ମୂଲୁ 44
44
ଜା଼ଙ୍ଗିତି ଗିନା
1ଏଚେଟିଏ ଜସେପ ତାନି ଇଲୁତି ଗୁମୁସ୍ତାଇଁ ହୁକୁମି ହୀତେସି, “ଈ ଲ଼କୁତି ଗ଼ଣି ଏଚେକା ଆହ୍ନେ ଏଚେକା ନେଞ୍ଜିକିମୁ, ଅ଼ଡ଼େ ବାରେତି ଟାକାୟାଁ ତାମି ଗ଼ଣି ବିତ୍ରା ପାରୁତା ଇଟାମୁ। 2ଅ଼ଡ଼େ ଡା଼ୟୁ ପୁର୍ଡୁଣା ଗ଼ଣିତା କା଼ଦି କଡିନି ଟାକାୟାଁ ତଲେ ନା଼ ୱେଣ୍ତି ଗିନା, ଇଟାମୁ।” ଏଚେଟିଏ ଏ଼ୱାସି ଜସେପ ୱେସ୍ତିଲେହେଁ କିତେସି। 3ଅ଼ଡ଼େ ଲା଼ଇ ୱେ଼ୟନିଏ ତାମି ଗା଼ଡ଼୍ଦେୟାଁ ତଲେ ହେଲ ବେଟାଆ଼ତେରି। 4ଏଚେଟିଏ ଏ଼ୱାରି ଗା଼ଡ଼ାଟି ହେକ ହାଲାଆ ନ଼କେଏ, ଜସେପ ତାନି ଇଲୁତି ଗୁମୁସ୍ତାଇଁ ଏଲେଇଚେସି, “ନୀନୁ ଏ଼ୱାରି ଜେ଼ଚ ଜେ଼ଚ ହାଜାହାଁ ଏ଼ୱାରି ତା଼ଣା ଏଜାହାଁ ଏ଼ୱାରାଇଁ ଏଲେଇନାମୁ, ‘ମୀରୁ ନେହାଣି ବାଦୁଲି ଏ଼ନାଆଁତାକି ଲାଗେଏ କିତେରି ? 5ନା଼ ସା଼ୱୁକାରି ଏ଼ନୱା ଗହ୍ନେସି ଅ଼ଡ଼େ ଏମିନାଣି ସ଼ଗୁ ତାକି ଲେମ୍ବିୱିତେସି ଏ଼ ଗିନା ଈଦି ଆ଼ଏକି ? ଇଲେତି କାମା ତଲେ ମୀରୁ ଦ଼ହ କିହାମାଞ୍ଜେରି।’”
6ଏଚେଟିଏ ଏ଼ ହ଼ଲେଏସି ଏ଼ୱାରି ତା଼ଣା ଏଜାହାଁ ଈ ବାରେ କାତା ଏଲେଇଚେସି। 7ଏଚେଟିଏ ଏ଼ୱାରି ଏ଼ୱାଣାଇଁ ଏଲେଇଚେରି, “ମା଼ ସା଼ୱୁକାରି ଏ଼ନାଆଁତାକି ଇଲେକିହିଁ ଜ଼ଲିମାନେସି ? ନୀ ହ଼ଲିୟାଙ୍ଗା ଇଲେତି କାମା କିନାୟି ହେକ ମାନାପେ। 8ମେହ୍ମୁ ମା଼ ଗ଼ଣିତା ତଲିତି ଏମିନି ଟାକାୟାଁ ବେଟାଆ଼ହାମାଚମି; ଏ଼ୱାଆଁ ମା଼ମ୍ବୁ କିଣାନ ଦେ଼ସାଟି ୱେଣ୍ତେ ମୀ ତା଼ଣା ତାଚାମାଚମି; ଆତିହିଁ ଏ଼ନିକିଁ ମା଼ ସା଼ୱୁକାରି ଇଲୁଟି ବାଂଗାରା କି ୱେଣ୍ତି ସ଼ରୁ କିନମି। 9ନୀ ହ଼ଲିୟାଙ୍ଗା ତା଼ଣାଟି ଆମ୍ବାଆରି ତା଼ଣା ମେ଼ଡ଼ାଆ଼ନେ, ଏ଼ୱାସି ହା଼ନେସି, ଅ଼ଡ଼େ ମା଼ମ୍ବୁ ଜିକେଏ ନୀ ହ଼ଲିୟାଙ୍ଗା ଆ଼ନମି।”
