ୍ଜାଁ ଜାହାରା କୂଡ଼ାତି ବାରେ ଜ଼ନ୍ତୟାଁ, ବାରେ ବାଣ୍ତିତଲେ ତା଼କିନି ଜ଼ନ୍ତୟାଁ ଅ଼ଡ଼େ ପଟା କା଼ଟି, ବୂମିତା ତା଼କିନି ଜ଼ନ୍ତୟାଁ ଜା଼ଜାଟି ପାଙ୍ଗାତା ୱା଼ତୁ।
ନ଼ହଁ ପୂଜା ହେର୍ପିନାୟି
20ଏଚେଟିଏ ନ଼ହଁ ପ୍ରବୁ ତାକି ପୂଜା ପିଣ୍ତା କିହାଁ, ବାରେ କୂଡ଼ାତି ସୁଦୁ ଜ଼ନ୍ତୟାଁ ଅ଼ଡ଼େ ସୁଦୁ ପଟାୟାଁଣି, ଏଚେକା ଅ଼ହାଁ ପିଣ୍ତା ଲାକ ହିଚୁତା ହୂଡିନି ପୂଜା ହେର୍ପିତେସି। 21ଏଚେଟିଏ ପ୍ରବୁ ଏ଼ ନେହିଁ ଗାନ୍ଦାତି ଅ଼ପାହାଁ ତାନି ମ଼ନତା ଏଲେଇଚେସି, “ନା଼ନୁ ମାଣ୍ସି ତାକି ଦାର୍ତିତି ବା଼କା ଇଟଅଁ; ମାଣ୍ସି ମ଼ନତା ଊଣା ୱେ଼ଡ଼ାଟିଏ ଲାଗେଏତି ଅଣ୍ପୁ ମାଚିହିଁ ଜିକେଏ, ନା଼ନୁ ଏ଼ନିକିଁ କିହାମାଇଁ, ଇଲେକିହିଁ ଅ଼ଡ଼େ ଏଚେଲାୱା ବାରେ ଜ଼ନ୍ତଜିୱେଡ଼ି ନା଼ସା କିଅଁ। 22ଇଞ୍ଜାଁ ଏଚେ଼ପାତେକା ଦାର୍ତି ଡ଼ୟିନେ, ଏଚେ଼ପାତେକା ମାଟିନାୟି ଦା଼ଃନି କା଼ଲମି ଆ଼ନେ। ପେନି ଇଞ୍ଜାଁ କାରା, କାରା ଅ଼ଡ଼େ ପେନି କା଼ଲମି, ଅ଼ଡ଼େ ଲା଼ଆଁ ମାଦେନା ଆ଼ନାୟି ଡୂଙ୍ଗେଏ।”
Currently Selected:
ମୂଲୁ 8: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
Videos for ମୂଲୁ 8
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Episode 29: Did a Meteor Really Trigger Noah’s Flood?
Under The Hood
Ep 32. Genesis 6-7: The Flood: A Heartbroken God Brings Justice and Mercy
The Bible Show