ଗାଲା ମୂଲୁ ହା଼ଡା
ମୂଲୁ ହା଼ଡା
ଗାଲାତିୟ ଆ଼କୁ ପାଣ୍ତ୍ୱିଆ଼ହାମାନି ପା଼ୱୁଲ ତା଼ଣାଟି ରା଼ସ୍କି ଆ଼ହାମାନେ ୧:୧ । ଈ ଆ଼କୁ ଜୀସୁ କ୍ରୀସ୍ତ ଜାର୍ନାତି ଡା଼ୟୁ ୪୮ ଟିଏ ୫୭ ବାର୍ସା ବିତ୍ରା ଗାଲାତିୟ କୁଲମିତି ନାମିତି ତାୟିୟାଁକି ରା଼ସ୍କି ଆ଼ହାମାଚେ । ଗାଲାତିୟ ଲ଼କୁ ରମିୟ ଦେ଼ସାତି ଗାଲାତିୟ ଇନି ଟା଼ୟୁତା ବାସା କିହା ମାଣ୍ମ୍ବିନେରି । ପା଼ୱୁଲ ଈ ଆ଼କୁ ରା଼ଚିତି ବେ଼ଲା ଆମ୍ବିୟା ମାଚେସି ଈଦାଆଁ ବୁଦିଗାଟାରି ଜିକେଏ ପୁଞ୍ଜାହିଲଅରି । ସାମା ଏପିସିୟ ଆ଼ଆତିଁ କରନ୍ତି ଈ ରୀ ଟା଼ୟୁତା ମାଞ୍ଜା ଡ଼ୟିନେସି ଇଞ୍ଜିଁ ଇନେରି ।
ପା଼ୱୁଲ ଗାଲାତିୟ କୁଲମିତି ଜୀହୁଦି ଅ଼ଡ଼େ ଜୀହୁଦିଆ଼ଆତି କ୍ରୀସ୍ତାନା ଲ଼କୁଣି ଟା଼ୟୁ ପୁଣ୍ମ୍ବି କିହାଁ ଆ଼କୁ ରା଼ଚିମାନେସି । ଏ଼ୱାସି ମିଚି ଜା଼ପ୍ନାରି ତା଼ଣାଟି ହେକ ଆ଼ହାଲି ରା଼ଚାମାନେସି, କ୍ରୀସ୍ତାନା ଲ଼କୁଣି ପ୍ଣାଃଇ ମେ଼ରାତି ଜୀହୁଦି ହୁକୁମିତି ମା଼ନୱି ଆ଼ହାଲି ଅ଼ଡ଼େ ବାରେକିହାଁ ତ଼ଲୁ ଦା଼ପିଆ଼ନି ମେ଼ରା ୱେସିମାନେସି, କ୍ରୀସ୍ତାନା ଲ଼କୁ ବିତ୍ରା ଏଚେକା ମାଚେରି ଏମିନିଗାଟାରି ଜୀହୁଦି ଦାର୍ମୁତି ଆବିତାରି । ଏ଼ୱାରି ଜିକେଏ ପା଼ୱୁଲତି ପାଣ୍ତ୍ୱିଆ଼ହାମାନି ଅଦିକାରାତି ୱେଞ୍ଜିମାଚେରି । ପା଼ୱୁଲ ଏଚେକା ପୁସ୍ପନିକା ତଲେ ତାନି ପାଣ୍ତ୍ୱିଆ଼ହାମାନି କାତା ୱେସାନା ଏ଼ୱାରାଇଁ ମୁଦା କିହାମାଚେସି ୧:୧୧; ୨:୧୪ ଅ଼ଡ଼େ ଜୀସୁ କ୍ରୀସ୍ତଇଁ ନାମିସାରେ ଗେଲ୍ପି ଆ଼ନାୟି ଈ କାତା ୱେସାନା ନେହିଁ କାବ୍ରୁତି ଗେଲ୍ପି ମାନେସି ୨:୧୬ । ମାଣ୍ସି ଏ଼ନାଆଁ କିନେସି ଏମ୍ବାଟି ଆ଼ଏ ସାମା ମାହାପୂରୁତି କାର୍ମାଟି ଆ଼ନେ ।
ପତିତା ମାନାୟି
୧ ପା଼ୱୁଲତି ଜହରା । ୧:୧-୫
୨ ପା଼ୱୁଲତି ତଲିତି ଜୀୱୁ ଅ଼ଡ଼େ ଜା଼ପ୍ନି ଅଦିକାରା କାମା କିନାୟି । ୧:୬–୨:୨୧
୩ ମେ଼ରାତି କାମା ଅ଼ଡ଼େ ମାହାପୂରୁ କାର୍ମାଟି ଗେଲ୍ପି ଆ଼ନାୟି । ୩:୧–୪:୩୧
୪ ନେହିଁ କ୍ରୀସ୍ତାନା ଆ଼ହାଁ ନୀଡାଲି ୱେହ୍ନାୟି । ୫:୧–୬:୧୦
୫ ପା଼ୱୁଲ ଜହରା କିହାଁ ଆ଼କୁତି ରା଼ପ୍ନାୟି । ୬:୧୧-୧୮
Currently Selected:
ଗାଲା ମୂଲୁ ହା଼ଡା: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025