10ଏଚେଟିଏ ଏ଼ୱାସି ଏଲେଇଚେସି, “ନେହେଁ ମୀ କାତା ଲେହେଁ ଆ଼ପେ; ଆମ୍ବାଆରି ତା଼ଣାଟି ଏ଼ଦି ମେ଼ଡ଼ାଆ଼ନେ, ଏ଼ୱାସି ମା଼ ହ଼ଲିୟା ଆ଼ନେସି, ସାମା ଏଟ୍କାତାତେରି ଦ଼ହ ହିଲାଆଗାଟାତେରି ଆ଼ଦେରି।” 11ଏଚେଟିଏ ଏ଼ୱାରି ଦେବୁଣିଏ ଜାହା ଜାହାରା ଗ଼ଣିୟାଁ ରେ଼ପ୍ହାଁ ବାରେ ଜାହା ଜାହାରା ଗ଼ଣିୟାଁ ରିକ୍ହେରି। 12ଏ଼ ଗୁମୁସ୍ତା ପା଼ଣ୍ୱାଟିଏ ମା଼ଟ୍ହାଁ ଡା଼ୟୁ ପୁର୍ଡୁଣା ପାତେକା ପାରିହିଁ ହାଚେସି, ଅ଼ଡ଼େ ବିନ୍ୟାମିନ୍ ଗ଼ଣିତା ଏ଼ ଗିନା ମେ଼ଡ଼ାଆ଼ତେ। 13ଏଚିବେ଼ଲା ଏ଼ୱାରି ଜାହା ଜାହାରା ବାସ୍ତେରିକା ଗେସ୍ତେରି, ଅ଼ଡ଼େ ବାରେ ଜା଼ଣା ଗା଼ଡ଼୍ଦେୟାଁଣା ଗ଼ଣିୟାଁ ଏକ୍ହାଁ, ଅ଼ଡ଼େ ଗା଼ଡ଼ାତା ୱେଣ୍ତାହାଚେରି।
14ଜୀହୁଦା ଅ଼ଡ଼େ ତାନି ତାୟିୟାଁ ଜସେପ ଇଲୁତା ହ଼ଟେରି, ଜସେପ ଏଚିବେ଼ଲା ପାତେକା ଏମ୍ବେଏ ମାଚେସି; ଇଞ୍ଜାଁ ଏ଼ୱାରି ଏ଼ୱାଣି ନ଼କିତା ମୁନୁ କୁତିତେରି। 15ଏଚେଟିଏ ଜସେପ ଏ଼ୱାରାଇଁ ଏଲେଇଚେସି, “ମୀରୁ ଏ଼ନିଲେହେଁତି କାମା କିତେରି ? ନା଼ ଲେହେଁତି ଲ଼କୁ ସ଼ଗୁ ସିନିକିହାଁ ପୁନେସି, ଈଦାଆଁ ମୀରୁ ପୁନାଆତେରି ?”
16ଏଚେଟିଏ ଜୀହୁଦା ଏଲେଇଚେସି, “ମା଼ମ୍ବୁ ଅ଼ଡ଼େ ସା଼ୱୁକାରି ନ଼କିତା ଏ଼ନାଆଁ ୱେହ୍ନମି ? ଅ଼ଡ଼େ ଏ଼ନି କାତା ଜ଼ଲିନମି ? ଅ଼ଡ଼େ ଜାହାରାଇଁ ଏ଼ନିକିହିଁ ଦ଼ହ ହିଲାଆ ଗାଟାତମି କିନମି ? ମାହାପୂରୁ ନୀ ହ଼ଲିୟାଙ୍ଗାତି ଦ଼ହ ତ଼ସାମାନେସି; ମେହ୍ମୁ, ଆମ୍ବାଆରି ତା଼ଣାଟି ଗିନା ମେ଼ଡ଼ା ଆ଼ହାମାନେ ଏ଼ୱାସି ଇଞ୍ଜାଁ ମା଼ମ୍ବୁ ବାରେ ନୀ ହ଼ଲିୟାଙ୍ଗା ଆ଼ନମି।”
17ଏଚେଟିଏ ଜସେପ ଏଲେଇଚେସି, “ଇଲେତି କାମା ନା଼ ତା଼ଣାଟି ହେକ ଆ଼ପେ; ଆମ୍ବାଆରି ତା଼ଣାଟି ଗିନା ମେ଼ଡ଼ା ଆ଼ହାମାନେ, ଏ଼ୱାସି ମା଼ ହ଼ଲିୟା ଆ଼ନେସି; ସାମା ମୀରୁ ରା଼ହାଁ ତଲେ ମୀ ଆ଼ବା ତା଼ଣା ହାଜୁ।”
ଜୀହୁଦା ବିନ୍ୟାମିନ୍ ତାକି ଗ଼ହାରା
18ଏଚେଟିଏ ଜୀହୁଦା ଜସେପ ତା଼ଣା ହାଜାହାଁ ଏଲେଇଚେସି, “ସା଼ୱୁକାରି ନୀ ଈ ହ଼ଲେଏଣାଇଁ ନୀ ନ଼କିତା ର଼ କାତା ଜ଼ଲାଲି ହେଲ ହିୟାମୁ, ନୀ ହ଼ଲେଏଣାକି ନୀ କାର୍ବି ହ଼ଆପେ; ଇଚିହିଁ ନୀନୁ ପା଼ର ସମାନା। 19ସା଼ୱୁକାରି ନୀ ହ଼ଲିୟାଙ୍ଗାଣି ୱେଞ୍ଜାମାଞ୍ଜାତି, ‘ମୀ ଆ଼ବା କି ତାୟି ମାନେସି ?’ 20ଏଚେଟିଏ ମା଼ମ୍ବୁ ସା଼ୱୁକାରିଇଁ ଏଲେଇଞ୍ଜା ମାଞ୍ଜାତମି, ମା଼ ଆ଼ବା ମାନେସି, ଏ଼ୱାସି ବୁଡ଼୍ହା ମାଣ୍ସି; ତାନି ବୁଡ଼୍ହା ବେ଼ଲାତି ରଣ୍ତିଏ ମୀର୍ଏସି ମାନେସି; ଏ଼ୱାସି ଊଣା ତାୟି; ସାମା ତାନି ତାୟି ହା଼ତେସି, ଅ଼ଡ଼େ ଏ଼ୱାସି ତାନି ଇୟାନି ରଣ୍ତିଏ ମୀର୍ଏସି; ଏ଼ଦାଆଁତାକି ତାମି ଆ଼ବା ଏ଼ୱାଣାଇଁ ହା଼ରେକା ଜୀୱୁ ନ଼ନେସି। 21ଏଚେଟିଏ ନୀନୁ ଈ ହ଼ଲିୟାଙ୍ଗାଣି ଏଲେଇଞ୍ଜାମାଚି, ‘ମୀରୁ ଏ଼ୱାଣାଇଁ ନା଼ ତା଼ଣା ତାଦୁ, ନା଼ନୁ ଏ଼ୱାଣାଇଁ ନା଼ କାନୁ ତଲେ ମେହ୍ଇଁ।’ 22ଏଚେଟିଏ ମା଼ମ୍ବୁ ସା଼ୱୁକାରିଇଁ ଏଲେଇଞ୍ଜା ମାଚମି, ‘ଏ଼ କକାସି ତାନି ଆ଼ବାଇଁ ପିସାଲି ଆ଼ଡଅସି; ଏ଼ୱାସି ତାମି ଆ଼ବାଇଁ ପିସା ୱା଼ତିସାରେ, ଆ଼ବା ହା଼ହା ହାନେସି।’ 23ଏଚେଟିଏ ନୀନୁ ଈ ହ଼ଲିୟାଙ୍ଗାଇଁ ଏଲେଇଚି, ‘ମୀ ଊଣା ତାୟି ମୀ ତଲେ ୱା଼ଆସାରେ ମୀରୁ ଅ଼ଡ଼େ ନା଼ ମୂମ୍ବୁ ମେସାଲି ଆ଼ଡଅତେରି।’”
24ଏଚେଟିଏ ମା଼ମ୍ବୁ ନୀ ହ଼ଲେଏସି ମା଼ ଆ଼ବା ତା଼ଣା ଏଜାହାଁ ସା଼ୱୁକାରିତି ବାରେ କାତା ୱେସ୍ତମି। 25ଏଚେଟିଏ ମା଼ ଆ଼ବା ଏଲେଇଞ୍ଜାତେସି, “ମୀରୁ ୱେଣ୍ତେ ହାଜାହାଁ ମା଼ ତାକି ରଚାଣି କା଼ଦି କଡା ତାଦୁ।” 26ଏଚେଟିଏ ମା଼ମ୍ବୁ ଏଲେଇଚମି, “ମା଼ମ୍ବୁ ହାଜାଲି ଆ଼ଡଅମି; ଊଣା ତାୟି ମା଼ ତଲେ ଡ଼ୟିନେସି, ଆତିହିଁ ହାଜାଲି ଆ଼ଡିନମି; ଇଚିହିଁ ଊଣା ତାୟି ମା଼ ତଲେ ହିଲାଆସାରେ, ମା଼ମ୍ବୁ ଏ଼ ମାଣ୍ସିତି ମୂମ୍ବୁ ମେସାଲି ଆ଼ଡଅମି। 27ଏଚେଟିଏ ନୀ ହ଼ଲେଏସି ମା଼ ତାଞ୍ଜି ମାଙ୍ଗେ ଏଲେଇଞ୍ଜାତେସି, ‘ସାମା ମୀରୁ ପୁଞ୍ଜାମାଞ୍ଜେରି ନା଼ ଡକ୍ରି ରାହେଲକି ରୀ ମୀର୍କା ମାଚେରି। 28ଏ଼ୱାରି ବିତ୍ରାଟି ରଅସି ନା଼ ତା଼ଣାଟି ହାଚେସି, ଏଚେଟିଏ ନା଼ନୁ ଏଲେଇଚେଏଁ, ଏ଼ୱାସି ସାତେଏ ଜା଼ଡ଼ା ଜ଼ନ୍ତ ତଲେ ଗାଣ୍ତ୍ରା ଗାଣ୍ତ୍ରା କିୱିଆ଼ତେସି, ଇଚିହିଁ ଏ଼ ଦିନାଟିଏ ନା଼ନୁ ଅ଼ଡ଼େ ଏ଼ୱାଣାଇଁ ମେସାହିଲଅଁ। 29ନା଼ ତା଼ଣାଟି ନୀଏଁ ଈୱାଣାଇଁ ଅ଼ଦେରି ଅ଼ଡ଼େ ଈୱାଣାଇଁ ଏ଼ନାଆଁ ଆ଼ତିସାରେ, ମୀରୁ ନାଙ୍ଗେ ତା଼ର୍ୟୁଁ କାମ୍ବିତି ବେ଼ଲାତା ଦୁକୁତଲେ ହା଼କିତା ମେତ୍ହାଦେରି।’”
30“ଏ଼ଦାଆଁତାକି ନୀ ହ଼ଲେଏସି ନା଼ ଆ଼ବା ତା଼ଣା ନା଼ନୁ ହାଚିହିଁ, ମା଼ ତଲେ ଈ କକାସି ଡ଼ୟଅସି, ଆତିହିଁ ଈ କକାସି ହିଲାଆଗାଟାଣି ମେସାହାଁ ଦେବୁଣିଏ ଏ଼ୱାସି ହା଼ହା ହାନେସି। 31ଇଚିହିଁ ଆ଼ବାତି ଜୀୱୁ କକାଣି ଜୀୱୁ ତଲେ ରୂପ୍ୱି ଆ଼ହାମାନେ, ଏଚେଟିଏ ନୀ ଈ ହ଼ଲିୟାଙ୍ଗା ଦୁକୁତା କାମ୍ବିତି ତା଼ର୍ୟୁଁତଲେ ନୀ ହ଼ଲେଏସି ମା଼ ଆ଼ବାଇଁ ମାହ୍ଣି ମାଣ୍ତାତା ପାଣ୍ତାଦି। 32ଅ଼ଡ଼େ, ନୀ ହ଼ଲେଏଣାତେଏଁ ନା଼ନୁ, ନା଼ ତାଞ୍ଜି ତା଼ଣା ଈ କକାଣାକି ଦା଼ୟି ଆ଼ହା ୱେସାମାଇଁ, ନା଼ନୁ ଏ଼ୱାଣାଇଁ ନୀ ତା଼ଣା ତାଅଁ, ଆତିହିଁ ନା଼ନୁ ନା଼ ହା଼ନି ପାତେକା ତାଞ୍ଜି ତା଼ଣା ଦ଼ହ ଗାଟାତେଏଁ ଆ଼ଇଁ। 33ଏ଼ଦାଆଁତାକି ବାତିମା଼ଲି ମାଞ୍ଜାଇଁ, ସା଼ୱୁକାରି ନ଼କିତା ଈ କକାଣି ବାଦୁଲି ନା଼ନୁ ନୀ ହ଼ଲେଏଣାତେଏଁ ଆ଼ଇଁ, ସାମା ଈ କକାଣାଇଁ ତାୟିୟାଁ ତଲେ ହାଜାଲି ହେଲ ହୀମୁ। 34ଇଚିହିଁ ଈ କକାସି ନା଼ ତଲେ ଡ଼ୟାଆସାରେ ନା଼ନୁ ଏ଼ନିକିଁ ଆ଼ବା ତା଼ଣା ହାଜାଲି ଆ଼ଡିଇଁ ? ଇଞ୍ଜାଁ ନା଼ ଆ଼ବାକି ଏ଼ନି ବା଼ଦା ୱା଼ତିହିଁ ଏ଼ଦାଆଁ ଏ଼ନିକିଁ ମେସାଲି ଆ଼ଡିଇଁ ?”
Currently Selected:
ମୂଲୁ 44: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
ମୂଲୁ 44
44
ଜା଼ଙ୍ଗିତି ଗିନା
1ଏଚେଟିଏ ଜସେପ ତାନି ଇଲୁତି ଗୁମୁସ୍ତାଇଁ ହୁକୁମି ହୀତେସି, “ଈ ଲ଼କୁତି ଗ଼ଣି ଏଚେକା ଆହ୍ନେ ଏଚେକା ନେଞ୍ଜିକିମୁ, ଅ଼ଡ଼େ ବାରେତି ଟାକାୟାଁ ତାମି ଗ଼ଣି ବିତ୍ରା ପାରୁତା ଇଟାମୁ। 2ଅ଼ଡ଼େ ଡା଼ୟୁ ପୁର୍ଡୁଣା ଗ଼ଣିତା କା଼ଦି କଡିନି ଟାକାୟାଁ ତଲେ ନା଼ ୱେଣ୍ତି ଗିନା, ଇଟାମୁ।” ଏଚେଟିଏ ଏ଼ୱାସି ଜସେପ ୱେସ୍ତିଲେହେଁ କିତେସି। 3ଅ଼ଡ଼େ ଲା଼ଇ ୱେ଼ୟନିଏ ତାମି ଗା଼ଡ଼୍ଦେୟାଁ ତଲେ ହେଲ ବେଟାଆ଼ତେରି। 4ଏଚେଟିଏ ଏ଼ୱାରି ଗା଼ଡ଼ାଟି ହେକ ହାଲାଆ ନ଼କେଏ, ଜସେପ ତାନି ଇଲୁତି ଗୁମୁସ୍ତାଇଁ ଏଲେଇଚେସି, “ନୀନୁ ଏ଼ୱାରି ଜେ଼ଚ ଜେ଼ଚ ହାଜାହାଁ ଏ଼ୱାରି ତା଼ଣା ଏଜାହାଁ ଏ଼ୱାରାଇଁ ଏଲେଇନାମୁ, ‘ମୀରୁ ନେହାଣି ବାଦୁଲି ଏ଼ନାଆଁତାକି ଲାଗେଏ କିତେରି ? 5ନା଼ ସା଼ୱୁକାରି ଏ଼ନୱା ଗହ୍ନେସି ଅ଼ଡ଼େ ଏମିନାଣି ସ଼ଗୁ ତାକି ଲେମ୍ବିୱିତେସି ଏ଼ ଗିନା ଈଦି ଆ଼ଏକି ? ଇଲେତି କାମା ତଲେ ମୀରୁ ଦ଼ହ କିହାମାଞ୍ଜେରି।’”
6ଏଚେଟିଏ ଏ଼ ହ଼ଲେଏସି ଏ଼ୱାରି ତା଼ଣା ଏଜାହାଁ ଈ ବାରେ କାତା ଏଲେଇଚେସି। 7ଏଚେଟିଏ ଏ଼ୱାରି ଏ଼ୱାଣାଇଁ ଏଲେଇଚେରି, “ମା଼ ସା଼ୱୁକାରି ଏ଼ନାଆଁତାକି ଇଲେକିହିଁ ଜ଼ଲିମାନେସି ? ନୀ ହ଼ଲିୟାଙ୍ଗା ଇଲେତି କାମା କିନାୟି ହେକ ମାନାପେ। 8ମେହ୍ମୁ ମା଼ ଗ଼ଣିତା ତଲିତି ଏମିନି ଟାକାୟାଁ ବେଟାଆ଼ହାମାଚମି; ଏ଼ୱାଆଁ ମା଼ମ୍ବୁ କିଣାନ ଦେ଼ସାଟି ୱେଣ୍ତେ ମୀ ତା଼ଣା ତାଚାମାଚମି; ଆତିହିଁ ଏ଼ନିକିଁ ମା଼ ସା଼ୱୁକାରି ଇଲୁଟି ବାଂଗାରା କି ୱେଣ୍ତି ସ଼ରୁ କିନମି। 9ନୀ ହ଼ଲିୟାଙ୍ଗା ତା଼ଣାଟି ଆମ୍ବାଆରି ତା଼ଣା ମେ଼ଡ଼ାଆ଼ନେ, ଏ଼ୱାସି ହା଼ନେସି, ଅ଼ଡ଼େ ମା଼ମ୍ବୁ ଜିକେଏ ନୀ ହ଼ଲିୟାଙ୍ଗା ଆ଼ନମି।”
10ଏଚେଟିଏ ଏ଼ୱାସି ଏଲେଇଚେସି, “ନେହେଁ ମୀ କାତା ଲେହେଁ ଆ଼ପେ; ଆମ୍ବାଆରି ତା଼ଣାଟି ଏ଼ଦି ମେ଼ଡ଼ାଆ଼ନେ, ଏ଼ୱାସି ମା଼ ହ଼ଲିୟା ଆ଼ନେସି, ସାମା ଏଟ୍କାତାତେରି ଦ଼ହ ହିଲାଆଗାଟାତେରି ଆ଼ଦେରି।” 11ଏଚେଟିଏ ଏ଼ୱାରି ଦେବୁଣିଏ ଜାହା ଜାହାରା ଗ଼ଣିୟାଁ ରେ଼ପ୍ହାଁ ବାରେ ଜାହା ଜାହାରା ଗ଼ଣିୟାଁ ରିକ୍ହେରି। 12ଏ଼ ଗୁମୁସ୍ତା ପା଼ଣ୍ୱାଟିଏ ମା଼ଟ୍ହାଁ ଡା଼ୟୁ ପୁର୍ଡୁଣା ପାତେକା ପାରିହିଁ ହାଚେସି, ଅ଼ଡ଼େ ବିନ୍ୟାମିନ୍ ଗ଼ଣିତା ଏ଼ ଗିନା ମେ଼ଡ଼ାଆ଼ତେ। 13ଏଚିବେ଼ଲା ଏ଼ୱାରି ଜାହା ଜାହାରା ବାସ୍ତେରିକା ଗେସ୍ତେରି, ଅ଼ଡ଼େ ବାରେ ଜା଼ଣା ଗା଼ଡ଼୍ଦେୟାଁଣା ଗ଼ଣିୟାଁ ଏକ୍ହାଁ, ଅ଼ଡ଼େ ଗା଼ଡ଼ାତା ୱେଣ୍ତାହାଚେରି।
14ଜୀହୁଦା ଅ଼ଡ଼େ ତାନି ତାୟିୟାଁ ଜସେପ ଇଲୁତା ହ଼ଟେରି, ଜସେପ ଏଚିବେ଼ଲା ପାତେକା ଏମ୍ବେଏ ମାଚେସି; ଇଞ୍ଜାଁ ଏ଼ୱାରି ଏ଼ୱାଣି ନ଼କିତା ମୁନୁ କୁତିତେରି। 15ଏଚେଟିଏ ଜସେପ ଏ଼ୱାରାଇଁ ଏଲେଇଚେସି, “ମୀରୁ ଏ଼ନିଲେହେଁତି କାମା କିତେରି ? ନା଼ ଲେହେଁତି ଲ଼କୁ ସ଼ଗୁ ସିନିକିହାଁ ପୁନେସି, ଈଦାଆଁ ମୀରୁ ପୁନାଆତେରି ?”
16ଏଚେଟିଏ ଜୀହୁଦା ଏଲେଇଚେସି, “ମା଼ମ୍ବୁ ଅ଼ଡ଼େ ସା଼ୱୁକାରି ନ଼କିତା ଏ଼ନାଆଁ ୱେହ୍ନମି ? ଅ଼ଡ଼େ ଏ଼ନି କାତା ଜ଼ଲିନମି ? ଅ଼ଡ଼େ ଜାହାରାଇଁ ଏ଼ନିକିହିଁ ଦ଼ହ ହିଲାଆ ଗାଟାତମି କିନମି ? ମାହାପୂରୁ ନୀ ହ଼ଲିୟାଙ୍ଗାତି ଦ଼ହ ତ଼ସାମାନେସି; ମେହ୍ମୁ, ଆମ୍ବାଆରି ତା଼ଣାଟି ଗିନା ମେ଼ଡ଼ା ଆ଼ହାମାନେ ଏ଼ୱାସି ଇଞ୍ଜାଁ ମା଼ମ୍ବୁ ବାରେ ନୀ ହ଼ଲିୟାଙ୍ଗା ଆ଼ନମି।”
17ଏଚେଟିଏ ଜସେପ ଏଲେଇଚେସି, “ଇଲେତି କାମା ନା଼ ତା଼ଣାଟି ହେକ ଆ଼ପେ; ଆମ୍ବାଆରି ତା଼ଣାଟି ଗିନା ମେ଼ଡ଼ା ଆ଼ହାମାନେ, ଏ଼ୱାସି ମା଼ ହ଼ଲିୟା ଆ଼ନେସି; ସାମା ମୀରୁ ରା଼ହାଁ ତଲେ ମୀ ଆ଼ବା ତା଼ଣା ହାଜୁ।”
ଜୀହୁଦା ବିନ୍ୟାମିନ୍ ତାକି ଗ଼ହାରା
18ଏଚେଟିଏ ଜୀହୁଦା ଜସେପ ତା଼ଣା ହାଜାହାଁ ଏଲେଇଚେସି, “ସା଼ୱୁକାରି ନୀ ଈ ହ଼ଲେଏଣାଇଁ ନୀ ନ଼କିତା ର଼ କାତା ଜ଼ଲାଲି ହେଲ ହିୟାମୁ, ନୀ ହ଼ଲେଏଣାକି ନୀ କାର୍ବି ହ଼ଆପେ; ଇଚିହିଁ ନୀନୁ ପା଼ର ସମାନା। 19ସା଼ୱୁକାରି ନୀ ହ଼ଲିୟାଙ୍ଗାଣି ୱେଞ୍ଜାମାଞ୍ଜାତି, ‘ମୀ ଆ଼ବା କି ତାୟି ମାନେସି ?’ 20ଏଚେଟିଏ ମା଼ମ୍ବୁ ସା଼ୱୁକାରିଇଁ ଏଲେଇଞ୍ଜା ମାଞ୍ଜାତମି, ମା଼ ଆ଼ବା ମାନେସି, ଏ଼ୱାସି ବୁଡ଼୍ହା ମାଣ୍ସି; ତାନି ବୁଡ଼୍ହା ବେ଼ଲାତି ରଣ୍ତିଏ ମୀର୍ଏସି ମାନେସି; ଏ଼ୱାସି ଊଣା ତାୟି; ସାମା ତାନି ତାୟି ହା଼ତେସି, ଅ଼ଡ଼େ ଏ଼ୱାସି ତାନି ଇୟାନି ରଣ୍ତିଏ ମୀର୍ଏସି; ଏ଼ଦାଆଁତାକି ତାମି ଆ଼ବା ଏ଼ୱାଣାଇଁ ହା଼ରେକା ଜୀୱୁ ନ଼ନେସି। 21ଏଚେଟିଏ ନୀନୁ ଈ ହ଼ଲିୟାଙ୍ଗାଣି ଏଲେଇଞ୍ଜାମାଚି, ‘ମୀରୁ ଏ଼ୱାଣାଇଁ ନା଼ ତା଼ଣା ତାଦୁ, ନା଼ନୁ ଏ଼ୱାଣାଇଁ ନା଼ କାନୁ ତଲେ ମେହ୍ଇଁ।’ 22ଏଚେଟିଏ ମା଼ମ୍ବୁ ସା଼ୱୁକାରିଇଁ ଏଲେଇଞ୍ଜା ମାଚମି, ‘ଏ଼ କକାସି ତାନି ଆ଼ବାଇଁ ପିସାଲି ଆ଼ଡଅସି; ଏ଼ୱାସି ତାମି ଆ଼ବାଇଁ ପିସା ୱା଼ତିସାରେ, ଆ଼ବା ହା଼ହା ହାନେସି।’ 23ଏଚେଟିଏ ନୀନୁ ଈ ହ଼ଲିୟାଙ୍ଗାଇଁ ଏଲେଇଚି, ‘ମୀ ଊଣା ତାୟି ମୀ ତଲେ ୱା଼ଆସାରେ ମୀରୁ ଅ଼ଡ଼େ ନା଼ ମୂମ୍ବୁ ମେସାଲି ଆ଼ଡଅତେରି।’”
24ଏଚେଟିଏ ମା଼ମ୍ବୁ ନୀ ହ଼ଲେଏସି ମା଼ ଆ଼ବା ତା଼ଣା ଏଜାହାଁ ସା଼ୱୁକାରିତି ବାରେ କାତା ୱେସ୍ତମି। 25ଏଚେଟିଏ ମା଼ ଆ଼ବା ଏଲେଇଞ୍ଜାତେସି, “ମୀରୁ ୱେଣ୍ତେ ହାଜାହାଁ ମା଼ ତାକି ରଚାଣି କା଼ଦି କଡା ତାଦୁ।” 26ଏଚେଟିଏ ମା଼ମ୍ବୁ ଏଲେଇଚମି, “ମା଼ମ୍ବୁ ହାଜାଲି ଆ଼ଡଅମି; ଊଣା ତାୟି ମା଼ ତଲେ ଡ଼ୟିନେସି, ଆତିହିଁ ହାଜାଲି ଆ଼ଡିନମି; ଇଚିହିଁ ଊଣା ତାୟି ମା଼ ତଲେ ହିଲାଆସାରେ, ମା଼ମ୍ବୁ ଏ଼ ମାଣ୍ସିତି ମୂମ୍ବୁ ମେସାଲି ଆ଼ଡଅମି। 27ଏଚେଟିଏ ନୀ ହ଼ଲେଏସି ମା଼ ତାଞ୍ଜି ମାଙ୍ଗେ ଏଲେଇଞ୍ଜାତେସି, ‘ସାମା ମୀରୁ ପୁଞ୍ଜାମାଞ୍ଜେରି ନା଼ ଡକ୍ରି ରାହେଲକି ରୀ ମୀର୍କା ମାଚେରି। 28ଏ଼ୱାରି ବିତ୍ରାଟି ରଅସି ନା଼ ତା଼ଣାଟି ହାଚେସି, ଏଚେଟିଏ ନା଼ନୁ ଏଲେଇଚେଏଁ, ଏ଼ୱାସି ସାତେଏ ଜା଼ଡ଼ା ଜ଼ନ୍ତ ତଲେ ଗାଣ୍ତ୍ରା ଗାଣ୍ତ୍ରା କିୱିଆ଼ତେସି, ଇଚିହିଁ ଏ଼ ଦିନାଟିଏ ନା଼ନୁ ଅ଼ଡ଼େ ଏ଼ୱାଣାଇଁ ମେସାହିଲଅଁ। 29ନା଼ ତା଼ଣାଟି ନୀଏଁ ଈୱାଣାଇଁ ଅ଼ଦେରି ଅ଼ଡ଼େ ଈୱାଣାଇଁ ଏ଼ନାଆଁ ଆ଼ତିସାରେ, ମୀରୁ ନାଙ୍ଗେ ତା଼ର୍ୟୁଁ କାମ୍ବିତି ବେ଼ଲାତା ଦୁକୁତଲେ ହା଼କିତା ମେତ୍ହାଦେରି।’”
30“ଏ଼ଦାଆଁତାକି ନୀ ହ଼ଲେଏସି ନା଼ ଆ଼ବା ତା଼ଣା ନା଼ନୁ ହାଚିହିଁ, ମା଼ ତଲେ ଈ କକାସି ଡ଼ୟଅସି, ଆତିହିଁ ଈ କକାସି ହିଲାଆଗାଟାଣି ମେସାହାଁ ଦେବୁଣିଏ ଏ଼ୱାସି ହା଼ହା ହାନେସି। 31ଇଚିହିଁ ଆ଼ବାତି ଜୀୱୁ କକାଣି ଜୀୱୁ ତଲେ ରୂପ୍ୱି ଆ଼ହାମାନେ, ଏଚେଟିଏ ନୀ ଈ ହ଼ଲିୟାଙ୍ଗା ଦୁକୁତା କାମ୍ବିତି ତା଼ର୍ୟୁଁତଲେ ନୀ ହ଼ଲେଏସି ମା଼ ଆ଼ବାଇଁ ମାହ୍ଣି ମାଣ୍ତାତା ପାଣ୍ତାଦି। 32ଅ଼ଡ଼େ, ନୀ ହ଼ଲେଏଣାତେଏଁ ନା଼ନୁ, ନା଼ ତାଞ୍ଜି ତା଼ଣା ଈ କକାଣାକି ଦା଼ୟି ଆ଼ହା ୱେସାମାଇଁ, ନା଼ନୁ ଏ଼ୱାଣାଇଁ ନୀ ତା଼ଣା ତାଅଁ, ଆତିହିଁ ନା଼ନୁ ନା଼ ହା଼ନି ପାତେକା ତାଞ୍ଜି ତା଼ଣା ଦ଼ହ ଗାଟାତେଏଁ ଆ଼ଇଁ। 33ଏ଼ଦାଆଁତାକି ବାତିମା଼ଲି ମାଞ୍ଜାଇଁ, ସା଼ୱୁକାରି ନ଼କିତା ଈ କକାଣି ବାଦୁଲି ନା଼ନୁ ନୀ ହ଼ଲେଏଣାତେଏଁ ଆ଼ଇଁ, ସାମା ଈ କକାଣାଇଁ ତାୟିୟାଁ ତଲେ ହାଜାଲି ହେଲ ହୀମୁ। 34ଇଚିହିଁ ଈ କକାସି ନା଼ ତଲେ ଡ଼ୟାଆସାରେ ନା଼ନୁ ଏ଼ନିକିଁ ଆ଼ବା ତା଼ଣା ହାଜାଲି ଆ଼ଡିଇଁ ? ଇଞ୍ଜାଁ ନା଼ ଆ଼ବାକି ଏ଼ନି ବା଼ଦା ୱା଼ତିହିଁ ଏ଼ଦାଆଁ ଏ଼ନିକିଁ ମେସାଲି ଆ଼ଡିଇଁ ?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025